Here Thai Market

Open Now

Now Closed

餐廳應該係新開，佔地好大，門口睇落好多人食緊飯，但原來入邊仲有好多位 ，唔使等 。睇餐牌嘅價錢就中規中矩啦，裝修同埋餐具都幾特別。豬頸肉茄子沙律豬頸肉佔大部份，調味都幾有層次 ，唔會好辣但開胃 。店員冇講吓係點食，我估隔離個椰菜應該係當生菜包咁配住食 。不過原棵真係有啲難分黎食，如果可以不如提供椰菜絲。船河（牛筋/牛頸脊/牛丸）有四款麵底揀，我揀咗闊河粉。睇相都見湯底好濃郁，配搭埋枱面嘅辣椒粉就更加惹味 。咁多款配料中最鍾意牛筋，炆到好腍。黃咖喱蟹肉飯呢個雖然有好多蟹肉，但食落有啲失望，黃咖喱汁太甜，亦都唔係好有層次，整體比較普通 。燒原隻魷魚酸辣汁惹味，配埋燒到好香嘅魷魚係冇得輸香茅青檸沙冰大大杯，酸甜平衡得幾好椰青水清甜解辣

食完一肚氣，埋單才知道每位要收茶錢$10一位，入去又唔講聲，詐詐諦諦好搵笨。專程過嚟試吓佢哋蟹肉炒飯，點知好失望，同泰國食過的好大分別，完全冇鑊氣，蟹肉淡而無味，炒飯又乾爭爭，仲有部份係生米，收人 $168，比啲咁嘅嘢人食。米芝連師傅諗出嚟，但係師傅仔炒得未夠功力。 雞飯啲雞又少又無雞味，好粗鞋。 燒魷魚都算大條，但又係無乜味道，比起九龍城是但一間泰國人開的地道泰菜餐廳的燒魷魚都好過佢地。 連杯泰茶都淡而無茶味，其他都唔想再講落去。又話米芝連，又乜乜水上市場 ……………呢間明顯係噱頭嘢，泰茶又插支香茅完全唔啱味，碟碟都整色整水，裝修靚靚，扮到貴價，但啲野又貴又唔好食，太造作，令人反感，香港人係咪容易俾人呃啲 ！😂

話說好耐無黎沙田新城市覓食，得知新開左間米芝蓮星級大廚泰菜餐廳，揾左個午餐時間黎試試。去到門口巧遇其中一位星級大廚拍攝。睇返店舖介紹資料，得知呢位大廚係泰國知名酒家文苑酒家創辦人文偉賢師傅。另一位名廚就係亞洲50第一名廚Chef Ton。而餐廳飲品都係泰國50年老字號Lung Ngen Coffee既出品。令到我對餐廳既食物好期待。本來估計有名廚師開既餐廳，價格應該都偏高，不過意外地價格竟然都係香港平均食泰菜既價錢。餐廳面積幾大，仲有幾個小包廂，幾適合大家庭。叫左杯芒果冰沙，首先佢個造型已經好吸睛，飲落唔似落左芒果糖漿去整嘅沙冰，類似喺泰國水仙芒果中比較清甜嘅感覺，好好飲。另外叫左杯蜂蜜檸檬水，飲落都幾特別，喺青檸加蜂蜜嘅配搭，同平時嘅港式檸蜜唔同幾特別。食物方面點少得我最愛既Padthai, 許多任何一間泰菜餐廳我都一定要食炒金邊粉。首先依家擺盤好靚好適合打卡。羅氏蝦炒金邊粉材料有兩隻大頭蝦、豆腐乾同大蝦乾，金邊粉麵質軟硬適中，入口唔會油膩，唔係蕃茄味同甜味好重嘅果一種炒金邊粉，所以食曬都唔會覺得好膩。好食。但係我低估左旁邊辣椒粉嘅辣度，按照平時嘅習慣全部撈埋一齊，即刻感受到喺泰國食

之前黎過一次食下午茶，呢晚見經開再試下晚餐位於一田樓上，由米芝蓮主廚主理，坐得舒適茶位HK$10/位羅氏蝦炒金邊粉羅氏蝦脹卜卜，表面烤至帶少少焦蝦肉札實爽口配有芽菜，韭菜，辣椒粉，花生和青紅椒等金邊粉有鑊氣，幾惹味海鮮炒闊河粉最鐘意食呢種闊河粉，煙煙韌韌入哂味海鮮都幾豐富，有蝦，帶子，魷魚等等如果份量大碟啲就更佳雞全翼兩串配有泰式醬汁，惹味提鮮雞翼外皮燒到焦香，唔錯泰式香茅燒乳鴿燒乳鴿食得多，第一次食香茅味肉質鮮嫩，淡淡香茅香味仲有兩粒鵪鶉蛋伴碟蜂蜜檸檬水，青檸梳打水大大杯，清爽又夠膩

行過見到呢間好有泰國feel嘅餐廳，見到入面有好多特色嘅泰國神像，例如有象神等等，見到入面人流都比較多，於是決定入去食下呢間餐廳！一入到去餐廳，店員安排我哋坐低，呢度點餐係用QR code自己落餐的，一坐低枱面都會有一壺細細壺的香茅茶提供俾客人，即使唔叫嘢飲都可以享用！蟹肉炒飯$168:炒飯好夠鑊氣，一上枱見到成碟炒飯上面鋪滿滿的蟹肉，蟹肉好有鮮味，好抵！ 食過返尋味！如果再去的話一定會叫嚟食！瀨尿蝦炒飯$168:同樣炒飯都係好夠鑊氣，上面就鋪滿原隻瀨尿蝦肉，不過瀨尿蝦蝦肉就冇咁有鮮味，相比之下，蟹肉炒飯更勝一籌！燒原隻魷魚$58:上枱有少少凍，魷魚有啲韌，呢個就唔太推薦！蟹膏蝦多士$128:原本以為呢個價錢都好唔抵，但上枱發現貴嘅原因！ 滿滿原殼蟹膏，好好食，勁有好鮮嘅蟹膏味，蟹膏味十分濃烈！蝦多士啖啖蝦肉！新鮮即炸的！100分！！🔥🔥芒果沙冰$48:原本以為都可以會有啲酸，但其實呢杯好甜，滿滿芒果味！鮮椰子水$38:椰子水就唔太甜，有少少清推薦指數：8/10🔥

娘娘去完泰國返嚟都戒唔到舖泰菜癮，所以返到嚟香港搵咗一間新開嘅泰國餐廳試一試！呢間係泰國米芝蓮總廚親自主理嘅泰式餐廳🇹🇭💂🏻‍♀️《燒原隻魷魚》 $58好大隻的燒原隻魷魚🦑 非常彈牙可口，搭配泰式特制辣醬汁，酸酸甜甜，非常開胃！評分: 90/100💂🏻‍♀️《泰式香茅燒乳鴿》 $68首先嗌個燒乳鴿，肉質好鮮嫩，仲充滿香茅香味😊 鹹甜恰到好處！而且個外皮都非常香脆，拎嚟做前菜非常好。評分: 93/100💂🏻‍♀️《安格斯牛肉船麵》 $128呢個船麵個湯底都好正宗，同係泰國食的味道相似！牛肉肥瘦適中好鮮嫩🥩 用金邊粉做面底，索哂個濃湯🍲 雖然比泰國貴幾倍，但係都食到正宗嘅味道。評分: 85/100💂🏻‍♀️《瀨尿蝦炒飯》 $168呢個瀨尿蝦炒飯比較特別，上碟個擺盤已經好吸睛👀 砌到成個海星咁！啲瀨尿蝦肉鮮甜彈牙，啲飯炒到粒粒分明，又有蝦汁的鮮味，非常好食。評分: 90/100💂🏻‍♀️《泰式香蕉煎餅》 $88Roti真係泰國嘅甜品no.1，外皮煎到金黃酥脆，內餡的香蕉🍌香甜軟糯，配返埋啲煉奶及朱古力醬非常搭配！評分: 88/100💂🏻‍♀️《芒果冰沙》《鮮椰子水》$48/$38芒果冰沙有啲淡，唔夠芒果

服務態度極差的一間食肆晚上去食，呢樣無果樣無食物又難食，食個金邊粉入面一舊舊黐住，超求其。舖頭收10點，9:10就拎單過嚟催埋單，趕收工咁。後生嘅唔想做，老嘅唔願郁，個個黑口黑面👩🏿我哋呢邊食野，佢地係隔離大大力執枱都唔係太大問題最大問題係佢地將d 骨，垃圾掃落地下。。一d衛生都無。。。價錢又貴，簡直貼錢買難受唔好去🙅🏻‍♀️唔好去🙅🏻‍♀️唔好去🙅🏻‍♀️重要嘅事，要講三次絕對唔會再去

每次來都很多人 想吃要早點來都是沙田人才知道的平民米芝蓮餐廳因為泰國主廚是來自米芝蓮餐廳如果不熟悉沙田新城市廣場的人會覺得很難找其實位置就在「無印良品」對面很喜歡周圍找好吃的泰國菜特別是如果不是住在港島的去泰國菜「網紅店」也太累了吧 這裏比很多名聲很大網紅店更優勝遲點大家都認識的話，可能就要等很久-本人最喜歡就是這裏的泰式船麵環境好像一秒回到了曼谷安格斯牛泰國船麵最喜歡這一款船麵 可以說是豪華版的船麵因為配料實在太豐富了 安格斯牛牛肉肥瘦適中還有燉牛腱肉 燉牛筋、和牛丸湯底也是很正宗很濃郁 還可以選不同的麵條我就更喜歡河粉 因為是泰式河粉面積較闊很掛湯瀨尿蝦炒飯炒飯粒粒分明 還可以吃到不用剝殼的皮皮蝦滿嘴鮮味的蝦肉很好吃燒魷魚 超級好吃的魷魚 朋友一開始話貴但其實都幾大份比我在泰國吃到的更好吃魷魚火候很好 那個肉質真的很絕 同行朋友很喜歡那個酸酸甜甜的醬汁「蟹膏蝦多士」很推薦這款小食價錢不是最便宜的 但鮮味濃郁的蟹膏

沙田新城市最近新開左間泰國菜，近住一田嗰邊舖位面積都幾大，裝修企理光線充足，晚市時段座無虛席。🔸蟹肉炒飯 $168蟹肉大粒飽滿，炒飯有鑊氣粒粒分明。🔸安格斯牛肉船麵 $128麵底可以揀米粉/金邊粉/河粉，配料豐富包括安格斯牛肉、牛肉丸、燉牛腱肉、燉牛筋，湯底惹味濃郁。🔸泰式墨魚粒蝦餅 $88一客六件，蝦餅彈牙飽滿，有別於一般蝦餅加咗墨魚粒食落有粒粒口感幾特別。🔸燒原隻魷魚 $58火喉控制得好好，燒完都仲係好嫩滑。🔹泰式奶茶 $28🔹鮮椰子水 $38

Here Thai Market（沙田）餐廳位於沙田正街18號新城市廣場第三期2樓,餐廳裝修高尚以木和滕為主調,設計以泰國水上市場作背景,好像去了泰國水上市場開餐感覺,餐廳主打泰國菜,由米芝蓮主廚主理,餐廳選用新鮮高質食材,服務員招呼到位。羅氏蝦炒金邊粉配有芽菜,韭菜,辣椒粉,花生和青檸等,大大隻羅氏蝦,啖啖肉,金邊粉有鑊氣,小小焦香,好惹味。蟹肉炒飯配有香蔥,青檸,青瓜,蟹肉份量都不少,入口鮮甜,飯粒炒到金黃色,粒粒分明,食落軟糯香口。蟹膏蝦多士蝦多士配有很多蟹膏,蝦多士炸到金黃色,每口多士都有蝦肉,蟹膏鮮美,好有滿足。雞全翼兩串配有泰式醬汁,雞翼外皮燒到焦香,肉質切保持濕潤,點埋醬汁更好味。香茅青檸冰沙沙冰好濃香茅和青檸味,入口清涼舒適。芒果冰沙好多芒果蓉,酸酸甜甜,越食越醒胃。

沙田新城市廣場新開咗間泰菜 — Here Thai Market，唔少朋友食過都話正，今晚收工就帶埋屋企人過黎一齊試試～餐廳裝潢別具心思，滿滿泰式風情，由泰國名廚Chef Ton同泰國知名酒家「文苑」創辦人文偉賢師傅開設，同時帶黎泰國50年老字號Lung Ngen Coffee，係Here Thai Market只需以平民價錢食到米芝蓮味道！😋安格斯牛肉船麵招牌船麵一定要試！麵底我揀咗米粉，索滿濃稠船麵湯汁，特別惹味！有齊牛筋、牛腩、安格斯牛肉、炸豬皮等多種配料，首推半生熟安格斯牛肉，厚薄適中，牛肉味濃，入口嫩滑無比～😋泰式海南雞拼燒雞飯揀咗油飯，油香十足~海南雞無骨嫩滑啖啖肉，配以雞皮爽彈，再沾上附送既泰式酸辣醬汁更滋味！燒雞偏乾身，燒得香口又惹味。 😋蟹膏蝦多士蝦多士就食得多，配蟹膏真係第一次試！蟹膏鮮甜香濃，加於蝦多士上同食，熱辣辣，又脆又香，雙重口感勁滿足！😋免治雞肉雞軟骨混以雞肉＋雞軟骨，濃濃雞味，好有咬口，如果配埋醬汁相信會更滋味！😋泰式手打檸檬茶檸檬獨特清香與泰式茶底完美結合，舒爽透心涼～😋泰式奶茶 奶茶口感相當順滑，甜度剛好。

Here Thai Market位於香港沙田新城市廣場三期2樓A216號舖餐廳由兩位泰國米芝蓮名廚Chef Ton和Chef Man聯合主理.旨在以高性價比的價格呈現正宗泰國風味的菜餚給香港人。餐廳地方闊落。以泰國水上市場獨特的文化景點為裝飾.人氣旺盛。//三色咖喱$268三款唔同嘅咖喱//另外仲配咗幾個米線. 同時食到唔同嘅咖喱。風味獨特。大大份。低吃夾大件。//瀨尿蝦炒飯炒飯炒得粒粒分明.瀨尿蝦的肉質鮮美，清甜.瀨尿蝦的腹肉飽滿濕潤，具有彈牙的口感。配上青瓜.蔥.檸檬. 清新口味。//豬頸肉沙律豬頸肉肉质丰满，口感嫩滑.沙律中加入了薄荷葉、香茅、檸檬葉等香草，为肉类添加了清新的味道。这些香草不仅去除了油膩感，还增添了风味。//芒果沙冰芒果带来浓郁的芒果香气和甜味.沙冰口感清凉，融化在口中，给人一种愉悦的感觉。//鮮椰青口感非常清涼，特別適合在炎炎夏日飲用。解渴讓人感到舒爽。

今日嚟到新城市試下呢間開咗冇耐嘅泰國菜餐廳裝潢好有特色 充滿泰國風情綠色做主調 配搭木枱櫈環境乾淨整潔 座位好闊落 店員都好友善豬頸肉炒飯 $88豬頸肉外皮燒到少少焦脆 食落好香嫩炒飯份量好多 飯粒炒到粒粒分明 蛋味香濃 會越食越想食另外仲有青瓜伴碟海鮮炒闊河粉 $128海鮮有大蝦 帶子同埋魷魚另外仲加咗蛋 青椒 紅椒 菜 粟米筍一齊炒闊河粉咬落去非常之煙韌辣辣地食落好惹味原條燒章魚鬚 $108好少食燒章魚 呢條章魚鬚真係好大條超級厚肉八爪魚好軟腍易咬另外仲配搭咗泰式辣醬 魚露 仲有白飯蟹膏蝦多士 $128蝦多士賣相好吸引炸到金黃色咬落去食到滿滿嘅蝦 蝦肉彈牙 外皮好酥脆 唔油膩蟹膏味道鮮甜香濃 口感細膩蝦多士配搭牌高登係perfect match鮮椰子水 $38超級大個椰子 椰子水仲要勁清甜 必點！泰式牛奶咖啡 $28用藤做嘅杯好有泰國風味飲落口感幼滑 牛奶味好香

今日約了朋友於新城市吃食晚飯。原來在新城市廣場新開了一間泰式餐廳。蟹肉炒飯 $168蟹肉炒飯的飯底非常香，加入了雞蛋非常有口感，金黃飯粒，粒粒分明，蟹肉非常大粒份量又多，而且彈牙富海鮮味！安格斯牛肉船麵米粉，小辣 $128這個船面有安格斯牛肉，牛肉丸，燉牛睷肉，燉牛筋。安格斯牛肉非常重牛味，而且軟腍，牛味香牛腱和牛筋富咀嚼勁，牛肉丸彈牙，湯非常香濃，米粉吸收了湯的精華！雞腿肉兩串 $48雞腿肉燒得，非常香滑帶，肉汁完全沒有流失，多汁嫩滑，還帶有點點雞香甜味。凍泰式奶茶 $28冰凍的泰式奶茶, 以竹藤編織杯墊，非常之有東南亞風情！ 泰式奶茶香甜，帶有點點椰香味！鮮椰子水 $38椰子水鮮甜！

放工同朋友到沙田市中心Shopping, 順道一齊食埋dinner先返屋企。經過呢間門面幾有泰國特色嘅餐廳, 望入去人氣幾旺, 加上原來係由兩位泰國米芝蓮名廚主理, 吸引我地入去一試。餐廳空間感都幾大, 尤其最入面長檯位置, 坐得幾闊落, 就算一大班人都可以舒舒服服坐埋一齊。檯面放了數款調味料同埋麥茶。點餐後, 上檯速度快。【羅氏蝦(兩串)】HK$56羅氏蝦脹卜卜, 表面烤至帶少少焦, 蝦肉札實爽口鮮甜, 配上泰式酸辣汁, 惹味提鮮。 【蟹膏蝦多士】HK$128多士非常酥脆, 蝦肉比例多, 鮮甜彈牙, 雙重口感一流! 另配有甲羅燒, 沾埋一齊食, 鮮味回甘, 推介!!【泰式海南雞拼燒雞飯】HK$98 (自選白飯/油飯)大部份雞件已被去骨, 兩款雞肉質超嫩, 燒雞皮仲好脆, 沾上泰式醬, 味道更提升。自選了油飯, 但稍為帶點乾身, 油香味唔太出。【雜菜炒闊河粉】HK$78 (走辣)闊河粉很有油光, 口感幼滑柔軟, 每條平均吸了醬汁嘅鮮香, 配上青椒、蘑菇等...增添了層次感。【泰式奶茶】HK$32 (+$4追加珍珠)奶嘅比例比茶重, 味道真係近似泰國地道一樣, 加咗珍珠, 煙煙韌韌幾有咬