平成二十二日本料理 (Closed)

在26號Boxing Day諗住一家人食完再去睇吓燈飾，奈何食到一肚氣，我訂了1830，準時到達坐下來，便開始點食物，誰知漏單情況嚴重，叫十樣食物，只黎五、六樣？我們只得四人，每次叫十片三文魚，每次也只來五、六片？坐左成個鐘，根本無乜野食過，等多過食，真係無言@.@侍應服務也不太好，十問九唔應，未到8點就走黎話last order?我跟侍應講，我之前叫啲食物都冇乜黎過，佢就答我：「咁你快d再點啦」@.@ 其實那天晚上也只得7、8成滿座...老實講，佢價錢比大x屋更貴，但真係物非所值！

其實本人有時幾鍾意食放題，一來選擇多、二來份量唔多，唔駛驚食唔晒，完全唔駛理其他人，鍾意點咩食就點咩食⋯⋯今日朋友知我鍾意食放題就帶咗我去位於山林道嘅平成22，呢度主要分炸物、卷物、和食、壽司、刺身、小食、燒物等⋯⋯小食方面我地點咗啲墨魚、螺肉同埋帶子裙邊等，雖然全部都係醃製食物，但係唔會話太重口味，加上係我角度全部份量都啱啱好，食完開下胃又可以食其他嘢刺身方面就比較精彩，各樣刺身都幾新鮮，無乜雪味之餘又唔會雪到成舊冰咁咬都咬唔入。班馬瀨尿蝦一人一隻大大隻唔駛爭，不過可惜嘅係食完無得再點。特大甘海老真係幾大隻，又鮮甜，無腥味，但要自己剝殼呢下差少少。帶子原粒上，大粒得大嚟肉質甜美，一入口差唔多就自己滑落去喉嚨。其他刺身，好似北寄貝、三文魚、吞拿魚等都新鮮可口壽司我地要咗霜降牛肉、花之戀同埋鰻魚壽司，霜降牛肉唔會靭，但係本人覺得牛肉太生，賣相有點兒可怕，如果接受唔到嘅朋友建議唔好點。花之戀魚生同刺生三文魚整，夠新鮮。鰻魚壽司雖然細細粒，但勝在燒得啱啱好，入口仲有餘溫之餘仲好嫩滑和食方面，牛油燒帆立貝，牛油味同帆立貝好夾，而且帆立貝細細粒一啖一粒，女士可以唔駛兼顧儀態之餘食多兩粒都唔會好膩

今晚嚟到平成日式料理食放題，果然無令到我失望，絕對係抵食又食物質素又高!首先食物選擇又多、飲品又可以自己任攞，呢度已經抵讚。跟著嚟到嘅刺身船都令我地讚嘆。首先每枱敬送嘅瀨尿蝦已經大大吸引我地，原隻嘅瀨尿蝦非常大隻，熟左之後再冰鎮，所以肉身雪白、彈牙而新鮮!而其他刺身都令我地好滿足，各款刺身係亳不孤寒地厚切，所以啖啖滿足，尤其三文魚豐盈嘅魚油味、以及吞拿魚結實嘅魚身都值得我地encore。接著嘅開胃小食選擇亦同樣豐富，除左有平時都食到螺肉及八爪魚之外，仲有比較少見嘅帶子裙邊，質感甚具咬口，味道惹味。壽司方面，我地叫左幾款，包括有惹味醬汁嘅鰻魚壽司、花之戀、和牛壽司賣相同味道都出色。串燒同炸物即叫即做，上枱時仲係熱辣辣，極之吸引。燒雞翼皮脆多汁、多春魚魚身飽滿。最意想不到嘅竟然有炸軟殼蟹同埋鵝肝，真係令我地感覺大滿足! 軟殼蟹炸漿夠薄，而鵝肝煎得又夠香、入口又夠軟滑、正!!甜品時間都無令我地失望，唔係平時好普通芒果布甸之流，而係有好多款唔同嘅雪條，包括呢兩款我以為停止左生產嘅朱古力味雪條，真係太感動了!

帶台灣朋友行完尖沙咀掃貨，就去搵左間內街放題食！先黎刺身，整體新鮮，帶子、虎蝦、北寄貝、八爪魚 、三文魚，最正係一板海膽配上紫菜，中和鹽味面層蟹籽夠多，蟹柳絲、青瓜絲同沙律醬份量剛好，因為曾經食過有d青瓜絲勁多，但得好小蟹柳絲！薄燒牛肉唔會太油，太多筋！燒物一併上，雞軟骨、天婦羅炸粉唔會好厚，山葵係我 覺得幾開胃，軟殻蟹有肉、唔會淨係得塊皮， 芝士波就唔會叫好多，因為怕填飽左自己！

餐牌上面看似有高檔次食材，但其實質量很差。刺身類十分可怕，連最平價嘅三文魚都可以無味度嘅。。。啲刺身似係俾人放在係啲水沖左好耐，完全淡嘅。熟食好啲啦，正常質量。但呢但價錢，又係熟食的話，我不如食六，七次大家樂。或且其實咁講，三百蚊嘅放題真係唔抵食，預期追量，不如最質。寧願食三百蚊兩碗有質素嘅拉麵。

垃圾 好難食 絕對唔需要去 霜降牛肉唔新鮮 個特大甘海老要自己去殻都唔緊要 但好腥 啲員工服務態度又好一般好似去左茶餐廳咁 地下鋪左啲膠墊好似街市咁 放題黎講佢價錢偏貴但款式同質素真係唔得 唯一好少少係苦瓜炒蛋同牛油燒帆立貝 但呢啲都唔需要放題食啦！

食放題成日都係旺角、尖沙咀，原來近住尖沙咀佐敦都有喎，仲要幾多好評添，點可以唔試！野食種類都幾多，野飲就自己出去雪櫃拎，都係汽水綠茶果類。一入座，已經有個龍蝦刺身送到喇。冰鎮刺身keep住凍，龍蝦食落口又冰又鮮甜，正！刺身～隻蝦大隻到呢，入口又鮮甜，仲有厚切三文魚跟住就要食熟食喇，有我最愛既鹽燒雞翼呀！脆卜卜熱辣辣，要返卓！

慶祝朋友生日, 喺大家揸唔定主意之下, 唔洗多講, 食放題實滿足到諸位~想食咩就有咩, 唔洗煩, 不過識得搵平成二十二, 無非係為咗品嘗極級刺身啫呢個刺身拼盤有生蝦, 帶子, 三文魚, 吞拿, 油甘魚, 有人生日仲好窩心送咗虎紋瀨尿蝦！平時椒鹽瀨尿蝦就食得多, 生食嘅話真係第一次咋！而且食落非常鮮甜, 啖啖肉仲有必食嘅係越南大虎蝦!!!size真係有手掌咁長, 好新鮮, 睇到都流晒口水~~~我就特別鍾意唧埋蝦頭嘅汁, 好甘甜, 而蝦身晶瑩剔透, 成條放落口差啲就滑落喉嚨, 咬落好爽脆!勁鮮甜呢道嘅炸物都唔輸蝕架, 款式多多, 水準仲唔錯, 有番薯餅, 芝士年糕, 軟殼蟹, 全部都即叫即炸, 新鮮熱辣, 當中炸粟米更大有驚喜添!至於sushi都好新鮮, 不過食到大家都好滯。。。呢度就連雪糕雪條都係任拎任食，真係食得開懷暢快呀！一讚係服務員態度好好, 令食客賓至如歸

間鋪普通 希望啲野食ok la之後出左 支豆 螺肉 3文魚其實我唔止點咁少野食 都算 追下單囉但叫極都冇人理 等左好耐冇野食也冇人理終於問到待應 覆返我話我冇落單 你叫嘅野已出晒 谷鬼氣 埋單走 埋單比錢時就有人理 😂不知所謂。。。

舊同事聚會，有半打人，只有兩日時間諗爆頭唔知食乜，又因有小B在肚裏的人，大家在熟食跟生冷之間難以取捨，放題就最好不過了，聽聞不錯，一於新嘗試。放題來說坐位算寬落，環境算靜，先點剌身大大隻連殼同頭嘅甜蝦魅力沒法擋，帶子、三文魚、花螺、北寄貝都好鮮。燒物無論係雞翼、冬菇、牛舌、蝦都係熱辣辣即燒鹽巴調味剛好，唔建議點豬腸。。好靱⋯⋯重頭戲係足六人送嘅龍蝦剌身同一板海膽第一次食龍蝦剌身，肉鮮嫌彈牙，肉質好有層次，海膽都好鮮甜。不得不提鵝肝即燒還是炸呢⋯⋯因為多油同有薄粉漿，但鵝肝質素唔差，我地將膽固醇呢樣掃興野拋諸腦後瘋狂點，每人至少食左四、五件。侍應服務好殷勤，收碟同上枱幫我地執位，唔係馬馬虎虎放低就行左去嗰種，幾百蚊食優質放題完全值回票價

聞名不如見面。今日book咗6:30pm,職員打比我reconfirm時間, 我話ok。佢話hold枱到6:30pm,我話吓?!佢話係呀，最多hold半小時! 真奇怪!我book 6:30pm,你咁叫做hold半小時? 佢話因為佢哋開六點。咁都得! !??真係第一次聽咁既道理。之前睇過食評話服務不好,真係聞名不如見面。場内服務都好麻麻但其中有個年輕的男侍應就好有禮貌,似係就黎👍

Looking at the reviews I thought it's a good restaurant, but it turned out a bit disappointing. Once you stepped in you could smell the fridge and weird ice smell. The floor is a bit dirty with plastics flooring. The food is ok, sashimi are not as fresh as it could. Deep fried food is using old oil definetly. Now my mouth is very oil after the meal with some fishy smell. The coke is nice though.

朋友生日,一班人慶祝食飯放題是不錯選擇一次過滿足各大要求朋友提議平成22，試過唔錯，而我就第一次試。餐廳位於山林道,地點方便就腳平成22,週年紀念2人同行送海膽, 4人送龍蝦刺身估唔到龍蝦刺身,不是一般貨色, 蝦肉新鮮, 肉質彈牙, 沒有雪味,很有誠意刺身可以說是放題主角, 平成22選用的刺身品質好, 而且新鮮, 大路的三文魚, 北寄貝,希靈魚,坊間的放題很少有得供應的大海老, 就算有也是限量, 這裡是任點, 爽口多膏,吃上7,8隻也回了本, 還有大大粒的北海道原粒帶子,大滿足刺身過後, 熟食, 燒物上場,蒜頭牛仔骨，同牛油帆立貝,沖繩苦瓜炒蛋, 牛舌, 秋都魚, 雞翼, 分量剛足夠, 每樣重要是熱熱的而且店員很細心提醒要趁熱食, 上菜的時候也特意把碟整理排好, 不用令檯面亂成一團雜菜/虎蝦天婦羅也很好, 脆漿不厚, 不油膩平成22,已經列入我的食堂名單了

一行4人黎食放題, 完全冇諗過呢度會有龍蝦刺身食 (4個人就會送一客)佢個樣真係好吸引, 仲有埋龍蝦頭同龍蝦身做伴碟! 龍蝦爽口彈牙, 雖然係送不過真係好有誠意! 😍有興趣試既一定要叫足4個朋友去食咁大個仔真係第一次見咁大隻既生蝦刺身隻生蝦大到好似隻手咁長, 而且好夠冰凍👍🏻蝦質爽口彈牙! 不過生蝦刺身有D唔太方便因為有殼要自己mi殼其他刺身既款式都比一般放題多! 希靈魚厚切咁上, 好有口感, 唔錯啊!😬帶子原粒上, 帶子食落啖啖肉, 真係令人食得好滿足!😍仲有北寄具, 鮪花魚等呢d貴食材, 全部都好好味!!!因為佢地個份量好足, 唔似一般放題咁菇寒, 所以唔好食得太多, 如果唔係真係會食唔晒Sushi 叫左2年生牛肉 & 鰻魚, 正常野! 不過鰻魚sushi幾好食~香煎鵝肝呢個真係一定要點! 香煎鵝肝<好似都冇邊間放題有得叫, 心思思咁想試下, 一上枱已經聞到陣鵝肝味食落香濃既鵝肝味充斥著成個味蕾, 而且新鮮熱辣辣咁上枱, 呢個熱食真係好邪惡呀!!!!😀鵝肝外層煎過所以多左一份香濃既油脂味, 諗起都覺得正!!!👏🏻雖然鵝肝係個3高食品, 不過都係食左先算~~~~~ 串燒燒得好

今晚同男朋友既一班好朋友一齊食飯聚下, 每次叫我諗野食真係諗到頭都爆 🙄🙄🙄每次諗唔到既時候都會選擇放題, 因為選擇多之餘每個人都可以叫自己想食既野! 所以日式放題真係個唔錯既選擇, 今日簡左同區比較入既一家放題店, 佢地唔似其他大型放題咁, 而且食既野都比較上盛, 大家都好期待今餐既美食! 😬平成二十二位於山林道 (應該要唱返首謝安琪 XD)時段方面 18:30 – 20:30 / 20:30 – 22:30因為第2日要返工既關係, 所以我地簡左18:30 – 20:30估唔到平日晚都幾多人~ 入座率都有8成!其實呢度有個好吸引我黎既目的嫁! 就係2位(送一板海膽), 4位(送龍蝦刺身)冇聽錯呀! 係龍蝦刺身!! 😍😍😍一放上枱男朋友d fd有d嘩然!!! 咁大個女真係第一次係食放題既地方可以食到d咁高級既食材!!👏🏻龍蝦刺身肉質好彈牙, 幾有口感ga! 點d 芥末豉油一齊食真係好好味呢~~😆刺身方面, 先身先試卒試試佢地d 刺身, 估唔到呢度d野食真係咁高質素! ❤️❤️❤️👏🏻特大甘海老真係超級大隻, 差不多有10cm 仲要原隻上枱~~甘海老好厚肉~~~食落爽口彈牙, 而且好有鮮味啊