何洪記 (Closed)

每次路過何洪記，總見客人絡繹。今夜在附近晚餐後意猶未盡，故又到此店一快朵頤。必點的是雲吞麵。我本認為何洪記的必殺技是麵和湯，但淨麵售二十六元，雲吞麵售二十八元，總覺前者太奢侈。說到味道，真的好。麵爽滑彈牙，條條分明而長短均勻；湯鮮甜味美，據說用了大量雞、豬肉、魚等熬製，每天分兩輪準備，否則供不應求。麵上桌時，師傅會在湯中加點蝦子、豬油、麻油，那香氣真令我著迷。此店的雲吞比五元硬幣稍大，皮薄而不散，滑而不黏；蝦與豬肉參半，調味較淡，想來是為了突顯麵與湯的精采。雲吞作配角，其實也不錯呢。我不時還會點白灼魚皮配薑荵作小吃。這道都做得企理，不過店內只提供普通生抽，我認為還有進步空間。儘管我已吃過晚飯，這晚我還是忍不住吃了兩碗。

返完學搭十一號巴士，當時其實好想食叉燒既，之但係，呢間野咁鼎鼎大名我都未食過，好似．．．．．．乾炒牛河走唔甩。豬油炒得佢好香之餘，其實都幾大碟。其實油就預期之內啦，最重要既係個牛好滑之餘唔梳打粉。講真，五十八蚊如果俾名氣同味道，都OK既。

雲吞麵:麵身唔太幼, 但偏"淋"身, 蛋香味亦唔夠.d湯都ok, 有大地魚, 蝦籽香味, 不過個味唔係太出.干炒牛河: 呢個真係要讚,鑊氣夠,條條河粉都上晒色, 冇兩條痴埋情況。牛肉唔會肉質散晒,夠色夠味。最重要係, 食晒成碟之後, 唔留番低一攤油係碟

多次光顧，水準保持 特別推介：1) 雲吞麵：湯底香濃，麵爽口彈牙，雲吞可以。2) 豬手：爽口彈牙，軟硬適中，美味。

好彩佢已經裝修好...........apr 19, 10出外做完嘢後,就嚟1試佢嘅乾炒牛河 : 1) 乾炒牛河 (hk$55)-上次喺灣仔嘅新xx食過其牛河後,只喺覺得可以啦,但味道未叫好。食友有同我提過呢間嘅牛河好味,所以要嚟1試-佢唔算大碟,但也不細碟,咁早嚟個early dinner (~6.00pm),初時擔心要打包-同新xx1樣,油量唔算少,但2者皆有鑊氣-但我都覺得呢度嘅牛河稍勝1籌因為佢個河粉平均地夠味,但唔重手;而個牛肉亦較多,味道也無醃得咁重手-所以全碟比我掃光,滿足* 下次要試埋佢嘅肉絲炒麵先~~~~~

I wanted wonton noodle soup, so my friend works around here and said she likes this place. It’s a typical wonton noodle soup place, small, fast and brisk service. The food:- Cha siu wonton noodle soup: I got this, the soup broth was pretty decent, not too salty and reasonably flavorful. I liked the wontons they were plump and fresh with decent filling. The cha siu was decent, but not amazing. Overall, good but I’ve had better in HK- Beef chow fun: this was very good, I almost never order thi

星期日，由這天起，筆者嘅角色除了是別人嘅丈夫之外，也是女兒嘅父親。身份角色不同了，責任也大了。是日要先往銅鑼灣辦一點事，再到醫院探望正在休養中嘅太座及小女。太耐冇食「何洪記」了，難得一個人在周日上午，找一個位子也比較易。戒吃牛，冇得食俾公仔箱唱到街知巷聞、成五十幾蚊一碟嘅干炒牛河，只好點了一份雲吞撈麵。湯是清徹見底，入口甘香，是大地魚及蝦(連殼)餚出來嘅鮮味，不是人工味道可取替。而且加了一些韮黃及黑椒，無怪乎喝起來特別暖胃；麵條方面，是彈牙得有點出奇。初時細啖食唔多覺，都後來大啖咀嚼時，竟然發現了丁點苦澀味！雲吞亦是令人失望的包得求其，雲吞尾擺短之餘，部份亦支離破碎。餡料蝦肉與豬肉嘅比例是一比一，既得蝦肉嘅爽口，也有豬肉嘅甘香，合格過關。四十二蚊嘅雲吞撈麵，對比以上所說，一定物非所值。要不是其湯底救了一點分數，換來的已經是一張「喊」面。

上個星期四第一次幫襯. 尋晚係第二次第一次我地兩個人食左個牛腩麵&及第粥我地兩個都覺得及第粥比較優勝, 個粥好綿, D料又夠 個牛腩麵細之餘一般, 我公司樓下茶餐廳仲好食好多第二次ENCORE, 改食正斗淨雲吞&艇仔粥粥依然好食, 但比及第粥, 佢D料好似少好多 而個雲吞好一般,細之餘好似D蝦唔多新鮮...個湯係好咸既味精湯,,,,食完兩次, 覺得已經夠哂...下次再去搵新野試

趁住假期來到銅鑼灣一遊，本來並未打算來「何洪記」幫襯，但經過霎東街，老婆仔忽然話想食雲吞麵，於是臨時轉軚，即時入去食雲吞麵。素聞這裡除了雲吞麵出名外，肉絲炒麵亦質素過人，於是兩樣一齊叫晒，試盡它的最有名出品。雲吞麵先到，果然如老婆仔所言，碗麵非常的骰，除了四粒細細的傳統雲吞外，銀絲細麵只得一小箸，一個正常食量的男人相信都要一叫兩碗先夠飽啦！講到味道，d麵係幾彈牙的，但d雲吞唔覺同其他地方的有太大分別，不過湯就幾好飲，湯底有蝦子在裡面，份外覺得鮮甜。接著來的肉絲炒麵，個人覺得要比雲吞麵好，肉絲和韭黃都頗多，獻汁有水準，不會太濃稠，也不會太稀冷冷，麵條半脆半軟，口感頗佳，點上淅醋來吃，味道與大酒樓的出品實在不遑多讓。埋單$80，以兩個人吃晚飯來計，當然算是頗為相宜，但兩個人只是吃了一碗吃完好像沒吃過的雲吞麵，加多一碟炒粉麵，就要收這個價錢，就不算太經濟了。不過這裡的雲吞麵始終有番咁上下水準，都值得久不久來試試的吧！

去何洪我會選擇唔食佢雲吞麫, 始終同麥奀差啲, 無論蔡孱點講都冇用但佢嘅炒粉麫真係唔錯, 做得到大酒家嘅質素叫ｊｏｒ魚皮爽脆唔太厚, 但冇花生嘅?肉絲炒麫，麫炸得香脆, 肉絲超滑, 獻汁濃度剛好, 不太水亦不太杰, 牙菜嘅爽, 韮王香菇點綴加丁點豉油, 浙醋, 美味從頭食到尾碟麫　$52, 唔便宜, 但值

昨天日落時份，有点空檔。身處TIME SQUARE，肚空空但又要留肚吃晚飯，正好找它來攝一攝。只吃个細蓉多葱，5-6分鐘麵巳上桌，外表相當傳統；匙羹置碗底、上面放雲吞，再把小小一个麵餅擺最頂。這裏的麵條吃入ロ我覺得比較硬身不夠彈牙，個人認為永華和麥奀記好D。而雲吞是蝦多肉少型，蝦爽口且雲吞皮亦好滑，湯亦有相當水準。進來時見麵檔有脆魚皮，等下次試吓。

其實何洪記幾年前都仲幾好食，貴得黎都值得，不過呢幾年去食就真係一次差過一次。早兩個月去食完之後，我都覺得個雲吞麵麻麻地，爽魚皮就"un"都發癲，埋單個陣同老闆娘講左話好難食，老闆娘仲say sorry話如果我早d開聲一定會換俾我....到今日再去幫趁，以為會有改善，一樣係order雲吞麵+爽魚皮，一食就知一樣咁差，雲吞無問題，不過d湯就味精勁到飛起，魚皮無上次咁"un"不過一樣咁差，以後免得過都唔會再幫趁.......

18/8/09(二)這裏有許多喊面，主要是批評價錢貴而份量少，相當不值。經過無數次也沒有試。既然屹立不倒60多年，總有可取之處，今天忽然想一試，於是決定來下午茶，一來容易找位，也不會餓親自己。輕鬆入座卡位，裝潢雖不怎麼樣，是比一般茶餐廳光潔明亮。要了鮮蝦水餃麵($31)和正斗雲吞麵($28) ，再游目四顧，除了本地客人，有拿著旅遊書慕名而來的各地遊客，鄰座小圓檯就有一對年青的日本客人，餐廳準備了圖文並茂的餐牌給遊客點菜。小巧精緻的麵條送來了，比想像中大碗些，麵條很幼細，也好吃。雲吞和水餃都新鮮味美。理單時排在日本客人之後，看見老闆娘用流利的日語和客人對話，客人也滿意地離開，在座一位顧客讚她日本語也懂，在旁的大廚說她法語也行呢，老闆娘則謙稱只是那兩三句。雖然覺得價錢略貴，但有兩個傻傻的想法：1. 定價略高，但作為遊客，可能價錢不算貴，此舉令他們容易些找位，地方也整潔衛生，而且食物也有水準。2. 老闆娘敬業樂業，應付世界各地遊人品嘗香港的雲吞麵，荷包增值之餘，也為港爭光。就這樣，給了一個大笑面。

懷住期望去食佢既雲吞麪!!點知好難食!超勁"簡" 水味!唔明點解咁多名人推介, 仲要咁貴wo!

餓極去試干炒牛河, 惜沒凍奶茶相伴. 炒得只是及格, 並不如傳聞中好味, 粉沒有逐條分開, 牛肉也不算稔. 價錢不算便宜 ($52).