挽肉と米

Open Now

Now Closed

終於扚起心肝1星期前嘅早上10:00上網訂位，一早預備好姓名、電話、電郵、信用咭資料。但過程都唔係太順利，原先揀左理想嘅時間7:15pm，但入完信用咭就彈出畫面所選時段已經無位，再重新揀左8:00pm，又再重入一次資料，終於成功。睇返訂位網，大概10分鐘時間，即係大約10:10am，較理想嘅午飯同晚飯時間都已經full左，所以大家預約記得要把握時間。餐廳位置對於唔熟悉IFC嘅我真係有d難度，因為搵唔到指示點樣上天台平台，用埋google map由中環碼頭到餐廳，用左廿幾分鐘。提醒同我一樣唔熟悉IFC嘅食客記住預留時間到達，因為餐廳只留枱10分鐘，遲過10分鐘會當no show，cancel 。到達餐廳，門口都仍有人等walk-in入餐廳，到我地離座時都見到有大約3對couple 可成功入座。我地入到餐廳根據店員指示先向左，行到自助點餐機，自選食物、飲品及付款，然後先正式入座，開始朝聖之旅。吧枱設計讓你可以清楚看到烤漢堡扒嘅過程，亦方便與店員溝通、要打卡亦容易；但係坐就唔算太舒適，建議輕裝嚟食，因為無咩位可以擺手袋，大褸亦只能掛喺餐廳側邊嘅衣帽架。店員服務非常好，會先講解雞蛋、水嘅自助位

日本過江龍挽肉と米唔經唔覺又開左第二間分店，初步相信多左間應該冇之前咁爆場，趁假日即約了友人膽粗粗冇預約挑機中環分店，早點大約11:50去到，等左半個鐘到有位，同預計時間差唔多。先付款後入坐。設有衣櫃掛外套，防止弄污及吸味。餐廳係玻璃屋設計，樓底高，落地玻璃引入自然光線感覺舒適，裝潢以木系為主，圍爐座位，環形吧台設計，中心位置是炭火烤爐，可看到廚師即場烤肉，新鮮現烤，再迅速送到每台客人的烤架上，務求即時送上最新鮮的美食給客人享用，呢個格局都真係幾有心思。自助檸檬水位置。自助雞蛋位置，每位一隻。座位的櫃內有餐具、配料介紹及食用方法說明。枱底有個鈎個掛袋，前方烤架兩旁為自家製配料。(入坐後店員會略略介紹下嘅。）挽肉と米套餐，$148，有3件漢堡扒+白飯+ 味噌湯。第一件，原汁原味。100%日本牛肉的現烤漢堡扒，不加任何調味料直接食，漢堡扒多肉汁有肉香，外層有炭燒焦香味，好juicy又美味。米飯選用秋田縣秋田小町米，煙韌香軟帶黏性，漢堡扒送飯食，米飯吸收其肉汁更美味。第二件，配以蘿蔔泥和自家製柚子醋。蘿蔔泥鋪在漢堡扒上再淋上柚子醋，清爽的蘿蔔泥配合柚子香氣更增添食慾。添飯。第三件，生蛋拌飯。

之前喺日本澀谷千山萬水食過，之後知道喺香港開左一直都好想試下係咪同日本一樣。點知朋友請食lunch生日飯就book左呢間。知道依家開左一段時間上網訂位仍然非常難訂，所以大家真係要俾心機。一黎到都係同日本一樣喺門口揀好俾錢再入座終於等到第一舊，但望落同日本既顏色有唔同，無燒得咁鮮色，係比較暗啞，size都好似係細啲。而食落第一啖係無日本咁Juicy，同埋牛肉既肉味唔係好夠突出。到店員俾埋最後一舊，就出現燒得過濃既情況，因為食落係食到濃左既炭燒味。中途有加其他醬料，因為喺日本食過既椒麻醬，所以好期待香港既椒麻醬。但食落同日本係有差別，因為香港既色好似唔係鮮色，唔新鮮咁。總括黎講，價錢做到同日本差唔多，但吃落唔會有太大驚喜，可能喺日本食過，所以有對比，會覺得日本既質素係高啲，同埋店員無俾細碟放醬料，所以只可以直接加落飯到，如果訂位無咁難，可能都會試，但要上網預訂咁困難咁就可以等到無咁難訂先食，另外成個presentation ，日本黎講係日本優勝好多。下面呢張係喺日本澀谷店當日食既。

這間超人氣餐廳，walk-in兩次都失敗收場，人氣程度堪比演唱會搶飛。終於扚起心肝一早set定鬧鐘起網上成功book到位，一步踏入餐廳，落地玻璃窗外係一望無際嘅海景，心情即刻加分。大約$178一個set，性價比真係高得出奇。服務生細心講解每一道菜點樣食，唔單止係食飯，簡直係上咗堂美食體驗課。三塊厚厚的漢堡扒，煎得外焦內嫩，每一口都係牛味爆發，肉汁豐盈得好似要喺嘴入面跳探戈，真心感受到牛肉本身嘅鮮香同層次。白飯同太陽蛋係無限添，完全係飯桶福音，試過將隻蛋打落扒中間想嚟個完美融合，可惜佢彈返出嚟，未達成牛肉夾蛋成就解鎖，下次再戰！整體嚟講 : 從味道、視覺、服務到整體氛圍都令人滿意到拍手掌，唔怪得walk-in會無得食，建議你哋真係早啲book位，唔係就只可以望海興歎 

上網預約唔到 見到唔多人就walk in 排隊試下點知都係要排2個鐘 。雖然排2個鐘都真係幾痛苦，不過又真係好好食。期間其實見到入面好多單丁位，只要入座時用心安排一下，出面排隊嘅人可以無咁辛苦🥹，可以早啲入座到 。一入去要落左單先，無得加單 。$138套餐已經有3塊漢堡扒！每塊即場係你面前即燒，每一塊食用時都可以唔同方式食用，旁邊有唔同嘅配料 。漢堡扒一食落口😳即刻覺得排左2小時係值得🥹🥹 而且價錢比想像中抵，我仲點左杯青森蘋果汁同沙律，解下3塊漢堡扒無咁濟 。服務上可以再改善，旁邊有一位要講英文，有2位侍應要向其他人求救唔識英文，其實menu上都有英文，只需要簡易幾句greeting同介紹就可以，只係見佢地連試都唔試就求救感覺差啲，而且呢到係IFC 應該都唔少唔同國籍嘅人會來吧 。

岩岩喺到試咗佢哋嘅漢堡扒，絕對係值得推薦嘅一餐！漢堡扒煎得外層微焦，帶少少香脆嘅口感，但內裡保持嫩滑多汁，每一口都滲出濃郁嘅肉香，真係令人回味無窮。肉質紮實但唔會過硬，調味恰到好處，提升咗整體層次感。 係食法上面都有好多選擇，個人鍾意檸檬個個醬，好fresh，令到我有動力食埋落去！份量方面亦都相當足夠，食完有種滿足感，但又唔會太油膩或者覺得滯。 餐廳環境簡約舒適，服務態度親切，送餐速度亦快。以呢個價錢嚟講，呢份漢堡扒真係性價比極高，無論係對肉類情有獨鍾定係想搵高質素漢堡扒嘅朋友，都一定要試下！

ʀᴇꜱᴛᴀᴜʀᴀɴᴛ ʀᴇᴠɪᴇᴡ挽肉と米最近挽肉と米於尖沙咀開設了第二香港分店相信人流會分散一點上網預約時間不難可能熱潮減退？店舖位於ɪꜰᴄ平檯玻璃屋位置高樓底配上木系裝潢非常日系感座位以環形方式「圍爐取暖」可以一邊望店員於中心位置以炭火燒肉儀式感幾好座位抽櫃內已設有餐具、配料介紹及建議享用方式🔸挽肉と米套餐 $𝟣𝟥𝟪 ʜᴋᴅ套餐包三件漢堡扒免費添加的白飯味噲湯及雞蛋一隻第一件漢堡扒跟據建議方式無加任何調味料食用漢堡扒入口有微微炭香肉質並非過於鬆散唯油脂口感不足不至於驚艷餐廳提供不同調味料及雞蛋令到三件漢堡扒的食法並不單調試過全部調味後個人特別喜好配上油漬青唐辛子及椒麻醬最終不知不覺完成三件漢堡扒配三碗米飯用餐過程店員一直會留意你進食進度亦會主動詢問你是否需要添加米飯確保放於你眼前的食物熱度套餐價位定價合理整體用餐感覺不錯不過離開餐廳時見門外的ᴡᴀʟᴋ-ɪɴ客人仍在排隊又凍又大風情況下真的不太建議等侯建議還是可行情況下於網上訂座後才光顧隔一段時間應該會再光顧的@hikiniku.to.come_hongkong挽肉と米 (ᴄᴇɴᴛʀᴀʟ)📍 ꜱʜᴏᴘ 𝟦𝟢𝟣𝟣, ᴘᴏᴅɪᴜᴍ ʟᴇᴠ

終於去食到想食好耐嘅挽肉と米，開張咗一年，仍然需要提前一個星期，10:00即刻book先book到心儀嘅時間，真係好誇張！挽肉と米套餐三件漢堡排、秋田產白米飯、生雞蛋、面豉湯🐻comment:漢堡排keep住即製即燒，燒到熱辣辣師傅就會夾到你面前，食完一塊先上第二塊🤤上到黎見到塊漢堡排仲係滴緊油㗎🤤好吸引漢堡排比較細塊，不過幾厚身，食落好爆汁，再各種加上餐廳嘅配料和醬料，送飯真係一流，一定夠飽👍🏻雖然啲醬料冇乜記憶點，不過可以令食法比較多元化，令我食左2碗飯，男朋友食左3碗飯！好食係好食，不過我覺得未至於要排隊等/提前一個星期搶位，都係試一次就夠😂

嚟咗香港咁耐😂🤣今日終於同同事一試挽肉原來熱潮仲未過 我哋喺官網早一個星期book咗位 嚟到餐廳門口有一班冇預約嘅人等緊 就算預約咗 我哋都等咗十分鐘左右先入得 餐廳限時60分鐘🙈入到餐廳 同喺日本食拉麵一樣😂自助買餐先 然後先入座 入座後店員會問你喺咪第一次嚟食 會先解釋食法、餐具設備等😆生雞蛋都喺自助 每人一隻🥚店員會先上飲品、湯、白飯先😃 估唔到麵豉湯又幾好飲😝湯唔會太咸 而且好夠熱 天氣凍飲返碗湯真係好正🙌冇耐就上第一塊肉排😆 第一排佢哋建議食原味 不加任何調味料 肉排比想像中juicy而且唔肥膩 送米飯一流 店員會逐塊逐塊上 確保質素同熱度 食下食下已經好飽😆如果細食嘅話 三塊會有啲多 但呢間餐廳得一個set可以揀

尖沙咀店開咗之後 好似易book咗唔係準時1000入去都仲有位book到每次坐係到望住啲職員燒漢堡扒 都覺得好治癒 好睇睇挽肉と米 套餐 $148原來已經加咗$10漢堡扒keep住有質素 3塊都ho juicy 好好味今次仲終於都成功放咗隻蛋黃上去可以影到相!!!一影完就跌返落嚟😂仍然好喜歡依個蘿蔔蓉+柚子汁感覺好清爽好解膩 同塊漢堡扒好夾唔知係嗰日肚餓定係點 覺得白飯好食咗😂唔覺意啪咗3碗飯又可以再book下一次

餐廳老闆是前聚福樓個公子，溫野菜集團個老闆，香港人做食肆賺到盡是公式化。大家都清楚很多外國連鎖店的經營權好，到香港就都是味道很遠，這一間都係唔例外。因為偷工減料，盡量食材節省成本，以香港160圓左右單純一個牛肉飯來講，熱辣辣可以食飯無限添加，在香港你都不好再有乜嘢要求。香港呢一間分店要求雖然都係日本米，但係最近食咗好似糊仔咁樣，入去碳香牛肉味道係完全消失的，也許因為你是第一次來不知道。佢哋將啲炭全部唔用節省成本啩。牛肉一係水份太多，一係太乾身，大家都知道做廚房做得好辛苦，所以笑容就唔使多講，默默做何來？有時間同你應酬呢，我們也是密密食，亦無需要多講。亦都唔係喺香港嘅要求。不過呢間嘢依然大把人排隊，座位有限，但係想試嘅人多，就算我今日叫你唔好去話唔係咁好食，你都會繼續去，況且今次我講嘅其實已經同好食冇乜關係，只不過係如果你用$170左右嘅價錢喺Ifc食一個飽肚嘅飯，咁呢隻選擇可以食麵包飲杯咖啡都得嘅，但係貪呢度方便。呢個氛圍一齊食又冇咗嗰種圍爐取暖的感覺推介你們到曼谷或者日本幾間唔同嘅分店你就會截然不同。

挽肉と米 (IFC)挽肉と米 (港威商場)1-2月夾到時間分兩次walk in兩間挽肉と米所以就夾埋一齊寫啦IFC店係年初六朝早去到嗰日有部份人已經開工趁住可能少人D就試吓walk in朝早11:30去到等到12點多入到落地玻璃採光度及空間感極好而港威商場店係星期六約中午12點去到大概等到13:00左右就入到但港威商場分店係完全無窗燈光亦好暗所以想影相打卡之類就唔建議去呢間分店兩間店都係一入去先到自助機落單同俾錢先之後店員會安排入座有衣櫃掛褸以防吸味衣架有號碼牌認領但其實無店員理嗰個位同唔會鎖櫃所以重要嘢請跟身啦裡面分別有兩張空心大圓形枱圍住師傅坐師傅就喺中間位整同炭燒漢堡扒枱下面有掛勾掛袋亦放有餐具同三食食法介紹枱上面有不同配料及配菜有自助檸檬水可以自取嚟自京都嘅雞蛋放咗喺兩張枱中間位置每人限取一個秋田縣小町米飯煮到唔算粒粒分明算偏稔嗰隻飯可以任添每次添嘅份量唔會好多所以兩碗係基本了🫣一入座師傅都會大概講解晒上面嘅嘢基本套餐 （三件漢堡扒，味噌湯，任添白飯）$138（另收加一）第一件漢堡扒-店方建議原汁原味去品嚐 牛肉味香濃 整開有肉汁流出 但個人覺得兩間分店原味都係偏鹹 而

喺香港開咗大半年，依然好難訂位，每日十點會開放一星期後，試過幾次準時撳入去都冇😢有一日心血來潮晏晝三點撳入去睇，見到佢放晒整點嗰啲出嚟，成功預約咗假日中午時分到訪😎不過限時一個鐘都幾趕急，坐成十五分鐘先上第一塊漢堡扒、白飯、味噌湯，得返四十五分鐘食，臨尾五分鐘比兩個店員相繼催促離座🫠▪️ 挽肉と米套餐 💲138▫️ 現烤牛肉漢堡扒（最多三件，每件90克）▫️ 現煮白飯（免費添加）▫️ 味噌湯▫️ 雞蛋一隻▫️ 生醬油、青唐辛子鹽漬檸檬、油漬青唐辛子、MOU先生特製麻辣粉、椒麻醬、香炸蒜碎、梅子醋漬白菜、豆拌醬油1️⃣ 直接大口咬下燒好上檯熱辣辣，紮實得黎又軟嫩，咬落去係滿滿既肉汁，有齊炭燒香氣同肉香，又真係幾好食🥹2️⃣ 配以蘿蔔泥和自家製柚子醋食落酸酸地幾清新，中段可以解膩唔錯👍🏻3️⃣ 配搭生雞蛋享用建議係將漢堡扒蘸入打散既蛋黃，或者係蛋液加入醬油，倒係吸收左肉汁既白飯度🤨不過見大家挑戰將個蛋黃放喺漢堡扒上面打卡，就一於試下🤪本身已經睇曬攻略，話要係漢堡扒上開窿，但第一次都失敗，店員話個窿唔夠大，忍唔住落手幫忙先成功🤣蛋香十足，成餐總共食左兩碗半飯大滿足🔎 整體評分（9/10）

餐廳主打一樣嘢，就係免治牛肉個餐包3舊免治牛肉，一隻日本雞蛋，白飯任裝$138 喺中環嚟講真係抵到爛！試咗三舊肉，座位內有餐牌教學建議唔同方法分開食。第一舊肉建議原味食咁送飯，唔點任何醬汁第二舊肉建議點醬汁送飯食第三舊肉建議送雞蛋，當滑蛋飯咁樣食。女仔食嘅話勁飽，我男同事話都食到好飽！好味又抵食！網上book嘅話，要早兩個禮拜！good luck

食物唔使多講, 費事班門弄斧, 簡單就係肉好食, 飯香軟, 性價比極高不過都有少少善意提醒想講下:食物方面, 肉略嫌黑椒味重左少少, 杯Highball有d啖口, 其餘都冇得彈服務方面:1.     負責帶位經理感覺冷漠, 唔太好客殷勤2.     負責煎扒同事不斷談天, 令人感覺唔到日本職人嗰種認真,至於有冇影響到食物出品質素就唔知道了, 因為只係第1次食未能評論3.     總體員工都唔太比到令人好舒服嗰種服務態度4.     Book左位唔係即刻入得都明白, 但原來去到都仲要排隊先到先入, 呢樣似乎喺book位時講明會好少少, 因為唔知先到先入, 早到左都冇早d去登記, 結果要排一輪先入到不過都明呢度係hk唔係日本, 或者”$158仲想點”, 但始終係係日本人氣店, 點都會對服務有多d期望