囍記車仔麵

Open Now

Now Closed

今日趕時間，喺佐敦經過呢間車仔麵店，見人唔多唔洗等位，就快快脆脆食碗麵。之前未食過，揀咗d推介既餸。呢碗泰式豬頸肉芝心丸河粉，湯底係清湯拼沙嗲汁。湯底ok，不過餐廳推介既豬頸肉就好麻麻，肉質又乾又“鞋”，唔會再食。朋友食墨魚卷同韭菜餃，兩樣都係推介食物，但韭菜餃好細粒，墨魚卷感覺係食緊卷狀既魚肉燒賣，幾乎食唔出墨魚。每碗麵都係$33，以呢個價錢嚟講食碗麵都唔會有咩要求，唯一值得讚既係上食物速度夠快。

呢晚繼續熱到傻，想快啲搵間食店。呢間冷氣好夠，我地就衝入去。係呢間嘅，除左廟街個啲，呢個算係大鋪頭。入面算唔迫嘅，車仔麵檔黎講係幾好。（當然價錢係貴小小）自己揀好自己個款就交得，有小食可以叫。好耐無食河粉，我自己都幾鍾意幼身呢款。芝心丸麻麻地，蜂巢豆腐係幾正，加咗腩汁都ok。牛腩夠淋同入味，菠菜麵呢個都幾特別，感覺上健康啲。呢款河源米粉小小q，佢有啲似河粉，不過爽口啲，推介一下。台灣腸有小小甜，響鈴係滿足想打邊爐。豬紅就麻麻，有啲「鞋」。雞翼係煮得幾好，好入味，而且係熟哂。小食叫咗鹽酥雞，自己覺得麵粉多咗啲，肉計落無乜，唔抵。職員都係傾計，唔係好自動，我地都係自己招呼自己。

午餐時間，天氣悶熱，原本同同事想去食泰式野，點知間舖無開，就唯有附近找食。見到呢間新新地嘅車仔麵店，招牌標榜無味精，我又未食過，兼且唔使等位，所以就入去試吓。我同事點咗最傳統嘅幼麵＋牛腩＋韮菜餃配牛腩汁＋小辣秘制醬汁而我點咗粗麵＋牛肚＋辣魷魚＋甜蘿蔔配中辣秘制醬汁我碗麵首先黎，第一眼我「哇！」咗聲，見湯不見麵，好似浸浴咁！😅同事嗰碗隨後送上，湯嘅份量就正常咗，起碼啲餸同麵唔係浸緊浴！試咗一啖同事嘅腩汁小辣湯底，都有腩汁香味。講吓我自己嗰碗的野食先：“粗麵”係無鹼水味，但麵質唔爽口；“牛肚”尚算夠淋夠入味；“辣魷魚”發得太重手過份地淋兼有啲鹼水味，同埋完全無炒過辣汁，唔應該加個辣字😆；“甜蘿蔔”略嫌唔夠入味；“秘制辣汁”一般，不算甚麼秘制；標榜無味精，但湯底夠晒味，有乾蔥香。仲有車仔麵湯餸比例好重要，我覺得呢碗係似湯多過湯麵囉！

純粹在佐敦要醫肚，同友人入咗呢間車仔麵食。環境算好乾淨，始終位處一棟新大廈的地下，新裝修唔會太差。服務算中規中矩，落單算快（雖然漏咗份小食，可能無諗到三條女咁大食😆），車仔麵出得都好快。價錢亦可接受，一人一碗車仔麵（兩餸一碗、三餸兩碗）、一碟西生菜，再加兩杯熱飲，總數$156。味道亦算唔錯，辣汁唔算驚喜但中規中矩，魷魚好味；辣魚蛋ok；豬紅唔夠「林」；蜂巢豆腐唔夠入味。整體而言，唔錯，中規中矩😌

從未試過加錢轉出前一丁比人呃😡👱🏿‍♂️好聲好氣問個呀姐係米比錯左麵我👵🏼佢仲要中聲夾惡話梗係無比錯你啦 你食唔出係出前一丁既咩🤯而家d人呃完人仲可以打橫黎講 香港飲食界之恥平時少去佐敦，但去親佐敦食野都中伏，有無人可以話比我知點解我咁黑仔 經常遇上伏味濃😵如果唔係因為有朋友係到我又唔想同兩個野惹呀姐講道理， 我真係無咁好氣真心唔明點解依間辣殺都可以係到生存到， 我真係祝佢生意興隆，財源廣進呀！

三個女人一個墟。這裏就可以見識了！不知她們是否傾公事，我們舉了紙示意，也感覺到有眼神接觸，卻示意了多次才肯走來，之後又不知是否很忙，將落單牌拋到枱面就算，真是大開眼界。眼見店裏唯一的男員工，相對來說就勤快得多了！食物也不見得好。首先賣相就已經零分。蘿蔔一點都不入味，冬菇和魚皮餃發育不良。冬菇算好一點，至少有少少入味。魚皮餃真的不行，皮成寸厚，要用放大鏡才見到裏面丁點肉。牛丸又不夠彈牙。反而湯底算OK。沙嗲幾好味。而秘製辣汁小辣已經夠辣，雖然看來似一堆普通的辣椒醬油。不過米粉吸晒湯汁都不差。小食炸墨魚卷，$38。雖然不是炸到金黃，但都香口。蘸醬吃也好吃，總之就是比車仔麵好。加埋杯凍奶茶，兩個人$108。雖然不貴，但這樣的服務這樣的食物質素一點都不值。如果這$108是給那個唯一努力工作的男店員，氣就順好多了。

平時睇食評就多，今次專登開個acc。發表下意見。今日去食，叫兩碗麵，一碗無野，一碗有野。有觸鬚有腳，半粒芝麻甘大。有成5，6隻OMG......杯凍檸茶就麻麻喇，無咩味甘。真係不可一，不可再......整體都重有好大既進步空間！！

秘製辣汁河源米粉配秘製辣魷魚、蠔皇小花菇、蘿蔔- 湯底香辣但鹹味欠奉，加了豉油後略有改善，味道有了，但不惹味- 小花菇薄身，菇味偏淡，有點蠔油香甜味- 秘製辣魷魚爽脆，只有微弱水魷味，且完全不辣，整體而言可說是沒味道- 蘿蔔腍熟吸汁，但本身沒調味，味道單調- 河源米粉幼細吸湯，討好

我叫左個外賣，本身點既係：蘿蔔、韭菜餃、蜂巢豆腐、米粉、腩汁。最後拎到番屋企，發現變左：豬皮、蘿蔔、米粉、辣汁。表示無奈，貨不對辦，令人失望。我覺得如果連最基本比岩食物都做唔到，味道幾好都無用。

簡單食碗麵。車仔麵的回憶，依然保留係遠古。呢間朋友介紹的。又有小菜，燒豬頸肉之類。。。豪華左少少，冇左種街邊风味。衞生上，係差D，此終係典型香式茶記。食物上選擇都ok.尤其是個魷魚。两碗麵，埋單都要$110(廟街的個人推介，點都要留肚食渣咋。)

Visit here once a week. Value is okay, but the servings can be a bit stingy for the price. Ordering is easy, there is a paper slip on the table, you can choose exactly what you want in your noodles. Includes English, which is great (you may need to Google some of the names though). They have ~7 types of noodles, 5 soups and around 30 different ingredients to choose from do there is plenty of choice.

老公買左klook券 $50買$40現金券黎食呢間新潮囍記車仔面門面裝修幾有格調 屬新派既懷舊style正常menu下午茶menu $36三餸連野飲不過下午茶餐可以揀既餸選擇就少啲老公叫左辣汁魚蛋 牛肚 韮菜餃配米粉 秘制辣汁 飲凍奶茶我叫左辣汁魚蛋 牛肚 雞翼配油面 腩汁 飲熱奶茶辣汁魚蛋: 浸左落湯 其實已經冇左辣汁味 好普通牛肚: 好多好多好多舊😂😂味道正常雞翼: 好味！好入味既滷水汁！必點！👍🏻👍🏻韮菜餃: 細細粒 韮菜餡比較少 老公個凍奶茶好甜好甜 我個熱奶茶好啲 茶味濃啲 仲要係我最鐘意既經典杯總括黎計 野食好普通 唯一比較好食係雞翼環境光猛新淨 但好多烏蠅 衛生程度不太好最重要啲姐姐講野好嘈好大聲🙉仲坐喺我地隔離著襪換水鞋🤦‍♀️🤦‍♀️嚇到我地調位PS. 原來汁係可以雙拼架！都幾flexible!

Lunch趕趕趕...得返半個鐘食飯，落樓下附近叫左個車仔麵外賣😂哩間車仔麵出名既係佢個秒制辣汁，鍾意食辣既朋友仔不防黎試下，本人覺得佢個辣都唔錯，唔係辣椒油果d淨係得個辣字同得個油字，佢係香辣惹味果種👍🏻👍🏻得叫左好多餸，塞爆左成個碗😂😂$52一個車仔麵其實唔平，但係好食既又對得住果價錢，間唔中食下都無所謂既🙈🙈

进去食面 直到吃完之前 感受都还行。结果，面刚刚下肚，还在喝着冷饮，就被一个凶巴巴的女店员挥手示意，让我起身，别占用位置的意思吧… 然后结账要 就马上离开。我觉得，店员应该对顾客有起码的尊重吧…可以询问一下，你是否吃完了，再让人走吧…总之服务态度堪忧，不会再去了。

最低消費2餸1麵叫左3餸，金菇 魚片頭 韮菜餃 幼麵嗯…賣相好一般魚片頭無論size定味道都算正常金菇都好難整得難食, 韮菜餃無敵細粒，但唔好以為精緻好味所以細......幼麵口感一般，辣汁湯底.....唔想評價。優點係點餸好名副其實，碗麵連一條菜一粒葱都唔會畀多。總結係如果下次想食麵，過隔離食雲吞麵。