焱川 (Moved) New Location

月前o係蘭度街見到呢間野...對日式爐端燒深感興趣的我一直念念不忘...香港要搵一間正宗的爐端燒...實在少....由於訂左位, 所以唔洗等....一入去就好有日本居酒屋feel...跟住一輪咀嗌左好多野食....個happy hour set幾抵, 4串串燒加清酒或啤酒(仲係大啤)都係$58...1. 豬頸肉 好食, 好juicy, 有一種動物脂肪的幸福, 必食...2. 牛肋骨 店員推薦必食, 的確唔錯,比豬頸肉少左一份驚喜...3. 燒白鱔 外脆內嫩 愛鱔者必食4. 牛舌 由於在下一向對牛舌冇好感, 但同行者話好味...5. 燒年糕 我覺得唔錯, 同行覺得中間太厚唔夠味...6. 車海老 即燒蝦, 在下認為太乾, 好就好多可以連殼食...7. 雞肉串 連大蔥一齊食, 更好食8. 雞翼 坊間好多鹽燒雞翼, 其實係炸ge, 呢間真是燒ge, 食落入面仲有肉汁9. 燒飯團 有多種味道, 做得唔錯....大約就係咁...留意因為即叫即製, 等ge時間比較耐...但不失為飲酒傾計的好地方三人行 ,$807 埋單

在這裏食晚飯...不太肚餓...兩個人只叫了一個沙律和一個拉麵..沙律不錯!!! 也許胃口有點差...佢好多菠蘿, 加埋d汁...幾開胃!!拉麵他說也幾好味...(我冇試到..haha)anyway呢度環境好好...可以坐好耐...(或者呢日少人..)

住係附近, 見開左好耐, 又見到lunchset價錢合理 ($55-$80) 不如試下la.叫左个鰻魚飯定食...個look雖然好普通, 但係饅魚口感真係一流 , 食落去饅魚會自己係你口腔內溶化, (我肯定HK無其他地方做到咁)然後滲出燒汁味, 加上香噴噴的日本米, 令人心情大好!(湯同salad都好普通)至於service就okay la......過得去...(但係有個waitress見我走時撞到風扇係到笑價錢真系超值...$55咁嘅水準, 真係一流!!!!

叫左兩客串燒定食 (hk$85x2)+2串燒白鱔($10x2)i) 沙律佢今次轉左做凍豆腐, 有d木魚絲, 蔥+羌絲係面, 浸住d日本soya source, 普通ba~ii) 麵豉湯咸淡適中, 不過好似再熱d會好飲diii) 白飯 日本珍珠米, 一粒粒好飽滿iv) 串燒 總共有10串 - 雞肉串,白菌,冬菇,銀杏,茄子, 雞肉丸,黑豚卷,豬頸肉,海蝦,多春魚全部即叫即燒,佢會燒好5-6串比你食住先黑豚卷包住荔枝肉,好特別, 入面淋淋地, 又有咸味又有甜味豬頸肉切得好厚身, 唔係出面薄chit chit, 好juicy~燒白鱔外皮好脆!!!!整體好ok, 但要自己落七味粉 / 海鹽調下味v) 甜品 係雪米chi, 桃味~waiter好好禮貌~

本身食飯個日有個朋友想去食粥底打邊爐, 但有人放左飛機, 所以改約其他人黎左焱川度食飯, 因為呢度有得Happy Hour Special... 為左呢個Happy Hour Special (包括either一壼sake或一支大啤酒或一壼梅酒, 4串任選指定款式的串燒, 一碟沙律) 我地特登約左七點半, 趕及八點前的last order! 我地總共點左8個Happy Hour Special, 點左32串串燒, 有雞軟骨, 雞皮, 雞肉, 豬頸肉, 煙肉蕃里茄, 海蝦, 白菌, 香菇, 多春魚... 好似仲有一兩款, 所以指定選擇都蠻多的啊! 其中我至激賞係豬頸肉同白菌, 兩樣食落都好juicy, 唔係燒得很乾, 其他食物都保持水準, 唔錯呀! 而另外個碟沙律, 我地只係要了五份, 每人一碟, 剩餘的叫佢地唔洗拎比我地, 因為要留番肚食其他野 之後我地另外再點左:燒海膽 - 朋友話似d蝦熟左既膏咁味道, 海膽係用個疑似飽魚穀承裝住黎燒燒大蜆 - 用白酒煮, 加些鹽吊味好很多呀!燒魚鮫 - 勁正, 我主力食晒咁制, 佢地整到剛好半熟狀態, d魚肉好滑口 牛肋骨 - 同豬頸肉一樣咁jui

今日約咗班同事去呢度食 lunch (其實都係第一次試食); 前兩天已打電話去 book 咗位, 個 waitress 話因為地方淺窄, 要分兩張枱坐, 咁都冇所謂啦, 一心諗住試下新嘢~ 同埋我見 d 食評都幾 ok 又係新開張, 再加上平時去蘭杜街食 lunch 都見呢間舖好多人向門口等位, 幾有人氣咁....點知結果係"激氣" ... Book 咗12:45pm, 準時去到~ 個 waitress 已經話要等等, 張枱未埋單 ;等咗幾分鐘後再問個 waitress, 佢話要再等等, 等多10 分鐘 10 分鐘後再問個 waitress, 佢又話催梗張枱埋單, 再等等... 等等等等等等等咗 "35分鐘" 先有枱 結果等張枱等咗"35分鐘", 又要等食物到... 成餐都得個"等"字.... d 嘢食味道只係普通, 一d 都唔值得等咁耐!! p.s. 原來平時 lunch 見到間舖門口咁多人等位, 係因為個個都要等最少半粒鍾!

今天跟幾個同事到焱川一試它的午餐，午餐選擇也有多款提供。我選了串燒套餐，有沙律、麵鼓湯、白飯。味道真不錯！還有同事叫的鵝肝套餐。

jul 28, 09,2人來lunch,叫咗 : 1) 串燒定食 (hk$85)i) 沙律-同平時嘅日式沙律有點不同因有菠蘿,粟米同紅腰豆-但個dressing唔酸唔甜,無嘜味道-所以普通 ii) 麵豉湯-正常 iii) 白飯 iv) 串燒 -有10串 - 雞肉串,白菌,冬菇,銀杏,茄子, 雞肉丸,黑豚卷,豬頸肉,海蝦,秋刀魚-全部即叫即燒,並無燒定,所以要等>15分鐘吓,不過佢會燒好5-6串就會先上比你,以免凍晒-個茄子嘅自家製麵豉醬汁好味,茄子就唔腍身; 另外黑豚卷包住荔枝肉,真喺諗到無諗過,有果甜味,自然好食好多啦,蝦有微鮮味,不過就"un"咗少少同乾咗少少-整體好有質素 v) 甜品 -喺維記嘅雪米糍,但喺荔枝味,比較少見-也不錯因有清甜嘅荔枝味 2) 煙肉車厘茄 (hk$10)-嗰日嘅午市特價串燒-個樣喺第2張串燒相-煙肉有佢嘅鹹香,配以車厘茄嘅juicy,好不錯 3) 黑豚露筍卷 (hk$10)-合格,但味道就覺得西營盤嘅本x做得好點 4) 鰻魚定食 (hk$55) i)-ii) : 意見如上 iii) 鰻魚飯-鰻魚肯定多過飯咁滯-鰻魚juicy,有光澤,醬汁亦甜蜜

呢間開左個零月，但我同同事就黎左三次食lunch，幾乎每個禮拜一次，因為真係好味又抵食！晏晝食lunch set，價錢5x - 85！食過網燒牛扒，鵝肝，同埋串燒三個set，三個都好味！每個set跟飯、湯、沙律和甜品1. 鵝肝飯 - $85 真係煎到外面脆入面入口即溶，仲有幾樣串燒，好豐富好飽！2. 串燒 - $85第一次去時，問佢有幾多串，竟然話俾我聽有十串，嘩，10串，真係好誇！超抵食！有三串肉，三串海鮮（魚和蝦），四串疏菜（菇、白果、矮瓜）！以前好少食串燒，原來鹽燒白果幾好味又特別！不過，10串再加埋d飯，真係超飽！3. 網燒牛 - 唔記得7x定8x一大塊，燒得剛剛好，仲好jucy！暫時淨係食過呢三set，遲d再試埋其他，不過，鵝肝同串燒set真係好抵食，真係要試！但鵝肝好快賣晒，想食就最好要留，同埋舖頭太細，四人或以上，一定要book位，如果唔係都冇乜機會walk in，間vip房其實好細同窄，八個人真係啱啱好only！同埋第一次去時上菜比較慢，可能啱啱新開，人手唔太夠，第二次去時已有進步了！d staff都好nice，服務唔錯！

去咗灣仔食爐端燒,發現{有汽SAKE}加{燒明太子}一齊食好Good Feel,{白鱔}彈牙原來厨師每日完條自己燥刀整,{牛筋骨肉}肉汁好多,{芝士雞翼}香口,{荔技豬肉卷}清而不膩,這間歺廳地方細細味道很好又有風味,有時間我會再落去飲酒"食飯"傾計"有間VIP房,自成一角,無人騷擾,<一定要試有汽SAKE>.

今晚相約兩位朋友仔一齊到呢間新開o既爐端燒試食, 雖然地方唔算大, 但都有 vip 房, 可以容納 8-10 人, 想靜靜地傾計o既朋友就要預早 book 啦, 招呼亦好好, 侍應妹妹成晚不停為我o地加水, 食物上檯算快, 始終都係即燒需時, 至於味道都幾滿意, 老闆亦好樂意客人比意見, 當然我亦唔例外會講出自己覺得有o既問題啦 食物方面, 印象最淨係荔枝黑豚肉卷, 一入口味道好清新, 我個人較鍾意係牛舌, 牛筋骨肉, 白鱔, 黃金蝦, 一口芝士, 燒飯團, 鵪鶉蛋同粟米... 等等.. 睇 d 相就知我o地o個晚食得有幾瘋狂啦 呢間鋪我一定有下次

聽講開業一個月，老板都好細心，都會問我地意見，有乜可以改進，首先我希望如果服務質素一路都係咁好，應該客人會KEEP住去食。野食方面，唔講太多喇，我叫左既野食，都0係附圖度有說明。但總括可以講既係，你唔會後悔0係度食。