Video
Opening Hours
Mon - Sun
06:30 - 00:00
Above information is for reference only. Please check details with the restaurant.
9月29日晚，與家人慶祝中秋節，在香江大酒樓訂了2圍，一行24人，當晚上菜速度，一個菜要等30分鐘，酒樓經理都不停向我們致歉及協助跟進，我們都體諒及明白。家人在30/9早上，發現昨晚食飯時，遺留了一盒家人送禮的月餅在酒樓，於是嘗試致電酒樓查詢，酒樓接電話職員回覆：（有同事收工將月餅帶咗返屋企）安排我哋明天中午12:00到酒樓查詢，到時聯絡酒樓黃小姐到了1/10 13:00左右，我們到酒樓找黃小姐查詢，黃小姐即時回覆：（我哋同事冇將月餅拎返屋企，我們當晚執到月餅盒是空的，會唔會你哋屋企人聚餐時已食咗，我地見到月餅都驚，點會我哋食咗。）對於酒樓既回應，我們都表示不滿，一肚氣希望酒樓有關部門能夠協助處理我們的不滿
continue reading
已經唔係第1次‼️‼️。母親節第一次黎飲下午茶當時無乜客，仲有好多空枱於是問阿姐可唔可以坐大張少少當時阿姐已經好大聲喝我：坐嗰張呀！我以為佢聽唔到，我就問多次又係好大聲喝我：呢張唔得呀！坐嗰張！。嗰次體驗已經十分差。今日再去，提早飲個父親節茶又係無乜客一開始叫左叉燒包，黎錯左雞仔包算啦，以為自己落錯單就照食。隔左陣加單要牛肉球同奶皇包點知又黎左蝦餃即時同位男經理講當時佢態度都係好差黑口黑面好似我地欠左佢咁。然後佢印張單出黎比我地對發現一開始叉燒包嗰度真係廚房出錯左然後第二次就係樓面落錯蝦餃咁我地就叫佢地加返牛肉球。於是，我地等呀等呀等左半個鐘就追佢地個牛肉球同奶皇包阿姐話做緊。好喇，到40分鐘我地問阿姐阿姐竟然大大聲話：廚房好忙咖！下？廚房忙？一來當時好多空枱二來你廚房忙關我咩事？我地等咁耐仲要比你喝狗咁喝？於是我地話要取消個阿姐又話：咁你直接去埋單啦！。聽完我同屋企人都好嬲埋單時同門口阿姐講個阿姐就話：佢係咁咖，講野大大聲但無得到任何道歉或一句唔好意思。真心嬲，唔會再有下次‼️‼️
continue reading
佢可以令我專登去出一個post去寫劣評 可想而知可以去到幾差！ 今晚難得同屋企人食飯 就去間屋企附近既酒樓食喇 7點幾入去 然後落order 落左4個餸 啲餸好似唧牙膏咁出 唔講以為食緊西餐 一道一道咁出 足足出左一個鐘都出唔曬 好唔好食都唔想comments 因為真係比佢搞到冇曬心情食落去 真係為求開開心心食餐飯即 但如果真係要等咁耐點解唔可以同個客講要等咁耐呢 同佢地講話等左成個鐘 得到既回覆係 廚房冧檔啊！ 咁會唔會係關我事呢？ 明知呢個星期多人做節都唔安排得好少少 呢餐真係食到好谷氣 可能去茶記食都唔會咁嬲 如果有心想做落去 唔該安排得好啲 仲有就係 唔只我呢一枱客等咁耐 呢啲大時大節真係唔好去呢度食飯喇
continue reading
早前約了朋友在青衣午飯相聚，有人提議到長發商場的香江大酒樓。今天是星期六已見有很多食客在等位，酒樓佔5樓全層的一半，面積都很大裝修有點舊。今天點了一個套餐，計有燒鴨半隻、豉椒炒牛河、蕃茄煮菜芯， 點心三款:叉燒包、排骨和牛肉腸粉。最先來的燒鴨仍是暖暖的，而且 燒鴨醬汁的味道很香濃，並且已滲入鴨肉内，鴨肉嫩滑亦不算太瘦有點肉。豉椒牛河的河粉尚算幼滑，但主角的牛肉質量不好太多筋，有一半牛肉都咬不動。用蕃茄來煮菜芯，個人感覺就有點怪怪的，而且菜芯亦有點煮得過稔沒有咬口感。三個點心的叉燒包外皮甜美，叉燒餡亦很多。排骨肥瘦肉比例均稱，遺憾是有點蒸得過老的感覺。牛肉腸粉皮不算厚但有點粗，内牛肉餡料亦算多，味道就一般般。總結今個午飯以屋邨商場來說，酒樓地方坐得舒適，而且價錢相對經濟，食物的質與量都中間水準，下次都會再來一試。
continue reading
今日諗住帶爸媽去飲下午茶，一入去冇人帶位，門口職員掛住傾計，唔望你只係來手飛左張點心紙俾你。我地自己行入去，搵左張枱坐低，但係有職員話你地咁少人唔好坐咁大張枱，（嗰張枱係四人枱，我地三個人）佢指左我地去坐另一張枱。跟住又話我地做咩唔坐前面，我話前面冇枱，佢死都要我地起身，我問佢前面邊張枱，佢話你唔起身點話你知，跟住我地起左身，佢就行開左，冇帶我地去一張可以坐既枱，我地行到去前都係冇枱！結論：都未食野已經唔推薦，永久blacklist!
continue reading