何洪記

Open Now

Now Closed

本來連內容都唔想寫，但係喺要寫啲嘢先可以評食物同整體評分。首先講吓個雲吞麵，見人見智，但有「米芝連」三個字，評論係「唔值」。差不多價錢但質素比比皆是。叫另外一樣係滑蛋蝦仁炒河 $138，啲蝦大大隻，爽口嘅但一啲蝦味都冇。啲蛋滑到無朋友，仲以為自己食湯河，而啲河粉就燶咗。去大排食，質素好過你、價錢抵過你，唔該唔好敗壞米芝連個名。最後，啲服務員質素一般，唯一好好嘅就係出面幫客登記行李個位啊姐。終結：「各位回港朋友，肚餓都唔好幫襯！」“Those friends who come to HK to enjoy food, this one does not worth a penny”

唔但只貴，份量少不再講，隻吞細過隻手指公，叉燒硬過烤燶塊肉，麵又難吃，香港任何一間餐廳都比佢好吃。服務態度更惡劣。送錯野不特只，仲大聲夾惡😡😡😡。以後保證冇幫襯！xxxxxxxxxxxxxxxxxxxxxxxxxxxxxx

今日去完泰國返黎好掛住碗雲吞麵，諗住返到黎落樓下食，但下時間返到去都應該收咗檔，正絕望之間見到機場入面有間何洪記喎，仲要米芝蓮喎，正呀！狗沖去㩒飛攞位，外面仲有個好好人嘅姐姐幫我地睇住d行李，諗住都唔差喎。好喇！好快有位入到去有個卡位同圓枱位，咁心諗我母上年紀大，等佢坐卡位唔洗比人撞又可以坐得個背脊舒服d，就問帶位果位侍應可唔可以坐卡位，之後果位侍應就回我一句“唔得喎！有人等緊過喎！”咁ok冇問題，你話有人等咁即係好快到啦，點知我地由討論食咩到叫埋（應該約5至10分鐘），先有人入果個位，已經嬲嬲地😡，之後叫嘢食嗌咗3碗雲吞啦，點知我旁邊果枱同後面果枱遲過我地嗌，都已經到咗（同樣係雲吞麵），咁見唔對路咪問一問啦！得到嘅回應係“等等啦”，之後行開咗，再過多約5分鐘d嘢食先到，食完之後就快快手手走人。各位可能話我洗唔洗咁小氣咁都打篇嘢黎講，的確我就咁睇都覺好少事，但係我重點係當時侍應嘅服務態度係比我印象中其他類似嘅店舖為差，但係點解可以攞到米芝蓮呢，佢連招牌嘢嘅雲吞麵都唔係好好，味道都只係一般，再加上咁嘅服務態度，唉！

親人坐完長途機回港便想食粥。接機大堂見有何洪記便入內。坐下侍應已即時放下2杯茶。由於已晚，問可否要2杯水，竟然回覆"為何不早說"我們沒說，他沒問就放下茶，這是客人的問題嗎？叫了叉燒腸及魚腩粥。沒想過曾經得獎的店產品中加了那麼多味精。 味精多的程度令我們食後一直飲水。荃灣街中的粥品比這裡的還好好食多。84元一碗粥應該可以用較好的料煮出鮮味的粥品，但卻用了味精來給出味道，非常可惜。以後接機送機都不敢帶親友再去食粥了。

今天要飛，而且病病地，一於試下機場的何洪記。這兒相比銅鑼灣的人比較少，也許在機場的選擇也不少。而定價方面，餐點比市區的貴一點。肉丸粥（$6x)：有六粒小小的肉丸，肉丸口感彈牙但無乜肉汁，粥底相當綿滑有米香，稠度適中，粥底有著鮮甜的味道。即使口淡淡的我，也輕易ko 左碗粥，整體味道是不錯的。福建炒飯（$15x): 這炒飯大大碟，足二人份量。炒飯材料十分豐富，有大蝦，瑤柱，菜遠粒，肉粒等，口感多元化，而炒飯的汁底十分鮮味，是幾惹味的蠔汁；炒飯底炒到粒粒分明，每一顆米飯都有旦漿包著，幾香口。這炒飯的確不錯。這家何洪記同銅鑼灣的水準相約，可以一試。

跟媽媽常常去機場都是吃翠華，今次想轉換口味，所以去了何洪記 吃個簡單早餐，不過挺多人光顧，不少人都在等候入座，我們剛好不用等，正好有客人離開。來這裡當然要吃正斗鮮蝦雲吞麵，如果說做法確實正宗，雲吞小巧，豬肉與蝦肉的比例不錯，蝦肉具彈性，並放在麵下，保持雲吞的熱度，麵條吃起來挺爽口的。唯一覺得不好的話應該是它的湯頭，不太喝到蝦子的香氣。我跟媽媽都意想不到蝦子蠔汁鮮竹卷挺好吃，一般蠔汁都很重鹹，這卻有著陣陣蝦子香味，沒被蠔汁掩蓋其河鮮味，而且內餡比預期清新不膩味，肉餡和蔬菜比重恰到好處。蟹籽燒賣皇雖然真材實料，豬肉比例瘦多肥少，是我最喜歡的比例，還有它那熱騰騰剛蒸好的熱氣，本身多麼美好的燒賣，一進口，天啊，為甚麼會這麼死鹹，媽媽吃了一顆已不想吃，全都是我吃掉，因為不想浪費的關係。

豬手麫豬手未燜好,太韌,味道也不好,湯好油水鮫麫只有三小粒水鮫,一般麫檔嘅雲吞大過佢, 湯底好油而且梘水味重到呢最好是麫質爽口, 同開到好夜,咁嘅水準收58蚊一碗仲要茶錢加一能摘星真難以想像

又開始進入店內，帶位小姐態度已經開始不好，上下員工都不是一個有親切禮貌的態度歡迎，都不知道誰人得罪他們。食物有幾好食都沒有用。想諗住和經理反映意見，他們的經理仲惡劣過其他員工的態度。不想再諗起這段的回憶。有朋友介紹這間食品不錯，所以剛剛落機立刻去嘗試。但得了這種服務態度非常失望。真係好想和大家分享一下。今時今日有這種服務態度，我覺得非常失望。因為位於機場很多遊客落機都會品嚐香港的食物，但可惜我不會在推薦給其他朋友。

燒味雙拼中的燒肉竟然是預先斬好放置數少時以上乾了！兩味菜竟然貴過好多自助餐。加上加一，這味双拼二百多元, 又有每位茶費，以為入了五星酒店 。福建炒飯除了蝦仁之外就搵唔到其它配料了。Chinese BBQ pork has been pre-cut and all dried up when served. It is more expensive than a steak and 4 times more than others. There is a $5 charge per person for tea and another 10% service charge

離開左香港幾日,有D掛住傳統既牛腩面、雲吞面! 係機場既何洪記似乎滿足到呢個要求~係門口佢地有staff專門幫客人放行李既,之後會有個牌比客人認領返行李~ 大家就可以唔使顧住D行李食野啦~首先叫左個牛腩牛根面。佢個面底好爽口,唔會太軟身。D牛腩同牛根炆得好入味,半肥瘦、配埋個辣椒油仲好味~ 我地仲叫左個黃沙豬潤腸粉。個豬潤好爽口,唔會有一陣味,不過佢切得好碎,比較難夾起。個腸粉都好滑,值得一試。成餐好有香港地道風味,唔錯! 不過D野好細碟,男人要食飽,可能真係要叫兩碗面先得!

每次去旅行我都好期待去機場食嘢因為有啲鋪頭真係唔係 到到都有例如今日呢一間一早去機場，未食早餐，所以就同老婆去食早餐見到米芝蓮的食肆，即管試下。原本想食個炒飯，點知太早⋯早餐選擇係少啲，可以理解呢個菜餃唔算好好味不過佢裏面有蝦而且甩皮都算幾薄次次問老婆食乜佢都話冇所謂點完之後又話唔啱食最後我一個人食咗三個叉燒包超級勁飽早餐點可以無粥呢個皮蛋瘦肉粥係我老婆嘅至愛我都覺得幾好食肉碎會係粥底皮蛋同埋殭絲嘅比例啱啱好朝早六點幾我哋係機場食咗個米之蓮早餐

上海之旅完滿結束，吃了幾天上海菜，有點記掛香港地道美食。機場有米芝連老字號粥麵店何洪記，反正剛下機有點餓，就去試一下。正斗鮮蝦雲吞麵$56 - 比較細碗，如果我在肚餓狀態應該要吃兩碗才夠飽。雲吞也小，不過還好有5粒，鮮蝦也爽口，但不覺特別好味道。麵條爽，沒有鹼水味。香油條腸粉(炸兩) $48 - 腸粉皮太薄，油條不算太鬆脆，亦不夠熱。除此之外，衛生方面不見得好。我們要了幾隻杯打算share飲料，但杯子還有茶色的漬，可能是杯子太舊了⋯總的來說我完全不覺得這米芝連老字號店比其他粥麵店更出色。或許還有其他出類拔萃的菜色，但雲吞麵畢竟是招牌菜，應該是最多食客會點的，機場店遊客特別多，希望餐廳努力做好，保住餐廳自己及香港地道美食的招牌。

出發去旅行永遠都中意check in 完去食d嘢。我就無什麼咭可以去貴賓室食甘好，唯有自己比錢去食。但自己食絕對唔差喎，我最唔中意就係食快餐，中意d有水準的。今次就選左何洪記，以前未食過，只知道係雲吞麵最出名，但今日卻想食得清d，叫左碗及弟粥。先不說料，說下個粥底，好綿好濃稠，就算食耐左都無反水，味道有米香，帶點甜，確實好吃。再講下d材料，有豬潤，肉丸，豬肚等。我最中意係拒個生腸，出面嘅餐廳係無嘅。口感爽脆，帶點咸鮮。再叫左個涼菜，再唔係拍青瓜，係小見的爽魚皮。唔知大家係咪我個年代，呢種魚皮考手功，爽脆，彈牙配薑葱來吃就係絕配。百令蚊埋單，點都好過嗰d乜乜咭，要幾錢收入，要碌夠幾錢先食到碗粉掛。

上機前好想食干炒牛河，不二之選當然係何洪記啦！老實講味道係好的，但欠決咗香味（如果鑊氣夠，拎埋枱未食已經聞到香）另一碟楊州炒飯（炒得粒粒分明、蝦又大又爽、叉燒係新鮮嘅）所以十分好食👍🏻鲜蝦腸粉（腸粉好滑，蝦都係大夾爽的）食得好滿足。

去完旅行，返香港當然第一時間出閘直入何洪記。想食碗好食嘅雲吞麵，一係就正斗，一係就何洪記！點咗雲吞麵同星洲炒米。雲吞麵個湯比正常混濁，可以能由於我地last order 先到，個淥麵水經過一整天之後比較濁，但味道不變。有蝦虸味。麵𠲖然夠爽。至於星洲炒米，可以話夠鑊氣，啱味！下次再出門前後要再來！