牛角次男坊 (東薈城名店倉) (Closed)

平時見到嘅牛角都係放題燒肉，嚟到東涌呢個牛角就專食丼飯，放題嘅時候自己整牛角飯淨係加紫菜、溫泉蛋同飯配上牛角嘅肉，好正我就嗌咗$68豚肉丼，而朋友就嗌咗$78牛角次男丼。豚肉丼有溫泉蛋仲有幾片豚肉，碗細細以為好少，原來係會勁飽（女仔嚟講）。不過豚肉略嫌有少少韌而且唔夠香，食落會乾，好彩有麵豉湯，先食得落個飯。而牛飯嘅牛肉唔知係咪醬料醃過之後先製作，好好食而且唔韌，勁好餸飯！嚟牛角真係唔應該食牛以外嘅食物！

時隔兩年再到東薈城牛角次男坊，依然都係咁好味 ！.星期一至五有午市套餐，叫左一個汁燒牛腹腩、一個鹽燒豬腩片。另外加一個黑糖雪糕泡芙。.汁燒牛腹腩、鹽燒豬腩片都非常非常好味！肉片分量多，超滿足。一個定食，包埋前菜、味增湯，只係茶記價錢，非常佛心.黑糖雪糕泡芙就正正常常，口痕可以食下.總體上，超推薦牛角次男坊 ❤️ 好味又抵食！可惜分店較少，不在旺區，經過就把握機會啦～

1️⃣草飼牛腹腩丼佢係肥牛口感，肉係薄片，份量多，個醬汁甜甜地 有好多芽菜係裡面💰HKD$862️⃣燒牛舌丼冇醬汁 食落好乾，又唔算好淋，麻麻地 份量都多💰HKD$68加$8有湯同飲品丼飯黎講都幾抵

沒有晚市堂食，唯有外賣。上官網落單，揀好自取時間，計好時間去到門市好快就有得拎。燒牛舌丼（$68），牛舌爽口唔韌，加蔥絲食好夾。牛角次男坊丼（原價$86，外賣自取有78折，實收$67.1），牛肉比較普通，但醃製醬汁好好味，送飯一流。

第一次食二間位於東涌嘅次男方😚 覺得味道唔錯，會再繼續過嚟食，所以同朋友推介👍🏻餐廳位於東涌東薈城，雖然係比較高嘅樓層，要搭好多條電梯上去，但係都令到佢依然好高人氣，我哋晏晝嚟食都需要等候😁 但係值得嘅！我就叫咗一個牛肉丼飯雖然睇落去好少，但係實物好大兜，分量十足😉而且依度嘅飯全部都落咗醬汁，所以食落去唔會乾爭爭，係好香嘅燒汁味💕😛💗餐廳：次男方💗地點：東涌東薈城💗評分：8/10會再嚟食！

牛角相信好多人都食過～係有質素嘅燒肉店！😋其實佢有幾間「兄弟」店嫁！前排去東涌行Outlet順便試到其中一間平價燒肉丼飯店🤤🍖🍚.🍚鴨肝 豚肉丼初嚐鴨肝，比鵝肝軟身少少，味道就相似～可以打散去撈飯🍚一共兩塊～而豚肉🐖都幾多，有少少汁，本身好怕食乾嘅飯，但呢個都唔會的～配日本珍珠米，好味🤤.🐮燒牛舌丼朋友嘅牛舌份量都算多，起碼係鋪滿飯面😂硬身少少但有口感嘅，$68黎講都真係超級抵！加$8就可以升級，有齊湯+罐裝汽水🥤抵！.相比起刺身丼飯，價錢的確親民好多！由$68起到$136都有，我嘅鴨肝豚肉係尾2貴嘅，但都好抵食喇😛😛室內同牛角裝修有d似，卡位多～坐得舒服。

見到呢間🔸牛角次男坊🔸個menu 好吸引, d 牛肉會疊到好高架, 所以就入去試吓。餐廳有好寬闊嘅卡位, 不過其他座位就相對地有少少迫。需要出去落單叫嘢食, 之後職員會送餐, 而餐廳有個corner 可以自助斟水同拎調味醬汁。🥢 牛角次男方丼一見到實物就忍唔住嘩嘩嘩, 真係疊到好高呀, 好似一座山咁, 打卡好靚。牛肉薄薄地, 不過份量好多, 燒得好香好惹味, 濃濃牛肉味好 juicy! 日本珍珠米配埋燒汁一齊食, 食到完全停唔到口!🥢 豚肉丼豚肉丼一d 都唔遜色, 豚肉燒得好粉嫩, 肉質好軟腍。溫泉蛋圓碌碌好有彈性, 超級流心, 撈勻之後d 豚肉食落更順滑。💭 餐廳整體食物都好好食, 難怪咁多人排隊, 係值得再去食嘅一間餐廳。

一向都喜歡食燒肉，經過店舖，被餐牌吸引了。不用自己燒，價錢親民，而且仲係牛角集團轄下餐廳，要食一個簡快捷的午餐，不二之選。選了牛舌丼及燒美國草飼牛腹腩盒子飯定食，YUMMY!牛舌丼，雖然牛舌唔係厚切，但大大塊，牛味濃郁，口感夠爽，配上啖啖珍珠米的牛角飯，每一口飯都帶有牛香，飯不算多，很快、很容易就清碗。燒美國草飼牛腹腩盒子飯定食，牛腹腩外形似係肥牛，肥瘦相間的牛肉，有很重的牛油脂香味，加上每塊都燒得外圍有一點焦邊，入口帶少少香脆的感覺。人均$60-70，吃到這種味道的燒牛肉丼真的抵食。

平日好少來東涌，今日難得路經此地，就食埋個晚飯先歸家啦！東薈城都算有不少餐廳，中日韓西餐，各式各樣都有，朋友話呢一間日式餐廳之前食過一次都幾好食，所以就揀左呢一間了！一坐低見到隔離枱上鐵板，我就畀啲嗞嗞聲吸引到了，一於試個鐵板澳洲牛定食，朋友就食豚肉丼，落單一陣已經有得食，塊牛一上嘅時候係粉粉地紅的，因為我唔食得好生嘅，所以就拿拿聲切開一件件，煎一煎啲肉先😅😅之後就慢慢食！牛好味，有肉汁滲出，用料新鮮的，白飯也好味，朋友的豚肉我也試一口，沾了蛋黃食，香香的，亦好味！食物整體很滿意，唯一缺點可能係人手不足，上一枱客人有小朋友，清潔完枱面仲有好多飯粒，枱下亦有，見侍應咁忙都唔敢勞煩了，就自己抺一抺枱吧😊😊

有日去咗東涌outlet買嘢順便喺商場食過晚餐。大女推介「牛角次男坊」於是就去試吓。開頭以為唔平，但係原來價錢都好大眾化，唔怪之得要排隊等位。以自助形式買票，但有侍應端上食物。食物種類唔算多，以牛為主，但也有豬和雞。牛肉推到好似座山咁，大家都不禁舉起電話打卡一番先至開餐。食物味道唔錯，牛肉片有好多塊，點上牛角燒汁更加好味。阿女嘅推介真係唔錯，又平又好味😋

當牛角開到成行成市但係次男坊既店鋪數依然寥寥可數未入去食之前都擔心係伏不過依份食評就想令大家釋除疑慮雖然市場定位唔係燒肉有時候排隊人龍又無牛角咁長其實次男坊幾好食的今次去到東涌依個新商場去到最幾高層有好多野食又有food court 又有唔同國菜不過今次比牛角次男坊吸引同埋要用埋佢d會員優惠牛角次男坊丼用得店鋪名做主打一係就好好食一係就好抵食佢係二合為一有濃味既微甜燒肉配埋熱熱辣白飯一齊真係十分滿足既感覺總結燈光偏暗坐位闊落野食選擇其實豬牛雞都有無食到好貴好貴既餐可能會更好食但當食貴肉都係想自己燒多d

平日下午嚟到，叫嘢食之前要自己搵位，搵完位再出去叫嘢食，Food Court玩法。叫咗個燒牛肉重（69$），加埋可樂（$6），盛惠75$大洋。牛肉同飯之間有一層紫菜碎，食落味道唔錯，但牛肉有啲少，個飯嚟到時唔覺，夾起一片，已經見到半個白飯😂😂，成個飯計計埋埋大約得4-5片完整嘅肉，有少少失望，肉片有牛味同油香，好夾配埋嘅醬汁，而飯量適中，女仔食夠飽。味道唔錯，夠熱，如果牛肉可以多啲就會更加抵食！

嚟outlet行街，行到攰攰地想搵ｄ野食下，唔想食foodcourt 咁頹，見到牛角飯就決定食佢!3個人1人1個飯，一直都好鍾意牛角個牛舌，所以叫咗個燒牛舌丼 $68。朋友1個想食豬就叫咗個豚肉丼 $76，另1個話要高d就叫咗有16cm高嘅牛角次男坊丼 $86。平時都唔會點食飯，但佢個牛舌飯配埋d汁，真係可以令我掃晒碗飯，牛舌唔會韌又香。之後再偷食朋友嘅西班牙豚肉同牛腹腩，d 肉真係幾好，但我似乎係最鍾意個汁，撈飯真係好正呀！每碗飯份量都算多，食飽叉足電再行過💸

This is the sub-brand under my favourite Gyu-Kaku, but I haven’t tried this before.This time we tried the flat iron steak. It was ok - the steak was in a right size, texture quite ok. But in terms of the beef flavor, I would still choose the Gyu-Kaku bbq style over. Next time may try the other beef rice set

去完機場送別朋友，一行人坐巴士去咗東涌食餐晏，不過東涌真係無嘢好食，喺東薈城行咗好鬼多層先搵到牛角次男坊，排咗大約十五分鐘有位，我哋七個人，要分兩張枱，店員都好好幫我哋安排盡量坐得近一啲。叫咗個安格斯牛頸脊丼($119)同埋蔥鹽豚肉丼($72)，相片真係只能當係參考，正式上枱當然唔會好似menu咁堆得咁澎湃，最緊要好唔好食啦。牛頸脊丼啲牛有啲韌，唔係好好咬，一般燒汁味道，其實睇相都見到啲牛煮完出嚟色水麻麻，唔夠香，一般。相比起我覺得豚肉丼好食啲，雖然啲肉一樣無乜色水，即係好似白烚咁款，但撈埋蔥鹽係唔錯嘅。兩碗嘅飯嘅份量都唔少，可惜唔係日本米口感（人哋都無話係用日本米嘅），我真係好掛住家鄉啊....整體嚟講一般般，但支持下啦～味道：6/10賣相：6/10價錢：6/10環境：6/10📍東涌東薈城2期7樓706號舖☎️ 26289882#鐵飯碗 #鐵食評 #FoodieHK #HkRestaurant #hkfoodie #hkfoodblogger #foodreview #香港美食 #牛角次男坊東薈城 #牛角次男坊 #東涌美食 #東涌餐廳 #東涌 #東涌東薈城 #東薈城 #東薈城餐廳 #