興記

Open Now

Now Closed

第一次係屯門食海鮮😂😂!係條邨入面竟然有間咁有鍋氣既食海鮮地方,雖然海鮮係自己係另外出面條街買完先拎入去叫佢地整!千其唔好怕自己揀錯煮法,興記D員工都會俾D意見你～D人都好nice👍🏻👍🏻服務態度以大排檔黎講叫好好! 個人認為佢地D鮑魚蒸得唔錯,記得要陳皮蒸哦!（雖然都要睇D鮑魚靚唔靚）😂不過最好就多D人去食,如果唔係都會幾貴,雖然食得海鮮不嬲都已經預左係貴😂😂😂 啊!唔記得講,佢個燒鵝都好好味!👍🏻👍🏻👍🏻唔算貴,一隻都係400質素好!

牛一興生,同屋企人一行4人去三聖食海鮮8:00去到拎位,冇訂檯都唔洗等好耐但因為可能HAPPY FRIDAY既關係車位就爆曬,如果揸車人士就要留意啦!先到海鮮檔買海鮮買左5樣野承惠$7⃣0⃣0⃣，超抵👍🏻跟住就去朋友介紹既興記坐低等開飯啦加工費$68/斤唔算平，但勝在鑊氣夠海鮮分別係-辣酒煮花螺🐚-薑蔥炒大肉蟹🦀-椒鹽瀬尿蝦🦐-醬爆🐘拔蚌-豉椒炒聖子另外再加3個小菜♨-椒鹽鮮魷🦑-燒鵝（例牌）🦆-椒絲腐乳通菜🥗最後埋單加工費連飲品、白飯承惠$690整餐飯即係$700+$690=$1390每日都只係$350食到飽飽，抵呀

有乜好得過三五友好坐埋一枱食好西～同友人們約左好耐話要到三聖村食平靚正海鮮好耐，終於成事！咁多檔海鮮，㨂左忠仔記買海鮮料，嘩！有蟹有螺有蠔有蚌有瀨尿蝦，想食乜就買乜，爽！所有材料大大隻又新鮮！買左$1400左右，約7人份量。之後行去興記，因為有出名既燒鵝！交哂所有料俾店員後傾下點煮，當然係最常見既煮法。椒鹽瀨尿蝦，砵酒生蠔，辣酒花螺，焗蟹，鼓椒蚌。店家大廚當然功架十足，夠火喉，啱啱好。呢間店都好多人食，坐左個半鐘隔離枱都換左兩枱人。

第一次不同範疇的飯局但好開心可以試到咁新鮮ge海鮮，興記比起之前都係買海鮮煮ge有鑊氣多多聲，食得出廚師的用心今餐真係好豐富，分別有炒瀨尿蝦、豉椒炒蟶子、薑蔥炒蟹、粉絲煮蜆、清蒸象拔蚌、蒜蓉蒸蝦、馳名燒鵝、龍躉兩味（湯及清蒸）、小菜（椒絲炒通菜及蒜蓉炒白菜仔）個湯好鮮甜，係最愛ge奶白色，湯渣都會俾埋我地，用芥菜、蜆仔同龍躉煲湯而成條魚好大條，蒸得剛剛好，魚肉唔會'老'，好多謝友人請我地食咁豐富ge盛宴，而且坐得幾舒服，服務生好好幫我地換左幾次碟，同埋座無虛席值得一再試

每年問老豆生日想去邊度食飯慶祝, 佢一定答興記嘅.  生日話事, 一行6大1細 , 估唔到平日都幾旺場, 好在 一早BOOK咗位.自行買了海鮮加工 共6斤半 @$68.00 西芹炒斑片--味道略嫌淡了一點, 但可食出魚嘅鮮味.豉椒炒蟶子--非常惹味, 百厭仔非常LIKE, 一路喊辣一路要食白灼中蝦--個人覺得白灼蝦細隻會較好, 中蝦用嚟白灼麻麻地, 會帶韌.  但老豆鐘意, 就由得佢發板啦!薑蔥炒肉蟹--炒得夠入味, 唔錯老豆最LIKE嘅燒鵝一定唔少得啦! 叫咗半隻--熱辣辣上枱, 皮脆肉嫩, 正! 好食過深井添另外叫咗碟蒜蓉炒白菜,  頗為油膩, 味道幾好.另加一支天地一號蘋果醋, 一罐汽水連加一服務費, 埋單$973.00

今天補祝同事生日飯，又是去食海鮮好日子，在香港，食海鮮地方選擇多，遠至西貢，鰂魚涌，長洲，近至流浮山，屯門三聖。今次就有機會同同事到三聖食海鮮，大家都十分期待，我們先到海鮮舖問問價，挑選海鮮，最後決定了第一間瀨尿蝦專門店，當然瀨尿蝦必買，其後買了聖子，扇貝及蜆。購買了海鮮後，便到興記去加料煮食。店員細心幫我們親自送到興記，到達餐廳後，老闆問了我們意見後，就決定這樣烹調，椒鹽瀨尿蝦，蒜蓉粉絲蒸扇貝，豉椒炒聖子，上湯粉絲蒸花甲。上湯粉絲蒸花甲，大大一碟，好吸引，花甲鮮甜，份量多，最重要是沒有沙粒(以往食花甲都是有沙粒)豉椒炒聖子，夾起一件長度幾有20cm長，而且又肥美，咬入爽口彈牙，鼓椒味好濃郁，好鮮甜，不錯。椒鹽瀨尿蝦，肉質肥厚，爽彈，唯有一感覺是炒得不夠脆身。蒜蓉粉絲蒸扇貝，真點有點失望，蒸得太老熟了，失卻了海鮮彈牙。最後在餐廳加了一個楊洲炒飯，很一般，味道淡，飯粒不夠乾身，加上價錢貴，很不推薦大家食。

今晚一行四人！入嚟食生日飯！叫了半隻燒鵝非常好味！自己買了海鮮加工、 鹽焗東風螺、 砵酒焗生蠔、 鹽焗黃油蟹、 蒜蓉開邊紅竹蝦 、清蒸鮑魚、5枝啤酒、一罐汽水、加工連加一費都係食咗890元！超抵！

住得新界，一定要黎三聖食海鮮，有咁多間，我只會簡興記，因為食左一次便愛上。首先，佢隻燒鵝真係無得彈，皮多汁脆，但我自己鍾意食肥嘅，佢隻鵝都多肥肉，各人喜好。燒鵝要早一日留，有例牌、有半隻、有一隻，就算例牌都好大份架，大家唔好眼闊肚窄海鮮要去另一邊買，我都係隨心，冇買開邊檔，鍾意食龍蝦、蟶子、蜆等，食海鮮都係香港夠野味，龍蝦芝士伊面係貴，但真係唔食唔得，忍唔住，油鹽水蜆我第一次食就愛上，好鮮甜，真係好鮮味，豉椒蟶子就唔洗講，必食又一定唔會中伏，食埋隻鵝，真係好飽。海鮮都係香港炒得好，夠火猴，夠野味。

三聖邨之中，唔係間間有燒餓食，呢間就有拿，而且非常好食果皮蒸飽魚，飽魚夠大隻炒聖子避風塘賴尿蝦，好食過用椒鹽炸白灼東風螺燒鵝最重要係塊皮夠脆，呢度絕對唔會令人失望

與一班老友聚餐的地點，今次選於較遍遠的屯門三聖興記，是最令人興奮的海鮮餐。頭盤是燒鵝。雖然今晚的主角是海鮮，但是興記的燒鵝是特別不容錯過的。皮脆肉嫩不在話下，而且脂肪極低，整隻鵝的皮下脂肪都是極少。最最最難得的是牠的味道很清，沒有一般燒蠟店的濃烈，可以清楚吃得出鵝的味道，絕對令人回味。之後是冰鎮鮑魚。雖然鮑魚是相當明貴，但由於牠味道不濃，賣點是爽口彈牙。一般鮑魚的腸胃部份都有點沙石，吃起來會很麻煩。不過由於這些鮑魚已經吐沙，所以可以吃得盡情一點。接下來是我最喜歡的海中蝦，分別作為兩道菜，美極煎蝦碌及蒜蓉蒸開邊蝦。由於蝦本身十分新鮮，因此味道十足，兩種做法都極具滋味。如果喜歡味道濃一點，會喜歡美極煎蝦碌，因為以蒜蓉清蒸的味道較為清甜。豉椒炒蟶子王加炒米粉底 - 蟶子味道不容多說吧，不過幸好豉椒的獻汁不太濃烈，以免不會令人太容易食膩，更難得是蟶子下面的炒米粉。米粉乾身，將多餘的獻汁吸收，既脆又惹味，而且還可以飽肚，十分超值。蒜蓉粉絲蒸帶子 – 這味是海鮮餐中十分常見的菜式。帶子鮮甜爽口，粉絲及蒜蓉的份量又十分足量，唯一令人遺憾是每人只有一隻XD。一魚三味 – 芹菜炒斑塊、蒸魚腩及炆頭腩。我

三聖食海鮮係平，但 附近餐廳 '火秏' 功夫不足，(60元/斤，所有煮法 油料價一樣，唔好太期望)，齌說 一班兩味 炆骨炒球便不及當年流浮山'明記'炆骨酥化，炒球鑊氣 。倒反而 興記隻 燒鵝 一定要book嚟食，級數比中環'一樂' 更好水準，一流 。 其他海鮮菜式，平 不過 好麻麻…… 其實大埔墟街市d 海鮮 ，三門仔來貨，又平又靚又多選擇，時時有驚喜……

早排假日約埋三五知己到傳說中屯門興記食海鮮。食飯時間可揀六點或八點，記得食六點要準時交枱，為免太趕時間，我地揀食八點。首先同朋友到關財記買海鮮，拎去興記加工。雖然訂左枱，都要等15分鐘。海鮮同燒鵝無傳說中好好食，如果抱著食風味十大排擋心態應該無失望。白灼蝦白灼蝦最緊要新鮮！游水蝦即撈即煮D蝦好鮮甜燒鵝鵝肉都ok皮算脆而且無一層厚脂肪蒜蓉粉絲蒸扇貝扇貝蒸得有少少過火，扇貝肉有少少鞋，不過蒜蓉粉絲味道幾好鼓椒炒蜆師父炒得夠鑊氣，鼓汁夠野味，食到停唔到口芝士龍蝦伊麵龍蝦新鮮，不過最可惜芝士味唔夠濃，滿足唔到芝士迷既我

今晚同家人慶祝生日，所以想試下這飯店，點知就上當了，最初食蒜蓉蒸元貝，以為只係這碟蒸過火，食落相當*鞋*，跟住蒸魚和花調蛋白長腳蟹身，蛋白一D都唔滑，即時問飯店負責人，他更然解釋我們買的魚是養魚，蛋白點解唔滑，竟然解釋係D蟹蓋D榚令到D蛋白唔滑，這間飯店真是不負責任的，下次打死都唔會再來。😡😡😡😡😡

現在香港食海鮮，雖然唔少地方，但底食大件新鮮唔呃秤的已經少之有少，三聖算是自買加工少數中比較呃得少又算平秤的地方。今晚來到興記，但這間出名偏偏是燒鵝一睇就知好肥的燒鵝，諗住皮脆肉嫩，第一口食胸就十分失望，肥就十分肥，皮硬唔係脆，肉唔嫩，髀肉還可以，不過味道唔差，酸梅醬幾好食。又是出名唔一定好。之後都是自買加工的，除了豉椒蟶子比較濃味外，其餘都偏淡味，由其蒜蓉粉絲蒸扇貝。今次海鮮都十分滿意，在碼頭買了$1990海鮮。結帳是9斤加工費加燒鵝$1044，價錢算正常價。服務員都肯換碟，環境有點迫，不過都接受到。入屯門食海鮮，當然是三聖，燒鵝？算啦

趁著中秋假期要周圍去食下好野, 星期六訂了位去興記食海鮮我們自攜海鮮, 全部都在三聖村裡的海鮮店買的可能假期加上週末, 訂了台也要再等15分鐘才有位還好座位也算寬敞 , 我們8 人, 給了1 張12 人大台~店員會將所有自攜海鮮用筒裝好一拼帶到台邊, 然後逐一下單這次遇到的店員都很正常, 不算很有禮貌 , 但至少跟單很足除了海鮮, 這裡的燒鵝都很有名, 點了半隻這隻鵝有點肥, 味道賣相都OK 海鮮上菜速度都幾快, 食左一陣燒鵝已經陸續上台豉椒炒蟶子少少辣, 蟶子肉很嫩,不會炒過火鹽油水煮蜆幾清淡又帶點咸味, 唔錯上湯龍蝦跟伊麵底龍蝦同麵都好入味椒鹽瀨尿蝦很香口~鹽焗奄仔蟹只是用鹽焗已經好好吃, 這道菜應該唔需要花太多功夫 XD蒜蓉粉絲蒸貴妃蚌蒸得恰到好處 可能今次好彩, 每款海鮮都煮得好食. 又冇甩漏,  當初都擔心假期會整得冇咁好食 煮功其次, 最重要係海鮮夠新鮮, 唔煮過火已經好好味買海鮮用了約HK$1,800興記加工費, 半隻燒鵝, 再加上點了一堆啤酒汽水 , 8 人賣單合共HK$1,500都幾抵食!