HIPOT (Closed)

與上次比較，已經大約有八至九個月沒來，又到火鍋季節，所以便與兩名好友再到此，慶祝其中一位好友的生日。想不到三人竟編到二人枱，感覺有點迫。如要四人枱，便要耐心再等待.......... 看見長長的人龍，無可奈何下便唯有坐下。枱子不大，食物要分開幾次點，否則枱面沒位容納。食物質素沒變，只是份量縮小了少許。當然，我亦明白物價高漲，所以店舖唯有將每張枱的可容納人數加多一點，以便開源吧。很懷念我們上次來時，三人都坐得頗舒適呢! 看附近大家都是坐得迫迫的，估不這兒的生意依然那麼好，每次到來都有長長的人龍在等候，大家唯有接受坐迫一點的安排吧! 下次，還是二人才來吧!

係 apm睇完戲，咁岩見到hipot就係格離，又咁岩係下午茶時間，一於就試下啦。叫左2個下午茶餐，$46，要左豬骨湯同沙爹。個餐都算多料，有日式福袋(日式年糕)、芝士腸、帶子(2粒)、春卷、象拔蚌、貢丸、 小籠包、雞肉、青口。可選烏冬、粉絲、拉麵, 仲有一杯野飲。其實原本有諗過唔夠食，但點知最後食到好飽，因為都好多野食，連男仔都話飽呀。我叫個個係豬骨湯，好好味，本身個豬骨湯已經有d料係度，加上勁大個豬骨，又唔係好重味精，幾好飲呀。d料都係正常野，不過不失。至於個自助醬吧好多款，有成10種，幾好食，esp個沙茶醬，正。總結，我覺得幾抵食wor，咁多野食先$46，好過去叫個拉麵食呀，同埋個環境都好大，我最鐘意個好大既玻璃，有陽光照入黎既設計，一定會再去呀。

天氣轉涼, 文迪馬上就約了局即興局, 五個人一同來這裡火鍋. 七點半來到, 剛好還有位, 見之後來到的客人就要等了. 始於這裡是長龍店子嘛.五個人, 四個是姊妹, 不要太多肉了, 就要個四人餐, 再加幾樣火鍋料.4人優惠全包套餐 $468: 7分, 這個餐包湯底, 9樣火鍋料, 另外包4位任飲果汁, 汽水同埋糖水. 我們5個人, 就再加$12加1位任飲. 湯底要了下火香茜皮蛋鍋, 其實滾兩滾都無乜味道了, 當是清湯吧.肉有3碟, 最靚的是安格斯肥牛, 肉質不俗, 帶點脂肪, 滾兩三下就食得.也有一碟本地肥牛, 大家就叫這碟做差牛. 其實跟安格斯肥牛比也不算差很遠, 肉質還是可接受的程度.黑豚肉一碟只有5大塊, 剛好一人一塊. 始終是豚肉, 滾耐了一點, 撈起來已經是實實的肉了. 講真, 還是淥肥牛簡單些.珍寶大拼盤其實只是個盤好大, 料就不是太多, 都是海鮮類的食物, 還算新鮮的.海生蝦半斤的蝦比較小, 吃落口就無乜鮮味, 麻麻.最大陣象就是原條活魚起片, 是全條魚上臺的, 連頭連骨, 魚頭就交由亞妹去清理, 見她吃得津津有味, 應該有點水準. 魚肉已起片, 份量是相當多, 是滾極都仲

一早有人 warn 左話呢間野等位超耐。我老婆唔信邪，係都要星期六晚玩 walk in。6:15pm 左右攞張兩人飛，到 7:30pm 先有得入座，重要限食 90 分鐘。其間一個呆等一個去行街。野食算唔錯，中上啦。收野加水算快，裝修算唔錯。整體上拍得住 APM 個格，贏少少。如果唔洗等位就值得推荐喇。見到勁多潮格 90 後成班人黎食，證明間野都幾受歡迎。大家想去，記得早一日 book 枱。

原本都唔係好想入去,但俾個店員迫左入去叫左個F餐,睇牌好似好多野,但其實係好少野D火鍋料比其他稻香集團ge 酒樓差叫左杯提子汁,超甜我FD 叫左酸梅汁都話好甜個環境同design睇落幾好,但食就唔多滿意,唔會再去惟一滿意GE 係自助醬料,選擇多,味道好.

一行5人去食lunch, 本來唔係食哩間, 但原本個間等左好耐都無位, 見哩間有位就唯有將就下啦! 坐低無耐就落order, 等了15分鐘, 見仲未有野來, 追下佢啦..個侍應同我地講幫我地跟下, 但見佢轉頭就去左招呼其他人客, 完全唔似有幫我地跟進, 我地再同另一位侍應講, 個侍應無行埋來, 係相隔1張檯距離應左我地(其實佢係唔係聽到我地講都唔知), 跟住等多陣, 見到遲過我地來嘅人客d野食都送來, 但反而我地一樣野都未到, 我地再搵幫我地落單嘅侍應問下, 佢先攞d野飲來, 個d野飲好似啫喱溝水咁, 跟住同佢講我地d野食都未來, 佢先去幫我地睇下, 見佢返來個樣有d奇怪, 我地再找一個睇落高級d嘅來問下, 經佢查過原來個侍應張單寫得唔清楚, 只清楚見到"蒸飯", 所以只做了這個飯, 其他都無做, 當時十分氣憤, 唔清楚都唔問下, 我地即刻投訴同埋同佢講我地趕住返工唔食啦, 預備走人之際, 個蒸飯先來, 我地當然唔要即走啦! 足足等左30分鐘, 咁嘅服務, 唔洗旨意我地會再去!

平時午餐($50)先會嚟呢間食, 因為平, 抵食, 份量夠. 重點係個湯底真係好好味. 早2天, 咁岩睇完戲, 又到宵夜時間(有折扣), 又不用等位, 立即入去食番個heavy dinner 先啦!!有個set $88..包2個湯底+象拔蚌+黃沙豬潤.四川麻辣湯底: 勁勁勁失望, 不麻又不辣, 明顯係溝左好多水..一個字, 淡. 同平時食lunch 個隻麻辣係2種味道. 我懷疑到宵夜湯底唔夠用, 加了不少水開番. 豬骨湯底: 不過不失象拔蚌+黃沙豬潤: 呢2個好味, 新鮮, 值得一叫.肥牛 + 豚肉: $15..肥牛麻麻地(細碟), 豚肉好食, 肉好林泡菜餃: ok wow~ 咬落真係食到泡菜, 辣辣地, 幾開胃!任飲汽水 + 糖水$12: 有埋沙冰揀架, 我見在場都幾多人有加錢任飲. 糖水個杏仁茶好夠味, 又不太甜. 我諗我都係食番lunch啦. 好似好食d, 又抵食!

離開對上一份工，已係十年多前嘅事，依班舊同事都幾年無見，卒之約到聚一聚食番餐，實在難得！地點，就佢哋所以揀觀塘區，食乜，佢哋話晒事，所以哩咗APM嘅Hipot，稻香系嘅副線火鍋品牌，可能星期五關係，人頭湧湧，雖然訂咗枱，都要等一陣（十分鐘左右），無所謂，反正我哋未人齊，佢哋限時兩個鐘（差唔多人齊至入，食盡兩個鐘），不過，依個條件好流，我哋未夠7:30pm已入座，過咗9:30pm佢哋都無理我哋，只係幫我哋執執枱面清清場，由得我哋繼續斟嘢飲，齋坐吹水。因為稻香系副線，又出賣大包個招，免茶免芥免加一，慳番唔少。依度唔係任點任食，逐樣計，火鍋湯底有7款，單鍋（即係細鍋，一人一爐個隻）：$19-$23；大鍋：$48-$50。配料都好多選擇，精選推介，即係貴價嘢，例如：帶子、活魚片、美國原裝桶蠔：$42-$98；其他配料多達70款，都係$18-$42；仲有刺身供應，散叫或拼盤都得，散叫都係$18-$38，拼盤就分幾個價錢$68-$148，視乎刺身種類同數量；另外，加$12可任飲汽水、果茶同糖水，不過，如果要任飲，就要全枱計數，唔可以有啲人要，又有啲人唔要任飲。我哋七大一細，最初都諗住散叫，但坐落無

打邊爐食魚生？看似很奇怪，其實也真的很奇怪，不過他們的魚生很新鮮又抵食，$35元6片，同樓下板長一樣，所以每次來打邊爐都必點魚生一碟。星期一至四九點後七折，所以基本上都是九點以後先來，因為正價太貴。必點魚片餃，應該是這店自己包的，口感很好。其他都沒甚麼好或不好，同普通邊爐一樣，不過他勝在一人一小鍋。台面成日會有D腥味，不過抹抹佢就算，反正又唔係食張台。另外，炸魚皮有時會好"林"。

之前試過兩次一鍋豐. . .飽到頂唔順. . 跟住忍下口. . .轉食A餐. . . 最近加了價. . .A餐由原先11:00 – 12:30 特價時段. . .$26 送飲品1杯及點心1款加到 $21個餐跟飲品, 另加 $8 才有點心. . . 真是百物謄貴. . .又唔見我份人工加得咁快. . .分別試過A餐既白汁三文魚焗飯, 湯飯(火鍋上), 海鮮粉絲(碗上) . . .都ok. . .唔駛$30. . .11點黎. . . 當brunch早午兩餐一齊食. . .比樓下Oliver’s Supersandwiches .. .三十幾蚊個早餐. . .已經很化算. . .仲要唔駛等位添. . . 平時係稻香集團 . .飲茶食個點心.. . 都成十幾廿蚊啦. . . 點心..蒸魚頭腩. . .至讚. . .好大碟. . 好好味. . 鍾意食魚既至o岩. . .

今日同fd睇早場唐山, 睇完即興去hipot打邊爐.一早已經想去, 但搵左好多次都唔見, 原來就係cinema隔離2個人叫左2個粥底火鍋, 有粥, 一餸, 一飲品, 一點心, 食到好飽叫左: 南瓜粟米粥+ 白鱔片+鳳爪+凍西洋菜蜜($28) : 已呢個價錢, 我真係唔可以再講d咩. 個粥唔錯, 不過唔太夠味我加左d混醬去食 鱔片大大塊好味! 鳳爪勁多,多過酒樓個d好多, 個底仲有南瓜,一個字正! 麥皮粥+鮮雞塊+ 蝦餃拼盤+ 凍提子汁($28) : 以為係好似麥皮, 原來係白粥加幾粒仔麥 d雞個fd話好滑, 個拼盤有蝦餃,菠菜餃同埋另一隻不知名餃lol 2個都飽到咩咁, 食左3碗粥都仲有成半fd食左一粒蝦餃就投晒降, 我呢個大食積就清埋d點心$28加一都唔使真係抵到爛, 不過下次想試個貴d ge 一鍋豐, 有18種料ga係apm食厭foodcourt不妨來呢度食吓!

肚餓係商場搵野食.. 行到去戲院個層係戲院個邊行過來 聞到幾香既味...行過來睇...有間野裝修得幾靚好多人排隊..再睇一睇原來係打邊爐..而且係半自助型式...點解係半自助?因為野飲醬汁個D係自由發揮...不過吸引入去唔係呢D而係全日免茶免加一...拿左飛排隊等...分唔等色飛而叫號碼....本身前面仲有2張等...都等左20分鐘.到有位...入到去都真係爆滿...如果唔係坐卡位會感覺幾迫..但好彩因為全Open area 間格開揚...所以唔會熱... 坐定定叫野食...由於係散叫 所以都要睇價錢做人... 1-3人既會有一碟肥牛或黑豚肉送...選左肥牛(但係比正常叫個d少2/3 的..再叫左其他野,湯底就豬骨湯底..真係有舊大豬骨 好味韮菜餃拼泡菜餃: 韮菜餃好少韮菜,泡菜餃好辣唔食得辣既人一定食唔到4寶丸: 8粒野都好細-.-' 而且咬感一般肥牛: 不太新鮮..而且有d色已經變成灰紅...即係平時超級市場早上賣唔晒.夜晚變灰黑減價d豬肚拼滑牛: 呢樣比較ok. 豬肚似豬肚,滑牛似滑牛...象拔蚌拼花枝片: 2個都ok炸魚皮: 面個d ok 只係辣左d..因為有d辣粉係上面..食

位於APM頂樓的火鍋專門店。特色之處係一人一鍋，方便之餘，還可以與朋友多選擇不同的湯底，嘗試不同的口味。我要了一個豬骨湯底及麻辣湯底，兩種湯底也算不錯，麻辣湯底真的越打越有辣味。坐位方面，其實也算不錯，加上地方光猛，沒有任飲任食則略為有點不足，不太扺食。

朋友仔忽然約我食野, 但一早約左其他人睇戲, 所以只好約食晚一點。由於在apm睇戲, 所以約佢在apm 食。 一邊行一邊睇下食咩...行到最上果層, 見好多人圍住hipot! (其實之前都有留意呢間打邊爐, 因為裝修好開揚& 舒服, 不過因為佢唔係任食打邊爐,所以都係無試。)果晚行埋去一睇, 發現 9.30後入去食, 所有野都係半價, 咁咪試下囉! d 野食都唔錯呀!

本來想去另下間食飯既, 不過臨入戲院睇戲前, 見到HIPOT已經好多人係度等位~ 我同個朋友原來同時都未黎過呢間打邊爐, 又見到9點後大部份有6折, 就心郁郁~到睇完戲黎到, 發覺仲係好多人, 才來想縮沙, 但我朋友去拎飛個陣, 原來下一張桌就係我地, 哈哈, 咁天意如此, 我必定遵從~好快就入左去, 環境好光, 好乾淨, 冇平時酒樓既嘈吵~ 一坐低有開始睇下有咩揀, 先揀左個類似至抵套餐~~ 有兩個湯底(沙嗲+豬骨)+海鮮拼盤~~再黎揀左兩碟美國肥牛, 魚皮餃拼蝦丸抵食推介度揀埋象拔蚌拼花枝片, 芝心丸拼海膽丸再每人加$12任飲,&任食甜品一陣個兩個湯底+海鮮拼盤到喇~~ 兩個細細既一人鍋, 唔會好似酒樓或屋企咁大個鍋, 唔會成日同我蒸面~~ 放哂D野入鍋就去拎飲品, D飲品除左有汽水機&水外, 仲有草莓石榴汁, 檸檬茶, 西洋菜蜜, 雪梨蜜, 菠蘿沙冰~~ 試左草莓石榴汁, 菠蘿沙冰& 雪梨蜜草莓石榴汁: 新鮮, 唔會好甜好漏, 好清新, 我第一次試咋菠蘿沙冰: 太多冰, 菠蘿味淡雪梨蜜: 過甜過多陣, 所有order到齊沙嗲湯底: 沙嗲唔濃豬骨湯底: 一般海鮮拼盤: 青口, 帶