甜入心 (Closed)

而家甜品舖都好多選擇，但係甜入心係一間我幾鍾意食嘅甜品舖其實都嚟過好幾次，鍾情於佢嘅窩夫同埋心太軟今日叫咗香蕉朱古力窩夫，店員話朱古力窩夫已經賣曬，只得返原味，有啲失望。但係仍然都好想食，咁就照叫黎到個賣相又係好吸引，一如既往保持水準窩夫新鮮整起熱辣辣，夠脆而且擺盤精美， 雪糕可以揀唔同味道，無朱古力味窩夫，緊要揀返個朱古力味嘅雪糕朱古力味雪糕上面有朱古力醬，相當濃郁，焦糖香蕉都係其中一樣好好味嘅 元素蕉面有燒到脆脆嘅焦糖，分外美美另外仲有啲cream喺隔離，有少少開心果碎，可以畀你陪埋一齊食 價錢唔貴，抵食

去到深水埗緊係要去食甜品啦，深水埗有好多出名嘅甜品店，今次就試吓呢間，佢地嘅甜品名好特別，所以就吸引咗我入去我地一行3人，就叫咗紫許有你，龍顏大怒同紅丸風花雪，我自己就食紫許有你，因為我鍾意食紫薯，紫著球有好濃郁嘅紫薯味，仲有我最鍾意食嘅芋圓同小丸子，佢有椰汁做底，全部加埋一齊都好match,下次要試埋其他甜品

明明係增輝食咗個飽飯, 但係都要搵個甜品食, 即刻 openrice search邊度有甜品啦.最近嘅就係呢間啦, 好彩早一步坐低啫. 門口有成十幾人排隊呀. 焦糖香蕉窩夫, 簡直大份到好似一個餐咁. 蕉糖夠脆,香蕉暖暖哋, 夾埋個熱窩夫, 好味道呀.  呢個芒果雪糕沙冰, 勁多配料喎, 但係都食晒  呢個好似叫個海鹽沙冰, 食唔到有咩海味喎  紫薯西米撈? 定係豆花? 剩係記得個紫薯好香甜, 飽上飽. Oero 豆腐花: 個豆腐花唔算滑，而且夾埋一齊麻麻地。雪糕代替唔到豆腐花糖水嘅甜，oero唔算脆

丸丸不忙 $34配料：芒果、芋圓、小丸子、西米、芒果汁芒果甜甜的有點過熟 西米口感幾好 唔會煮到淋哂 小丸子質感淋糯 芋圓感覺比煙韌硬身少少 好好咬！☺️食到略略既芋頭同蕃薯味 整體夠冰凍 甜度適中.紫許有你 $34配料：紫薯球、芋圓、豆腐花、小丸子、椰汁同樣有芋圓同小丸子😍椰汁好香甜 相對甜度偏高但係可接受範圍內 紫薯球真材實料 豆腐花好似布甸咁滑溜 不過可能紫薯同椰汁味太重 豆腐味較微弱

今日晚上開完會有啲肚餓，咁約左朋友食啲野路經此地，就入去睇下，竟然除左甜品之外仲有小食本身想試下黑松露吐司，點知已經賣哂唯有轉其他拉，咁就轉左煙肉吐司已預先介左四格，到我面前簡單用小小力就可以分開了有小小木魚絲配搭有芝士可以拉小小絲焦了點，但可口的這是期間限定的網紋瓜比利時窩夫網紋瓜這個名字很特別，是密瓜來的挺甜的窩夫配抹茶雪糕係絕配的，另外可選擇點糖漿，也是不錯的咁見到窩夫加$8就可以擁有到一杯特飲芳香aroma-巨峰鮮果冰茶可能不太習慣飲，會覺得無甜味

兩個女仔叫咗兩個甜品一個朱古力窩夫配焦糖香蕉一個蜜瓜布丁兩個甜品都整得好出色好有驚喜朱古力窩夫個擺盤勁靚，配色好襯，而且好精緻見到個下有少少唔捨得食佢d窩夫唔似坊間個種好硬好脆有d似表皮脆脆地，入面軟淋淋既麵包每一啖都食到幾粒少少溶既朱古力但又唔會太甜，真係好好食仲有個焦糖香蕉都好有驚喜香蕉表皮有一層好脆既焦糖包住焦糖配香蕉再加雪糕入口唔會太甜越食越想食另外個個蜜瓜布丁都好好食不過就偏甜，食到有d濟覺得都係朱古力窩夫好食d叫咗兩個甜品埋單都係108性價比算高下次去ssp會再食！

今日去咗深水埗一間甜品舖宵夜～我就叫左一個焦糖布甸椰皇子同埋榴槤千層蛋糕。焦糖布甸椰皇子裏面真係有細細個焦糖布甸，再淋上椰奶，每一啖都好好味！而布甸底層係椰汁加凝膠粉整成嘅啫喱，食落去入口即溶，口感好正！如果大家鍾意食椰子肉，食完個甜品仲可以刮啲椰子肉黎食，食完覺得好滿足！😆榴槤千層蛋糕表面有一小羹涷榴槤蓉，一啖食落去feel到好香榴槤味，鍾意食榴槤嘅朋友記得要試下！千層蛋糕中間夾雜奶油，食落去口感好正，而且亦都有榴槤味，推介比鍾意食榴槤嘅各位！焦糖布甸椰皇子HKD$39榴槤千層蛋糕HKD$33

甜入心呢間甜品鋪都開咗好耐 ，記得以前食過甜品質素都係一般，但係今次黎食，甜品質素大大提升，而且仲好好味焦糖香蕉比利時窩夫$58- 開頭都唔會抱有好大期望，點知嚟到甜品個擺盤非常有心思好靚 有兩塊窩夫，窩夫熱辣辣，即刻整朱古力味waffle入面仲有朱古力粒添而焦糖香蕉既焦糖燒得香脆，雪糕係綠茶口味，下面仲有啲餅碎同朱古力醬，配埋食幾好味$58真係一啲都唔貴，因為比起出面，呢個價錢真係比較抵，而且好食就差好遠

第一次食甜入心，係喺沙田既分店。一向都覺得佢地既甜品賣相好靚好吸引，想試下其他野。今次黎到深水埗分店，當然要試下推介食物啦！.門面設計又易認又吸引.餐牌設計同相片都好吸引呢段時間，佢地特別推薦密瓜類既甜品woo甘就揀時令既食物（期間限定）啦！揀左 特選蜜瓜比利時窩夫 $68 加配 冰藍Icy +$8顏色好靚豐富.未上桌已經聞到係廚房傳黎一陣陣好香既窩夫味啦！窩夫唔會太甜，暖暖地⋯密瓜好新鮮，唔算甜。不過雪糕有好重奶味，偏甜，配隔離嘅脆脆一齊食好夾！.波子味氣水偏淡，藍莓同橙都好新鮮！-整個甜品既味道唔算好甜，好夠飽。做下午茶都係一個唔錯既選擇

#焦糖布甸椰皇子（$39）呢個甜品分為三層，最頂是輪滑的焦糖布甸，中間是椰奶，而最低是椰子凍。焦糖布甸奶味好重，而且十分嫩滑🤣一口一啖，好快就食完了。而下面的椰奶有甜甜的，配上椰子凝凍吃，口感更加多元。值得一提的是，椰子凍好像是用椰汁加魚膠粉做的😋食落感覺好天然，沒有後期加糖的違和感。推薦～.#榴槤千層蛋糕（$33）最頂有一舊大大的榴槤肉，榴槤有雪凍上🤤呢款甜品啱晒榴槤控啦。千層蛋糕中間的奶油十分綿滑，而且隱約食到有榴槤味。我覺得有少少甜但朋友覺得剛剛好。.好味指數：7.5/10賣相指數：7/10回頭指數：7/10

今次去深水埗食甜品，8点多，它附近的店舖差不多全部巳關門。它的賣点是椰皇。我們分別叫了一個椰皇燉鲜奶湯丸，芝麻糊加$5有紅豆。小椰皇可刮到些椰肉，加3粒芝麻湯丸，也有鲜奶味，不錯啦。芝麻糊就麻麻地，我覺得不夠滑，最可惜是加了$5的紅豆，份量少得驚人🤣店舖入門口處，放了一部水机，寫住免費英式果茶。當然要試吓啦，感覺是一杯冇果味，又清又淡嘅茶。如果要俾錢，就一定吾係我杯茶啦。整體不過不失啦，但我就未必專登搭車再去啦。

糖水好多時都係香港人晚飯後既指定動作荔枝角晚飯後同友人慢慢步行黎到深水埗晚上慢慢行，唔洗30分鐘就行到嚕（呢半個鐘係比自己消化下個晚餐，雖則好多人都話食甜品係第二個胃黎）-上幾次黎甜入心都係食椰重系列，今次就一於食下仙草啦一見到重口味我就心心眼！有雪米磁，有芒果，有仙草！都係我愛吃的椰汁味道唔太甜，而芒果就甜甜的雪米糍係雲尼拿味，唔太大粒但有兩粒食哂成碗都真係幾飽！友人就叫左碗 「紫許有你」當中既紫薯真係好真材實料！超級重紫薯香而當中既芋圓同地瓜圓口感都好qq，但可能紫薯味太出眾所以食落覺得芋圓無咩味呢碗既飽肚感比重口味仲高甜入心其實我encore左好多次經過開都會再幫襯

深水埗出名多甜品鋪，難得入深水埗買嘢，一定要食甜品！而家天氣轉涼，就想食熱嘅甜品。見到甜入心有多種甜品，凍嘅熱嘅都有，仲有我最鍾意嘅椰皇，就決定一試！淨係椰皇嘅甜品，都有成十幾款，花多眼亂。不過因為唔太餓，所以只係試一款戀上椰皇子。呢一款有齊曬我鍾意嘅甜品，包括芋圓，小丸子，湯丸同鮮奶椰皇。不過今次唔係咁好彩，落單之後姐姐話未有湯丸，佢建議俾多啲芋圓我哋，所以今次就試唔到湯丸。甜品一上枱，見到椰皇上面放滿芋圓同小丸子，好足料，我哋都好期待！芋圓有芋頭同蕃薯味，不過可惜未夠煙韌，有少少失望。不過小丸子就全粒都好煙韌，補救反芋圓質感嘅失望。都好味就係個燉奶，有好香嘅椰子同奶味，熱食全身都好暖。當然作為椰皇嘅愛好者，我哋有食埋嘅椰肉。整體嘅講，甜入心啲甜品都好足料，可以一試。不過如果有機會再食一次，希望芋圓可以煙韌啲！

深水埗好食甜品店之一，好鐘意佢地嘅椰皇系列。我叫咗個皇牌「焦糖布甸椰皇子」，好好食！Presentation 好靚，整個椰皇上，都是$39好抵食。布甸上的焦糖有薑味，頓時有聖誕節的感覺。椰子肉軟身，好易整出黎。我就食晒全部椰子肉，好飽呀我以為是普通的啫喱，但食落好香椰子味，相信是用原本的椰子水整出黎。個menu設計到好靚，有不同甜品食。冬天到，當然會想食滋潤暖身的甜品。店仔細細，佢邊有位放咁多椰皇呢？走的時後，見到廚櫃有ready to go 的甜品，千層蛋糕都好吸引呢！總括而且，椰皇香椰奶味，暖笠笠好食！

從前很喜歡飯後吃甜品，不知何時開始這個食甜品習慣消失了，久不久才會癮起。今天晚上選了家附近的//甜入心//，一直認為它是性價比較高的甜品店，甜品依舊不錯，不過今天有一點點失望。呀妹點的是出浴椰皇子（暖），有焦糖布甸、椰汁、椰子水啫喱和少量椰子肉。一貫的美味，焦糖布甸和椰子水啫喱夠滑且不太甜，只是略嫌啫喱在加熱時時間可能長了一點，令它有點感覺水水的。龍顏大怒老公在多寒冷的天氣也會堅持吃冷的甜品，這個龍顏大怒有西米、龍眼肉、椰子水啫喱一舊、QQ凍和Vanilla雪糕，配椰汁底。口感豐富，我特別喜歡QQ凍和椰子水啫喱，是有心思的甜品。我的心太軟需時約15分鐘，點完後發現周邊有不少人都在吃一杯杯的甜品加雪糕，一看之下發現原來心太軟是杯裝上的，跟餐牌的圖片不一樣，細問之下，發現原來這間店的心太軟是分新版、舊版的，店員解說後我也不太分得清楚究竟新版還是舊版是杯裝上的，總之她說我的心太軟已入爐了，所以一定會以杯裝上，也沒辦法了。不過店家其實可在餐牌上寫清楚，顧客怎會知道實物和餐牌其實不一樣呢。。。在沒有寫明有新版和舊版的情況下，我又如何會知道有這樣的區分呢，除非這店只招待熟客。。。心太軟的朱古力味道