HIS Cafe

Open Now

Now Closed

復活節假期想嘆靚早，但這區很少cafe，在openrice search 到這間，去到以為無開原來要轉角入內 （在外街如有個牌指示會更好），環境relax, all day breakfast + bagal + mocha 都好味道，會再幫襯，支持小店！Mocha 咖啡及朱古力味濃郁，而all day breakfast 亦豐富好味，bagel 煙韌，整體滿意！

今天經過His Cafe，原來11:30前有早餐就去試吓啦。很少打食評，不過這間Cafe小店值得推介，用心製作，貼地價錢，尤其喜歡他們的咖啡，雖然餐廳地方唔係好大，但係感覺好chill，值得推介👍

這間cafe位於小巷之中，平時人跡罕至👣非常隱蔽，但每逢到了午飯時間都會全場爆滿🔥食客源源不絕，相信食物質素一定有相當水準🤩———————————————————————沙律份量非常多，可以用盆滿缽滿來形容😍烤南瓜經烤焗後外脆內軟，能吃得出南瓜本身的天然甜味😋但略嫌稍鹹，調味若然輕手一點就更加完美🤓雞胸肉調味適中🐔肉質亦不會過乾或過老👌🏻沙律菜非常新鮮🥬口感爽脆而且水分充足💦配合份量恰到好處的沙律醋，酸酸甜甜，非常清爽😙意粉軟硬適中，黑松露味香氣撲鼻🥰其他菇菌味道亦非常濃郁🍄唯醬汁煮得較稀，令意粉掛汁程度一般😕煙三文魚方面🐟店家亦毫不吝嗇，給予的份量十分充足，令人非常滿足😇意粉芝士味道濃厚🧀醬汁非常黏稠，完美掛在每一條意粉之上👍🏻煙肉份量亦算多🥓切成粗條後感覺煙肉口感更為突出。但始終整碟意粉偏向濃味，吃完難免會有點膩感🫢每份set lunch都配有一杯飲品☕️而我選的Americano 濃淡適中，有咖啡香得來味道又不會太過強烈👌🏻即使是平時不好咖啡的我都覺得很易入口😃———————————————————————餐廳位置雖然並不起眼，但憑着美味的食物和飲品，仍能吸引大量食客，證明高質出品

只係第二次到來，有驚喜吖，set tea係煙三文魚忌廉酸種麵包及普通咖啡，下午茶份量抵食，微温麵包無得頂。雖然店舖細細但感覺舒適，我鍾意坐吧枱，可以係玻璃窗望到街外，對於我嚟講雖然唔係好就腳，但會再嚟，因為感覺良好，值得推薦。

約咗朋友嚟呢度食lunch，上次係另一間餐廳，今次已經變左另一間，裝修比之前間闊落咗，但枱唔多，不過唔會有太迫嘅感覺。繁忙時間用餐90分鐘，都算合理。可能因為小店，所以選擇唔算太多。叫咗個熱朱古力，本來想食牛油果牛角包，但牛角包沒有貨，就叫咗牛油果bagel。牛油果bagel的味道其實是可以的，但bagel太硬，個人始終不太喜歡bagel ，希望下次有牛角包。杯熱朱古力幾好飲，香濃朱古力味，亦唔太甜

好少寫食評，係真係鐘意或討厭先寫😝見呢度唔係好多post，有點可惜。首先我杯house blend flat white, skimmed milk真係好好飲！！！第一次飲到充滿層次、咁複雜既☕️🫨既有濃重nutty口感，但又帶點fruity既酸度 。問左店員呢隻house blend既豆，叫Sapphire🪩💙💎，係混合巴西同Ethiopia既。巴西既豆係帶有nutty風味（佔65%），另一款就係偏酸既（35%）。如果沖成Americano既話酸味會出啲，帶有花香［因為普遍人客都唔太鐘意酸，但如果想試既同店員講可以特別調製。］（搞到都有啲想試😃）食物方面店員即叫即整，11點半到達，只有一位店員一腳踢，所以都要等大約15至20分鐘（不過都合理啦，後來多左個店員返工，先應付到後來既客人）老公點左bagel，我只係咬左啖，bagel 烤到好香脆。黑松露煙3文魚忌廉扁意粉，意粉較幼身（I like!），al dente，忌廉汁唔太杰，有啲食完會好滯，但佢係岩岩好。周末黎小店慢活下，飲下啡，幾舒服。❤️🏖

三文魚黑松露意粉 煮得啱啱好 意粉夠乾身 有黑松露同橄欖油味 配埋煙三文魚 非常滿足份量亦很多 男士亦夠飽 set lunch包埋一杯咖啡都好好飲 芝士煙肉貝果 貝果🥯有粒粒芝麻 焗得好香脆仲叫咗個肉醬芝士焗啡菇 都好出色 不過唔記得影相值得支持的小店

小店位於巷仔中，環境安靜平日lunch set,咖啡店來說價錢合理黑松露煙三文魚意粉味道不過不失，但略嫌欠缺黑松露風味跟餐已包latte/cappucino/flat white/americano/chocolate,不用加錢這區附近沒有咖啡店，咖啡亦算不錯用muse 豆，偏nutty店員年輕有活力，有熱誠💪環境乾淨企理舒服長播張敬軒playlist👍如果黎到附近又想坐吓放風飲杯咖啡，是不錯選擇