喜泰味

Open Now

Now Closed

喺附近買開嘢，隔離個麗閣商場行咗兩個圈都唔啱食，出嚟就見到間泰國嘢下午茶餐，三十幾至四十幾不等，包埋嘢飲，通漲猛於虎既時期黎講都算係抵食👍舖面闊落，我入去嘅時候得兩台枱客，本身都驚伏味濃，不過走嘅時候一大班人入咗嚟，相信係區內都有熟客幫襯開👍叫咗個火車頭炒飯，賣相就一般般，整體味道算唔錯嘅，但雞肉有少少「鞋」，成碟飯略為有啲偏油，食完個底會有成浸油，但勝在有條真係食得嘅芥蘭食吓。跟餐叫咗檸蜜，唔使加錢，不過非常淡性價比係高嘅，味道正常合理，不過淨係收現金同支付寶，就唔太方便

咁啱去麗閣邨，兩點鐘有點肚餓，見到下午茶餐牌幾吸引，於是入去食返個下午茶。冬蔭功海南雞檬粉+泰式鳳爪沙律+咸檸檬梳打，冬蔭功湯底好惹味，海南雞也很好味，我最鍾意嘅係湯底冇一啲唔食得既配料，我可以直接咁飲埋啲湯。泰式鳳爪亦好入味。下次再經過麗閣邨，一定會再幫襯！

我哋揀咗馬拉盞炒通菜、芒果糯米飯同埋泰式黃咖喱雞煲。馬拉盞炒通菜真係好好味，個馬拉盞嘅味道好香濃，同埋通菜嘅口感好脆爽，真係好食！另外，芒果糯米飯味道都好正，啲糯米好糯，加上芒果嘅清甜，令味道更加豐富。最後嚟緊係泰式黃咖喱雞煲，個味道好香濃，啲雞肉都煮得好滑嫩，配上啲黃咖喱嘅醬汁同埋啲蔬菜，味道一流！

喺今日6號放lunch想食泰國菜，之前食過一次係正常嘅，上菜速度正常態度ok嘅，個姨姨幾nice🤣點知今日個餐真係好勞氣😅😅😅我哋入去食個陣喺仲有位坐（都幾多），嗌完嘢食之後出邊就開始排緊長龍。過咗大概15分鐘左右，就開始唔對路，隔籬枱遲我哋5分鐘左右入，點知佢哋仲快過我哋上（我哋連嘢飲都冇，張枱係吉😅😅）。嗰陣時已經有少少怨氣，因為真係好肚餓。第一次叫佢去吹下廚房，（嗰個人就係幫我哋落order嗰個）過咗10分鐘左右，叫咗第二次（因為見到遲過我哋起碼十分鐘嗰一堆人都上咗飯😭）仲有真係趕時間，起碼等咗半個鐘。我見到佢喺廚房門口冇講嘢！！正常廚房係好嘈，要大聲講，個口罩會郁（我個人判斷）過咗半個鐘～第二次叫嗰陣係另一個哥哥，佢話整緊喎ok！我就唔理解點解半個鐘都冇嘢飲😅😅難以理解，個時已經想走，真係冇時間食飯啦！點知佢冇啦啦上咗杯熱咖啡？我哋真係o曬嘴，全部人都係叫凍飲🤣🤣都幾求其下。真係忍無可忍直接走人，走之前聽到個門口阿姐話「吓？佢哋冇俾錢就走人？」我真係好嬲😅你哋俾飯我，咁我咪俾錢你囉😅真係唔會有第二次幫襯‼️‼️‼️

lunch黎食飯，落完單之後等左好耐，見其他台啲嘢上曬（佢哋遲黎過我哋）。我哋自己台咩都未上，甚至嘢飲都未上。催完又催都係未黎，真係好肚餓…到最後終於上左第一份嘢飲，仲要係上錯嘢，上左隔離台嘅嘢飲。

諗住試吓呢間泰國野啦，係OpenRice 睇左個餐牌先。見個午市套餐也幾吸引，打算試個鮮蝦炒金邊粉加小食同凍飲，OpenRice 外賣自取total $68蚊。不過已經去到附近咪冇經openrice 落單，去到直接叫外賣。 點知原來即場叫賣會收外賣盒錢。收外賣盒錢其實也正常，但一共收咗3個外賣盒錢。即系連餐飲個杯也收錢，真係未見過咁收費嘅餐廳… 不如收埋膠袋同餐具錢最慘係啲野唔好食，鮮蝦炒金邊粉得三隻蝦、幾條蛋絲、幾條芽菜，個粉係冇味嘅。杯飲品泰式奶茶，得個甜字，完全冇茶味。真係唔會再幫襯囉！

呢次係第二次嚟麗閣商場呢間泰國菜。近期有羊腩煲，本來好想試吓。但我哋又想叫冬陰功又想叫菠蘿炒飯、串燒，又好似太多，唯有下次再試。先講個冬陰功用了十足有蝦、雞髀菇、車厘茄，辣度、酸度配合得天衣無縫，香茅味十足，兩個人飲每人可以有兩碗半左右，啱啱好！個炒菜亦唔錯，唔算太鹹有少少甜，亦有少少辣，同埋好大碟，兩個人都好夠食。另外叫咗個雞串、牛串，燒得好香但缺點係燒得燶左少少。沙嗲醬同埋個蝦片亦都唔錯。 另外叫咗個芒果糯米飯做甜品，同埋椰青。芒果糯米飯就麻麻哋，芒果唔算好甜，糯米飯就普普通通。而椰青就好新鮮非常唔錯！

今次黎個泰式下午茶，價錢標價親民，不過最後都係有少少失望而回。叫左2個餐: 冬蔭功肥牛金邊粉，冬蔭功海南雞金邊粉，味道ok!凍飲加2蚊，叫左個鴛鴦同港式奶茶。鴛鴦ok! 港式奶茶聞落好香好吸引，不過飲落略甜。叫得下午茶，其實都預左份量偏少，不過真係少得可憐。3塊牛肉，3舊雞，麵少....就算俾多24蚊加左個通菜，碟菜既份量都係好少仲諗住有先見知明，落單時已經係主餐牌攔多左個餸: 香葉鹽燒烏頭，點知食哂啲野都未黎，非煩忙時段都要等9個字先有得食。等左咁耐已經冇心情再評佢既味道...條魚應該都係細魚。留意主餐牌既食物是要加一收費。

下午茶份量估吾到咁小部分食評話哩間下午茶抵食夾大件，眯去試下外賣囉，點知道中招，份量小到離譜，好在叫多個芒果糯米飯。馬拉盞雞肉炒河（$32）1分- 味道OK，小小辣都幾開胃，雞份量下午茶都算OK，但河粉真系小到無朋友，其實攞上手都感覺輕飄飄，小朋友都吾夠食，如果考慮遲d午飯用哩個代替就肯定吾掂。芒果糯米飯（餐+18）4分- 芒果都幾香，兩盒都系一舊大一舊細，奶幾香吾系好甜，18蚊系可以話抵服務就吾想講，睇分數啦。

公司在附近，這次是第二次光顧，貪在繁忙時間，它都不用等位。★濕炒海鮮河粉 $58見餐廳很多客人都叫了，因此跟風也叫，結果有點失望，雖然足料，但整體沒有什麼味道。★豬頸肉冬陰公湯粉 $58冬陰公湯底尚算濃厚足料，豬頸肉亦留有肉汁，整體來來都值得一試。熱飲免費，配凍飲要加$2

約咗朋友去麗閣邨食飯。餐廳近長沙灣地鐵站，我和朋友分別點了曼谷鮮蝦炒金邊粉和泰式蠔仔泡飯及一個鮮椰青。曼谷鮮蝦炒金邊粉：配料有芽菜，香茅及花生。味道酸酸甜甜幾開胃，但蝦肉得三至四隻就真係比較少。泰式蠔仔泡飯：味道有薑味及香茅味，食落去好滋味。

今晚專程同男朋友黎食泰國菜，雖然佢係屋村商場入面，但質素一d都吾頹，仲幾好味添會免費有蝦片做前菜佢有個好抵嘅2人套餐，$188就有一個菜一個咖哩，2碗飯同2杯飲品，我地就要左：馬拉盞炒通菜份量吾少，菜吾老，味道好正，吾會辣但好夠味。椰香青咖喱牛腩好大鍋汁比你撈飯😆，超香椰汁味，微辣，牛腩份量多，仲有茄子同埋豆，茄子好淋索晒d汁雞肉串燒4串（另加$38）串燒可以選豬牛雞其中一款，燒得幾好，但個沙嗲汁未算好好味，相比下咖哩好食好多🙈飲品特飲都係加$8，但吾包椰青，但我地就飲左普通野。Openrice訂位仲送芒果糯米飯，原本會有一舊黑一舊白嘅糯米飯，但由於太飽，我叫佢比少一舊飯🤣，但芒果份量冇少到，仲有一舊雪糕，好味😋

下午茶米紙卷 $32 包熱飲係呀得一嚿咋😂味道係合格既 如果$32 我應該會想食MOS BURGER 一個多啲 哈哈值唔值大家自己判斷：）如果想幫襯下午茶餐牌建議點番其他了如果唔係以為自己係中環食緊小食take away 價錢～

深水埗係美食區，不過要揾一間性價比高嘅店可能一隻手掌數得曬。#下午茶覺得肚餓、但已經錯過午餐時間嘅朋友請留意＊呢間泰式餐廳🍴絕對要幫襯多次，不但接近午巿套餐的份量，而且好味道！抵食！#雞肉火車頭炒飯（唔辣）主要食材有三色椒🫑、洋蔥🧅、雞肉、豉油醬料炒飯，粒粒乾身有鑊氣，肉比例多鮮美，出面正價$6x-7x,下午茶只係$32咋！邊度揾？#芒果糯米飯（細）雖然名義上係細份，不過我好滿意，因為對於一個啱啱食飽飯嘅人嚟講試吓味就夠，重點係，芒果同椰汁🥥飯比例真係超好，唔會好縮水！and then仲要新鮮甜芒果，一啲都唔酸！#下午茶☕️可以跟熱飲，本來想試埋椰青水，但肚皮已撐爆！唯有下回「分解」^_^#店員服務態度都ok

今日途經長沙灣麗閣邨看見一處用貨櫃拼合而成泰式餐廳(喜泰味)非常之吸引👀，所以駐足看看，而且價廉物美好抵食，更加吸睛是星期六都有下午茶時段1.泰式海南雞船麵跟熱鴛鴦茶海南雞都好多件呀，雞肉軟滑浸在濃郁湯底非常入味，嘩……好似味覺去旅行(泰國)😊價廉物美2.雞肉火車頭炒飯跟熱檸檬茶雞肉火車頭炒飯熱騰騰按在抬上香噴噴鮮魚露味，領人食慾大振，雞肉軟硬適中，絕無“鞋”口，炒飯口感軟糯食落好飽腹，所以超級抵……抵，下次必定再來，因下午茶有好多選擇👍