囍運冰室 (通菜街)

Open Now

Now Closed

我留意「囍運冰室」扎根喺旺角已經有一段好長嘅時間，不過我都係第一次幫襯。入到去感覺佢係有啲歷史嘅茶餐廳。店員姐姐都幾好人，第一時間送上熱水俾我哋清洗刀叉，而且係有禮貌嗰隻。雙併三文冶白雪雪的方包十分鬆軟；炒飯嫩滑加上半溶化芝士 pass 熱好立克（少奶）原來減左花奶令口感薄左好多，嚐到好立克味但比較削，感覺淡咗啲。中午食真係有啲誇 「焗紅酒牛柳粒飯」$69位量真心多，以巨包作器皿，焗到燶燶地系幾吸晴，紅酒汁同焗豬扒飯的橙色汁味道差唔多，好香好開胃；牛柳粒夠稔又夠多，最緊要紅酒牛柳粒下仲有炒飯底，好味道而且超豐富，真心要開心share 。熱飲 $10朋友話杯熱奶茶 ok

我地嗌左一份忌廉火腿公仔麵和一份沙嗲牛肉公仔麵，再搭配3.6牛奶炒滑蛋首先是忌廉火腿公仔麵，湯底濃郁，麵條QQ彈，沙嗲牛肉公仔麵，牛肉片嫩滑多汁，配上微辣的沙嗲醬，刺激了我的味蕾。3.6牛奶炒滑蛋是我的最愛之一，濃郁的牛奶味和滑蛋的軟嫩結合總括嚟講佢哋嘅食物都好食，呢個價錢嘅早餐都相當合理，不過唯獨是員工就比較惡少少，完全帶出港式茶餐廳嘅風味😂

只係行行下街求其搵個地方醫肚點知樣樣都好食旺角茶記都有咁嘅水準真係好開心係個地下滑左啲要小心地滑呀~hahaha我對個牛角包表示相當興奮牛油味香到呢烘到又熱又脆配埋入面甜甜地又雪到凍曬嘅白汁蛋一凍一熱好好食稍嫌個白汁蛋有啲太甜炸雞翼沙律again好好食炸雞翼夠曬多肉多汁應該係生炸啲肉滑一滑我覺得個底味可以再重一啲不過整體都係滿意的咁嘅價錢真係已經超曬水準沙律就一般啦都幾新鮮無出水啲料大大粒只可以話抵食

態度極差，與客人駁火。一行4人去食早餐，佢建議執好左既卡位，但隔離卡位食客好大聲傾計，咁我地就話坐遠d果張，點知自言自語話已經執左枱，咁麻煩咪一樣。我即刻話返個阿姐態度有問題，阿姐即刻駁返我開火，火力十足。伏伏伏，旺角通菜街好多茶記好多競爭，佢老闆請到佢真係多得佢唔少。

員工服務態度好差。。。啲嘢食又無咩味。。。又要同人迫埋同一張枱食嘢。。。叫個炒叉燒粒飯都等成4個鐘。食1個鐘飯嘅打工仔真係唔好簡呢間嚟食。餐牌又唔比。去格離食車仔麵仲坐得舒服。呢間唔會介紹比其他人食。

夥計員工態度很好，效率都好高。但是收銀阿姐就好冇禮貌，仲黑口黑面。有一半係吉枱，佢都要你搭枱，搭枱都唔緊要，我都理解。今日我入到去就即刻坐一邊搭枱，個收銀阿姐幫手拎份早餐俾我，仲話我行嚟行去，都唔知我坐咗喺邊⋯⋯我回答：我一入嚟就坐低啦喎。佢仲話我唔知吖嘛⋯⋯。其實唔知客人坐邊係正常，不過都唔使咁嘅態度呀。其實咁嘅服務態度唔改真係趕客。我以後都唔會再去食食物質素同普通茶餐廳冇乜分別，但每次食都好似要睇佢面色咁。貼錢買難受

垃圾餐廳，唔識做生意。見我得兩個人，就係叫我哋轉枱，食餐飯叫我轉三四次枱，真係轉到頭都暈。餐廳侍應態度極為惡劣，比錢買難受，永不光顧！野食又唔係特別好食，都唔知點解會有人排隊🤮垃圾！垃圾！真係好垃圾！

包錯外賣，叫左個小菜沙嗲肥牛煲送個沙嗲牛肉麵，打去餐廳好聲好氣講，話自己就係附近叫佢搵人送番黎，價錢始終有出入，收銀個牙姐仲要態度勁差話大家都有錯，冇人手係吾會送，叫我下次食既時候補番比我再吾係就比錢再嗌過。。。真心覺得癲，點解可以講得出比錢嗌過？做錯野仲要大聲夾惡，咁同強逼接受有咩分別？攞個麵黎敷衍人？真係好過份。自己錯仲要話番個客，仲要cut 人線，幫襯間餐廳仲要受番氣🤷🏻‍♀️覺得最大既錯誤就係叫左依間餐廳。

服務態度極差，以為唔會再去食首先，入到去店內，成間行一轉，竟然都沒有人招呼最後求其自己搵位坐低。入到去，啲餐牌勁唔乾淨，油立立；然後等成2～3分鐘先有人過嚟落單。落單後都成6～8分鐘，都冇人嚟執枱；結果到開始上食物時，先有機會要叫人嚟執枱。執枱嗰個待應又係搞笑嘅：收哂啲碟，收低條毛巾，就突然去做其他嘢，好似唔記得咗要抹枱！？結果我自己攞條毛巾抹一抹就算... 到最後條毛巾俾另一個待應攞走咗... 我感覺啲侍應極求其，完全係諗到咩就做咩，但係上一秒仲做緊嘅嘢就好隨意“冇頭冇尾”放低咗食物方面，叫咗個常餐。味道唔算差，但只是就一般。常餐的沙嗲牛肉麵，我就建議去附近的紅茶冰室，質素會較好。到最後，食完所有嘢，諗住叫侍應俾杯水嚟飲，點知叫咗2次，啲侍應都唔記得嘅... 到最後真係要叫到第3次，先記得俾我... 咁簡單嘅嘢都做唔到，啲侍應記性係咪真係咁差？？？總括而言，食物一般，但服務質素極差，no next time。如果大家有時間，建議行多5分鐘去食附近的紅茶冰室好過。

點餐時服務員沒有提示下午茶餐，發現有茶餐時服務肙態度極度惡劣，沒有作出處理，還向客人掉回單據冇向客人講解不能改單，如果佢同我講已點餐不能更改我係接受，但服務態度差真係不能接受，我話上網寫你，佢仲話我話你咪寫囉，一上網發現佢間餐廳差評多到嚇死人，要服務態度有幾差先可以得到咁多差評呢？要去食嘅自己諗諗，貼錢買難受，建議不要幫襯，*盧惠欽*服務員話緊你呀，寫你呀

一早打去叫外賣⋯ 話15分鐘有得拎 去到話未有等一陣等過左 再去問 個呀姐話 「見唔到好多人？ 等等啦」What? 係你哋話15分鐘 半個鐘都未有得拎仲要咁嘅態度最嬲係 明明外賣得左 耐一耐多唔俾我一打開 出哂水 凍嘅

餐廳滿座喺店外排隊，一個人等位就算有檯都唔俾人入座，後面兩個人就不斷可以入，一個人真係唔好去呢間餐廳食飯，同個店員講仲話我地係咁㗎喇，你繼續等啦！從未見過啲茶餐廳咁大牌！

收工攰去囍運叫左外賣買返屋企食、喺門口等咗好耐咪望吓個窗入面睇吓有未、見到外賣整好左十幾分鐘、工作人員全部當時運高當睇唔到、佢哋唔係忙仲見夥計同個水吧係度傾偈、都唔知個老闆請啲乜嘢人上班

平日朝早9點幾好旺場， 座無虛席，爆哂場 1️⃣豬扒煎蛋辛辣麵。豬扒煎蛋係另外搵碟上。辛辣麵好索湯。食開bb 辣既我覺得呢碗辛辣麵辣到痴筋，好似落左3包辣粉咁。豬扒則乾身，唔推薦。蛋係正常太陽蛋，有未熟既蛋白。凍奶茶少甜都係好甜 2️⃣鮮茄牛腩餐粒螺絲粉。湯濃，牛味同茄味出到。牛腩手指尾咁細粒，約有6粒。朱古力濃。滑蛋ok，量多且滑3️⃣衛生麻麻，見餐牌上有隻螞蟻爬

平時見啲包幾好食，今日親臨食個lunch，一入到去，我都未開始安心出行，個阿姐已經問我你嘟咗未啊，嘩乜而家咁趕㗎咩，之後坐低，完全冇人理我，嗌咗四五聲。唔該。有個阿姐走埋嚟，呢個態度好少少，我講完食咩，佢完全唔出聲，我以為佢聽唔到，之後佢問我飲咩，我先發覺佢原來聽到不過冇反應，講返食物質素，其實正正常常，係個湯唔夠熱，我飯都唔夠熱，杯凍飲又好熱😂😂跟住有五個人入咗嚟，其中三個係小朋友，之後個阿姐同佢哋講話無位，但明明有張大枱，之後阿姐喺我面前講，三個小朋友點會比張大枱佢啊，咁我就明呢間餐廳請錯晒啲人🤦🏻一句講晒冇下次