Video
Read full review
2013-01-01
605 views
本身鍾意打邊爐，但係朋友都怕熱氣，所以久唔久癮起就會出去apm揾hipot另一樣吸引我ge野係佢有自助調味吧，飲料吧，糖水任添價錢唔算貴，lunch set $44-48@1，tea time減4蚊跟單order牛肉$16一份，都有5-6片全日免加一，計落唔算貴，set都有齊麵、菜、肉、海鮮麵仲有得揀薯粉女仔一定夠食，男仔唔該自己加單加上最近有自助付款吧，入張單，拍下八達通就走得，一丁友去食超方便食完仲可以去隔離百老匯睇戲。
本身鍾意打邊爐，但係朋友都怕熱氣，所以久唔久癮起就會出去apm揾hipot
另一樣吸引我ge野係佢有自助調味吧，飲料吧，糖水任添
價錢唔算貴，lunch set $44-48@1，tea time減4蚊
跟單order牛肉$16一份，都有5-6片
全日免加一，計落唔算貴，set都有齊麵、菜、肉、海鮮
麵仲有得揀薯粉
女仔一定夠食，男仔唔該自己加單
加上最近有自助付款吧，入張單，拍下八達通就走得，一丁友去食超方便
食完仲可以去隔離百老匯睇戲。
Other Info. :
講到咁好，應該會再回頭................
不過今日真係好失望
話說我又係一丁友，搭枱坐係一人鍋近通道位
食到一半，職員帶新客入黎，新客著住件羽絨，
一行入黎就撞跌我份菜，仲要跌係身上，好彩個客行番出去
已經夠狼狽，我一邊要hold住啲菜唔好跌落地，一邊要執開其他食物，俾新客埋位
但係我未執完，個新客又行入黎
結果另一份餃跌哂係身，啲菜跌落地我已經有啲火，個帶位職員仲要係咁話「隔離有位，你啲餸可以擺過去先」
阿姐，我都知隔離有位，但係我有無手擺到過去先？
無丫麻！
個位羽絨客都唔好意思再入，要求去另一邊一人鍋
結果個阿姐帶客去新位，留低我一身餸一個人執
到我食完都無行返黎問一聲駛唔駛幫手，
到埋單個陣仲要聽到佢係度埋怨緊我搞到佢要另外安排位俾新客...........
即刻火都黎埋，我問番經理，
我唔怪個新客撞跌我啲野，亦都唔怪你同事要做帶位
問題係，我俾人整跌哂啲野，搞到雞手鴨腳ge時候，你同事可唔可以唔好得靚口
如果唔可以幫手執起啲野，唔該最少合埋把口，唔好指手劃腳
我明白啲野跌哂落地落身唔係你同事ge責任，
但係佢望住我啲野係地下，係身上，可唔可以帶完位之後，
自己過黎又好，揾人過黎都好，問一聲有無野可以幫到手？
今次好彩，跌ge唔係菜就係餃，算係乾淨啲
如果係跌啲肉，海鮮係件衫度，就真係唔知唔該你定係多謝你好。
位經理一直為佢ge同事道歉，
但係得經理有好態度又點？
唔同經理一個做哂咩............
唉，服務態度差左咁多，點留客丫？
(The above review is the personal opinion of a user which does not represent OpenRice's point of view.)
Post
