喜悅皇宮

Open Now

Now Closed

呢區冇咩海鮮酒樓所以諗住就吓啲老人家就揀佢啦，點知啲菜嘅質素呢差到一個點，牛肉乸到冇牛肉味😤菜就得個油，一行四人食咗四碟餸埋單七舊水，個套餐四隻蒸扇貝加脆皮燒鵝啲鵝有啲臭添黑鼆鼆，感覺上係頭頭尾尾，總之個$700不如去樓下麥記嘅肥仔餐😢

以前住附近，我大肚時老公怕我辛苦，一星期落去四、五晚食飯，有時親戚來都落去下午茶🤣🤪真正飯堂，仔仔百日宴都係度擺，味道招呼和價錢都好𝓸𝓴💗依家搬左去北區，大時大節都突登番黎食，嗯，您覺得呢？價錢好相宜，餸菜幾乎無味精（我唔敢講冇，我又唔係煮😝），款式都好可以好犀利，龍蝦🦞伊麵食得多，白雪藏龍聽過未食過未？未食過真係要試試廚房大佬，真係臥虎藏龍🐲💯今次番黎主要奶奶生日食飯，花膠鵝掌和長腳蟹係訂既，花膠鵝掌個味好重要，汁都要撈埋飯一流，長腳蟹抵又鮮甜爆腳，真心好食和抵先山長水遠番黎食，試過就知係真😍🥰😋😋

今天屋企2位成員正日生日，去了青衣喜悅酒樓食晚飯，叫了套餐$698+10%服務員送了壽包一籠，食物合乎基本味道，最好味是龍蝦伊麵同埋抄飯。下次會再幫襯，服務唔錯，環境乾淨

可以執枱將啲垃圾掉落去人哋個身，問佢攞支筆呢好似欠咗佢咁，喺你面前呢整理衣服都得㗎！呢度應該係佢屋企開！喂雖然話係屋村啫，都唔係咁樣！真係茶餐廳都好過佢，以後一定唔會再去！

本身是打算陪家人去看醫生，豈料早到，然之後診所又早放行，結果變咗陪家人去飲茶。據知酒樓員工告訴12時前下單有優惠，於是點了幾個優惠點心。發現都算挺便宜，因為優惠點心，雖然幾個都是10多元，但是分量十足，例如蘿蔔糕，有四大片，厚切的蘿蔔糕，質地也不錯，而且也算是煎得夠香。山竹牛肉都不錯，夠大顆，而且不覺得吃到滿口汁醬的感覺。鳳爪排骨飯，鳳爪有兩隻，都算大隻有汁醬，排骨份量亦都不少，起碼有四五粒排骨，米粉的質地不太差，加點豉油汁之後，甜甜的輕微鹹，味道不錯。叉燒包都有三個，外皮輕微厚，但難免的，中間的叉燒汁醬帶點甜香，味道也不差。後來加的韓式糯米釀雞翼，雞翼味道挺不錯，醃過的，面頭又有點香辣，不過內裏的糯米就輕微偷工減料，因為內裏的只像是加入汁炒過的飯，應該不是糯米。基本上上一次在長康吃過那間餐廳之後，應該都沒有相隔一年，想不到長康村平台的店舖很多都已經轉變了，而且他的門面亦都有所革新，之前的長康酒樓結業時，來過一次，新開另一間有來過一次，現在經已是第三首這間喜悅酒樓。總結行一的中午時候來到這間酒樓，都人流不少，可能由於有些點心事在12時前下單，因此還有些是早市點心優惠，因此結帳時都不覺得

跟友人在這酒樓食過兩次晚飯，印象都係一般的屋邨酒樓 — 為邨民提供基本家常便飯嘅選擇。和上兩次一樣，我哋六人叫了一個晚市套餐，包括乳鴿丶白灼蝦丶蒜蓉粉絲蒸蟶子丶枝竹斑腩煲丶欖菜炒飯丶例湯。但今次我哋大食鬼上身，另加兩款特價食物，分別是燒BB乳豬(原價$400多，推廣價$100多)和阿拉斯加皇帝蟹(特價$600多，只做10月1日公眾假期一天)。乳豬燒得香脆丶蟹大隻又新鮮。當晚目測每枱都有叫其中一款，或叫哂兩款。想不到屋邨酒樓也能提供類似集團式酒樓嘅平靚正及時令食物，充滿意外驚喜的一餐。

有親戚由外國返黎，借機約埋香港的親戚出黎見面聯誼下，如果只係食餐飯得2個鐘左右又太短.所以今次我就搞左個雀局大家玩下！因為參與晚飯的人數有8人以上，因此我就book 左2張麻雀枱，喱度係獨立房間（一房兩枱）唔洗好似出面咁要同其他陌生人同房. 早一星期book 枱，booking 時忘記交帶要有窗的房，房內有煙味，所以有窗的話就可以有d新鮮空氣午餐時間，可以叫點心入房食，點心味道新鮮熱辣辣要留意的係，周未雀局晚餐規定左係1830 或是2100 後，1830 菜會上定桌的！遲出大廳食的話，菜就會涷架啦晚飯最終有12人，所以除了2個雀局餐外，我地仲叫左其他野食. 爐燒鵝皇半隻$208，孖寶 $198（包括白灼蝦同埋叉燒）掛住傾計忘了影相各樣野都好味質素高！長康邨提供，消費滿$300送2小時泊車

呢間係屋邨裏面嘅酒樓，連埋今次我已經嚟第四次啦，原因係因為佢嘅食物抵食，又大碟，而且食物嘅質素都非常好，所以今次我哋一行八人再過嚟呢間酒樓食今次我哋叫咗個八人餐，因為啲餸菜都非常大碟，最後都食唔晒仲剩左好多添，要打包左三盒餸菜，即刻諗起又食又拎 花膠雲吞雞湯，d花膠都好大隻而且侍應姐姐仲幫我地分好，後來每人飲咗三碗，D湯仲好甜手打鯪魚球煲中式煎牛仔柳風味小炒皇，好香口好味👍🏻👍🏻菠蘿咕嚕肉極品燒鵝王，有成隻燒鵝，真係好底食，而且好juice , 好好味 ，推介因為魚係最後上，大家都快要飽到食吾落，魚好大條，而且蒸得好滑👍🏻👍🏻個炒飯都係推介之選，好香好味總括而言，食品質素高，分量大，而且服務一流100分

平時食開最小有四隻鮑魚，但今日就得兩隻，問個經理啦，問係咪得雨隻鮑魚，個經理真係「經過而不理」，答我應該係掛，身為一間酒樓經理你咁答個客，就算唔知的話你係應該入廚房問，廚房無執碼架唔入得去問嘅，答我係掛然後行左去咩態度呀，餐牌影出黎都四隻平時都係四隻，係食日得兩隻，一係就貨源貴左小左料，一係就偷食左囉！！！不知………所謂！！………………………………………………………………………………

之前屋企信箱收到下面張傳單，又覺得幾抵食，成日都心思思想同屋企人去食下，今日機會嚟啦，難得有親戚過嚟，一於捉埋佢哋去食4餸一湯又幾抵食嘅住咗係度咁耐都未嚟過，除咗樓梯嗰位未整，佢內部裝修都唔錯嘅，不過我哋6點入嚟食，佢可能啱啱開返冷氣，一入去聞到酒樓d地氈臭味好強烈，不過過咗陣就唔覺啦見到其他餐牌都好抵食，不過我今日嚟一心係食四餸一湯嘅明爐燒味盆竟然用鵝、仲要比鵝脾但佢叉燒自稱叉燒王，可能太瘦啦，所以感覺麻麻雞就不過不失整體都唔錯生啫芥蘭豬頸肉超大份量，食極都有味道仲要唔錯燒汁夥菌牛仔骨又係大大碟，食極都有牛仔骨，不過略嫌牛仔骨（拿）過龍，口感麻麻法式芝士焗帶子皇呢個超正，真係帶子皇嚟㗎，勁大粒重點係配埋伊麵底一齊焗，勁正不過佢樣樣餸都好大碟，因為呢個要焗，時間需時，當我哋大半飽嘅時候先食呢個有點濟啦，如果一開頭食就冇得輸粟米魚肚羹又係好好飲，但上菜時間同步錯誤如果又係一開頭上菜就好冇諗過4餸一湯嘅餐都可以有咁大兜嘅羹起碼每人飲到2碗半最後附送甜品，開頭話有紅豆沙嘅，咁啱有人擺滿月酒定唔知百日宴，紅豆沙送哂，變咗南瓜西米露，我本人唔係咁好南瓜都覺得一流總括嚟講，呢度d食物真係抵食夾超大

長康酒樓結業後，轉咗個叫喜悅皇宮酒樓。今日是第一次來品嘗下午茶。 蝦球伊麵蝦球伊麵有三隻蝦幾爽口，伊麵軟硬適中，幾爽口，湯底好清甜。燒鵝瀨粉燒鵝瀨粉價錢合理，味道都可以接受。燒賣燒賣大大粒，有水準 。紅豆糕紅豆糕幾清甜，好味抵食，值得一讚。

對! Dragon Rick 又來又玩又吃又嘆世界，唯一不同是跟上次不同雀友來，吃完飯，才攻打四方城，希望赢番飯錢或下次再來的飯錢，想起也心中興奮！叫了百花蒸魚肚，蛋煎糯米鷄，春風得意腸，紅燒脆皮乳鴿及炭燒三層肉！百花蒸魚肚: 夠熱，魚肚夠諗，肉質爽！蛋煎糯米鷄: 有兩份，份量大，涵料不多，但有特式！春風得意腸: 入口脆絲，咬落chop chok聲，皮也薄，入味，ok good !紅燒脆皮乳鴿: 有D燒了過火，皮燶，但肉也ok，都惹味！炭燒三層肉: 賣相ok ,份量也足，最中意D肥肉，口感油油，啖啖肉連脆皮，幸福感上升！下次再來，再試其他款式！

手痕，又發作，麻雀蟻又出來了，好！馬上急call 三位戰友，其中一位戰友住青衣，他極力推薦在青衣區他常去的喜悦皇宮，話晒係酒樓格局，有門面，失禮！包了間房，幾小時，包玩包吃，只需268鹊局菜式，一於評價下它的性價比: 生炒排骨: 入口香脆，肉質偏甜，醬汁被排骨包哂，有大廚風範蒸班腩: 魚皮厚，骨膠源濃，啖啖魚肉，有鮮味，贊！燒味双拼: 叉燒拼燒肉，叉燒不是半肥瘦但燒肉皮頗脆，合格！充料例湯: 金銀蛋莧菜湯，菜多，湯也濃。268元，又玩又吃，良朋知己，夫復何求！

冇服務，冇選擇，冇味道的食品xo醬蚌片炒河，冇色冇味，用兩片蚌片炒河粉蚌片好貴?點心就超水準的低水平，都係有樣睇，開初想冇色有味都可以吖，但又係諗多咗冇色又冇味，雞蛋豬腳，可能已經係今次全枱最有味及合格上枱的食物了，蟹子燒賣皇太肚餓，4件全食了，應該都可以的。其他全部食物，做到浪費食材~難怪全場9成老人啱食飲茶 飲茶 茶仲嚇人，水唔熱，有色冇味，叫咗成5分都揾唔到個人加水。可能我要同啲老人家一樣日日落嚟坐，才會有人加水，有人lly:

今晚週日同家人去此酒樓食晚飯，是我地第一次到，都總有少少期望，地點較不就腳，不是青衣市中心，估計價錢應較街坊。一上到酒樓，只有半場客，以為是不就腳，所以較少人。叫了孖寶有龍蝦和燒腩仔，一碟菜及豆腐，都是家常小菜。菜很快便上，廚房速度值得讚，伙記在旁不斷執骨碟及添啤酒，令我們有被催促感覺。餸菜味道一般，炒菜也很少，比一般酒樓份量少及食材較差。叫了白飯及汽水，糖水一早已話沒有，4人吃都要6百多元找數，相對青怡酒樓比它好吃，也不用這麼貴。我已列佢入黑名單，再不做水魚。