囍筷 (Closed)

囍筷😋以前試過去買外賣食覺得都幾好食今次天氣好熱就買左杯冬瓜茶係銅鑼灣竟然用$18就買到一杯飲料冬瓜茶第一啖飲落好香之後飲飲下就有啲淡不過$18黎講都叫Okay啦佢地啲正餐都正Ga 下次幫佢地出個Post先😍⭐️⭐️⭐️⭐️⭐️⭐️味道：👍🏻👍🏻👍🏻打卡：🦚🦚🦚推薦：🐽🐽🐽⭐️⭐️⭐️⭐️⭐️⭐️

滷肉飯便當 $56份量超級大，啲料都好足本身覺得冇汁應該麻麻哋，但係啲滷肉超級Juice，入口唔乾呢一個餐每日會有三個不同的配菜，但係啲配菜味道就比較一般好味指數 : 8/10. 綠研 $5跟餐加綠茶只需$5，但係味道就淡好味指數 : 6/10. (不含加一服務費) (有學生優惠) - 整體評分 -環境 : 8/10 味道 : 7/10 抵食 : 8/10.囍筷 (銅鑼灣)銅鑼灣禮頓道128-138號希雲大廈地下2號舖.

今日出開銅鑼灣口痕搵野食，聽朋友講有間好味既炸雞店。入到去買野都快，仲有唔同付款方式好方便。叫左份鹽酥雞+炸花枝丸，原先諗住香口野都應該普遍好食。去到維園一開黎食竟然有驚喜，一食真心好食，感覺好似食緊去台灣旅行食既炸雞味道，賣相又好又炸得金黃色+好味+件數又足。至於花枝丸都唔洗講啦，一樣好好味！食過佢既鹽酥雞我諗我暫時唔會向茶x食鹽酥雞，真心無得比！仲有叫埋個冬瓜茶，甜甜地得黎又凍凍地，向咁熱天氣真係好解渴。

呢一間喺銅鑼灣嘅台式小店真係幾抵食🤑上次就食咗個古早味雞絲滷肉飯😎雞肉嘅口感都幾滑 幾入味🐔啲滷肉真係好肥美甘香 撈埋落個珍珠米度食 真係超幸福🥰旁邊仲有時蔬 感覺健康翻啲🤣

係CWB睇完醫生睇下mee搵食，睇到呢間之前有試過都唔錯既台式便當囍筷，咁就行埋過去再幫襯啦💛係OR落單自取部分選擇有優惠，我就揀咗古早味雞絲滷肉飯便當，又加咗一份鹹水雞時蔬+14，包一份紙包飲品😋有保溫袋拎返屋企都係熱既，打開見到滿滿雞絲滷肉加配菜食慾即刻up up😍雞絲完全係雞脾肉切片，適當調味好爽滑，滷肉本身我都有少少擔心會唔會好油（因為啲肥肉好似都唔少咁）但食落完全無覺得油膩同埋都幾腍幾入味，不過個人覺得滷肉份量再多少少就更好🙈配菜亦都全部好好食，鹹淡剛好又唔油，我好鍾意個豆腐！搭配既日本珍珠米飯都軟硬適中有飯香，係我鐘意既口感😉鹹水雞時蔬作為小食量亦都慷慨，沉甸甸？一盒🥹都係用雞脾肉整，配高麗菜胡蘿蔔同菇，感覺好健康清爽，想食多啲菜又唔想齋食菜呢個就係最啱啦😋古早味雞絲滷肉飯便當 7.5/9鹹水雞時蔬 7.5/9OVERALL 7.5/9下次想試下個台南蔥燒煨排骨💛

🐮 台式紅燒牛肉飯便當 $62💯 評分：🌕🌕🌕🌕🌕 (5/5)💬 紅燒牛肉有少少辣，味道啱啱好，肉質軟腍多汁，入口即溶超入味。醃蘿蔔酸酸甜甜幾開胃，仲有蔬菜同埋半隻滷蛋，營養均衡非常豐富。😋🐷 台南蔥燒煨排骨飯便當 $64💯 評分：🌕🌕🌕🌕🌕💬 蔥燒煨排骨勁大塊，即叫即炸脆卜卜，肉質唔會嚡口，食落鹹中帶香好好味。條條粉絲都嗦滿汁，撈埋珍珠米飯食層次分明，既飽肚又滿足。🤤

#黃店🇭🇰CWB- 囍筷又嚟試銅鑼灣小店既時候啦❗️今次嚟到囍筷，入面可堂食的位置到較細 得Bar枱位置～～所以我都係外賣咗 食晏時間都多人外賣拎走？咁鋪頭主打台灣菜🍱，仲係便當型式，令人食得好開心，價錢係銅鑼灣嚟講算好親民🧏🏻‍♀️👅炸雞腿便當(⭐8/10) $57呢個套餐包左紙包飲品☺️呢個飯食完真係好飽好飽 抵食～～佢既配菜有粉絲，兩條菜，半隻滷蛋…鐘意粉絲既我覺得好正 粉絲都好入味😆炸雞腿同飯分隔左👍🏻唔會令到炸雞腿淋哂～～食落脆卜卜 有小小肉汁 唔會好乾，又大大份 ～～大家要繼續支持黃店🥲💛🚩地址: 囍筷 (銅鑼灣)銅鑼灣禮頓道128-138號希雲大廈地下2號舖

出開港島做野，約朋友仔食飯，大家都思鄉，想食台灣野，上網搵左呢間「囍筷」有得食台式便當。去到發現只得BAR枱位置有得堂食，好彩多數人都係叫外賣，所以去到都即刻有位坐底。我們叫左兩個餐，一個係鹽酥雞便當，一個紅燒牛肉便當，兩個餐都跟紙包飲品。如圖所示，兩個便當賣相都非常台式同份量充足！有菜有粉絲，主食肉都好足料，女仔食的話有機會食唔晒添，男仔食就非常夠飽。人均消費$50-$60，有埋中學感覺的紙包飲品，好青春呀，而且銅鑼灣黎講價位算好親民！正正！推薦！

第一次光顧，透過OpenRice外賣自取，食物味道不錯D餸夠食哂D飯去到時食物已按指定取餐時間準備好可取食到一半見到個底有少少多油，不過肉燥飯有肥豬肉又好難避免以外賣黎講，價錢有點貴

It’s a small nifty shop focused on Taiwan bento boxes - usually your order will also come with 3 side dishes. (The chef inside is also Taiwanese!!!)They serve up a real homely indulgence in a nice rice bowl filled with things like spicy egg plant or tomato/egg. These side dishes may change - but overall it’s a really warm, flavourful bento with very good quality rice. The cost is also on the low side too which makes this meal amazingly budget friendly as well. Your bento comes with a drink if

喺銅鑼灣想食一啲多小菜又靚嘅台式便當，於是嚟咗囍筷食lunch! 牛肉份量好多，而且筋同埋肉分布得好均勻。老闆娘仲話大廚用咗特製嘅香料去醃舊牛肉，所以好香口。 小菜包括茄子、蘿蔔、半隻蛋同埋少少蔬菜擺得幾靚，外相係唔錯嘅。加多$5就可以有一杯凍奶茶。用咗紅茶去沖，不過不失都okay嘅😋如果你本身鍾意牛肉好咀嚼同有咬口，又想食到牛筋嘅話，呢間可以一試。下次想試佢嘅台式麻辣菜式。整體都唔錯，上菜好快，不過店舖冇乜位，外賣嘅話就方便啲！

本來想去希雲街排蕃茄，結果太多人就試呢間啦！小小店舖，主要做外賣，但都有2個堂食位，我地就係個到食，但可能甲級無咩傢俬吸音，姐姐同佢朋友講野既笑聲好響，我食得好辛苦，但男人就覺得多人人氣都幾好，雖然我同意，但因為唔係只有落單既聲，係佢既哈哈大笑... 我真係覺得好唔舒服，不過野食係唔錯既! 所以都係叫外賣啦！鹽酥雞便當跟餐 水蜜桃多多 $58 +10呢個一放出黎就好香，食落都算juicy, 個量都唔少水蜜桃多多男人話無特別雞絲蔥油拌麵 四季春 $56 +5呢個麵好食，但我覺得可以再香尐，佢汁都夠，食到底都仲有蔥油四季春有甜味既，唔係就咁齋茶炸豆腐 $15 (跟餐半價)有少少臭豆腐影子，但當然唔臭啦，仲幾香口，我講既係口感上，外脆內滑XD 我幾鍾意食~士林花枝丸 $17 (跟餐半價)呢個就比較普通，但17蚊有咁多粒都抵食~

六點後係屋企叫外賣第一次食呢間睇相以為好細原來一啲都唔細碗飯既分量岩岩唔好唔會太多魯肉好香 少少肥咁個飯仲有茄子、菜、豆腐同半隻滷水蛋👍🏻好有營養另外叫左鹽酥雞，好食！唔會油啲雞幾滑，鹹度岩岩好值得一讚外賣都有砌靚個飯🥰仲跟野飲

今日同老公出銅鑼灣買傢俬順便揾好嘢食一早搵咗想食呢間囍筷去到先見到原來堂食位置非常少仲要咁啱有人食緊😂於是我哋喺附近行多個圈再返番去堂食就有位啦老公揀咗個滷肉飯我就揀咗個紅燒牛肉麵仲加咗個小食鹽酥雞本來想加多兩杯黑糖珍珠鮮奶但係收銀姐姐話依家無賣😔所以就轉左飲兩杯普通嘅珍珠奶茶原來堂食都係用外賣餐具的等咗一陣就有得食啦老公個滷肉飯真係非常出色！滷肉真係用台式嘅做法係用五花腩切粒所以肥瘦相間唔係港式嘅台式滷肉飯😂滷肉嘅味道都較得非常之好非常入味 食得出滷水嘅味道層次飯粒亦都軟硬適中至於我個紅燒牛肉麵牛肉係用咗牛腩有四件份量都算幾足麵條亦都爽口彈牙不過個湯就有少少過甜係落得太多糖嗰種甜😰而唔係蔬菜或者湯頭嘅鮮甜俾個close up大家睇吓啲牛腩最後係個鹽酥雞味道好正宗！真係好似喺台灣嘅夜市食咁亦都唔會過油出色！不過杯飲品就真係非常之麻麻甚至乎係好難飲😖我哋叫咗少甜少冰但係杯飲品可能真係太少冰😂係常溫嘅飲落直頭係冇甜味冇奶味冇茶味係連好假嘅奶茶奶精味都冇就好似十幾年前珍珠奶茶啱啱傳入香港一杯街邊小店沖嘅嗰種珍珠奶茶咁嘅味道😰都幾失望冇諗過係一間咁正宗台式餐廳嘅出品水平人均消費$78食物真係好

💛 #黃色經濟圈 我本身幾鍾意食滷肉飯個奈何香港食親都又貴又唔太好食🥺試到我都冇乜信心~但今次銅鑼灣呢間便當店帶到少少驚喜比我❤️食到台灣嘅味道🤤🍴招牌滷肉飯便當($56)店員見我猶豫不定就向我介紹餐廳嘅滷肉飯🤤因為係香港中過唔少伏所以都係懷住半信半疑嘅心態試下🤣食落滷肉嘅肥瘦比例剛好🤤調味各樣都幾似台灣食到嘅味道~雖然未係去到最好食但疫情下食到都好滿足😋每個便當仲會配三款每日精選配菜❤️今次食係茄子、豆腐同蒸蛋😋個人覺得茄子同滷肉好夾食落超香👍🏻🍴鹽酥鴻喜菇($26)當日比較早同男朋友兩個都唔係好肚餓所以叫多左個鹽酥鴻喜菇試😋食落好酥脆仲好香菇菇味😋⚠️留意番餐廳只有3-4個位置~多數做外賣❤️但食物都有一定質素大家都可以多啲去支持💛尤其疫情期間買番屋企食安全啲🙇🏻‍♀️偷偷聽到餐廳好似係由台灣人主理架😚❤️📍 囍筷 (銅鑼灣)銅鑼灣禮頓道128-138號希雲大廈地下2號舖