好好甜品

Open Now

Now Closed

琴晚同朋友咁啱喺附近食完野，就去咗呢間糖水舖食甜品，選擇來講都算多嘅，價錢中規中矩，因為餐牌上面有啲甜品名唔係好清楚所以就問，不過態度就好一般，真係有啲扣分。叫咗呢個椰汁紫米露$22，正正常常偏甜。

好少去太和，行行下見到呢間甜品店，唔算貴就試咗了🤣佢喺大埔超級城行過去都唔算遠，附近都有甜品鋪，但佢人流最多，所以即刻試吓🤣🤣餐牌有好多款式可以選擇，又有中式又有西式！兩個人食嘅關係就叫咗兩款！最推薦呢個雪糕芒果碎冰😍雪糕仲可以自己揀味😋 芒果碎冰食到芒果果肉 ，仲帶甜甜地😍 非常啱夏日！另一款係黑糖芋圓丸子盛！ 通常食呢啲丸子就試得出呢間甜品鋪質素如何😋 唔太淋，有咬口！ 只可惜黑糖太濃 太搶味，覺得偏甜🙈

好好甜品😋😋大埔懷舊甜品店😍😍香芒忌廉紫米撈$36😋芒果好甜，忌廉多，而且紫米煮到剛剛好又唔會太淋，又有咬口😍😍 楊枝甘露$37😋楊枝甘露入面都好多料，而且芒果都係好甜，好好食😍😍地址：大埔美新里5號美菱居地下B舖整體評分：4/5味道：4/5

有日跟老婆點了芒果班戟，芒果西米露，蛋白蒸椰王，老婆食食下椰王發現有少少苦，D奶肉有些少黑色😢，跟侍應反應後，侍應先收走，過左一陣間，有個師奶同我地講佢既椰王個個都新鮮，唔會有問題，態度差到完全接受唔到😔，最搞笑係，佢又要收走，但事後又乜都沒做，唔通係作賊心虛？之後我地都沒心情食落去，即刻埋單走人算數，其實我地明白有時食物質素未必次次都咁好，但做得生意就最緊要有良心+正常既服務態度，食餐甜品好似欠左佢咁，以後都不會再幫襯😩

今日同朋友係大埔經過呢間糖水店見到好大隻字寫住”芒果大王”忍唔住即刻入咗去試吓😆😆😆店舖嘅環境 擺設都偏中式 好有以前細個傳統糖水舖既感覺。而呢間糖水店最大嘅賣點就一定係款式包羅萬有 由中式糖水去到西式甜品、刨冰都應有盡有😋🤩真係滿足哂所有吃貨既口味☺️只要諗到既都會有👍🏼 而且價錢好抵😎今次就叫咗3款糖水😋首先係生磨杏仁露 味道方面唔錯 好重既杏仁味 但口感就略嫌唔夠順口 每啖都有好細既一粒粒 呢個位就扣少少分🧐另外叫咗個芒果西米撈🥭 芒果份量都算多 有五大舊 食落都好清涼☺️但係用芒果為主打既話就失色咗少少 芒果唔算特別甜 但整體而言 性價比都可以接受。最後仲叫咗個手炒黑糖珍珠鮮奶 味道唔錯 黑糖份量夠哂甜 珍珠都好煙韌👍🏼不過性價比同出面嘅手搖飲品店相比下就差少少同埋想講 店員既態度真係麻麻😧整體而言，呢間小店既優勝之處 就係款式夠多 好啱同朋友聚腳吹下水😉

係大尾篤踩完成日單車，坐返巴士出太和，有朋友介紹呢間係好好甜品，佢中學年代已經成日幫襯，係太和區都算係老店之一，主打中式傳統糖水，西米露、杏仁露、紅豆沙樣樣有朋友話呢到出名榴連同芒果，但因為有同檯既朋友唔食榴連，所以都係留返下次先再叫，一入門口就見到有好多芒果🥭糖水好快就送到，因為花生已經賣哂，所以叫芝麻味湯丸，一碗有6粒，薑湯離遠已經聞到辣味，煲得好夠味，而湯太都幾有驚喜，柔軟外皮包裹爆漿芝麻流沙餡，每啖都滲著好香好濃既芝麻味，幾好味😋

食完晚飯 本身打算喺深水埗度食埋糖水先返屋企由於真係太難搵到車位那於是呢就去咗大埔到食😋喺上網見到人推介呢間好好甜品好多人都話由細食到大 雖然住新界區但係我真係未聽過呢間甜品舖 但對於一啲懷舊特色嘅舖頭我都好有興趣於是就喺附近搵個位拍低然後就去食如果大家揸車去嘅話預咗有心理準備嗰度冇位泊車因為實在附近太多食市 好多人違泊😂一去到已經有位唔需要等 我就叫咗個鮮雜果西瓜撈加小丸子😋👍🏻👍🏻另外再嗌左個芒果椰汁冰鮮雜果西瓜撈有幾舊芒果哈密瓜同埋西瓜除咗西瓜其他兩款我都覺得唔太新鮮不過佢嘅小丸子同埋西瓜汁底都做得好好芒果椰汁冰 呢個我都比滿分👍🏻👍🏻佢個椰汁冰底做得好入味 個底仲有紅豆綠豆另外我仲加咗芋圓👍🏻👍🏻QQ彈彈好食😋因為香港啲糖水舖嘅水準越嚟越差呢間暫時係我食過咁多間嘅三甲之選👍🏻👍🏻

開開心心去買糖水點知買糖水送頭髮？食食下發現有條頭髮浸住啲芒果汁😑心諗唔係啊嘛 即刻冇矖食慾成件事覺得真係好嘔心 冇人想自己買咗碗糖水食到頭髮明白而家生意難做 但唔該注意下

對不起！你是我第一次給的難食店！見芒果係主打，所以點了芒果芋圓和芒果西米。先講份糧，最細碗的外賣碗，$30-$32 蚊一碗，個人覺得價錢不算相宜。戲肉從開盒開始，成碗好透明，心知不妙！入口就知道中伏了。成碗都係糖水，甜到不得了！無芒果底只有糖水可言、就連芒果粒都少得可憐，而且芒果味道極之普通，西米和芋圓方面，我和老婆都覺得有少少酸味，應該是壞了，食左兩口真係要忍心掉左佢！食物質素和味道都係食過最難食的糖水店舖

服務態度極差，冇得再差，服務直頭負分！我買8個甜品外賣，order到第6個嘅時候，準備order 第7個，我諗再十秒鐘嘅時間都冇，嗰個約20歲左右的staff即刻同我講後邊有人排隊，態度表示唔好阻住人哋，唔可以即刻諗到就唔到阻住後面，就俾後面的人叫，要我重新排過隊，排第尾，我以為係呢一間店嘅規矩，之後我都重新排過，再落order時問佢椰皇甜品嘅嘢，佢態度好差，一句講個人口味。其實我唔係喺度工作，又未食過，我又點知！因為我已經排到最後，跟住都冇客人，諗住$60買個椰皇想問一句費事唔啱口味浪費！仲以為係免費派甜品！我在消費，唔係貼錢買難受，仲要係疫情過嚟消費竟然受到咁差嘅對待。我買甜品量，買得多竟然係受罪，佢個態度係討厭人哋買得多，令佢做得好辛苦，如果覺得辛苦咪早啲收工，關個顧客乜嘢事呢，我買咗$212受到咁嘅對待！呢間係我見過最差服務嘅甜品店。

疫情下，禁晚市堂食之前最後衝刺，大埔朋友提議去太和嘅＂芒果大王＂，我OpenRice 搵唔到，原來就係之前食過覺得都唔錯嘅＂好好甜品＂😍 今次想試新嘢，店員誠意推介手炒黑糖芋圓蛋白椰皇。價錢唔算好平，但係相當足料、製作用心 😃第一次食手炒黑糖，原來係將液體嘅黑糖加熱，質地＂傑傑＂哋，有一陣輕微燶燶哋嘅香味，芋圓彈牙QQ，同手炒黑糖一齊入口煙韌滑溜，配埋個細滑清甜嘅蛋白燉椰皇啱啱好，食完成個人暖哂 ！🥰

好耐冇食過甜品，咁啱食完野見到附近有間良心甜品舖，於是就同朋友黎左嘆返份甜品。舖頭比我想像中大，座位都唔少。座位既設計比較懷舊，有少少似粥舖嗰種枱櫈。感覺懷舊，但係都幾好坐，同其他座位之間既空間都ok。去到既時候店員同緊其他客人傾計，然後落單既時候都好有禮貌。我同朋友分別嗌左︰鮮芒果蛋白椰皇、香芒布甸(加奶)。MenuMenuMenu食物合照鮮芒果蛋白椰皇︰芒果好甜！蛋白好滑，食完仲可以食椰皇既果肉，一次過滿足三個願望。香芒布甸(加奶)︰芒果好甜！布甸幾滑，加左奶幾唔錯。簡單總括一下，座位比較懷舊但係舒服，店員有禮貌，甜品幾高質，價錢合理。非常唔錯既甜品選擇。

今日8號風球晚上落波3號，老公知我想食甜品就揸車出去買要揸20分鐘佢都好好。 有d冇開鋪，咁啱見到好好開左，平時我都會叫綠精靈個d，一般可以接受今日老公send個menu我睇，咁我想食榴連，所以點左榴連香芒西米撈返到屋企，成碗都係奶水咁好稀，有榴連味但從未見過榴連，一般出面嘅甜品店都一定有榴連肉，盡管佢唔係D24都比d榴連肉我吖，咁好都食返芒果吧 點知食左2舊先發覺 成碗先得4小件芒果，我地買左3碗，其中2碗都係呢個榴連香芒西米撈，即係碗碗都一樣咁搵笨中晒伏，$40一碗榴連味奶水+4小塊芒果仲唔係報復式收費我平時好少寫野，但真唔想大家中伏

8月25日晚上約8:30 到門市買左外賣男店員態度勁差 無禮貌 黑口黑面兩碗d冰都完全未搞碎雖則小店 旦都應該比d誠意住係附近 不嬲都幫趁開 平時好好係今次特別差吾會再有下次

又稱為芒果大王的好好甜品，在大埔屹立多年但每次吃甜品，它都不是我的首選，所以我對上一次光顧都可能有10年以上了....今晚在朋友提議下，再次來到這家甜品店因朋友說她間中也會來買甜品，但她每次都只買同一款的香芒忌廉大菜撈 ($32)而我就選了香芒芋圓撈 ($38)～～其他朋友就點了楊枝甘露 ($33)﹑雜果涼粉冰 ($32) 及鮮雜果芒果西米撈($40)試自己那款甜品前，先試了一口朋友的香芒忌廉大菜撈忌廉香滑，大菜糕滑溜又帶點咬口，不會過稔～～味道不錯！太久沒吃過楊枝甘露，也嚐了一口楊枝甘露的味道稍遜，芒果汁的味道較為霸道，遮蓋了柚子的清香！香芒芋圓撈，滿滿就是芒果醬汁，將芋圓和芒果肉都覆蓋了芒果肉香甜但芒果汁的味道好甜，吃到底覺得味道好漏......當中有芋圓及地瓜圓，幾大粒，份量也不會好少芋圓地瓜圓的味道其實幾香，惜質感好硬實，一點都不煙韌，有點糟蹋了那麼香的芋圓地瓜圓呢！其他朋友都覺得他們的甜品味道不錯就只有我覺得自己那款不好吃...勉強給予一個OK吧！