牛角次男坊 (東薈城名店倉) (Closed)

呢間牛角次男坊食過好多次㗎啦 今次真係要寫下食評 因為今次嗌左鴨肝 平時比較少嗌 其實價錢都唔算好貴都係$112定係$122 我冇影低個Menu所以真係唔記得左 另外朋友嗌多個美國草飼牛腹腩$88 其實佢嘅飯成座山咁都幾飽 我隔離嗰個女同事都食咗成個牛角飯 一如既往佢嘅汁係好好食嘅 另外留個飯當然係有紫菜啦 加埋佢既牛汁 好好送飯到我嘅鴨肝+美國草飼牛腹腩喇 鴨肝唔腥 仲好香添 以前有支解茶送 而家冇了 但係個飯依然出色 保持水準 環境方面 雖然係中午時分 但係成個東涌都唔係好多人 呢度食嘢嘅人都唔多 上菜速度都好快 又坐低去到離開都唔使一個鐘

今次食咗牛角燒肉丼定食，價錢係$69，學生平$10，$59。定食今年嘅燒肉同平時我哋喺牛角自己燒嘅一模一樣味，份量都唔少㗎，所以非常抵。另外定食亦有配埋中華沙律同埋麵豉湯，可以話幾豐富。$60-70就可以食到咁豐富嘅嘢，CP值確實非常高！

放假去行東薈城outlet 行行，當去左旅行，東薈城擴建二期, 二期頂樓 有food court ，又有新食肆，精選過後，決定去呢間日式裝修，牛角主理食丼飯， 營造去咗日本旅行嘅感覺，自助落單，即是自出收銀處自己落單，點了1) 醬燒豚肉丼定食$55 (下午茶時段)，包味噌湯，餐前小食，加$4配飲品感想: 牛角燒汁， 必屬佳品， 豚肉 稍為有少少乾，好在有燒汁補救，加埋紫菜 ,簡直冇得輸, 全部食曬! 2) 石燒封門柳定食$108，加$4飲品感想， 石板熱度持久力不足， 好快就凍，不過都剛好燒熟牛柳，牛柳有少少韌,牛味十足, 一般般啦！

放假行下東薈城 行下攰就要搵野食醫下肚 新開既東薈城2期真係有好多選擇 其中尼間見到啲野食圖就令我流野口水😆午市時間人龍都有幾個 等左一陣就入去落order 今次叫左佢既招牌牛角男次坊同牛舌定食成日食燒肉都好鐘意食牛舌🙈一黎到 賣相真係好出色 幾乎同圖片一樣👍🏻令人心心眼 急不及待要放入口 但賣相令人期待愈高 味道令人失望愈大🥲🥲正正常常 牛味不算濃 相比牛角即燒既味道絕對係天壤之別🌝而且碗底有點高 份量正常偏少 可能因為肚餓關係啦….難免有啲失望但打卡影相一流😅😅

今次有少少時間，專誠入到東涌試試牛角嘅牛舌飯🤩平時食開牛角嘅你地，對牛角飯一定唔會陌生！係熟悉嘅牛角燒汁再加燒到爽口嘅牛舌，啲飯一啖接一啖，係停唔到手呀🤤雖然Menu 上面係有好多牛舌，仲多到爆晒出碗外，但你知啦～現實同理想一定係有啲距離嘅😂今餐食牛舌食得唔盡興，咪去牛角任食再食過囉☺️—————————————————👅 燒鹽麴牛舌丼定食（$68）

平時都有喺東涌食lunch. 第一次食呢一間. 食完之後覺得好抵食, 所以上嚟寫番篇食評. 小妹我本身唔食牛, 所以叫左個雞定食套餐：新潟鷄松阪丼定食, 包含有雞丼飯,一個小前菜—中華沙律, 同埋一個味噌湯, 基於小妹我仲係有學生身份, 所以享有學生👩🏻‍🎓優惠. 套餐total淨係$55. 然後再加左支可樂, 都係加多$4咋. $60有找, 非常抵食😋.小妹我本身有個公主👸肚, 玻璃胃, 唔係樣樣食物都啱胃口. 呢一間嘅食物品質算係頗為理想, 食材新鮮. 不過, 如果個丼飯嘅醬汁可以加多少少會更美味. 份量對於我呢啲小女孩👧🏻嚟講啱啱好.

嗰日行完outlet 喺東薈城冇嘢好食 之後見到呢一間咁啱冇乜人排隊 入咗去食啦 求其嗌咗個飯 點知勁正 啲肉又多又好味 一啲都唔會乾爭爭 撈埋飯食真係一流 仲要環境好舒服 一定會再嚟

行東涌Outlet前當然要醫飽個肚先🐽牛角係個好選擇👍🏻午餐lunch set 包左麵豉湯+前菜🥢 牛角次男坊丼定食（$88）美國草飼肥牛堆到成座山咁高🤩食落好有牛味，肥瘦分佈得岩岩好，又唔會乾，牛肉山下面有一堆辣芽菜（韓式辣椒醬嘅甜辣，但只係好微既辣，配埋有味既紫菜碎同牛角汁嘅牛角食👍🏻👍🏻👍🏻推呀🥢 燒鹽麴牛舌丼定食（$68）薄薄既牛舌好爽口，調味岩岩好，加上切絲既蔥，食落好清爽，配埋牛角飯同樣好食👍🏻一樣推

本身諗住返屋企食 但行行下東薈城已經好夜 所以就搵野食之後見到依間睇黎唔錯 就試試佢佢係好似快餐形式咁先排隊等位 有位再出去counter 買個餐佢冇得拎飛 晚夜都多人 所以要早d 去排隊好d我唔食牛 所以揀左豚肉定食咁個飯就好野味 個肉就好香同好多汁不過肉既份量有d 多 但飯既份量就有d 少隻生蛋都好好味同埋d 蔥好香掃下佢個qr code 仲會送2條魚卷比你但係送既魚就好咸同好油不過都算鬆脆都可以入到口好彩係free 既 如果要錢就唔叫lol

疫情關係，呢間令我想起日本道頓崛肉劇場的肉丼專門店，大大碗性價比超高，簡直係食肉獸恩物，自從東涌開左新一期之後，呢度食物多左好多選擇，見到個招牌，又令我想起日本，於是就行左入去了。一行三人，第一次試，價錢唔算話抵食，睇起來疊到好高，其實係搵芽菜托起，同埋本身個碗好淺，所以睇起來營造到好高同飽滿感覺，不過方便相機食先。叫左個鴨肝，美國草飼牛腹腩，同埋SRF安格斯和牛定食，個汁唔錯，牛都正正常常，但唔好話有特別驚喜，加嘢飲都係加$4，草飼牛似平時去酒樓叫個啲打邊爐肥牛，而安格斯就比較嫩口，鴨肝唔腥。P.S.記得用埋會員優惠

黎到東涌outlet行到攰就上黎睇下有咩食，見到有牛角即係行埋去睇下個menu啦，原來係食牛丼，仲好唔洗自己燒燶晒。可能星期日而商場又做緊promotion嘅關係，所以好多人排隊，最後排咗20分鐘左右終於有得食。🥢鴨肝牛角次男坊丼定食鴨肝好有油香味，燒到外脆內軟，齋食會有啲漏，所以夾埋飯一齊食就岩岩好 👍🏽而牛肉燒到有小小脆邊得黎又唔會好鞋好乾，咬落仲有肉汁滲出黎，唔會韌 😋🥢燒鹽麴牛舌丼定食去牛角燒肉好鍾意食佢地嘅牛舌，但自己唔識燒又驚唔熟，所以次次都燒到燶燶地 😅 宜家有得點，岩晒我。雖然賣相睇落好單調，但食落都有小驚喜。牛舌都有小小脆邊，燒得唔乾有肉汁，食落唔會覺得油膩。不過個飯就落得太多燒肉汁，所以有啲咸。

▫️次男坊丼定食​啲牛肉多到成座山咁高 仲要有十幾塊😍 大大塊嘅美國草飼牛腹腩 每塊都嫩滑又juicy🤤仲有跟4塊紫菜 可以包住啲飯嚟食 絕對係一個唔錯嘅配搭 食肉獸嘅首選🤣 定食仲包埋一碟沙律前菜 總括嚟講性價比都算幾高😋

呢間牛角次男坊係日式燒肉風格，啱晒一啲想食下燒肉又唔想食放題既人，食下過下口癮😋一入到去就叫左一份新潟雞松阪丼飯，一遞上黎覺得視覺上好大份，個飯埋疊到好高下，聞到都好香，而雞肉旁邊亦都有好多蔥，撈埋啲飯食好香。雞肉明顯燒過亦唔會太燶，燒肉汁味道唔會太鹹，配合埋雞肉食都唔錯。而隨餐仲有埋麵豉湯同汽水，整體都唔錯。唯一問題係個飯既份量有啲少，雖然視覺上碗飯疊得好高，但其實個碗底高同埋成個碗好淺，所以食左幾啖就已經見底，而食完亦都唔覺太飽，所以食量較大既朋友要留意下啦～

當你行完哂街非常肚餓嘅時候竟然見到一間燒肉定食嘅餐廳想必一定係直衝入去啦無錯！我就係個個直衝入去個個🤣突然間有位人兄就話”小姐，落單先入座”𤓓咗TIM😜餐廳大約有10款定食俾大家揀主要係牛🐮同豚肉🐷今次我就揀咗E同B2- E .特上次男坊丼定食(美國SRF和牛）- D牛肉份量好多食極都仲有加上佢係用美國和牛牛肉味超濃甜甜地嘅燒肉汁同牛肉好夾牛下面有辣芽菜好適合撈飯食- B2 .牛角次男坊配穴子定食 -咧碗嘅牛係美國草飼牛腹腩肥瘦相間中間有條筋咬落口感好好不會太油膩不過穴子就麻麻地燒得唔夠香口不過咧間餐廳真心有驚喜除左佢每碗飯都堆到成座山🗻咁高之外就係佢每個套餐都包括一碟前菜及一支道地「纖。解茶」仲有最最最重要嘅就係價錢💰依家星期一到四晚下午5點後都會有75折所以就算嗌個貴嘅飯折完之後都係100蚊以下所以大家都快d去食啦全香港有兩間分店東涌同荃灣真心值得去一試🥰

今日去左大嶼山行完山，又肚餓。最多嘢食應該係東薈城。見依間店外面都有人等，應該唔差，就試一試吧。我地叫左兩個定食。一個雞松阪丼定食，一個牛角次男坊牛肉丼定食。丼包一個前菜中華沙律及一碗湯。另外加$4有一罐飲品。個雞肉丼其實幾好味，燒得幾香。而且有大量葱同紫菜喺底，一齊同啲飯一齊食都幾過癮。啲飯又好食，有咬口。因為份量唔算多，一個女生來說，可以晒成碗飯㗎！牛肉丼飯我覺得冇雞肉丼咁好味。不過賣相就相對吸引啲。因為矩地有啲蕃紅花喺飯面點綴一下。而個飯同雞肉丼嘅飯一樣，但加左啲芽菜喺底，好似成個丼都好大份。食落就幾好既，因為矩地啲牛肉都唔肥唔瘦。依家我可能會再去試下個石燒好冇食。可惜得荃灣同東涌有店。唯有等有機會再試埋去！