Video
Opening Hours
Today
11:00 - 22:00
Mon - Sun
11:00 - 22:00
*Last Order 21:15
Above information is for reference only. Please check details with the restaurant.
終於扚起心肝1星期前嘅早上10:00上網訂位，一早預備好姓名、電話、電郵、信用咭資料。但過程都唔係太順利，原先揀左理想嘅時間7:15pm，但入完信用咭就彈出畫面所選時段已經無位，再重新揀左8:00pm，又再重入一次資料，終於成功。睇返訂位網，大概10分鐘時間，即係大約10:10am，較理想嘅午飯同晚飯時間都已經full左，所以大家預約記得要把握時間。餐廳位置對於唔熟悉IFC嘅我真係有d難度，因為搵唔到指示點樣上天台平台，用埋google map由中環碼頭到餐廳，用左廿幾分鐘。提醒同我一樣唔熟悉IFC嘅食客記住預留時間到達，因為餐廳只留枱10分鐘，遲過10分鐘會當no show，cancel 。到達餐廳，門口都仍有人等walk-in入餐廳，到我地離座時都見到有大約3對couple 可成功入座。我地入到餐廳根據店員指示先向左，行到自助點餐機，自選食物、飲品及付款，然後先正式入座，開始朝聖之旅。吧枱設計讓你可以清楚看到烤漢堡扒嘅過程，亦方便與店員溝通、要打卡亦容易；但係坐就唔算太舒適，建議輕裝嚟食，因為無咩位可以擺手袋，大褸亦只能掛喺餐廳側邊嘅衣帽架。店員服務非常好，會先講解雞蛋、水嘅自助位置、餐枱上及坐位前櫃桶嘅擺設。期間亦可輕鬆叫到店員幫你加飯。總共有3件漢堡扒會逐一奉上，第一啖漢堡扒根從建議直接享用，但溫提係要溫柔地咬，因為肉汁真係好豐富，慢慢嘴嚼先可以感受到肉汁慢慢流入喉嚨嘅滋味，牛味極濃郁，油脂香濃而唔膩，再放回飯面，試吓唔同嘅調味，個人就覺得配埋最簡單嘅鹽，就已經可以令肉味更突出。而配上生醬油就令肉汁味更濃，撈飯就更好食。第二件漢堡扒根據指示配上蘿蔔泥及柚子醋，可能已經無左第一次食嘅驚喜，味道依然係好食嘅，但說不出特別好味之處，唯一可以講到係蘿蔔泥味道幾鮮，水份充足，混合多汁嘅漢堡扒一齊食令濃郁嘅牛味稍稍中和了，混和白飯一齊食，反而突出了飯香。最後一件漢堡扒建議混和生雞蛋一齊食，朋友唔係咁好生雞蛋，所以感覺麻麻。我自己就幾鍾意果種滑滑嘅質感，不論係肉或者飯，沾上蛋液後都更易入口，美中不足係雞蛋沒有預期嘅超級蛋香，稍稍扣了分。不過配埋生醬油一齊食，淡淡嘅鹹香又可以令雞蛋、肉汁、肉碎、飯，四者味道完美融合，既香且濃，因為蛋液、醬油嘅緣故，令每一啖入口更濕腍，感覺肉汁變得更厚。整體評價係好食嘅，漢堡扒(其實佢厚身嘅程度，我覺得形容為大肉丸會更貼切)烤熟嘅程度掌握得恰恰好，外層微焦更脆口，而咬開又會見到微微嘅嫩粉紅色，肉質嫩滑。採用了日本米，飯香果然係特別易辨識到，而且入口非常軟糯，配上肉汁豐溋嘅漢堡扒同食係會忍唔住食到兩至三碗飯。店員個個都非常有禮，面帶笑容，令整體用餐氣氛融洽。但係坐位設計唔會適合chill & relax，以及進食嘅繁忙度(意指要品嚐不同食法、不同調味配搭)令整體嘅感覺會好似有d催趕咁，縱然店員唔會催還枱，但係就係感覺無辦法慢慢嘆。
continue reading
日本過江龍挽肉と米唔經唔覺又開左第二間分店，初步相信多左間應該冇之前咁爆場，趁假日即約了友人膽粗粗冇預約挑機中環分店，早點大約11:50去到，等左半個鐘到有位，同預計時間差唔多。先付款後入坐。設有衣櫃掛外套，防止弄污及吸味。餐廳係玻璃屋設計，樓底高，落地玻璃引入自然光線感覺舒適，裝潢以木系為主，圍爐座位，環形吧台設計，中心位置是炭火烤爐，可看到廚師即場烤肉，新鮮現烤，再迅速送到每台客人的烤架上，務求即時送上最新鮮的美食給客人享用，呢個格局都真係幾有心思。自助檸檬水位置。自助雞蛋位置，每位一隻。座位的櫃內有餐具、配料介紹及食用方法說明。枱底有個鈎個掛袋，前方烤架兩旁為自家製配料。(入坐後店員會略略介紹下嘅。）挽肉と米套餐，$148，有3件漢堡扒+白飯+ 味噌湯。第一件，原汁原味。100%日本牛肉的現烤漢堡扒，不加任何調味料直接食，漢堡扒多肉汁有肉香，外層有炭燒焦香味，好juicy又美味。米飯選用秋田縣秋田小町米，煙韌香軟帶黏性，漢堡扒送飯食，米飯吸收其肉汁更美味。第二件，配以蘿蔔泥和自家製柚子醋。蘿蔔泥鋪在漢堡扒上再淋上柚子醋，清爽的蘿蔔泥配合柚子香氣更增添食慾。添飯。第三件，生蛋拌飯。添多碗飯又繼續，打大佬嘅時候，大部分打卡都係生蛋打落漢堡扒上，變左個玩意，符碌咁成功左趁未跌即影🤣，打散蛋液加入醬油伴飯，口感黏稠有蛋香，十分豐富。伴食的配料試了兩款:青唐辛子鹽漬檸檬，頗酸的檸檬味，淡淡的鹹味，清香之感。香炸煎碎，蒜香味濃又脆口。梅子醋漬白菜，口感爽脆解膩。
continue reading
位於中環IFC的這間餐廳是近期的城中熱話，而且還頗難訂座。挽肉と米是一間來自東京的人氣炭火現烤漢堡扒專門店。每日上午10點開放7天後的單日網上預約名額，最終我是訂到平日16:00的時間。在門口位置有個預約報到區確認訂座，進店時先用自助機落單和付錢。之後將票給店員便會安排座位。另外桌子有勾可以用來掛袋子。餐廳採用開放式設計，但抽氣做得很好，所以不會有煙味，亦能看到燒肉的過程。店員會詢問是否第一次來用餐，是的話會簡單介紹一下。在抽屜會有張紙寫了建議享用方式和有什麼配料，記不住店員說什麼也不怕。如果想將所有配料都試勻，可能要追加漢堡扒或是再來吃過 (笑)挽肉と米套餐 (HKD 138) 整間餐廳就只有這個套餐，會有可免費添加的現煮白飯、味噲湯和雞蛋一隻。雞蛋要自己在餐廳中間拿，白飯的話則是和店員說會幫你添。漢堡扒最多有三件，每件90克。燒好後會放在我們面前的燒烤網上。第一件漢堡扒會建議在不添加任何配料下吃原味，外層是炭火的焦香。燒得剛好，漢堡扒紮實得來軟嫩亦有滿滿的肉汁，還有洋蔥香。第二件漢堡扒會是配以蘿蔔泥和自家製柚子醋一起吃。酸香的味道減低了吃第二件時的油膩感，我自己也滿喜歡這清新可口的吃法。第三件則是配搭生雞蛋享用，不論是將漢堡扒沾打散的蛋黃來吃，或者將白飯變成生蛋拌飯都可以，喜歡可以加點醬油調味。蛋沒有腥味，但就如果蛋香能濃厚一點更好，不過配香軟的米飯還不錯。多點了個小菜 - 免治牛肉薯仔沙律 (HKD 35) 就在等漢堡扒時可以吃一下，味道是普普通通那樣子吧。整體來說，食物質素配以在中環IFC吃，這個價位的炭火現烤漢堡扒CP值算高。可以再去吃吃看，不過就不會排 Walk-in，還是會選擇網上訂座。遲下尖沙咀會開分店，可能會容易點!?
continue reading
book咗呢間嚟食lunch😋(book咗唔使喺門口排隊，每日只有8個Walk in位，所以唔book根本冇機會食到🤪）我見本來有5-6個人排隊，後尾全部都放棄走咗上完堂之後，我就嚟IFC，嚟到入門口登記，好快就on time 入去，先喺門口點餐機選擇嘢食，$138（包3件60 G嘅漢堡，麵豉湯，一隻雞蛋，白飯任裝）我哋每人再加多一件漢堡扒$35😇買完，職員就會安排座位，再簡單介紹食法1. 建議原味就咁食⭐️⭐️⭐️⭐️⭐️2. 漢堡點蘿蔔泥+柚子醋食，酸味味，好好味⭐️⭐️⭐️⭐️⭐️3. 生雞蛋+漢堡拌飯食⭐️⭐️⭐️⭐️⭐️生雞蛋好實淨，又有蛋味，撈埋啲飯一齊食好好食😋😋我連埋蛋白撈落去，所以蛋黃企唔到，下次淨係放隻蛋黃落去，應該OK嘅😁☺️用秋田縣既米有飯味，煙煙韌韌，我添食咗三碗🤣😆因為我哋加多件漢堡扒，所以最後一件我用返原味食，食完好滿足，好飽😁😆 職員每次煎之前都會將漢堡搓圓撳扁拍拍手，好好笑😜再叫咗杯檸檬梳打，酸味味又好飲😋😋呢間可以encore🥰🥰📍 挽肉と米 中環金融街8號國際金融中心商場4樓4011號
continue reading
餐廳主打一樣嘢，就係免治牛肉個餐包3舊免治牛肉，一隻日本雞蛋，白飯任裝$138 喺中環嚟講真係抵到爛！試咗三舊肉，座位內有餐牌教學建議唔同方法分開食。第一舊肉建議原味食咁送飯，唔點任何醬汁第二舊肉建議點醬汁送飯食第三舊肉建議送雞蛋，當滑蛋飯咁樣食。女仔食嘅話勁飽，我男同事話都食到好飽！好味又抵食！網上book嘅話，要早兩個禮拜！good luck
continue reading