意壽司-心意之日本料理 (Closed)

今日食晏行過河背街見到有間好似新開嘅日本嘢，因為我印像中呢個位以前唔係食日本嘢嘅。喺門口望下餐牌就入咗去。裝修算幾ok簡簡單單，座位係算寬敞唔會坐到逼逼夾夾。我哋叫咗兩個定食角切雜錦刺身丼 同埋燒三文魚頭定食。啲角切刺身都算新鮮，刺身嘅量都算多。唔可以講得上係最好水準，但係可以接受。個麵豉湯太鹹飲完唔會頸渴。三文魚頭燒得好香，裏面啲肉都仲好滑。唯一要講嘅就係個三文魚頭細咗啲，如果唔係個餐係幾抵食嘅。總括嚟講呢佢呢個價錢性價比都算ok嘅，如果鍾意食日本嘢嘅朋友行開呢頭又多個選擇咯。