營品

Open Now

Now Closed

難得見到標榜低油鹽糖 無味精，見到open rice 啲相唔錯，就即管試下， 叫外賣自取，手撕雞餐，包裝係精美，返到office坐低打開，真係真心X左出聲， 似廚餘， 個飯盒已經唔大，飯佔一半位置都冇， 手撕雞好似湯渣咁零零碎碎，而且唔係熱，份量我諗一個手掌份量都冇， 入面重有3大嚿又硬又凍嘅白菜仔佔左3份2 位置，成個飯盒就係咁多，係想食得健康，食少啲，但佢份量係女仔都會覺得少，加埋個清湯，盛惠70 蚊

除咗沙律，健康嘅飯餐係上環選擇唔算好多，咁啱有日放工行過見到，覺得幾得意就去試下。我叫咗海參雞件飯，包是日餐湯，燕窩另外比錢加。個飯返整體食完都算飽，嗌餐嘅時候見到商家圖好多餸，實際出到嚟份量還好，海參有一條、雞件大概7件、有幾款蔬菜片，味道超級無敵好食，有意外驚喜！但係⋯雞件都係胸骨、雞頸為主，唔係好多肉，大食人士要考慮一下。每日嘅餐湯都唔一樣，夠味、無味精，飲完唔口渴，但落咗好多茨粉最後變咗湯羹。不過計埋價錢，佢性格比都係值嘅😁 燕窩嘅配料就得水同燕窩，會額外附加一包糖漿，呢個就好抵食、真係啖啖燕窩好棉密，推介

今日經過上環見到呢間鋪幾得意就試下，嗌左個招牌五花腩飯 仲有個湯送，加錢買多左枝菊花茶飲下。五花腩有好多嚿，腩位入口即溶，冬菇好鮮甜，成個飯盒味道超正。飲完個例湯都冇口渴 一定冇落味精下次經過一定會再買

其實味道幾好，但啲五花腩煮到勁乾，好硬有待改善外賣系幾好既選擇飯盒個樣就幾美觀如果可以改善到五花籃腩唔好太乾就好了😅另外包個湯，飯盒可+10加海參整體來講，五花肉太乾有啲太少餸得三塊

請注意落咗單都會無飯取，留唔到不要緊，但會影響人哋預計食飯時間…………點解唔可以落單時就講明啦？何必又要問留乜餐加乜加物呢？浪費大家時間，店員話太忙真係唔係理由，無緣再光顧

團年飯最緊要有盤菜 第一次試"營品" 外賣好方便真心好足料 有鮑魚 有元貝 花膠 d 餸菜好入味平時食盤菜 食乜都係同一陣味 依間既盤菜食極都唔覺膩食完盤菜既餸 仲可以打埋邊爐下次家庭聚會唔想煩又想得體招呼人就會再嗌或者公司新春party 都可以考慮！真心推介🫶🏻