喜喜中國廚房 (Closed)

我每個月都會去喜喜兩三次, 貪佢泊車方便。喜喜剛開張時, 食物的確係用心做。水準"當時"係一流!不過, 近呢半年, 我覺得佢地想自我毀滅。上個禮拜六去食晚飯, 佢地夠膽死個碟鵝肝炒什菌, 係先用水"shap"過再炒一兩野, 完全冇wok氣。另外, 最easy的炒通菜, 又係用水"shap"再炒, 最抵死係腐乳都落唔夠。嘩! 你咪當我地白痴啦。廣東菜最緊要有道氣, 喜喜o記火頭, 你識唔識架?環境係一流, 不過食店始終係要食物做到好食先至留到食客。喜喜咁樣做落去, 的確令屯門食家傷心!

上周日見落雨，本來去BBQ，之後轉左地方去市中心，不過人多等唔到位，於是有人提議去喜喜。起初以為同太古廣場三期後面果間有關，去到後發現應該唔係。地點方面，真係太唔就腳，不過由於的士往來，所以問題不大。但唔搭的士的朋友，就千萬不要去，因為真係好偏僻。食物方面，一個字，不知所謂。7個人每人$300，chicken同燒肉差已經算數，仲要又凍又油林林，仲要等左半句鍾先有，死得。服務方面，又是差，叫極唔應；叫人快D上菜，又唔理你；仲要係人唔多，已經唔忙。最後把幾火，叫部長出來，點知死同我嗌，話服務好好，上菜好正常....最後,,算,,,唔理他，照等。等到最後，用左兩個小時先上完七道菜：埋單貴，已經預左，點知最後仲計錯數，計左我10位茶錢及醬油，仲要多碟bbq pork，我即時發火,叫部長再過來，搞左好耐，先settle長單...最後，前後三個幾小時先走....一吐氣。最後講番D食物，我去友愛或者蝴蝶的公共屋村酒樓，仲好食。真係唔知點解會過來!

父親節四人套餐, 千幾銀落樓, 翅差、糖水無味; 跟上次平日來的散叫差得遠。老襯兼呻笨。

6月14日晚一行三人去左喜喜食晚飯,order左5個餸,重有甜品送.需然費左D,不過都直得一試.1. 怪味三吋骨(好味)2. 椒鹽脆蟮 (好味,辣左D) 3. 炸雲吞拼生炒骨(一般,都可接受)4. 椒絲腐乳炒生菜(好味,不是少左D)5. 鮑汁撈飯(好味,濕左D)三種甜品可選擇,還有桂花糕及沙翁每人各一件.1. 紅豆沙2. 紫米露(好味)3. 桂花馬啼露(好味)

我家住在九龍區, 看過”新假期的飲食一番”介紹屯門中央廣場1樓的”喜喜中國廚房”剛1歲生日, 特別推出多款全新菜式以”半價優惠給客顧o 所以, 我與家人合共6人在6月2日星期六一起去”喜喜”食晚飯o 雖然”喜喜”不是在屯門市中心, 但都好易搵到o到了”喜喜”, 被它那豪華的水晶燈所吸引, 裝潢華麗, 環境清優, 食得幾舒服o而餐牌上寫著6位以下可選兩款半價的菜, 而我選了HK$49.00 的檸蜜汁爆鱔球, 檸蜜汁較得好適中, 鱔球”啖啖”肉, 其餘5個菜就以正價, 如半隻炸雞, 價錢是HK$110.00, 炸得幾香口o HK$60.00的南海小炒皇: 有蒜心, 腰果, 魷魚, 紅蘿蔔絲, 蝦乾, 底食, 好多料o HK$68.00的鮑汁海皇飯: 正, 飯入曬味. 鮑汁幾濃, 飯入面有帶子, 瑤柱, 蛋絲, 蔥粒, 菇粒好香, 食到唔停得口o HK$80.00瑤柱金菇羹: 最正, 有金菇, 瑤柱, 韭皇, 足料, 每人足一碗, 真是好好味o HK$68.00的日式香草牛柳粒, 牛柳粒點芥辣汁一起食, 真是好惹味, 不過, 牛柳半粒比較少, 如牛柳粒多番些少會好D o 由於每碟都不是太大

6月1日,果晚公司同事舊同事請食晚飯,我哋一行十幾人坐咗張大枱{記得當晚有人擺婚宴}舊同事一早預訂菜單,但果晚第一碟餸就出事....原本第一碟喺{手抓乳豬}但他們出咗{乳豬件}好似擺洒果隻!當時同事向待應提出:出錯咗喎!待應就回應:你張菜單喺乳豬件.咁同事就攞佢張菜單嚟睇,點知!發現她很古惑用原子筆劃咗{手抓乳豬}好彩同事一早攞定張訂菜單嚟對正,於是叫經理來理論,(仲離普.....)嗰經理凸晒眼咁話:係,係出錯咗!但你哋有食喎!....{佢好想底賴嗰隻}理論咗一斷時間最終都肯換(但態度十分惡劣)之後嚟咗幾個餸Ｄ味道嘛嘛!....輪到出星班魚時候發現條魚好唔熟出晒血...(有冇攪錯呀!酒樓嚟架蒸魚唔熟點攪呀!)跟住攞番去蒸番"鞋烚烚"點食呢!.....唉!....仲收幾义嘢(即幾千蚊),Ｄ待應經理態度又唔好>_<...我勸預其他想去喜喜中國廚房試食的食家~~咪去!~~費事又貴又激氣!~~~~

呢間位置偏僻,點解我仲會去?因為今日係星期日,如果去吉之島果邊食晚飯,一定好多人,於是我ah mum提議去呢間喜喜中國廚房試下,點知一試"難忘"...我一家四口7:15pm到,成20分鐘後叫,點解咁耐?1.餐牌D好普通,但價錢比同區有保證稻香/美心/明星仲貴,2.菜式好少我點5款,包括:燒腩仔,鹵水鴨翼,炸雲吞,野菌炒菜苗同荷葉飯.點菜後,大家就展開一個"等"旅程,10分鐘後燒腩仔到,再10分鐘後鹵水鴨翼到,又20分鐘後野菌炒菜苗,又再20分鐘炸雲吞到,其間我不停請侍應跟進上菜進度,荷葉飯經過"3趨4請"先響20分鐘後上,ah mum話好似去飲一樣般上菜,成餐飯"等了又等",簡直浪費光陰,但食物味道只屬一般以下,連友愛間酒樓都好佢10倍.等成晚,差唔多9:00pm,叫佢埋單,佢話有甜品,埋單就好快,但D甜品又要等,等10分鐘,叫侍應跟進上,佢甜品又話要入單,再等10分鐘都係未到,結果我忍無可忍走其實,響我等之際,其他客人(起碼有4張)都不停請侍應跟進上菜進度,而且侍應更親口承認上菜好慢,成日被客投訴呢次經驗實在令我太難忘,太勞氣,我一定要將事實講出,奉勸屯門區街坊唔好企圖或意圖想

飲茶試過幾次了...晚飯也有三次....坦白說晚飯就麻麻地...但茶市的點心就不錯...腸粉,排骨,奶黃包也好味!!在屯門區,很小洒樓有裝修和有大的空間感...試想想市中心的洒樓不是等位等到儍就是逼到不得了...

提起尼間所胃酒楼,装修就一流,服务就9流,頂解甘講,話說我定了8點吃晚飯,因為有的朋友要迟些少到,所以到了8;30叫晒8個餸,我地等啊等啊等,等到9:10來了第一個我地叫的雞,吃到10:30先來了5個餸,我地在等的中間多次叫侍應追追,過了很久都沒來,我地忍无可忍話叫經理來,气就气在叫了多次經理都不來,當中有侍譍來說經理不在,在的話會來,好啦,终于經理到了,解释話廚房的餸亂着,中話冇最侯果個餸,大老啊,我地不是叫什么山珍海味,只不過是一個蒸豆府,甘都冇,有冇搞錯啊,真冇早出聲啊,都吃了7個餸,家人說7冇好听,為有轉其它餸,我地吃到它們收工,唉,果晚不知死了給多細包,以候都不會去

晚上8:30去,個menu少到跟本冇乜野好揀,見到大門出面及d報紙有推介,誰不知原來入面係冇,但係點解大門又promote呢? 之後三個人點左3個菜,有一個唔知乜野骨,等左有50分鐘都未來,跟住焗氣就埋單,幾條上湯浸菜收你$68,一菜一個腩仔肉共收你$22x,冇人飽,貴到死,你地唔信可以一試,如果係同母親慶祝母親節,不去為妙,以免勞氣傷財.

唔, 我十分同意屯門人嘅 評語. 幫襯過呢間"廚房"兩個回合, 我唔會再去, 請都唔去!第一回合:可能因為附近係垃圾站, 一邊食, 一邊趕烏繩, 真係好多好多烏繩, 有D 食物因為烏繩曾降落而唔要得, 好唔衛生好浪費, 我媽媽好唔"Nike".另外, 冷氣唔夠, 焗到死, 無人理.第二回合:Because of the above bad experience of eating with the flies, 我訂枱時要求唔要近門口嘅枱, 可惜去到仍然被安排坐係門口附近嘅 枱. 要求換枱, 侍應& 部長都係"full" 衍了事. 我一再要求, 只換來幾個鄙視嘅 咀臉.Be fair, 食物同裝修的確係唔錯; 但服務0分, 加上價錢貴, 實在揾唔到理由要再幫襯.

原本開開心心去食飯, 點知既唔飽又一肚氣咁走...一去到間酒樓,見到裝修幾靚, 好自然對食物都有一定期望. 望下個餐牌, 選擇唔多. 1. 成個餐牌得2個疏菜, 一個魚腐浸時菜, 一個招牌蕭氏浸時疏, waitress話無魚腐, 即係無選擇. 算吧~2. 係呢個web見大家話河粉ok, 又無. 算吧~3. 係呢個web見大家話小炒王ok, 都係無. 算吧~(唔通晚晚菜式都唔同? 如果係就真係太“靈活”喇…)心諗有質素就可以. 我地5個人, order咗5樣餐牌上"推介*"菜式, 另加壽包:1. 海蜇拼燒腩仔* --> 本身燒腩仔ok, 但係海蜇汁“淹沒”咗d燒腩仔, 溝埋d味怪怪地…$78一碟, 有8粒燒腩仔(大小如女仔姆指頭), 平均$10一粒, 抵食與否見仁見智!!2. 炆南瓜* --> 等左120分鐘都未到, 取消咗!!3. 雲吞咕嚕肉* --> 炸雲吞ok, 咕嚕肉柴皮, 唔得!!4. 招牌蕭氏浸時疏* --> 即係大頭菜瘦肉煮菜心, 味道可以, 每人可獲分配菜心2大條~5. 醬爆牛柳粒雞軟骨* --> 牛柳粒勁落鬆肉粉, 霉到呢…6.

媽媽今天放假,故我提議一家人出街食飯,最後只有我跟老豆同媽媽食飯,細佬無來,因為佢話好倦因唔想去太遠,故我搵這間近屋企但係又無去過的地方食飯共食叫四個,水準okay,但餐廳環境好靜,食得舒服,服務都okay1. 泥鴨-> 一般2. 上湯辣椒葉-> okay3. 香草牛肉-> okay4. 酒煮蠔-> 幾好今次無同d影相,下次一定要呀!

大年初一帶了住屯門的男友到此，因為見到ｄ食評不錯，心想食勻屯門都應該去見識下呢間。可能是初一又或者俾漏餐牌，選擇不多。聽說是圍村菜，應該會有風味吧？叫了煎泥鴨、西蘭花伴帶子王、梅菜扣肉、淨河粉。梅菜扣肉的水準一般，反而客家好棧比它好，肉有點霉，而且不像是靚五花朋腩，咸。西蘭花伴帶子王最差勁，原來不是原隻帶子，是帶子膠加蝦膠用蛋汁煎成餅，點醋和華鹽，一碟得四件，伴只是白灼的西蘭花數粒，很多很多油，也很咸，吃不出帶子味，不好吃，貴（$98)煎泥鴨到的時候已經吃很很膩滯，這個只是不過不失，而且又是一樣的咸，我迫男友吃掉它。男友說最好吃反而是河粉，試過很滑，有一點金華火腿絲，湯底也不錯。甜品沒有大家說的而我愛吃的桂花糕，不過有糕花馬蹄糖水，這個不錯不過我始終想試糕花糕，另外有綠豆酥沒什麼特別。環境是不錯的，可惜太遠，而且也不太值這個價錢（$390三個菜)，區內有些酒樓可能還比它好，雖然屯門好吃的食肆並不多。

噚日去左"喜喜中國廚房"。去到第一個感覺係好grant..好豪..好正！之後我地去左sofa位到座..個位好闊又有三個大咕o臣..好舒服~~好難係屯門搵到間咁正的~~而我地噚日叫左個2人set。果到有兩個2人set揀，一個係差唔多300個, 另一個就係388位！而我地揀左個388位o既set dinner，因為裡面有人人都話好味o既鮑汁撈飯~~~個餐包2個小食(海哲，同豆腐)，之後再黎一個魚翅，黃金蝦伴烏東，飽魚海深伴小棠菜，同埋鮑汁撈飯！食晒後有桂花糕，蛋撻仔同糖水送！仲有一杯鮮榨橙汁呢！全部都好好味，好入味！只係個飽魚海深就麻麻地！d飽魚好"簿"而d海深硬左d，如果"淋"番少少會好好多呢！而最後d桂花糕好甜好好味，平時唔係點食桂花糕o既我都話好味呢！可以睇下d相，賣相都幾靚~~