治癒羔羊 (Closed)

好吃好拍好買好舒服的Cafe今天跟朋友選擇來到這家Cafe來悠閒一下, 有在網路上看了一下已經好期待了我點的是菠菜焗薯跟Latte, 友人點了All Day Breakfast 跟蜂蜜牛奶餐送上來的時候我們已經嘩嘩嘩, 看到就覺得好美味了. 焗薯有幾個口味(菠菜, 煙肉, 碎蛋)給你選擇,還會沙拉菜小蕃茄跟茄汁豆熱熱的整塊芝士一插進去一口吃下去真的太配了好好吃菠菜蠻多的不會太膩朋友的All Day Breakfast 也蠻多的, 驚喜的是超大的Croissant, 外面的大多數都是吐司這裡真的會讓女生們很喜歡而家不會悶吃一吃還可以Shopping, 買一下衣服跟飾物好棒這一家一定會再來的啦

呢間cafe嘅擺設都好簡約，充滿小清新嘅感覺好適合女仔們去打卡呢度有個搖籃位，不過都唔敢太大動作，驚會坐壞左😂仲有塌塌米位，個個角落都係影相嘅好地方我地叫左杯牛奶抹茶同咖啡仲有all day breakfast，料多又好食。呢間cafe唔多人，影相都影啲。

位於長沙灣工廠大廈內新開的治癒系咖啡店，到處也是打卡位，而且燈光好夠影相完全唔需要執光，環境舒適，100分！原本上黎係想試試佢嘅千層蛋糕，下午三點幾已經賣晒勁失望！咁唯有叫個焗薯同chocolate brownie，可能係新開嘅關係，水準未算穩定，而且個焗薯係暖嘅味道方面只屬一般，不過勝在真係唔太多人，可以安安靜靜同朋友享受下午的時光期待下次再次光顧的時候水準會有進步，我唸會有下次，因為我想試下個千層蛋糕

位置雖然唔大，但空間感十足，可以打下卡照相，同朋友吹下水唔錯，仲有少量衣服同飾物買，營業時間到夜晚7點，想去星期六/日去好d,放工去好趕下甜品無睇，好似睇其網評唔錯主餐選擇唔多，叫左個all day breakfast 成碟野最好味個牛角包，其他無咩特別，另外叫左黑松露薯角，我覺得唔錯，但朋友話唔好食，因為係焗既唔係炸到脆卜卜果隻我杯蝶豆花梳打好味，冰都係蝶豆花整，唯一問題係太細杯朋友杯菊花紅棗杞子茶好淡，原因係成壺得菊花杞子菊花各得兩粒

之前見到有網頁推薦 於是趁番工之前有時間 就同朋友去左依度食地方好易搵 係地鐵站C1出既話就直行已經到左晶榮大廈 如果行A1既話就要兜個圈先到D座 地點方面都好方便入到去 第一眼係見到有個小角落位擺左啲飾物同衫賣 地方其實都幾大 擺既座位都好寬鬆 俾人感覺好舒服 同朋友分別點左Ocean soda ,healing Soda 同埋玫瑰千層蛋糕及伯爵茶千層蛋糕 。 賣相真係好靚 Soda會配上雪糕 最特別係 冰塊係有顏色既 所以賣相好靚好特別 打卡必用味道方面 Ocean Soda味道有點淡 不過如果加埋雪糕都中和到會濃番小小 而Healing Soda味道都唔錯 唔會好淡蛋糕方面 首先係玫瑰千層蛋糕 賣相好靚 入口第一啖係好香玫瑰味 味道好吃 而伯爵茶千層蛋糕都好好味 好香伯爵茶味道 同時好多Cream 好「漏」 打卡位置唔算多 不過特別在有個可以躺既位置 可以懶洋洋咁享受下寧靜 又可以打下卡

想食tea 所以同老公近近地貢左上去，環境係唔差嘅，但食物就真係貴得黎唔好食，拍得住我去中上環食tea 嘅價，MC cafe 都好食過佢幾條街呀，個 all day breakfast 難食到一個點，千層蛋糕又過甜，本身自己好中二食甜野，野飲都沖得好一般

逛完長沙灣，媽咪話想飲咖啡，諗起早前佢提過附近有間新開既樓上cafe好似幾靚，咁當然要試試治一下咖啡毒癮！環境總算舒服，服務的女生有禮。甫坐下立刻點了2杯牛奶咖啡，等上10分鐘女生端上咖啡，一看心知不妙。。。奶泡鬆散粗燥，少了幼滑感覺，2杯的奶泡厚薄相差有距離，打奶泡的時間與溫度有待改善。拉花圖案對我來說不是首要條件，錦上添花而已，但畫花也弄得這樣勉強，倒不如回歸簡單吧！味道方面，沒有咖啡香，淡而無味，只喝到牛奶，喝一口奶泡已散開。最後，喝了還是治癒不了我和媽咪的咖啡毒癮！

成日捐窿捐罅搵啲好嘢食因為本人都好鍾意去cafe假日可以坐下食下cake飲杯嘢，享受人生位於長沙灣呢間cafe店係舊樓上樓，入到去已經係9成滿，好好彩地我哋坐到最後一張枱見到cafe佈置得好靚，有花花，又有台灣風格，即刻覺得無黎錯，心情靚靚呢度嘅蛋糕都係自己整嘅，我哋叫咗千層蛋糕玫瑰千層蛋糕同埋蜂蜜千層蛋糕蛋糕質素非常之高，每一層都有少少cream，唔會太多亦唔會太漏。玫瑰味好香 賣相好靚好有心思! 蛋糕上面仲有少少玫瑰花瓣好靚蜜糖味亦都好香，好好味杯healing soda好夢幻，粉紅色，充滿少女風，治癒signature另外仲叫咗蘋果玫瑰茶，茶味偏苦，但還可以接受。cafe有好多好靚嘅影相位，而且仲有一啲產品寄賣：有花、 有衫、飾物等等。十足十台灣嘅cafe咁間嘢叫治癒羔羊，去完真係好治癒，好靚一定會再去

呢間咖啡店係喺位於長沙灣嘅工廠區，一開頭喺網上面見到呢間咖啡店，係俾個店名吸引左再望下咖啡店嘅佈置真係好靚，完全係我杯茶，所以一直擺咗係個Wish list度好耐，今日終於得閒過嚟飲杯嘢chill下啦😜😜😜不過原來呢間鋪頭都有啲山旮旯，最後都上到嚟啦，門口嗰塊版好正呀啲字，更加期待裏面嘅裝飾原來呢度樓底好高，亦都好闊落，我以為得好少空間，再望下Menu睇吓有咩飲啦，我覺得佢個咖啡種類比較少，例如我想飲flat white就冇啦😫😫😫😫最後嗌咗個Lattle，朋友嗌左杯綠茶牛奶冰我杯Lattle就好麻麻，係就係叫牛奶咖啡，但係成杯都係牛奶味，完全飲唔到咖啡味，朋友杯綠茶牛奶冰，啲綠茶🍵無咩味既，不過係幾得意嘅，將啲綠茶雪左做一粒粒嘅冰，再自己加啲牛奶落去，影相打卡係一流的。雖然嘢飲係好一般，不過我鐘意哩度嘅環境，依家好難有兩全其美嘅咖啡店架啦，加油呀

真係冇諗過工廠大廈會有寧靜環境，因為見到其他食評同相好吸引，我同朋友12點半上去cafe，心諗會唔會好多人呢？原來唔係我地係第一枱客，坐在係地下好似野餐既位置影相，而食物方面以輕食為住，所以我地叫左焗薯、是日All day breakfast、士多啤梨soda同百爵茶千層蛋糕，雖然得老闆娘一個人做，但服務都好好，食物味道一流，環境好舒服，值得一讚就係千層蛋糕，每一啖充滿百爵茶香，同老闆娘好好人問一問我地係咪食完主菜最後先上👍🏻👍🏻

平時一向都中意去啲cafe仔影下相，食下野chill下～朋友去完呢到大推！叫我一定要黎，影相打卡位超多😍唔使返深圳都有令cafe喇香港～地點都幾方便架😊值得一去上面個環境真係幾正幾chill~咁岩個日係平日，所以人不多，可以放心影寫相🤣🤣👉🏿✨烤芝士碎蛋焗薯 Hkd 78 💸📌價錢有點小甜，不過呢到最低消費30蚊，之後可以係到坐足成日，同朋友上黎plan下行程什麼的也是不錯喇😊佢啲薯仔整到好淋身，綿密得黎又帶有小小顆粒感，口感是一流🥰而且仲有埋茄汁豆同沙律菜，都算係一個brunch黎😚👉🏿✨烤芝士煙肉焗薯 Hkd 78 💸📌味道都係大同小異，不過煙肉同芝士個味道會再夾啲，有小小牽絲既效果，都幾邪惡架！👉🏿✨healing soda Hkd 47 💸📌入面由七彩顏色既冰塊整成，等到啲冰溶成杯飲品就會變到超夢幻，上面仲有球雪糕，好睇又好食👌🏽打卡必備～👉🏿✨熱抹茶牛奶 Hkd 36 💸📌上面有拉花，飲落有少少甘香，抹茶味都幾出，冬天梨花杯熱飲就最好不過😚✨額外提一提佢呢度嘅環境真心超正，同埋超好影，真心可以過黎hea返日😂

估唔到香港都有間裝修得咁靚嘅cafe🌿打卡No problem💁‍♀️✨ 滿杯青提起泡飲都幾握Like!🍇加左Qoo白提子汁同雪碧，飲落偏甜玫瑰花千層蛋糕亦系打卡之選🍰加上玫瑰醬系面，個醬系幾香🌹不過食落千層皮竟然系燶左，帶小許燶味😂😂相中都略見黑左啲，相對上有啲失色！烤芝士碎蛋焗薯就做得比較出色！開頭食差不多每啖都做到拉芝效果💁‍♀️芝士分配得吾錯，料亦算系足～薯仔可以再熱啲就更好😊 另配有沙律同茄汁豆新店開張所以去到人流唔算好多😁環境幾靚幾大，影相吾錯👍野食就正正常啦💁‍♀️

📍長沙灣📍最新人氣IGable文青打卡cafe☕️繁囂中一個能治癒心靈嘅地方🌿前排經開深水埗，行完又未夠鐘食晚飯，所以就搵間cafe坐下😎上到去其實都未算full，不過坐耐咗就已經full house，有唔少人上到嚟見無位都走咗🙈但係飲品方面真係睇得出店主好用心，尤其係呢杯漸變色嘅✨Healing Soda✨💗💜💛其實係草莓+波子汽水+檸檬碟豆花💙再舖上一層香草雪糕🍦飲個陣將雪糕撈勻，飲落甜甜地咁❤️仲有杯✨蘋果茶🍎✨店主仲好貼心，有埋叉俾你食生果😍打卡位就真係幾多，尤其係個個要除鞋嘅咕𠱸位，啲人仲要唔著襪直接踩上去，我諗唔洗好耐就會污糟哂🤦🏻‍♀️所以我都無係個度影相，淨係坐咗吊椅影下相過下癮就算🤣下次少人啲先去慢慢影📸餐廳仲會不斷啲好柔和嘅歌，所以餐廳都幾靜，如果上去就唔好大聲傾計啦🤫好寧靜咁過咗一個下晝🌅

見到有新開既CAFÉ, 就專程黎試試喇。位於工廠大廈內, 所以未上黎之前既環境唔算好好, LIFT比較簡陋...出LIFT後跟指示去D座, 繼續前行。雖然香港治安好, 但都建議女仔們約多個朋友一齊黎。因為去工廠食野比較少, 第1次上黎路途中既心情同平時地舖會唔同。 .入到去成個感覺唔同哂,入面好令, 環境氣氛好好,好寧靜同放鬆.叫左個菠菜焗薯, 因為相對碎蛋同煙肉, 菠菜焗薯出面比較少見…等既時間影下環境,.店內仲有一D小首飾同衫買… .由於當日係一位店員整,菠菜焗薯製作時間大約20-25分鐘,.雖然LUNCH TIME唔算多人, 但始終午飯時間有限, 所以相對等候時間會比其他食店食lunch長…建議都係有時間, 想搵個地方傾下計, 影下相, HEA下既人黎就最適合。.份量對於午餐黎講就唔算多, 輕食為主。薯仔入面好多芝士, 真係每啖都有…鐘意食芝士既你或許會鐘意,而小編就覺得芝士實太多, 反而食唔到薯仔既香味,.沙律都新鮮, 而且有好多芝麻醬, 焗豆如果熱會仲正。整體黎講店內環境佔分最多, 食物就中規中矩。 .環境係令人好舒服既, 輕食既好去處。.環境🎖🎖🎖🎖衛生🎖🎖🎖🎖人手🎖食物質

依個星期無咩心機更新，覺得依度好多foodies變哂質，少左清泉多左埋堆，賣廣告唔係問題，但去到否認會否厚臉皮左啲呢～不過都係唔好理人做咩，慶幸自己結交嘅都係好foodies～ 好啦！沉完繼續更新～.長沙灣多左一間清新落腳點-治癒羔羊🐑裝修設計行清新風格，環境感覺好舒服，仲有唔少影相位😀 影環境多過影食物相～ 旁邊有衫有手作飾物睇，可以滿足埋購物慾😛.食物方面，冰咖啡有驚喜！係用咖啡雪成嘅冰塊，加上牛奶好睇又好飲😚 熱牛奶咖啡就奶偏多無咩咖啡味🤔 .全日早餐都幾豐富，最鐘意個沙律，有唔同種類嘅沙律菜同紅橙色車厘茄😋 配上芝麻醬已經好好食～可惜其他比較普通，廚師腸好似無點煎過，牛角包有半邊烘燶左😅 三文魚批亦都係味道普通，伴碟沙律真心好食🙈 雖然食物普通，但睇得出用心，加油呀小店!!