興記

Open Now

Now Closed

平時食海鮮都是會去流浮山，但今次去左三聖試下，加上想吃興記出名既燒鵝..家人7:30到達先去附近海鮮檔買海鮮，之後就拎去興記加工一行13人有大有小，共買了7種海鮮，另點了燒鵝同栗米豬扒，每個人都吃得飽飽第一味..燒鵝😋😍皮脆肉嫩！全碟都冇剩😂（燒鵝在訂位時要預訂）豉椒炒蜆，夠辣夠味..又夠乾淨..幸運地食唔到沙🤪辣酒煮花螺..👍🏻蒜蓉粉絲蒸貴妃蚌😋😋超新鮮呀！煮得剛剛好👍🏻西芹炒班球👍🏻豉油王蝦..我只食了兩隻..因為之前依得太多燒鵝了..但是真是好好食的😋炆頭腩！呢個真係冇得輸👍🏻👍🏻又係全碟清曬😆粟米豬扒..專登叫比同行小朋友食的，他們表示滿意😝最後有薑蔥炒蟹..味道好夠同好新鮮（因為食之前忘記影相，食到中段先補返一張☺️）總括全餐飯家人同小朋友都滿意的..

一年一度嘅母親節，同我最偉大嘅母親去食海鮮。一行10人連埋一個小朋友。叫咗六味海鮮，包括焗龍蝦芝士伊面，辣椒炒聖子，蒸帶子，酥炸生蠔，椒鹽賴尿蝦，同埋一條蒸燕子斑。另加叫左一個椒鹽鮮油尤同埋楊州炒飯，一個椒絲腐乳炒通菜同埋一個炒生菜，半隻燒鵝，埋單總數＄4500。海鮮材料當然係出邊買然後再入去加工，因為這個地方就是出名「來料加工」。但可能今日係母親節，所以好多夥計都係part-time，叫10次有七次都係話樓面做佢唔識，淨係識收碟。同埋樓面長期唔夠人，搵極人都買唔到。味道質素亦都下降左，送菜既時間亦好長。可能大時大節人多就係咁，所以都係冇期望好啲。成日覺得三聖邨比起任何其他遊客區嘅海鮮檔都優勝，但今次就真係有啲失落囉。芝士龍蝦嘅芝士唔夠味,蒸帶子嘅粉絲好少,椒鹽賴尿蝦亦都係唔夠脆，嗯，sorry....

因為要同家人夾更期, 所以今晚提早食做節飯.今晚去左三聖食海鮮, 爸爸萬歲, yeah!訂枱前已預留半隻招牌燒鵝!今晚菜單: 招牌燒鵝半隻, 冇得輸, 果然係招牌, 幾乎每枱客人都有點, 燒得剛剛好, 肉質夠實整!豉椒炒檉子炒花甲龍躉炒球蒜蓉豆苗蒜蓉蒸扇貝蒸鮑魚椒鹽賴尿蝦芝士焗龍蝦, 冇諗過爸爸買左一人一隻龍蝦!!今餐真係食到舔舔咀, 廚房既火喉十足, 夠鑊氣. 所有海鮮都整得好好味! 由於所買既食材都係好新鮮, 所以煮出黎既肉質全部都係好爽口彈牙又入味! 肉質唔會好梅腍咁~今次爸爸仲每人買一隻龍蝦食, 超滿足! 龍蝦充滿芝士, 一齊食其實係好漏, 不過又真係好好味! 

今日屋企有人生日話想去興記食。其實呢間舖係朋友介紹嘅，之前都去過一次，尚算ok。上次椒鹽魷魚好難食，今次都好食咗。但嗰椒鹽豆腐就好難食囉，乾淨淨，冇豆味，仲有啲怪味。嗰生炒骨超多粉。粟米好重味精。金銀蛋白菜嗰咸蛋黃有啲怪，好似雞蛋黃，仲有啲怪味。去興記食係因為呢度可以來料加工，我哋喺隔離買完海鮮，然後可以立即攞去煮。我哋買咗蟶子，花尾躉魚，象拔蚌等等。蟶子去殼豉汁炒加米粉底，唔知係咪因為加咗米粉做底，成碟餸好漿。象拔蚌蒜蓉粉絲蒸，但象拔蚌蒸到好韌，好難咬。最有問題係條魚，條魚骨連肉買咗4斤半，差唔多用咗$500。來料加工一魚兩味，骨頭用嚟炆，魚肉起骨炒西芹。正常係應該會上咗魚肉先，因為炆魚骨係需要時間嘅。但係唔知點解佢上咗個炆魚骨先，嗰炆魚骨啲魚皮好厚，好有骨膠原，都幾好食。但係食哂全部餸都未上嗰魚肉炒西芹，咁就吹快啲上埋佢。隔咗半個鐘終於上菜，一上菜我哋全枱人都嘩一聲話咁少嘅，啲魚肉加西芹加薑仲少過頭先嗰碟炆魚骨。嗰侍應聽到就話起咗肉係得咁少啦，係咁架喇。但係啲魚肉加埋都唔知有冇20舊，4斤半魚起得10幾舊肉，真係好少囉。本來以為買咗4斤半魚會食唔哂，點知唔夠食囉。啲魚肉質感唔知點

服務態度低劣肥佬夥計黑面食物質素狗流馳名燒鵝好似油浸燒鵝，燒鵝皮好似樹皮咁靭，燒鵝肉好似食柴椒鹽鮮魷油淋淋，外皮唔脆淋哂，又冇椒鹽，啲肉淡茂茂其他小菜一般很不愉快的一餐，價錢仲貴過茶樓，重點係唔.好.食！！！！！！！！！！..............................

今次最滿意嘅係冰鎮鮑魚，平時唔係好食鮑魚嘅，不過今次用左類似撈麵嘅汁去整就變得好好味，開始食會太凍，擺一陣先食就啱啱好！炒聖子米粉底，比之前有進步，唔會太辣，米粉亦無漿住。灼九蝦好鮮甜，有人搣比我食會更好。至於其他野食因為飽左，無乜點食，被家人打包走了。

每次去興記，例必做2件事。1）去關財記買海鮮2）燒鵝半隻今晚碟燒鵝皮脆啊豉椒炒蟶子炒得剛剛熟，味道夠。可惜米粉有點淋。薑蔥炒蟹夠鑊氣，唯一可惜的是碟椒鹽賴尿蝦唔夠嘢味。

昨天再來三聖村興記，卻遇上不如意事。在海鮮市場買了海鮮過來，當中包括兩小筒蠔，80元一筒那種。平常一筒起碼五隻，有時會六七隻，看大小而定，兩筒加起來，正常來說應該有十隻至十二三隻。以往這裡上菜十分快，因為他們會要求一個半小時交枱，所以落單後通常半小時內會上齊菜。昨天的情況特殊，所有菜很快上齊了，待一夥人把所有菜都吃完，才發現薑蔥蠔未上，那已過了一個小時，追問一下，他們說“整緊啦”，再等十五分鐘，期間追了兩次，都在說“快啦！”……最後，蠔上枱了，六個人十二隻眼看著，眼都凸埋，這麼一小盤，每人夾了一隻，即六隻，剩翻一隻，即是成碟只有七隻，除了兩隻大小小，其他都是中型至小型。找職員來問，他想了想，說一筒蠔其實只有三隻，最多四隻，你當我老馮？我們問沒理由這麼少，他還大聲叫我們回去海鮮市場那邊查問！他們沒有解釋遲遲不上蠔的原因，我們不算粗人，也不追問。死無對證，我們選擇和氣收場。想知道一下，一筒蠔真的只有三隻嗎？！！！

環境一般，做得好難吃，上菜很慢，態度也不好，浪費我買的食材。不知道怎麼會剛剛炒好的蜆拿上來居然不是熱的，醬料糊糊塗塗的，很難吃；椒鹽鮑魚做出來是腥的，鮑魚沒有鮮味，還嚼不動，和之前在其它地方吃的區別很大；水煮蝦因為上得太慢，都有些死了不新鮮了；蒜蓉粉絲蒸扇貝沒有洗乾淨，裡面有沙，粉絲打結，基本沒有湯汁；炒聖子皇鹹得不得了，和炒蜆一樣，剛上菜就是溫的；芝士焗龍蝦做得很普通，燒鵝是唯一不難吃的。花了一千多加工費，吃得一點不好，再也不會去了

聽人介紹話平，所以今次試下，點知⋯⋯不算平，和其他檔差不多，味道可以接受，買相？你會覺得浪費了新鮮的海鲜，服務極差，員工冇禮貌，你要聽佢講，否則黑面，環境係預左不好，因為是大排擋，總之，三聖邨甘多選擇就去試其他吧！☹️☹️

第一次去屯門食海鮮 同公司同事開大餐 自己買海鮮自己煮 第一味留左半隻燒鵝 燒鵝皮香 肉都唔柴 但唔算好出色 點醬係自家制嫁梅醬 唔係普通燒味鋪個的 味夠 都幾特別第二味 海鮮登場👏🏻👏🏻👏🏻象拔蚌刺身 好 好 味 刀工唔係好太好既 但刺身爽甜 可惜大大隻都係得呢幾塊 唔夠皮第三味 全晚最期待 豉椒炒蟶子皇 食家話咁大隻蟶子其實要清蒸會比較岩 因為無咁易煮到過老 但本小姐都係歡喜豉椒炒多的 都爽口彈牙 好滿足 食左4大條 飽晒 第四味 椒鹽象拔頭食家話呢個口感比椒鹽墨魚頭軟滑 本小姐食落塊麻麻地 但其他人不斷讚好 口感獨特第五味 芝士焗龍蝦 炒飯底 有少少過熟 但夠味 都好味既 炒飯底我好飽啦所以無咩食到但食家話乾身 粒粒分明 都只係加20蚊 抵第六味 椒鹽賴尿蝦 我地要左貴個隻賴尿蝦 手臂咁長 因為貪佢有紅色膏每人有半隻 本小姐鐘意食軟軟的膏 賴尿蝦嫁膏係比較硬的 但其他同事食到不停讚好 第七味 蒜蓉粉絲蒸扇貝 呢個海鮮鋪呀姐話呢隻扇貝好少見 因為較大粒厚身 所以即使個殻好厚身會好重秤我地都決定要豪一次結果係十分正確的 每人一隻 粒貝好大粒 好鮮甜 唔會蒸得過老 粉絲好夠味 其實食到

9月28日同家人一行12人到三聖食海鮮，第一次嚟～入到去8點幾，啲海鮮檔仲開門同埋有好多嘢買！買咗聖子、鮑魚、長腳蟹、花蜆、奄仔蟹就拎去興記加工，店員會問你點煮啲海鮮～1）豉椒炒蟶子 - 夠味有少少辣，超大條聖子好入味！2）油鹽水浸花蜆 - 啲蜆超甜，而且佢個湯好正，蜆啲海鮮水煮到出味，底有札粉絲吸埋啲湯，正3）鹽焗奄仔蟹 - 雖然啲蟹唔大，但好多膏，好味～ 呢個煮法值得推介！4）陳皮蒸鮑魚 - 鮑魚鮮甜，但普通咗啲5）上湯長腳蟹配伊麵 - 最貴係呢隻蟹，但呢碟煮完出嚟真係麻麻哋⋯⋯ 唔夠香口、蟹肉又煮到無乜鮮甜味，呢個真心失望咗啲6）燒鵝 - 訂位時已訂燒鵝，真係好好好味，皮脆皮嫩，勁受我哋歡迎7）長腳蟹膏蒸蛋白 - 酒味太重，食不到蛋香，但夠滑既8）炸魷魚 - Ok 普通無乜特別另外仲叫咗兩碟菜～整體麵好正，西貢好肯定食唔到，同埋無呢到咁大碟。一定會再嚟encore

第一次去三聖村吃海鮮，要搵位泊車假日要＄40一個鐘 好貴啊 拍得住d大商場不過為左食好味既海鮮，無計啦我哋先去榮利記選擇海鮮見到啲海鮮好新鮮，跳下跳下咁，二話不說，揀咗元貝，蟶子，瀨尿蝦，奄仔蟹，花甲。海鮮買左大概一千蚊（5人份量）然後個夥計都貼心地幫手拎d海鮮去興記（加工）去到酒家，我地無訂枱，無哂冷氣位，得返户外位。我地肚仔餓唔想等，所以照坐室外。夥計都好貼心幫我地揀左個風扇位！室外擺左好多把大風扇，所以坐室外其實都接受到，唔會話太熱既。然後我地就落單 (加工費係$68/斤)一路傾點煮d海鮮 夥計都有比意見 nice最後我地決定左嗌燒鵝半隻清蒸花甲油鹽焗奄仔蟹蒜蓉粉絲蒸元貝蒜蓉粉絲蒸蟶子椒鹽瀨尿蝦腐乳炒通菜嗌完無耐 好快已經上菜清蒸花甲完全可以帶岀花甲本身既鮮味而且一粒沙都無 蒜蓉粉絲蒸蟶子火候岩岩好 唔會蒸到d蟶子又老又un加埋大量蒜蓉就十分惹味油鹽焗奄仔蟹喊喊地送飯一流蒜蓉粉絲蒸元貝係呀又係蒜蓉粉絲 因為我成家都好鐘意食味道同蟶子既差唔多 一樣好味粉絲索哂d海鮮味同蒜蓉香味 真係好正燒鵝半隻興記既燒鵝似乎都幾岀名於是我地都唔執輸 嗌半隻試下味道平平 唔算話特別好食都係海鮮吸引d

約了以前同事晚飯食海鮮，因交通原因選擇了三聖興記，因以前幫趁過都OK. 但今次卻吃到多年來都未試过咁差嘅海鮮。買了六隻龍虾打算開边芝士焗，但他們不做此菜式，所以改為開边蒜蓉蒸，結果蒸到二十成熟，虾肉收縮似柴皮。蒸蘇格蘭元貝，情况跟蒸龍虾一樣， 嘥料。隨後的清正蘇鼠班，只得三成熟，樓面攞番厨房再正，肉質又要打折扣。豉椒炒聖子， 豉汁太多奪去聖子鮮味。灼九虾，冇乜難度，叫做OK. 鹽焗奄仔蚧，好咸好多鹽，冇香味。燒鹅，OK啦，唔好得過新斗記。好失望的一餐海鲜。隨後於11/9/2017跟友人在流浮山再食一餐诲鲜，也吃了曾在興記吃過的一些種類，但水準真有天淵之別。

Happy Friday! 約埋班舊同事一行五人入屯門三聖邨食海鮮，首先去海鮮檔買海鮮， 海鮮種類多又新鮮，我哋買咗鮑魚 、大蝦、肉蟹、聖子、瀨尿蝦、生蠔 和花螺 ， 約二千元，買齊嘢，自攜海鮮去興記度煮，收費係以斤計算，每斤65元，烹調方法自訂，整體烹調味道夠鑊氣，尤其是生蠔煮得乾身又保持本身嘅鮮味，椒鹽瀨尿蝦，椒鹽比例啱啱好又 惹味， 因為想食得豐富啲，我哋叫咗半隻燒鵝， 但味道偏淡唔夠鹹，有點失望。 整體來說，因為海鮮夠新鮮加上佢哋嘅烹調技巧，令到食物相得益彰，我哋食得非常開心盡興。