喜喜中國廚房 (Closed)

以往好滿意晚飯小菜水準,但今晚後都暫停幫襯,今次如常叫最愛的鮑汁海皇撈飯$78,居然變成啡色水浸林patpat飯,一碟飯有三份一碟水,食唔到有味,以前真係是汁而又做到飯粒乾身爽口,d海鮮粒又鮮甜,另一道香蒜牛油煎牛扒$88,之前係有勁香牛油蒜蓉芡汁,牛扒又淋身入味,連同煎嘅四季豆都好好味,但而家變成又乾又硬又無茨汁,只有幾粒乾蒜喺面,仲要無味,我以為食緊炸牛扒,只有胡椒浸蠔$160叫好D,最後同我男友越食越嬲,所以食剩好多唔食埋單,忍唔住問侍應係咪換咗廚房,佢話換咗一個月,既然新廚房唔識煮以前d水準菜就好應該喺餐單中刪除菜式,免叫客人失望,無諗到以前一流嘅晚飯變成咁,寧願去茶餐廳.

提前星期五晚與家人慶祝父親節, 選了四人套餐, 有燒肉、脆鱔、菜膽翅、花膠鵝掌、蒸斑、奶油蝦和甜品。燒肉和脆鱔是小食但有質素, 菜膽翅就不入流。 首先不知是什麼翅, 翅又膠又沒有口感, 以為食緊花膠。 整碗翅少菜多, 白菜佔了碗的一半位置。花膠鵝掌和奶油蝦算是好, 花膠不錯。 蒸魚沒有什麼特別。 單看套餐只有兩小食、三主菜和翅, 連炒粉麵都沒有, 四人因有老人家才夠食。 雜費又多, 以屯門區來說, 價錢絕不便宜。 以裝潢來看, 絕對媲美同區食肆。 不過, 屯門不是尖咀、銅鑼灣, 抵食夾好味才是化算。

父親節當日上openrice 睇食評後見喜喜d食評好似唔錯 價格ok所以就去試下la...我地一行四人坐卡位 =.=誰不知這個是一個錯誤選擇，因為沒有桌布，感覺太髒了而且菜單得一版，選擇超少 -.-我又唔想試套餐，因為見有食評評不值>.<最後叫了......食後感:紅燒bb鴿.....燒唔透(最終取消了，因為已經沒鴿了，,不能再煮)生扣南非乾鮑.....一致認為味道普通，不要期待足5頭的size北京片皮鴨(一鴨兩食)....普通食法ok，但另一個炒鴨絲就算吧lar3串骨(經理介紹).....個人認為不錯，口感夠爽脆，不錯荷葉飯.....好大個，四個人都夠食到飽，但味道普通例湯.....生魚湯，清淡，沒什麼骨，但有一隻細昆蟲浮面，我當時都沉默了，免得掃父母的興致總結:因為當天父親節，勁多人，所以幾乎沒有任何service味道大多普通，不能期望有驚喜，唯一的驚喜是小虫一隻環境是不錯的，如果是可以睇到夜景，但我不是四個人$1200 就是這個結果，屯門依個價錢一定可以有更好的選擇!!

尋日下午突然間想訂枱同屋企人食飯, 因為有一位老人家, 所以唔想坐得太逼, 希望環境會舒服d, 咁上黎open rice見到"喜喜"既評價都ok, 就打去book枱.因為我未去過呢間酒樓, 根本唔知係咩格局, 就同個姐姐講要卡位, 講多兩句, 佢知道會有老人家之後, 就好主動咁話, 呢度d卡位唔啱老人家坐, 因為個"背位"太直, 不如坐圓枱, 幫我留一張可以睇到夜景既, 老實講, 我好欣賞佢既態度, 未去食已經好好印象.去到之後, 張枱真係唔錯, 咁跟住點菜, 4個人要左一斤蝦, 兩隻紅燒bb鴿, 4隻清蒸帶子, 雲吞雞, 跟住叫左4隻鮑魚, 每隻68, 奶奶食完之後話d鮑魚真係乾鮑, 都算幾好味, 而我就覺得d雲吞雞最正.食完之後已經好飽, 點知仲有甜品送..... 一人一碗蓮子紅豆沙, 一舊桂花糕, 一粒芋頭圓子. 嘩! d桂花糕超好味....埋單都係550, 其實如果我地唔係食鮑魚, 就咁叫多一個餸都會好夠, 咁埋單就應該唔使300.我下次都會再去, 不過要留肚食桂花糕, 哈哈

昨晚兩人去晚飯，想起很久已沒有去過屯門喜喜了，故即決定就去喜喜找尋昔日的美食。當打開餐牌時，發覺已不是往日的餸菜及餐單很簡單，並設有套餐。當時的感覺已很失望了，相信食物水準不會和以往一樣的。故只是隨便叫了個套餐($98)及小食义燒($48)。但當义燒放上枱時，看到樣貌很美觀，立即嘗一口。嘗完後便立即點多樣生扣南非鮑魚兩隻(每隻$68)。當晚散叫及套餐包括有：1.小食义燒-----樣子美觀，都很好味，小食也很大碟。2.豉汁蒸帶子(套餐)-----很大隻，好味。3.京湯雲吞雞㷛(套餐)------材料很多，有雞半隻、雲吞及娃娃菜。4.生扣南非乾鮑-----不要冀望是餐牌上寫五頭鮑的體積，但可算是底食的，扣得很有鮑魚味和很淋。餐後還送兩樣很高水準的免費甜品。

剛剛一家四口去食團年飯, 度左好耐, 最後都去左喜喜其實好耐之前已經想去, 不過其他食家咁激烈既劣評令到我地成家卻步預先訂左張台, 不過遲左成粒鐘先到都仲有卡位(其實個場都OK靜)四人台舒服唔在講; 個格調真係比得上四星級酒店嗌左六一湯(係過多既)--SOME HIGHLIGHTS--*D上得超快, 一陣就上齊佢張台個SIZE又無預過咁多野食, 搞到好壯觀*北京片皮鴨係即席係我地面前片既個WAITER亦片得唔錯-- 有肥有肉食法既配料都好正宗, 值得一試*豉汁蒸鱔-- 超好食, 肉係彈牙架, 絕對新鮮*SERVICE都好好, 經常有人黎SERVE我地e.g 嗶湯+ 加茶(雖然可能係少人既關係)*有甜品送- 全家最愛: 桂花糕及糖不甩每人各一件仲有芝麻糊忝, All my favourite聽D阿姐講早排"換左廚房"總括而言... 如果係有錢既, 再去亦無妨

尋晚去左喜喜食晚食，我地一行十幾人，book左一間房，開枱兼唱K，環境好唔再講，野食都煮得出乎意料之外的好，因為話說四個月前，有一晚的晚食，就真係差左少少，但尋晚食完，好似換左廚房咁，好左好多，等我一樣一樣講你地知啦﹕1) 我地八點半先開食，七點時叫左個海鮮莞茜魚湯米線，超好味，足料，個湯又冇味精，真係魚湯黎呀，我就連碗湯都飲埋2) 正式開始食，第一味係乳豬，乳豬有肥有瘦，我就鍾意食瘦，皮好脆，好夠味，真係想像唔到，我地連個豬頭都食埋3) 主菜開始，我地一個星期前，帶左D飽魚比佢\地整，一人有一隻，未食齋睇已經好夠，好香，好霖，好入味，總之冇得頂，無論大人或係細佬，都好鍾意，鍾意到要飽魚汁攪飯4) 魚兩味，我四個月前都有食，今次真係完全唔同，炒球又炒得好，唔散，汁唔會太多或者太少，到左另一個炸魚頭魚骨，好脆，好明顯係即煮即上枱，冇浪費一分鐘時間，味唔會太鹹5) 炸大蝦球，每隻蝦仲大過權頭，隻隻都有膏，一向講晒正6) 砵酒煮蠔﹕嘩！好特別的煮法，好乾身，又唔肥，但由於已經好飽，所以只可以食左一隻7) 最精彩的部份，就係鹽焗雞，竟然焗到連皮都脆，不過因為焗的關係，就較乾身，聽張經理講，隻雞

我住在香港仔的，我男朋友住屯門，11月26日星期一到屯門和他屋企人食飯，他們本身都好中意食海鮮,所以去了三聖買海鮮上酒樓加エ,本想去海天但他們說服務態度麻麻,我們討論了一陣,經海鮮檔D人介紹去喜喜,還有一張咭片,海鮮檔D人話帶咭片上去有一枝法國紅酒送,我都唔飲酒的,不過都無所為啦!所以就上taxi去喜喜,仲以為好遠,taxi都唔駛跳錶,一入電梯見到張海報寫著自來海鮮三元一兩再八折,好抵呀!心諗都唔知會唔會唔好食,一上到去就有位,一行六人,買了海蝦、蟹、花螺、老虎班.好快就有部長過來問我們點煮.還點了走地雞半只、寸茸豆苗、羊腩煲等等,15分鍾後D海鮮來了,又來了一枝送的法國紅酒,走地雞、羊腩煲都好好味,海鮮檔真係無介紹錯,食完仲有美點同糖水送,有我中意的芝麻胡,埋單$600有找,服務態度又好，我下次一定會再去。

在今天,我和我的家人去屯门吃饭.我姐夫话,不如去喜喜吃饭.听人话好吃.我抱着试一下的态度去.哇.好靓的地方.好有酒店感觉.不过我想的吃应该一般.鼎知.哇.好好味.全莫味精.好清淡.我们五个人叫啦四个菜,一个汤.是猪肺汤'好好味.又不咸.又莫味精.一个烧鹅,好脆.还靓过深井.一个钵酒蚝.好有口感.好香口.还有一个煎大虾.正好味.一个青菜.后来那里的侍应话有糖水送,我想是一的红豆沙,出来是好靓的甜品.有渣咋糖水.有桂花糕.和椰丝香焦卷.哇.好好味.一点不甜.刚刚好,桂花糕好有桂花香味.真的想不到在屯们有那莫好的食府.我下次一定带的朋友去.

有日在三聖買了海鮮後見到魚檔海報喜喜中國廚房自來海鮮油料錢有折~所以決定一試~海鮮湯味道好~而蒸魚火喉剛好~由其那份脆皮日式炸生蠔,沾上日式芥辣更是一流~飯後還有免費甜品贈送~不像其他食肆般吝惜

今日經朋友介紹第一次到這裡食晚飯,一到門口感覺好似去到酒店一樣,比人感覺好高級，當晚叫左３普通小菜同一個湯，走地雞半隻，法國咸芝士大蝦，炒豆苗川弓白芷魚頭湯．味道都幾好，特別係咸芝士大蝦，唔係咁多地方可以食到，魚頭湯味道十足．可以一試．

2007年11月10日（星期六），經朋友推介一家大小共10人，買了海鮮去了這間酒樓晚飯，朋友說飲荼及晚飯小菜OK，便叫我去試菜，晚飯連海鮮共用了$2,300，得到的是竟是一肚子氣。向朋友訴說，才知有這個網頁給我說出我的不快經歷。以下是我的經歷：當天我們買了４斤重的海魚一條，聖子２斤，瀨尿蝦８隻，玉蟹３隻，另點了１隻燒乳豬，２個小菜及白飯；因為我和家人都很喜歡吃魚，便將那條大魚二味“炒球”及“炆頭腩”；點菜時那個伙計十問九不知，後來才有一個部長幫我們落單，但是態度很一般，所以家父對這間酒樓第一個感覺是很高檔（包括伙計．部長及經理的服務態度），所以都不予好感，以後不要再來這間“喜喜”，還沒有吃已一點也不“喜”。點了的餸菜到了，味道都可以，最後才到魚二味，先來“炒球”，以家父的經驗已覺炒球之魚肉很少，家母便說：“可能放多了去炆！”；“炆頭腩”到了，果然不出所料，“炆頭腩”真的有很多魚肉，竟然沒有家父喜歡的魚腩，也沒有家母喜歡的魚頭，更加沒有我喜歡的魚骨及魚鰭，只有魚肉及零碎的魚唇及面骨，“炆頭腩”變了“炆魚肉”，真可笑話！！！　我們很不滿，便要求經理來看看及解釋為何，如其他網友所說一樣，那位

好久冇去屯門食飯,因通常都係响九龍食完飯,先返歸。個個炒股賺到錢,你請我我請你,忘記了有間喜喜,星期五假期到三聖邨買海鮮,又蝦又魚,買完想去海天好嘈,冬菇亭怕污糟邋遢,見遠處眨吓貶吓,喜喜中國招牌,以前飲過茶,晚飯未試過,一行８人前進。有代客泊車,不過已經入咗停車場內,還需《待客》泊車??攞位放低海鮮,的伙記話自來海鮮八折,即係幾錢?$3两再八折,即係幾錢斤?$38.4,唔係話冬菇亭都唔得La.早知攞多三斤海鮮。點咗個湯,叫咗4隻大閘蟹、四款海鮮、三個菜及一個炒飯。$1300找數。泊車免費(兩部)。唔計海鮮$1200.氣氛唔擠逼,元朗及屯門好難揾到荀盤。下次記得帶多多海鮮去,費事響屋企攪!

睇完以下近半年既食評(一個好評都無),好有同感~昨晚食到好激氣,我絕對覺得個經理好有問題,有等於無-- (無能+ 趕客)>>> 我提議家人去食晚飯因為曾飲過茶,覺得好食,又希望下年結婚係度擺幾圍,順道試下菜<<<昨晚正直做節時間,全場都係滿左七成到. 侍應不足十個五個人點了五道菜,上菜不耐,因為跟本好少人:- 砵酒牛仔柳- 好少,牛肉真係好林,一定係落左好多粉- 小炒王- 好油,味道okay- 鵝肝炒雜菌- 我未食過咁難食既鵝肝,佢用d生粉coated,再炸(粉又厚,炸完又油). d雜菌又好濕,個hin一舊舊- 南乳燒走地雞- 嘩呢隻雞應該唔識走,因為好肥,唔係d肉,係d肥糕,d肉就真係好薄無肉,好油, 佢切到隻雞體無完膚,碎晒,你以為比人食過- 鮑汁炒飯- okay但太濕anyway,去到甜品先係高潮. 侍應話可以上甜品,我地問係咩,佢話係糖水同美點雙輝囉, 我地見到隔離台食紫米紅豆之類既嘢,諗住"正". 點知黎到打開時係番薯糖水,我地最唔仲意食既. 咁我地叫停,佢好繼續打開個碗蓋. 我地話要人地個甜品,佢話唔得,係公司規矩唔可以轉.

本人在喜喜飲荼，點心ＯＫ，但價錢比較貴，五位人要＄３５０以上，服務上算可以接受。請問有否人在這間酒樓飲宴呢？