顯徑車仔麵 (Closed)

今日要過顯徑搵個朋友順便買埋晚餐回家諗起呢間顯徑車仔麵好多年前試過堂食依稀記得OK既見張點菜單好多選擇有少少花多眼亂而除左車仔麵都仲有其他小食揀點左~辣魚旦, 通菜, 冬菇, 枝竹, 粗麵(豬骨湯, 辣汁)辣魚旦係幾入味既質感都中規中矩其他就正常啦湯底唔會好味精但又唔會好淡(雖然唔係好飲到係豬骨湯)總括黎講OK啦不過不失吧

呢間小店真心比到我驚喜，本身入到黎諗住食車仔麵頹頹地啦，但係入到黎見到原來都有飯食㗎喎，所以就想試試挑戰車仔麵檔入面的飯。點知真係有驚喜！炭燒雞肉脆雞蛋飯+豆漿 $40賣相超級靚，上面嘅蔥花油好吸引都好香口，參滿晒成個飯，仲有兩粒脆皮雞蛋，下面仲有6塊炭燒雞肉😍塊塊雞肉都有好香嘅炭燒味道，令人食五挺口，伴上蔥油，糖心脆皮蛋，不知不覺食晒成碗。下次來食多一次同行嘅朋友就叫咗車仔麵，佢覺得比較普通,都係飯比較吸引啲🤪

作為沙田嘅街坊知道哩間小店好耐但真係嚟食都係身一次哩度除咗車仔麵，仲有飯、碗仔翅、糖水賣Keep住有客人嚟食同買外賣好受歡迎！今次我哋叫左個炸髀飯同車仔車仔麵就普通，冇話特別好食而哩個邪惡炸髀飯果然係招牌產品個炸髀即炸脆卜卜又夠巨型內裡juicy醃得夠入味然後到後面個秘制蔥油太陽蛋飯太陽蛋燶邊蔥油夠香篤穿個蛋黃、連埋蔥油、豉油同飯一齊食.....諗起都開始吞口水$44仲送豆漿，好抵食！值得再回頭！！

顯徑美食唔算多，見到有好多人在顯徑車仔麵排隊，我就入去試一試。我點左佢最出名的豬扒、韮菜餃和豬頸肉配河粉，點知河粉賣哂，轉食油麵。豬扒就真係好失望，塊豬扒好大塊，但骨頭估左大部份，無咩肉，肉都煎得好柴，無哂肉汁，而且豬扒冇剪開，女士們食的時候會有啲麻煩豬頸肉就有啲驚喜，醃得好入味，煮得好諗，值得一讚服務方面，就令我有點失望。舖頭唔算大，但只有一個侍應一個廚師，根本應付不來。好多客人都要等十分鐘左右，顯得有點唔耐煩，我就好彩啲，等左5分鐘左右，但朋友食飯就等左接近20分鐘不過點小食或雞髀都係即叫即做，都算新鮮，等一陣都無所謂！

知道佢係黃店，所以特登入去試下。叫左幾個餸咖喱魷魚，豬紅，即炸豬扒同油麵，湯底係酸辣湯。等左5-10分鐘,麵終於到啦!呢張相係我摷左個麵，所以柒左少少不過佢本來塊豬扒係面，跟着上面再加左一pat酸辣汁？醬？見到係幾失望，酸辣湯底變酸辣汁，炸豬扒又無炸過，煎都無。個麵底又少，已經唔講食物質素，但係可唔可以比番岩嘅野我？價格雖然唔貴，但都唔算平，係直情唔抵。所以我係唔會再去，完。

入大圍探朋友,帶我去食佢的飯堂 - 顯徑車仔麵位置好便利,就在顯徑村對的村屋地下. 而家食一家新餐廳,自己都會搜尋一下餐廳背景. 發現餐廳響80年代已經在顯徑擺車仔檔,後來搬入鋪位到今日,已經30多年.除此之外,卑我發現餐廳係同路人,食得開心又放心!無論餐廳佈局,以致食物風味,都保存到老香港味道.但又有推陳出新食品,竟然有甜點系列!車仔麵方面,有少量指定款式,價錢實惠,朋友食開-招牌六寶麵,六寶中豬腸&豬紅係亮點,唔係間間車仔麵有呢兩款,同時又好味!我就散叫左款車仔麵-牛腩/手工韮菜餃/貢丸+幼麵,辣汁唔錯,個人口感可以再辣多D,下次試下秘製辣汁.麵餐過$35,送豆漿/羅漢果, 我叫左杯羅漢果,另叩左杯奶茶.小店生意, 都希望大家多多支持.

呢間喺顯徑一條鄉村屹立30年嘅老店，一於試一試。🤔⁣⁣即炸秘製豬排+即炸午餐肉+咖哩魷魚腩汁伊麵 （$44）［好味度：7.5/10］⁣呢度真係有好多款好餸揀，而且都有好多款係廚師推薦，咁今次就自己揀咗呢一個配搭。😋 佢嘅秘製豬扒的確係好驚喜，因為醃得非常之入味，豬味好濃沃。🐷 而且即炸餐肉呢，都好襯個伊麵底。🙌🏻 咖哩魷魚嘅份量都唔少。🦑 果然係一間三十年嘅老店，水準的確有番咁上下。👍🏻 湯底都好出色，飲完唔會好口渴。😆 三餸或以上更送嘢飲。😬⁣⁣椰汁西米露綜合QQ圓 （$36） ［好味道：7/10］⁣雖然呢度係一間有30年歷史嘅老店，但係都有啲比較新穎嘅甜品，包括呢個QQ圓系列。😙 佢有芋圓同蕃薯圓，加上呢個幾甜嘅椰汁西米露，嗜甜者值得一試。🤩 可以食完車仔麵之後唔夠飽就加個甜品。😯⁣⁣

親戚住顯徑，所以間中都會黎附近一齊食飯。今次由於有啲趕時間，就黎左呢間車仔麵，諗住快靚正食個快飯🤣 親戚仲介紹話呢間車仔麵已經開左30幾年啦！親戚叫左三餸車仔麵，幼麵配牛腩、墨魚丸、金菇和腩汁。湯底既清又帶有鮮味，啲餸既份量都唔少。見到餐牌除左腩汁，仲有其他辣汁選擇，下次可以一試。而我因為太肚餓所以叫左個秘製葱油豬扒脆蛋飯試下，飽肚啲。冇諗過份量咁足，豬扒勁大塊，個秘製葱油幾香，撈飯一流。賣相都十分吸引。$38真係好抵！兩個餐都包左豆漿，埋單都係得70幾蚊，幾抵食👍🏻

今日去顯徑探朋友，原來由大圍行入去都唔係好遠，行10零分鐘就到，朋友話上去佢屋企前，帶我食好野，我心諗咩好野咁巴閉，原來帶我佢佢樓下食車仔麵，個名就用番"顯徑車仔麵"做招牌，不過真係唔好睇小依d小店，需然細細間，但好多唔同種類既野食，真係睇佢唔出，需然朋友就介紹我食佢地既拿手野，車仔麵，但我都俾佢地既餐牌吸引住，有糖水，唔係普通糖水，係芋圓糖水，又有黯然銷魂飯，又有炸大雞肶，仲有食夠$35就送當日精選飲品。但今次只食左車仔麵，真係唔多夠喉，下次要食埋糖水，其他野。車仔麵叫左3個餸都係30零蚊，仲要過$35送埋野飲，仲邊度揾到

失望😞又少左間餐廳選擇由細食到大的車仔面，這次食物質素已不再，大概不會再來了。 平日宵夜時間來到，有八成入座。 我們每人點了四個餸，有飲品送，荳腐或羅漢果茶。我飲熱的，她替我叮熱了。 另外，三餸加面也有飲品送的。 手工雲吞手工韭菜餃跌眼鏡的雲吞和水餃🥟餡料不新鮮單看外皮，還保持著在雪柜的保存形狀不好食！車仔面必食的白蘿蔔口感夠稔味道是濃濃的味精牛牛柏葉ok!選了腩汁湯底，沒有味道。要加分的.......我點四餸沒有點菜但加了兩條菜心。

個人意見覺得麻辣係最好味，佢地都有咖哩湯底及腩汁湯底。食均香港九龍西貢幾間出名嘅，九龍城有一間都好好味，但呢間顯徑車仔麵真係沙田區內數一數二好味嘅小店，喺度已多年，雖然冇裝修亦唔係話有好靚嘅坐位，但佢地親切嘅服務及用心煮俾你食嘅。特別介紹有自家製水餃，及即叫即炸熱嘅脆卜卜魚皮，一定要食！仲有辣味陳皮魚蛋，都要試。佢地除咗車仔麵，有其他飯食及有糖水紅豆沙，紅豆沙係即叫即整熱，不過可以杰少少就仲正。三餸嘅有嘢飲送，非常抵食。上次試過叫外賣，外賣好似仲大碗咗🤣，啲嘢嚟到都仲熱辣辣，真心讚👍

這天，相約友人趴走大圍。為了吃一碗有三十年歷史的車仔麵，我們向著陌生的上徑口村進發。馬路一側，是一幢幢的公屋；另人側，乃一排排的村屋。「下舖上居」，可說是這兒的一大特色﹗顯徑車仔麵，乃此行的目的地。地方挺光鮮闊落，門口左手邊乃開放式廚房，「車仔」內，盡是車仔麵餸料，選擇繁多，教人目不暇給。 小店除了提供車仔麵，還有數款小食、炸物、特色飯餐，以及滋潤甜品系列。奈何，甜品晚市才供應，我們無緣一試了﹗ 車仔麵的餸料選擇頗為多元化的。 三餸或以上麵餐，即送指定飲品 - 豆漿或菊花羅漢果茶。豆漿豆味香濃，且不太甜膩，又夠晒冰凍，消暑一流。 經過一番的掙扎，最終要了炸豬油渣瑞士溏心蛋豬紅咖哩魷魚公仔麵$46。 此行的目的，是為了炸豬油渣，以及脆邊蛋而來。炸豬肉渣，滿載童年的回憶﹗猶記得老祖母會把肥豬肉切開，油炸至香脆可口的豬油渣，夾著乾餅，給我們吃。炸出的豬油，則會用以炒菜或炒飯，味道絕佳﹗豬油渣入香脆可口，沒有油膩之感，配上麵條同吃，相當不錯。 瑞士溏心蛋，蛋黃呈濃稠粘密狀，蛋白Q彈，兩者均非常入味，水準之作﹗

今天下班不遠萬里過來吃車仔麵。聽說是三十年老店，所以過來試試，裝修確實有三十年了。很復古不過離地鐵站很遠，交通不方便。應該是街坊比較多吧。進門就看到了有糖水，想著吃碗麵，然後點個糖水。很古老的車仔麵。很簡單。我比較喜歡溏心蛋，自己有嘗試過在家裡面煮，掌握好時間，一樣可以煮得很好吃，網上很多食譜，可以參照。冬菇比較普通，豆腐還不錯，裡面很軟。也許是晚飯時間，不供應糖水，所以，想要分享給大家都只有有緣再見了。

唔想煮晚餐，又想簡單方便，星期六晚去了位於大圍上徑口村的顯徑車仔麵店，聽講呢間十幾年老店的車仔麵唔錯喔，咁就試吓啦！ 點了三餸一麵餐：猪腸、猪皮和生菜，送豆漿，店主好細心，湯底二選一，汁料四選一。$36都幾抵食。我揀了重料猪骨湯、腩汁和粗麵，一上枱，大大碗，材料新鮮，猪骨湯味濃郁，好滿足👍 燒賣都唔錯，點了薑汁紫薯QQ圓糖水，好重薑味，糯米粒粒咬落好煙靱。 如果唔想成日煮，又想簡單有肉有菜，食吓車仔麵都唔錯，而且價錢便宜，又有多款餸供選擇，宜家求其一間快餐店都分分鐘要五六十蚊啦中心

今日去探朋友朋友就就帶咗我嚟食一間老字號《顯徑車仔麵》顯徑車仔麵就係顯徑依間小店原來已經喺大圍開咗30年附近既人都知好多人幫襯車仔麵餸嘅款式好多價錢都好抵套餐$35有三個餸一個面加送豆漿（注意有啲食材要加少少錢）我揀咗豬紅，豬頸肉，魷魚配上油面加腩汁。車仔麵上黎，先睇樣感覺好乾淨又好味平時食豬紅最怕散同有怪味但依度既豬紅又滑又香真心一定要叫平時其他店既魷魚只係簡單煮熟但依度魷魚用左秘製汁去煮，好好食最後腩汁掛住係油面上，一個字掂豬頸肉分量多唔怪之得三十年客人依舊一直在朋友就叫左雲南酸辣河粉佢選擇左豬軟骨，瑞士汁糖心蛋，手工韭菜餃其中佢既糖心蛋，好好食糖心蛋係流心瑞士汁入到蛋但蛋黃保持到好濃既蛋香高質好食今日豆漿賣晒所以店主改送咗菊花羅漢果茶飲到出係小店自己煲嘅飲料甜度適中解渴消暑，正