何洪記 (Closed)

薑餅人買來兩碗肉丸粥做午餐。 猶記得之前這裡的肉丸粥是如何的鮮甜， 味美和綿香， 可惜今次的質素令人失望不已。最大問題是稀如湯水的粥底， 只有少得可憐的米。 “喝”著粥水， 其實味道是頗鮮甜的， 看到有腐竹和瑤柱絲同煲。肉丸札札實實， 味道不及之前般有肉香和鮮甜， 縱使看到有蝦肉在內。價錢不便宜，質素卻如此低劣。

尋日有野做，過左幾年都無過既銅鑼灣。下午3點鐘，好肚餓啊，皆因早上無食過野。食咩好呢？餓到死死下，眼前出現聽聞已久既---何洪記，一於甘話，就距喇，費事走黎走去。入到去，環境都唔錯，坐得幾舒服。望下個餐牌，都好貴下喔，撈面成4x,吞面28，好想食雲吞，但又想食腩面；望下隔離台，好細碗下，算，把心一橫，貪心d, 叫左一碗淨雲吞28，一碗吞腩面38。等食，d野好快就黎到，試一啖湯先，哇，淨系食到麻油味，再食下雲吞，淨系得蝦，肉少到要用顯微鏡揾，爽就幾爽，但味道過淡，完全食唔出大地魚果種鮮味，唔掂！！！！再食吞腩面，哇 ，救命，d牛腩硬到好似核桃甘，d面食唔到鴨蛋既鹹香同爽脆，枧水味大到澀利。本住唔浪費既精神同勇氣，食曬距，不過湯我就無再飲，通常我一定會飲曬，完全唔掂，埋單66。何洪記，只此一次，下不違例！！！

雲吞麵經過順便吃 試一碗雲吞麵 很期待 聽聞很好吃一啖湯，味精水 正常 這價錢很難有鮮味湯再試麵...!!! 又說是手打，完全和普通麵店沒分別，應是同一貨源 最後食雲吞..都是沒鮮味....而且手工亦不好 沒有尾 且有硬位幸好只是經過這裡才吃，若故意前來定必失望繼九記 麥奀記 永樂園後再一次中招，正式確認係有人收錢賣廣告之推介

不知所謂的一餐, 好似冇冷氣咁, 未食已經出晒汁 一碗雲吞河 28蚊 (4粒)河粉一d都唔滑, 粗幼不一, 湯冇味, 最好就係那幾粒韭黃, 雲吞細粒都算喇, 最慘係唔新鮮 一碗淨水餃 31蚊 (5粒)湯一樣係冇味道, 水餃皮接位又硬, 本人最憎就係接位有硬位 但全店最差係個短頭髮大嬸, 開始時我們二人只叫了一碗雲吞麵, 因本人未想到食咩, 飲了一杯茶後想叫野食, 就拿起吉杯想要多杯茶並叫野食, 點知個亞嬸一見我拿起吉杯就黑面, 到我話要叫野食先好少少面色, 我同老公都說以後唔會再去 !P.S. 得制冇影相

友人話睇左蔡瀾本書,講常去ge餐廳有呢一間,咁岩行開cwb,就去左試下!一入到去見到店位細細,d位都好窄下,好彩冇乜人,有卡位坐!坐底睇menu,見到全部都係麵,唔知點揀!朋友話睇本書介紹,話叫碟乾抄牛河,如果有2條河粉"痴"埋一齊就可以換過碟,聽見咁過癮,就叫左碟黎試下!黎到碟河份量唔多,不過2個人食都夠,果然係冇一條河粉係"痴"埋一齊,抄得好鬆,又唔油!good!!另外再叫左個七彩皮蛋,黎到見到個樣同出面普通溏心皮蛋冇乜分別,食落都ok,唔會太濃味,子薑都好味!不過都幾貴,得4件但差不多$20見到好多木台客都係食雲吞麵,不過冇試,希望下次有機會!

一早同女朋友出左去求其搵d野食...就搵左何洪記啦..我地叫左"艇仔粥"同"牛腩雲吞面"同"油炸鬼"艇仔粥($32)料都幾夠,粥都幾好係細碗左d law~~大碗d就好好多啦!!!!牛腩雲吞面($38)勁細碗law......面又少完全係呃錢ga....d餸就ok夠ge~~但都係好少.....唔掂油炸鬼($10)呢個幾好味haha正常野law...但係收$10 不過諗返佢係銅鑼灣就估到呢度d價錢點可以同新界九龍比呀!!d野食係唔差ge,....只係價錢貴左d同埋d位真係好迫law...完全冇位比我地擺野~~地方太細la~~

前陣子病了, 要食清d到何洪記, 人很多, 2個人不想搭枱, 等了一會剛好有個靠邊2人位要了豬膶肉丸粥. 豬膶很大塊, 又稔又滑, 好吃. 肉丸入口較實淨, 味道較搶, 如果胃口不好是會有點吃不消. 粥很熱很綿, 上枱時仲有沸騰既氣泡, 食時要注意熱. 不過同時見到有少量黑色一點點的異物, 不知道是什麼, 只輕輕片走了便算味道的確很不錯, 不過地方坐得幾唔舒服, 衛生一般, 價錢也貴了點

豬什粥我不好內臟的，但看到料很足，還有大大塊豬潤!!魚片粥白雪雪的魚片，很鮮甜，粥也很綿，是我吃過最好吃的粥!!!!!!淨雲吞有八粒，不過大細粒了，而且頗重味精味.....no good.....裹蒸糉好大隻，有好大粒瑤柱，好大粒咸蛋，同好大舊肥豬肉，好好味!!鋪面細細，人流不絕，所以大家都係食完就要即刻走...有唔少外國人，佢地都叫乾炒牛河，個賣相唔錯!!p.s. 我仲以為佢有腸粉，油炸鬼tim....

昨天下午有點肚餓﹐ 想食點東西﹐ 經過何洪記﹐ 就去試一下。據聞這麵店是有蔡生的推介﹐ 就看看是不是真的那麼好吃。坐下﹐ 看到價錢﹐ 真的有想調頭走既衝動! $28的雲吞麵﹐ $36腰膶粥! 老牌的羅富記也沒有那麼誇張吧。 但既來之﹐ 則安之。點了雲吞麵﹐ 很快送到。 以老牌雲吞麵檔來說﹐ 不是太少。 喝一口湯﹐ 看到一點點黑黑的東西﹐ 應該是蝦子。 入口的不是蝦子的味﹐ 只有滿口的味精。 可能我見識少﹐ 但大地魚和味精是兩回事吧。雲吞更是失望﹐ 沒有尾巴﹐ 沒有肉的味道﹐ 有的只是爽得很假的蝦和胡椒。如果這麵要$21-22﹐ 我無話可說﹐ 因為始終是CWB。 但$28 就絕對絕對不值!

星期五晚上同朋友都不覺得好肚餓,大家都想食粥,所以來了這裏,我們兩個人叫了一碗豬潤魚片粥,一碗淨雲吞水餃,好快就嚟啦.豬潤魚片粥d粥好綿呀,豬潤都好多片及大片,好多魚片,魚片好甜呀,冇咩骨,豬潤好粉好好味.淨雲吞水餃都有好多粒,兩樣都好足料及新鮮,好味.呢度朋友話好出名,雖然價錢較貴但都好多人來幫襯,我見蔡生都有介紹架,同埋都10點幾但係都好多人,都幾full呀!

晚上約10:00係銅鑼灣想醫肚, 想起呢間都幾出名既麵舖, 便一試, 當然叫番碗雲吞麵,另外叫左一碗豬手麵, 碗又細,份量又少, d雲吞又細粒, 味道普通, 湯低唔見得好味, 雲吞亦很一般, 唔見得好有蝦/ 鮮味, 亦唔係特別彈牙, $28碗, 實在唔值. 豬手亦唔見得特別好味, 都係個句, 唔值$28囖.不如去time square, 近橋低間''自由''食好過.

Even though this shop and 'Jeng Dau' are both operated by the same Ho's family, I have a feeling this shop has not changed for the past 'god knows how many' years because the son wanted to keep it as per the dad's food in that epoch.The wontons here are very average, compared to both Jeng Dau and Chee Kei. The prawns are a bit not too crunchy, obviously due to lack of adherence to temperature control during the wrapping stage.The soup base in the wonton noodle is not bad, but not as sophisticate

吃了很多次了，今天為它打打分，也打打氣吧。寫這篇食評前，才發現大家對此家雲吞麵如此不滿，有覺得它貴的，有可能是帶着太高期望的，個人認為，以平常心吃這碗雲吞麵，絕對值得給笑臉。其實此品牌的雲吞麵已悄悄的起革命，以不同的字號開了很多分店，但還是覺得舊店好。先來是特意向阿姐端一些酸蘿蔔給我倆開開胃，是傳統的麵店才有得吃，而這裡的也做得不錯。今天點了一碗雲吞麵及一隻足以飽滯我跟女朋友的裹蒸粽。隻粽超大隻，所以也成正比地收得蠻貴的，索價$45，粽裡有完粒瑤柱、肥瘦豬肉(好像是肥的多一點，我喜歡！)、冬菇蓮子及綠豆等，很豐料，一夾開它時，蒸氣還不斷冒出，夠熱是基本，而味道也着實不錯。主角雲吞麵到了，依我對雲吞麵的要求有三：一是要麵爽口，彈牙，不要煮得太腍，麵要有鴨蛋香；二是湯要清，清起來要給的嚐到有濃烈大地魚及蝦的味道的；三是要雲吞要有尾，雲吞皮是要超滑的，要當麵吃也好吃的那一種，蝦及豬肉的比例最好一半。發表完謬論後，說回那雲吞麵，幾乎滿足我所有以上的要求，尤其是這兒的湯是用上大量的蝦殼及煎香過的大地魚來煲的，很棒！其實曾經在深水埗找到一間雲吞及麵都很好的，但可惜湯是敗北的，可能湯在我吃麵的地位是

09-01-03乾抄牛河＄57艇仔粥＄26雲吞麵＄27行完工展會食啲嘢先返屋企，食過佢嘅姊妹店“正斗”，味道唔差乾抄牛河據聞話撚手，唔係好油膩，但唔夠咸艇仔粥個粥底厚，料足味甜，食完好滿足雲吞細粒，皮薄味鮮，麵都彈牙冇鹼水味佢啲醃蘿蔔幾開胃，好似話夜咗就冇乜得剩

28蚊碗細蓉,係好食,但好X貴,蝦子湯清且甜有蝦味,雲吞細細,但味道一般,蝦不太新鮮,瘦肉也不夠肥美,麵OK,彈牙無鹼水味,個人覺得湯底方面和麥文記,麥奀等差不多,配料其實一樣,不同的只是分量比重,時間控制等,喜歡那間只是口味問題!!最好食雲吞麵是那間我不知道,但全港-最貴-的一定是-----何洪記!!!