Video
Telephone
35425898
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
依家d食店好多都收好早。8點幾就諗住求其坐低搵食。路過呢間收9點 （8：30截單，好在趕得切）就入去諗住醫肚。餐牌好多頁，有選擇困難症嘅我真係唔知點揀好。最後就叫左個平時好鍾意食但好少食到好食嘅西檸雞扒+18蚊仲有湯有飯。例中湯係西洋菜湯，不過不失，淡淡地，起碼唔係味精水。西檸汁不是杰撻撻的那種，不太酸亦不太甜。雞扒粉漿不會上得太厚，雞扒亦幾嫩滑。總括而言，都算唔錯，食完返屋企無口渴。下次會想再來試試其它菜色。
continue reading
如題，打緊呢篇食評嘅當下我仲等緊個出前一丁，我朋友個雞扒蛋包飯等得仲耐。我真係無法理解咩餐廳可以整一個常餐整半個幾鐘，我地兩個餐都唔係好複雜姐，又冇焗嘢又冇炒嘢。隔離檯催單，個侍應就答冧檔個個都要等，大佬你地接唔到咁多單，就唔好開咁多檯客啦😅一句冧檔就老馮要我坐係度浪費自己時間？lunch hour個個都趕時間㗎😅🙏🏿網上外賣平台嗰啲又照收，冇病啊？？？衡量過自己能力先開舖做生意啦
continue reading
看來, 我的命格, 似乎是和星洲炒米相剋的.上一篇食評, 無獨有偶, 都是有關星洲炒米(粉碎)的負評. 老實說, 今次食物質素沒上次那麼惡劣. 但不合理的完成時間, 和食質素低劣同樣令人不快.我是親自到收銀落單的. 我怕人多, 也怕冗長的輪候時間(包括等位和上菜), 所以可能的話都會避開十二至二這段繁忙時間. 我是近三點才落單的, 也一如所料, 在午市和三點三之間, 單數不會很多. 當時可容納十多廿枱(四人枱) 的食堂, 只有五六枱客; 往後的廿分鐘, 也只有一單外賣. 我是等了十分鐘多一點, 才開始追單的, 那四個一路閒企著的侍應的其中一個, 說師傅正在炒. 我也沒辦法, 只好繼續等. 但竟然要等另外十分鐘, 外賣才拿出來.我不懂烹飪, 所以請問星洲炒米的工序是一是很繁複的呢? 是不是要落單後才燒叉燒, 剥蝦殼, 拔芽菜等等?為了一盒十分鐘吃完的快餐, 竟然要浪費差不多一半的午飯時間.我以後不會再冒這個險幫襯這間.
continue reading
星期六日踩單車最鐘意黎呢到食，今日係平日，但細仔放假，所以同佢一早去恐龍公園玩，不過原來8am都已經好多人，玩到11點已經要排晒長龍，我話不如過禾輋食呢間..一時醒唔起呢到有學校同地盤🫨 等咗15分鐘先有位，我哋三個人，坐4人枱，繁忙時間要搭枱。我哋係排隊嘅時候已經諗好食乜，一坐低就嗌，坐咗一陣有人搭枱，佢個餐仲快過我地，不過野飲就催咗1次。餐飲有啲亂，其餘嘅都ok食物蒜蓉汁雞扒焗意粉好香蒜蓉味，雞扒都好好食！但係意粉有啲漲。自己揀系列-吉列魚柳腸仔，蒜蓉汁意粉凍檸茶其他真係超full同好忙，3個人大枱要拎籌，等咗大概15分鐘。呢度其實真係值得食，不過下次一定唔會係學校日子黎，唔好阻住學生同真漢子食飽返工返學🙏🏻11點半到1點都好爆
continue reading
【沙田區】【禧華餐廳】我住沙田區，不過有睇開我寫嘢嘅朋友都知道我真係好少喺沙田食嘢。然而，其實我係喺沙田讀書，沙田區周圍都中意去遊蕩吓。例如老牌屋邨禾輋邨，成個商場街市建築群大裝修咗之後都好少去，咁啱同家嚴去開就食埋嘢。始終家嚴係一個年紀比較大嘅男人，所以佢都會傾向食茶餐廳。咪住先，點解呢句嘢好似怪怪哋咁嘅。不過睇唔出有咩問題嘅時候，我已經喺餐牌度揀咗個鐵板豬手嚟食，聽家嚴講都幾大份，所以想叫嚟睇吓，點知下晝唔整。咁我唯有退而求其次，叫個 $48 嘅全天候常餐「美國雞扒出前一丁」，配「火腿奄列」同「牛油多士」，好嘅地方係佢冇將塊雞扒墨守成規咁放喺碗麵度，而係放咗喺配菜度，保留到煎雞扒嘅風味。奄烈有蛋汁，屬用心之作。加 $2 要埋「凍檸茶走甜」，用咗不繡鋼杯有助保持溫度。家嚴就要咗 $40嘅「嘆個下午茶」，佢揀「意式香腸焗肉醬意粉」再加 $2 飲「凍檸茶」，好似焗得幾靚而佢又食得開心。一個常餐一個下午茶，埋單價 $92，唔貴。。。（地址：沙田協欣街1號禾輋邨智和樓地下SU29號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #禧華餐廳 #茶餐廳 #全天候常餐 #美國雞扒 #出前一丁 #火腿奄列 #牛油多士 #凍檸茶走甜 #意式香腸焗肉醬意粉 #凍檸茶 #1am1136 #1ambackup
continue reading