囍運冰室 (通菜街)

Open Now

Now Closed

下晝一個人去食個星米，係隔離枱個女人叫咗個包+一杯熱飲，食完後，再叫咗2杯水，跟住個待應就當面d7佢，話：你要飲幾多杯水呀？呢度唔係麥當勞，要服侍你幾耐？叫個下午茶坐咁耐，中午正價你唔嚟？我哋老細要交租㗎，跟住有另一個待應符和，去麥當勞坐幾耐都得當時下午茶得幾枱客，係隔離聽完真係o晒嘴，我終於明白點解得幾枱客，食完都即刻埋單，費事「坐咁耐」，嚇死人，好肉酸嘅餐廳，佢哋只可以打呢份工，個老細只能請呢d人

最近好中意去食茶餐廳，今日又黎分享一間我好中意既🤭位於旺角既囍運冰室有2間分店，我就去開通菜街呢間😍平時都係幫襯開佢既早餐，做到11點半❣而且抵食夾大份，味道亦都好唔錯🥳最推介既係佢既奶茶，好飲👍🍜忌廉火腿通粉（$36）配3.6牛乳炒滑蛋🍳+火腿+自家製餐包🥯之前黎都係食雪菜肉絲米，今次就試下通粉😆一樣都係好食，湯底香濃，火腿絲亦好足夠😊通粉唔會煮到林晒，通粉同湯底既比例亦岩岩好😋炒滑蛋亦好香滑，配埋餐包食一流👏餐包就冇乜特別，正常麵包一個😛今次叫左杯咖啡，但個人覺得太濃🤣加埋糖都係好苦，唔太岩我🥲/📌囍運冰室旺角通菜街139號地下/😋食物質素：7/10🍽️用餐環境：6/10💰性價比：8/10👣回頭率：8/10

今朝早9:00見呢間餐廳無乜人，諗住好好享受個早餐啦，叫咗杯凍檸茶講明要小甜，點知俾咗杯勁甜嘅我都算啦，我碗麵都未食完，諗住食下個飽先，之後再食埋個麵啦，點知佢地即刻伸隻手想去收我碗麵，俾佢嚇一嚇成個飽跌咗，我當然嬲嬲地話我未食完喎，個飽都跌咗無得食啦，唯有食埋碗麵啦，但我一食完放低隻叉，果頭又有另一個伸手收我個碗，有無急成咁呀。我見間餐廳都唔多人，有吉位，所以先入去食，諗住好好享受個早餐，如果係繁忙時間，你想快d翻檯急住收碗都話吖。紅X都無佢咁趕，至少佢地見我飲完杯野先會問我食完未，收唔收得，唔係一野伸手埋去收你個碗。同佢門口職員投訴，重黑面問我邊張檯呀，咁做生意，以後都唔會再幫襯呢間茶餐廳

天天黑面冇禮貌，冇改進！賣麵包吳衞生，求其用個紙袋包住三份二個包，凸咗三份一個出嚟，冇衛生常識，仲要黑面，搵鬼幫襯。堂食一樣態度差，大大聲聲，根本唔知咩叫服務態度，以後都唔幫襯！

成夜晚十一點幾…周圍嘅餐廳已經閂曬咁滯…冇乜選擇但又唔想食m記…行到旺角通菜街呢度…見到呢間茶餐廳都仲坐咗幾多人…就入去食少少嘢啦… 坐低睇餐牌見到有宵夜套餐…夜麻麻嚟計價錢合理呀…不過唔好太高要求囉😅😅分別叫咗...... 🥢 海鮮炒烏冬$56 (凍奶茶+$3)色水唔係好夠…但豉油又有少少偏鹹…配料有蝦仁, 韭王, 葱, 八爪魚... 唔算豐富…整體黎講又唔可以話難食…😅真係好一般咁啦…🥢 蔥油雞扒雙蛋飯$52 (凍奶茶+$3)整碟飯嘅鹹味就係靠啲葱油…個人覺得如果可以將塊雞扒就咁煎可能會更加好味…不過肚仔餓嚟講…有兩隻蛋撈飯都唔錯😂😂

今日係旺角開工，天氣太熱所以唔想出去食，就係外賣平台嗌外賣，因為好鍾意食辣野，之前係其他茶餐廳食過水煮魚覺得都幾正宗，以為宜家好多茶餐廳都做到呢個水準，於是見囍運都有幾間分店，同埋外賣平台張相都幾吸引，所以試一試，點知中伏😢張相同實物差勁遠！好失望🤯🤯完全兩回事咯🤯🤯，配菜係好多，有寬粉，芽菜，牛肉，配料多但牛肉得幾塊，重點係味道根本唔係水煮牛肉，好似淨係加幾滴麻辣汁咁，好失望！唔建議大家食呢款因為太唔正宗啦！

LUNCH搵唔到位食野 見呢間餐廳可以直接WALKIN唔洗排 就諗住試下 試完又估唔到幾有驚喜...午市黎講款式都算多 3西式3中式 2日式套餐 包例湯同餐茶 都係5-6X元 質素份量亦有一定水準 最緊要係出餐時間 5分鐘內就到 岩晒D趕時間食飯既打工仔，下次都會再幫趁 值得一試

有個電左大波浪長髮女侍應，態度真係極品，叫佢攞杯水都大力鄧到成枱都係水，落單又唔耐煩，又落錯單，擺的食物張枱時飛埋過嚟甘制，好似黎食野都要睇佢面色，又大聲又冇禮貌，黑口黑面，問多句都嫌你煩既態度，老闆請咗呢啲夥計真係倒米，幫襯都要受佢氣，真係第一次去茶餐廳食到甘唔開心甘嬲，都唔知為乜，已經係熟客，個個侍應都好好，唯獨佢態度真係不敢恭維，大聲及擺落食物時係大力鄧落枱面，好似施捨食物俾你感覺，我哋係嚟幫襯，我哋唔係乞兒！希望老闆再培訓這位員工！

某日去旺角諗住買啲野，咁啱經過冰室見到啲麵包又大又靚好吸引咁，所以就忍唔住買咗幾個返屋企打算做早餐，點知拎到返去打開個袋，先見到差不多每個包面都係燶既☹️即時失落咗，諗唔明點解櫥窗內向街示人既麵包就咁靚，拎出嚟賣俾客嘅就係燶面🤦🏻‍♀️

從來冇打過食評，但係今次真係忍唔住要上嚟打一打。話說凌晨兩點幾last order外賣左兩個宵夜餐，兩個都係滑蛋蝦仁飯，打開過後食第一啖已經feel到賴嘢，咬我落去第一啖已經食到好多粒鹽，大量嘅鹽鋪滿晒啲蛋嘅上面，成個飯大量嘅鹽重要再加埋豉油，實在鹹到要洗腎，食咗幾啖已經食唔落去，食到我同我朋友喉嚨痛，飲品亦都係，叫咗杯凍檸茶少甜，飲落口根本就係加甜，極度失望，收工買個飯返屋企食，但只能夠食到兩啖已經頂唔順，我知道我係last order，但咁樣我寧願佢唔好做俾我，亦唔好咁樣對待食物，因為鹹到咁，最終食唔落，都係浪費食物，希望餐廳真係會改進下呢個問題。

跟朋友三個人逛街累了，正好在這家店旁邊，於是進去吃點東西順便休息下聊聊天，店內客人雖然很多幸好還有空位，我們直接入座沒有等位有很多下午茶套餐，價格也很合適這個是黑白一口西多士，看著像豆腐一樣，味甜，上面滿滿的煉乳和黑糖乾炒牛河，份量適中，味道偏鹹三個人消費158

Lunch嚟咗旺角覆診，求其搵一間茶餐廳食就算。見到呢一間門口正正規規、乾淨企理，就入咗去試。兩個人可以坐四人卡位，呢樣嘢覺得唔錯，又唔使搭枱，喺繁忙時間來講覺得好舒服。嗌咗個快餐，係咖喱雞扒，量多到不得了！薯仔都有五六舊（好開心😄，因為喜歡薯仔）、雞扒我諗夾夾埋埋個量應該有兩大塊咁多。味道我覺得還可以嘅，中規中矩，咖喱亦都唔辣。呢度嘅侍應都唔錯，佢見到我朋友隻腳受傷，都提佢唔好食酸野，佢諗住叫檸檬水，都唔俾佢叫，呵呵呵。衡量過坐位舒服，而且侍應態度都好，味道就可以。所以今餐我都覺得唔錯。有時未必係味道完成取勝，會加埋其他野，我都會再幫襯。👍🏻

西班牙海鮮燴飯個飯有好多唔同種類嘅海鮮，仲有粒大大粒嘅帶子，海鮮有雪藏味，成個飯最大嘅問題係佢個汁，好奇怪，唔好味鰻魚炒飯泡菜好鹹，個炒飯底唔錯幾香粒粒分明，鰻魚係比偏肥嘅，夾埋啲炒飯嚟食都幾好味咖喱牛筋腩咖喱唔算好辣，牛筋腩炆得幾入味好淋，幾好味，佢d 牛筋腩同薯仔都幾多

之前經過，外賣買過佢的自製包類都OK，所以今朝諗住過嚟食早餐。餐牌同附近所有的茶餐廳都係大致一樣的食品。太太叫咗個麥皮加墨西哥忌廉包餐。大致上都可以，佢冇投訴。唯一的是當杯嘢飲來到時隻碟都載滿鴛鴦。我都明白茶餐廳並唔係大酒店，但我光顧附近第二啲茶餐廳都好少會攞到嚟杯嘢飲倒瀉到成碟都係。仲要餐巾都唔俾一張嚟抹吓。我叫咗蕃茄餐肉牛腩粒通粉，通常所有啲蕃茄通都係甜甜地，呢間特別囉佢係鹹的（唔好食）。叫咗杯凍鴛鴦，唔知點解個顏色係淺色到奶白色，從圖畫可見我太太杯熱鴛鴦好正常咖啡色。味道怪怪的飲咗兩啖唔掂。相信我下次會選擇第二啲茶餐廳。

醒晨早餐 ($36)套餐包括雪菜肉絲米粉配3.6牛乳炒滑蛋+自家製餐包，熱飲一杯 (凍飲+$3)高質茶餐廳早餐👍👍最好飲係杯絲襪奶茶，香濃幼滑☕今次試雪菜肉絲米粉，好足料，唔會好似其他茶餐廳咁得勁小雪菜肉絲米粉吸晒啲湯汁超入味，炒蛋亦好滑🍳餐包甜甜地，可以另外加$3轉丹麥多士食完都唔口渴，冇乜味精而且早餐由朝早7點開始至11:30，好多其他餐廳都係到11點就已經轉午餐