何洪記 (Closed)

是日二人掃了七家店, 數一數, 原來還沒有寫下中間這一場.三點幾來到, 也要排隊, 等十分鐘先有得進內. 店內環境狹窄, 加上要同人搭檯, 大家要有心理準備. 當然, 來得這裡, 也是快食快走, 擠逼一點也沒大問題, 食物才是最重要. 來吃下午茶, 當然不吃得太多, 就要兩樣招牌的食物.正宗雲吞麵 $29: 8分, 人客多, 等食也要一大輪. 先來的是雲吞麵, 叫做正宗, 即是說人家的不正宗? 規格對辦, 雲吞在底下, 麵其實也不算多, 不過比起細蓉來講已算大份量. 麵條幾彈牙, 無鹼水味, 湯底也清甜. 不是散尾雲吞, 但尺寸都幾大.干炒牛河 $60: 9分, 高水準的示範, 炒得無乜油, 碟底也是幾乾的. 牛河不會太濕, 夠鑊氣, 牛肉不會實實的. 即使幾飽, 也能清掉.兩樣食物跟姊妹店正斗的水準比, 會是干炒牛河較佳, 但雲吞麵稍次. 不過食落的感覺就相當似, 只不過那邊會坐得舒服得多. 服務當然是無乜, 但又不算好差的.最後, 講到這一粒星, 坦白講, 在港澳版中去作比較, 也不失禮的.

茶餐廳中的老字號，粥面之類做得很有名。不過是大眾級的水準，服務方面就比較粗放。下午過去的時候沒什麽客人，店堂侍應旁若無人般高談闊論，連我在聽iPod都受幹擾。店堂的環境不錯，很幹凈整潔。一碗雲吞水餃，包得很瓷實，鮮蝦餡的味道很正宗，湯也鮮，但略鹹了點。

那天準備去工展會，順路往最近被評為，甚麽芝蓮級食肄，試一吓。2 個人點了云吞麵2碗及弟粥1碗豬手撈麵1碟理單146元云吞一般，麵可以，湯底唔錯，夠水準。及弟粥普通至於豬手，簡直不知所謂，味道不佳，又唔夠淋，三件裏面，其中＝件，〔硬轟轟〕。另外一件就似隔夜的，〔軟綿綿〕。這般收費，這樣出品，有點那個。不會再次光顧！

都說米芝蓮愈來愈親民, 今次來吃一星麵店是完全沒有計畫, 竟是行過兼肚子有空間, 就來吃了。有名你叫粥麵專家, 當然是吃麵。人人都吃雲吞麵 - 由本地白領至內地自由行 - 我也不執輸來一碗。$29 碗, 貴, 但跟本地老牌麵店如麥字系麵店或者是正斗其實差不多。樓面阿姐有禮地落柯打, 可能這一點是它受到米芝蓮青睞的原因。麵來了, 先吃銀絲細麵, 不算極之爽彈 - 吃過過兩條街的池記好一點, 湯裡飄著幾片韭黃, 香而清, 不涸喉, 幾好。雲吞有 4 隻, 不太散尾, 每只有 2 隻完整的蝦, 豬肉相對少一點, 是以爽口鮮味。

何洪記位於利舞台廣場側，屹立銅鑼灣六十多年，店子兩旁是二人卡座，中間則放了圓檯，令通道有點狹窄，幸時間尚早，二人不用等位就可入座，但當然要「搭檯」啦！先來的是雲吞麵 ($29)，大地魚和蝦子湯底熬製的清而不俗，鮮味突出，麵條也煮得爽彈，而雲吞餡內的蝦肉豬肉成五五比，包得精緻又好吃。干炒牛河 ($60)，這裡的價錢比一般茶餐廳貴了三十個巴仙，但勝在河粉炒得色澤均勻，不會弄至碎濕濕、油立立，證明鑊氣十足，而牛肉入口嫩滑，有少許焦香，配合爽口芽菜同吃，感覺良好，但是否抵吃則見仁見智。同是干炒牛河，灣仔新景園的水準也不賴，價錢比何洪記便宜少許 (約 $45)，不妨一試。根據以往米芝蓮的作風推測，何洪記晉升為星級食店後，份屬同宗、並早已獲《米芝蓮車胎人推介》的正斗粥麵專家，摘星之日應不遠矣．．．

我們睇完戲後去了Ho Hung Kee我們等了15 分鐘等了咁耐叫了雲吞麵和油菜牛腩麵但是味道很普通服務普通但價錢不普通比較貴 is not worth it.我想旺角大牌擋一定比它好味下次我會試新英記.

先旨聲明,光顧絕非因為米芝蓮效應,人去我去,當日仲未有得獎,而是跟太太睇完戲,要速食接囝囝.可能位置好,不少自由行同胞在幫趁,當然有出名既乾炒牛河,但要趕時間,太座一碗雲吞麵,自已來碗豬手麵好了.雲吞麵沒吃,不能品評,而豬手當然是豬腳,炆得尚欠少許火候,咬落膠質未出,南乳味輕淡了點,麵條總算少鹼水味,但又未至於最好.仍記得當年牆上有小強在巡行,今日坐圓檯,看不到,不過以麵論麵,都只能說”可以”.要食碗好麵,選擇多的是.

聽聞呢間何洪記的雲吞麵是非常出名的. 於是經過便入去試試.入到去超多人, 便非常期待的叫了雲吞麵, 想看看是不是名不虛傳.叫了無幾耐便到, 十分之開心和期待, 可是來到便有些失望,個雲吞麵賣相好普通, 食落去D麵同其他茶餐廳無咩分別,再試下D雲吞先, 完全無味 無鮮味無蝦味無肉味 總之成隻雲吞就完全無味 仲衰過D十幾蚊碗的雲吞麵. 十分非常之失望, 價錢仲貴到離譜, $29蚊一碗, 十分之不值.相當不明白為何這麼多人幫襯, 若果好似我咁聽聞出名就去試, 就千祈咪入去試. 因為如果未食過雲吞的人, 食過之後, 仲以為雲吞本身是這樣難食的呢!! 最主打的雲吞麵都咁難食, 相信這間何洪記其他食物都唔會好食得去邊度了.

十一月下旬‧晴有時不是再吃，也未必會留意得到，仔細的吃一次，就再明白。水餃之旅，頭兩間就來了這裡，因為我也提過這個名字。午市時候，這裡是千軍萬馬的。尤其幾位阿姐在安排位置上很有效率，不一會也可以入座。要了碗淨水餃，吃起來是淨蝦，沒有什麼豬肉。木耳絲及筍絲是有，但口感及味道上的貢獻不太足夠。反而個湯底更出色，極多蝦籽，也有香味。感覺就是一個水餃型的雲吞，再找。

好耐無打過食評了。何洪記只係我工作地方後面，但係我只食過一次。原因只有1個，就係名大於實，而且幾貴。食麵？池記正過佢！食粥？森記好過佢！咁有咩理由叫我黎呢度食先．．．是日同事好心買左個「咪吱年」乾炒牛河返黎。心諗咁正gei野一定要試。點知食完有以下評語：1.　肥，係好肥，每條河都被十斤生油包住，口感見仁見智，我就唔like喇！2.　牛肉好正，真係無(乜)比鬆肉粉搞過3.　鹹，可能我喜歡甜口食物，呢個牛河食落好鹹4.　用料係幾好，食完都唔覺口乾，但河粉都係有d散，牛河大忌如果淨係評個牛河，以味道計，我會覺得梨木樹村大排檔好佢多多聲。「咪吱年」d食評家要食下local野下下係中上環、老銅咁食，新界有大把好野！走左寶佢地唔知啦！！

一碗雲吞麵，竟然可以迷倒米芝蓮評審？真的，本來我接女朋友下班後，便去食功德林食素，中途又恰巧途經何洪記，便走入去品嚐馳名的雲吞麵了！很快端出兩碗雲吞麵了，雖然是很平凡的食品，但在師傅手中，卻變得不平凡－－－湯底是用蝦子煮的，每碗麵的3粒雲吞，大小恰到好處，饀料又爽口（之前在電視新聞知道是用七分蝦加三分豬肉，而豬肉是用人手切的），麵又「彈牙」，無需落調味料也吃到雲吞麵的鮮味！難怪這種魅力，迷倒了米芝蓮評審！也令這間食店「升呢」成一星食肆！所以，堅持用心做好美食，肯定有好的回報！

起碼有超過十年,沒有吃過何洪記的干炒牛河.在參加婚禮之前,便獨個兒來回味一下.門外等位的食客從沒間斷,就算一個人也不能夠單刀直入.等一陣有食客走,才能夠入座,可想而知此老字號,人氣是如此地旺盛.干炒牛河製作須時,曾想來一碗細蓉來間場,既能滿足口福之慾,同時亦不會飽肚,但見到檯上的醃菜,視線即刻轉移,沙葛爽脆,味道酸味味,非常之開胃.月前在港島廳,吃過價值百幾銀的干炒牛河,無錯是好吃,只是當身處豪華裝修,吃著百幾銀的牛河,那種朱門酒肉臭,路有凍死骨的墮落感覺,隨即湧上心頭.何洪記的牛河身價值$58,是很多人也覺得貴的價錢,有些茶餐廳是三十塊也不用.宅男D: ($58一碟牛河?我住新界,加埋來回車錢,食一碟牛河豈不是要過百?我屋企樓下間茶餐廳,$30一碟還包飲品.)港女L: (炒牛河幾貴都係炒牛河,有幾驚艷?某某西餐廳做緊promo,$58一客法式煎鵝肝呀!有鵝肝,我做咩要食牛河去作賤自己?)毒男S: ( 為何老麥無干炒牛河賣?)點為之一碟好的炒牛河?夠鑊氣,河粉要爽滑,炒得上色,醬油濃甜不要太鹹,牛肉要嫩,還有不要太多油.看似要求多多,其實是基本要求,可惜很多地方也做不到.有些就炒得不均

N年前吃過這裡，雲吞麵，肉丸粥，都不太滿意。近年，更變成遊客熱店，很多遊客幫襯。友人說這裡既炒牛河不錯，今日有緣重臨，又試下先。好多獨食客，亦好多遊客。見隔離位食肉絲炒麵，個麵見到都知係脆扑扑果d，睇黎d炒野應該唔錯，就跟友人之說要個乾炒牛河。等左十分鐘先有得食，d阿姐係無追單之下主動跟單，要讚。河粉本身無咩味，這裡用上的鼓油係好貨色，加埋豬油，好吃，上色均勻，無炒到一舊舊，牛肉夠腍身，好吃，食完成碟都唔係成碟油，很不錯。地方淺窄，唔係坐卡位，俾行過既侍應、客撞到無數次。不過服務真的唔錯，$58蚊食到滿意既乾牛河。

上次經過何洪記的時候係去time square買野經過其門口, 見入面坐滿人, 而且係星期三下午四點幾, 心想, 都幾多人食播呢間野今次終於入左去食, 菜遠牛河, 味道就無咩特別, 極其量就係個汁甜甜地, 同埋唔會杰撻撻, 牛肉都係普通野, 碟粉其實沒有特別, 不過就無難食的感覺隻糉就幾好食, 有極重的梘水味, 熱辣辣, 就好似阿媽包比我食的感覺或者客人多係因為粉麵的原因啦, 但炒粉就普通而已

欣賞完電影, 就到附近的何洪記食麵充肌, 想起這間一直幫襯開的麵店, 想為佢寫篇好評見到對上兩篇的C姐們話唔明點解何洪記的食評得咁少, 我都好有同感, 雖然何洪記的雲吞麵未必係全港最好食, 但我認為味道絕對唔差首先係麵條, 完全沒有梘水味的, 仲好有彈性, 咁既麵, 唔係好多間麵家可以做到的其次係雲吞, 蝦肉好新鮮, 可能因為生意好啦湯有甘香的蝦味, 有陣時食撈麵想起碗上湯會流口水TIM可能因為坐位太迫同服務一般, 所以人客唔鍾意, 但人地生意好, 所以都算OK啦D服務