禧華餐廳

Open Now

Now Closed

一家人到見到新餐廳諗住入去試一試。叫咗個兩餸套餐，有碟油菜餸，都幾抵。其中一個餸係菠蘿生炒骨，啲生炒骨非常⋯⋯硬⋯⋯好難咬開，感覺好似喺雪櫃冇攞出嚟冇幾耐⋯⋯另外一個係黃金鮮魷，鹹蛋味唔係好重，反而食到有咖喱味，然後見到隔離嗰台個餐有啲咖喱⋯⋯希望我估錯😓另外一個係跟餐嘅蒜蓉生菜，真係「油」菜。唯一覺得好嘅係真係好大碗飯，食到你飽順帶一提，雖然係新開張，但係裏面嘅冷氣機有啲係舊嘅，有倒汗水，搞到啲卡位轉有好多都坐唔到，希望佢哋可以慢慢改善啦！

新店開張聽講話好抵食，所以去試吓買咗個外賣。價錢的確係抵嘅。50幾蚊就有一個飯，又包嘢飲又包湯咁。首先係等咗好耐。唔怪之得要推薦大家用WhatsApp落咗單先。湯方面可以揀中湯或西湯。今日嘅西湯係白湯忌廉湯，鹹同杰到唔可以再飲落去。飲品方面我叫咗凍檸茶少甜，但係都好甜，回家後我自行加水。所以我想像唔到正常甜係點樣。飯方面我揀咗個鴛鴦炒飯。$52來說是很抵的。真係有蕃茄和白汁兩樣，工序都唔少。算係比較正常嘅一環。

今早我同媽咪大約8時14分入到依間野坐低，眼見一個用行雷一樣嘅聲線講野嘅阿姐好忙咁標來標去，咁我同媽咪就睇吓餐牌先，點知8時16分佢一個瞬間轉移企左係我旁邊，佢話：食乜？快啲！我當堂火起，我話咩話？快啲？佢即刻淆底，唔好意思，因為廚房要時間整！邊間餐廳廚房唔需要時間整食物呢😑。跟住我哋叫嘢，我足足重複咗三次我要凍檸茶走甜，同埋重複咗兩次我要炸魚柳公仔麵配煎蛋丹麥多士唔係炸魚柳通粉，而我媽咪就重複咗四次佢要熱咖啡同埋炸魚柳煎雙蛋配沙律，唔係雞翼煎蛋，結果嚟到凍檸茶超甜，炸魚柳公仔麵配腸仔丹麥多士，而我媽咪就俾咗炸雞翼沙律配煎單蛋😑，咁你叫我快啲有乜嘢用呢？你個腦完全跟唔上速度，啲嘢黎都錯晒，跟住佢去換返個六成熟嘅炸魚柳比我媽咪，而我個公仔麵唔知點解極度重鹼水味，我食咗一半已經頂唔順，我發誓一定唔會再幫襯依間所謂嘅餐廳。

呢間餐廳喺禾輋商場係新開嘅，作為附近嘅居民當然要試一試新嘅餐廳啦！( ´ ▽ ` )ﾉ佢個位置開得比較隱蔽，位於陳根記舊址對面。餐廳入邊唔算大但係因為新開所有設備都十分之乾淨衛生。令我最驚喜嘅係佢嘅價錢雖然唔係好貴但係又可以嗌到一啲比較冷門啲嘅餐品，例如味菜牛肉脆脆麵，鑊氣十足。由於可能都係事業嘅階段。佢一個餐如果不是外賣$50有找，就算外賣先$51有一個飯餐一個湯仲有一杯飲品。價錢可以話係相當之合乎經濟利益呀