意壽司-心意之日本料理 (Closed)

今天與姪仔2個人去食午餐，看見網上有不錯食評，於是試一試，結果失望而回，還有一肚氣，不得不寫編食評。進入店鋪時約11：30，這時店內有大量座位，但一男一女職員一定要我們與坐在已經有另外2位進餐的4人枱，結果坐得非擠迫，但店內仍然有3份2座位，不明白為什麼要客人坐得不舒服，更令我不滿是之後有2個客人進來，但又不叫他們撘枱，十分大細超。我們點了2個餐，一個魚生飯，一個壽司加迷你烏冬，只可說價錢平，但質素比超市還差。不過待客不用心，食物出品也不會有多好。順帶一提，埋單走時仍有大量座位。

其實近來懶左好耐冇打食評，今晚去左呢間食日本野，其實都已經食左幾次，每次都好滿意，但出奇地每次個場都拍晒烏繩，都希望睇完的月光族一齊去食下。三文魚壽司，小卷，9/10，$16/2件，小卷$18一個字，正，新鮮又大件，小卷入面你見到舊三文魚真係好大舊，三文魚爆晒出黎，冇欺場三文魚鰻魚蟹子飯，10/10我每次黎都必叫，真心係好正，有三大片三文魚，兩大舊微暖鰻魚，同埋好大兜飯，一個飯都夠飽死，一句講晒正，肉嫩新鮮，最緊要係好平，真係冇得輸最後我食淨左好多飯，見得到粒粒珍珠米好分明，正三文魚鯕，9/10，$68我同愛人最近入親日本食店都好鐘意食三文魚頭或者佢地其他部位，食過好幾間（包括小店同連鎖店），今日呢條我們都覺得最好食，睇佢個樣燶，但正正因為燶燶地，好爽脆，好香，但有d位我都嫌燶，肉嫩，加上檸檬汁，同魚油文雜，真係好鬼正。另外，今日我個愛人食的係叉燒拉麵，我就覺得拉麵一般，普通平民貨色，有輕微「揀」水味，無咩特別，我都係鐘意魚生飯。另外，我地都有叫過雞軟骨串，我覺得，唔夠味，同埋唔好係串會更好。整體來說，我覺得性價比高，最緊要係平，我明明影左餐牌，但唔知點解搵唔番，但每一次只要平均100

唔知大家點睇街坊拉麵lee 個term，我自己覺得所有喺住宅/舊區開果d 日本野，又無刻意標榜係日本正宗，又唔係連鎖嘅日本餐廳，都係街坊XX。佢唔係呃你，又未必難食，但你又明知喺入面食嘅野同喺日本食嘅係好唔同。因為路經荃灣，想食個麵，見到佢價錢唔貴，就入去叫左個叉燒拉麵，連埋罐裝飲品$48，算係唔貴。三片叉燒，半隻蛋，兩片日式魚蛋，熱辣辣，食得飽，正常味道，唯一係唔夠咸，但七味粉永遠係好拍檔。食完係滿意嘅，但你可唔可以話自己食左個日式拉麵呢？不過醫肚來講 我仍然係推介嘅。d 位仲幾好坐。

今日食晏行過河背街見到有間好似新開嘅日本嘢，因為我印像中呢個位以前唔係食日本嘢嘅。喺門口望下餐牌就入咗去。裝修算幾ok簡簡單單，座位係算寬敞唔會坐到逼逼夾夾。我哋叫咗兩個定食角切雜錦刺身丼 同埋燒三文魚頭定食。啲角切刺身都算新鮮，刺身嘅量都算多。唔可以講得上係最好水準，但係可以接受。個麵豉湯太鹹飲完唔會頸渴。三文魚頭燒得好香，裏面啲肉都仲好滑。唯一要講嘅就係個三文魚頭細咗啲，如果唔係個餐係幾抵食嘅。總括嚟講呢佢呢個價錢性價比都算ok嘅，如果鍾意食日本嘢嘅朋友行開呢頭又多個選擇咯。

散叫了刺身，其中多款刺身十分薄如吞拿魚刺身，比八達通厚度還要更薄。和店長反應，店長: 係咁呀啦。入面師傅係咁樣切。要求退或換。無得退也無得換！態度十分差劣。 相信有來過這間店舖深同感受

食物及服務質素明顯轉差, 更新菜單無左以前最抵食既帶子海膽刺身。雞泡魚乾燒到乾曬, 硬骨骨同埋有點燒焦。芥末八爪魚唔新鮮勁梅,落勁重芥末企圖掩蓋唔新鮮切到癲細粒既八爪魚。刺身切到爛尾, 而且都唔抵食, 叫套餐加20蚊送得三片。價錢比以往貴左大概一成幾, 兩個人食二百四十幾蚊。以前應該二百頭就可以。侍應同廚房都好似遊魂, 落錯單上錯菜。食堂食竟然無新鮮芥末得外賣細包芥末, 仲要同個客講包芥末好辣所以淨係俾兩包我地。本身靚芥末就唔應該係得個辣字。以後都唔會再幫親。

之前一向有系福來邨分店食開，但愈黎愈多人都一段時間冇食見佢中於開第二分店就去試下拉😍 水準依然😍平靚正！拉麵較林，但好香。絕對鮮味的三文魚腩！如果可以多d選擇就更好喇！

岩岩開既新舖，諗住試下新野，入去食左生蛋鰻魚飯，食到冇乜汁，店員主動問洗吾洗幫你加d汁👍👍好好人，有笑容d送原本諗住只有生蛋同鰻魚2樣野，點知仲有菜同魚蛋絲，好好的。原來仲有平平地既每週special meals, 好想試，下次會再幫襯