何洪記

Open Now

Now Closed

Had a bowl of 雲吞麵, they should have labeled it "small", noodle was OK, but at $64 and a compulsory $5 fee for tea, I got exactly one cup of tea, wait persons were all too busy so no one's tea was refilled. After they tagged on 10% for service fee, my bowl of mediocre noodles came to $74.90. NEVER AGAIN, 

今日快速來回左機場一轉 拿拿林食啲野頂肚，就見到呢間聽講雲吞麵好出名嘅店 一於試下。客人出出入入咁流動得好快 但店員態度都保持到 算係咁💁🏻‍♂️佢嘅麵真係幾好 冇乜鹼水味 夠彈,雲吞需然唔係好巨型但夠鮮味 皮薄而唔易爛開👍🏻鍾意嘅可以加點醋調味。

當年街邊檔我已經聞名，我小時候住銅鑼灣，時常都去食霎東街的店，眨一眨就成30年多了，人生真的老了，價錢牌價錢更升了3倍多，現在何洪記有燒味?仲有點心?眼見就不會選擇，今日係機場分店食，實在太懷念以前種種回憶，所以就決定食麵啦!望著餐牌考慮了很久，因為在生腸及第粥，同麵掙扎了很長時間，最後由麵氣味決定，但貪心點了雲吞水餃雙拼麵，雲吞有3隻變了迷李版，水餃有3隻仍是我最愛的，不過都細隻了，首先雲吞內有一件細蝦肉同豬肉，圓圓的，充滿黑胡椒香味，鳳城水餃真的口感夠好，無令我失望有爽脆笋，薑絲，木耳絲，蝦肉2件爽口入味，豬肉胡椒味惹味，湯色濃而味道清，配上苟王清香，麵的鹼水味重，麵彈牙而煙韌，師傅放在面，以防浸得太軟，細心另外點了一杯熱洛神花茶$30，顏色淺淺粉紅，味道剛好酸甜，比眼見正常不過收茶芥$5一位，另外仲要加一，我一個人就食了$119.9，而我唔太滿意係服務不夠好，舉了多次手，職員都扮睇不到你叫佢，得門口帶位2位小姐有笑容。最後仲係門口小姐黎招呼我，我覺得裡面的人在忙什麼，行行企企無工作。嬲現在何洪記雖然同以前不同，但麵質係重點，沒有退步，只是份量細碗了，現代的人未必知道當年大細，機場

工幹 3 星期前想黎個牛腩麵、點心先，唯有何洪記，早排試過都不錯。辣椒油，香辣兼比，預期中好，混上頭抽豉油食得下。檯面只有辣椒醬、豉油、浙醋，還以為好似雲吞麵舖無得供應添，本打算放棄，但諗到問下無妨，原來有既，開心開心。牛腩豬潤伊麵走蔥，侍應阿姐話加牛腩 $19 轉伊麵加 $5，無問題。不過點解唔走蔥呀？點解 3 件牛筋 1 件牛腩呀？牛筋硬掘掘，味道只留在外，裡面完全無味。狠狠地咬落大大舊牛腩度，我想要刀叉呢！又乾又硬又無味根本未炆好，依家晨早八點半唔會太早麻？豬潤正常爽彈無過熟，香甜味濃滿意。伊麵真的嗎？外觀已經唔似，啜兩啖試試，完全係不經油炸即食噹噹日式拉麵，搞錯呀 ！湯底淡如水，劣到不過了，點值 $90 蚊呀！食客不多，等左 10 多分鐘才到，未預備好開檔嗎？棉花雞，久候 20 分鐘，熱騰騰出場，希望可以補償一下碗腩潤伊啦。半隻雞膇，第一次棉花雞有骨，果然特別。雞柳雞膇同香滑味道可口，微微酒香無雪藏嗅味。碎濕濕魚肚味道甜美無油益，冬菇偏瘦偏細微滑還可以。完全中伏二百蚊的低劣早餐，我以前仲比三粒星笑臉添！離開時先發現寫住米芝連一星雲云麵，即係有雲吞麵係一星囉，太大意了！

Just traveling solo and stuck in the airport. The beef noodles were fine (broth was tasty). The shrimp dim sum were fine. But the egg yolk buns were fantastic! I should've just gotten two orders of these. Or maybe three orders and then passed out. They were filled with a rich, buttery sweet yolk. Watch out! They are hot so let them cool a little first then. Be careful as you bite into them lest that yolky goodness squirt onto your shirt. I'll be back for those buns!

下雨天回到港，香港機場餐廳可選什多，本想去食翡翠拉麵小籠包，但見到隔離有間新開的何洪記，決定一試。食物係中式餐廳，食雲吞麵類型為主，最後叫左碗豬潤麵。豬潤好大塊，食落好爽口，但味道好像有點怪，可能唔入味，未算香，加點醋會比較好湯底有點豬潤味，面較硬身，沒有簡水味，相比起，面會比豬潤更加好食！同時間，店舖充滿著水餃的香味，特別係麻油味，本身叫一份嘗試，但經豬潤一試，最後還是打消念頭，擔心都是睇得，落肚麻麻地飲品可選餐單，機場的一餐，價錢一定比外面貴，但可選擇尚算好

麵皀水味重到難頂，食到反胃，炒飯又一舊舊未炒開和淡而冇味，仲要好貴，煑成咁點解可以比客食，仲話米芝連😓，普通一間茶餐廳都好食過佢。以前既何洪記（銅鑼灣）係好好味，點解機場會做得咁差。

峇里剛回港即刻黎個中餐先啦，食左四日印尼野好鬼寡，峇里回歸第一戳！門口有得存行李喎，肥嬸嬸友善地給我 35 號，我想要 lucky number 22 或者 28 得嗎？最憎坐街邊食野，人來人往太 open，不過機場樓底係就係超高既！嘩，要收茶水費咁有趣？唔收埋醬油費？雲吞麵走蔥，極幼麵輕爽又掛湯，微微有少少漿嘴感覺，無鹼水味無壓味，滿意。湯底濃濃甜美，呷多兩口，好味道。一口雲吞細細粒容易食，蝦蓉鮮肉還可以，溫柔的肉汁加辣椒醬更加好味！叉燒腸粉，第一次遇上極量多料，塞得滿滿啖啖肉，甜美彈彈，粉皮又夠滑，雖厚了一點。甜豉油比一般黏，清香可口。乾炒肉絲河，真係幾好食喎，最衰我唔食芽菜同蔥呢，揀死我。其貌不揚、賣相一般、鑊氣平凡，炒得均勻，醬油味香甜，拼上辣椒醬可口惹味，雖然油左少少，再乾爽一點更好。埋單 $250 太貴喇麻，米芝連 1 星？坊間市價約乾牛河 $60、雲吞麵 $30、叉腸 $20、茶錢 $3，共 $120，機場貴足足一倍囉。價錢 double，服務、環境、味道、份量係咪 double 先？

岩岩落機 未見餓但又唔想番去夜食所以打算隨便食碗粉麵 何洪記。精打細算嘅我緊係覺得五十幾蚊碗麵貴啦！但係機場呢個唔多選擇又樣樣都比出面貴啲啲嘅地方, 就無得挑剔咁多叫左碗 牛腩河 ($56)一黎到 第一個反應係又幾大碗喎！用粗河粉 牛腩大件又份量足 仲有兩條菜心tim !!湯底色濃 ,有肉味牛腩好淋, juicy菜心新鮮, 好爽又翠綠食完竟然唔覺油膩食物都幾好..不過就用普通話去歡迎我地囉

極速之旅完左...落到機有小小肚餓...係新加坡食左2日米線...所以今次唔食譚仔走去食個水餃河就算..水餃大大粒, 足料又夠鮮味但個湯底我又覺得清到好似無咩味.. 差左D反而朋友食既牛腩根唔錯, 腩汁味濃而牛腩好牛根亦好'腍'

旅遊完畢回港，辦好有關手續是時候醫肚，隨便選了間粥麵餐館，座位挺舒適的，看看宣傳照，方發現原來是間米芝蓮餐廳，據說有七十年歷史我們各自點了一碗粥，加了碟义燒腸粉皮蛋瘦肉粥粥底過稠，鹹瘦肉是一團沒有煮開的，且帶點雪氣味，唯一可取是粥㡳非常綿滑，透著米花香氣艇仔粥又是杰杰的一碗，餸碼少得可憐，只有幾乎看不到的丁點肉碎及第粥算是較好的一碗，總算有幾片厚切的豬潤片义燒腸只有微弱的溫度，叫人勉強吃下去，一碗在坊間三十多元的出品，在這裏連加一茶錢，收費要七十元，我們的消費都被租金蠶食了。

每次從外地回來，總㑹想起一碗雲吞麵或及第粥....一落機，取回行李便直去了機場的何洪記。爽脆鯇魚皮（$58）👍👍👍👍👍今天最想吃的是爽脆鯇魚皮，這個小吃不是很多地方可吃到，這裏做得真的不錯，又薄又脆的魚皮加上蔴油、豉油、花生和葱花，就是一個美味的小食。鮮蝦雲吞麵（$56)👍👍👍👍雲吞麵彈牙，鮮蝦雲吞皮軟滑，蝦肉新鮮，湯底惹味，但唯一不足是為何枱上沒有醋，要叫侍應才拿到一小弽。生腸及第粥（$58）👍👍👍👍粥底軟綿又夠熱，配料也很新鮮。

出發去旅行，一早去到機場，check in櫃檯未開，餐廳又未開，又唔想食美式快餐！呢間開得最早！大家在門口等了15分鐘先開門！店家有地方放行李車！入內好開揚（樓底超高）有卡位同圓枱！地方乾淨，食品價錢幾貴！用落單總交店員，好快到！薑蔥腰潤撈麵:豬潤剛熟，好爽口彈牙！當然會有啲內臟腥味！只有輕微！麵淥得偏淋！加蔥花同清甜大地魚湯！好味懷舊鮮蝦餃:估唔到有點心！即蒸外皮煙韌！蝦肉爽口！白灼鮮牛肉湯麵:牛肉唔韌，牛味重！湯底清甜！麵爽口，鹼味唔重！好味！正斗鮮蝦雲吞麵：雲吞唔大隻，蝦肉爽口，豬肉味甜！雲吞皮滑！麵彈牙爽口！湯底清甜！食物好吃，不過招呼我呼嘅女店員就明顯黑口黑面兼唔客氣！佢打好單攞張點餐紙係拋到枱面！到我哋舉手埋單，佢睥一睥我！然後行開，再攞單牌比我哋！只有佢係咁，其他人有笑容同正常服務！機場都唔使食快餐早餐！好開心！！

週年不成文的年度旅行，今年由於有大姨一家的突入的關係因而變得熱鬧，一行十多人浩浩蕩蕩闖進機場大差，您一言我一語吱吱喳喳嚷個不停....就連在上機前要祭五臟廟也因人太多而要分開坐。而事實上這間雲吞麵名店在機場內的分舖，生意確是好得離奇....平常去機場都刻意不欲在此開餐，原因只有一個 : "又貴又不值吃"。再加上大多的食肆都可以在市區內找到分店，價錢又比外頭貴接近二到三十個巴仙。除非是迫不得已地要跟大隊的話，小弟寧願是去禁食好過....但就算要吃，橫豎都係要捱貴嘢了，那當然是要揀間水準夠穩陣的啦....今天，沒有點這兒的招牌雲吞麵及干炒牛河，原因是在前陣子剛在其young line店那邊吃過，故取而代之的便是一碟燒肉叉飯....實在沒料到，這裡的燒味也做得如斯出色，尤其是那皮極鬆化脆啪啪而肉實淨有彈性的燒肉。肥瘦相間的它入口既有肉鮮亦具脂香，是一流水平的廣東燒肉；叉燒蜜味非常濃重，肉不死硬而軟綿。用來送飯實是一絕....偷了一件舅父仔碗內的牛筋，炆得入味有咬勁膠質極重黏黏的，是美妙牛筋的代表....以這樣的水準，就算要我俾多五十個巴仙的價錢也願了....

有小朋友後，習慣午機抵港，因為這裡逛逛，那裡等等，其實回家執拾好已天黑，要是再玩到咁盡，選擇10,11pm抵港的，無疑是化算得多，但精神體力就難控制得多；見航班上的餐點不合心意，落機後還是想先回味港式食物，就步入人來人往的何洪記，整個用餐時間都維持在全滿的狀態。機場價錢，只挑了幾個簡單麵食和點心，填飽肚皮就算了，免得一回港就破費魚子醬的馬拉糕，應該是即點即蒸的關係吧？兩個粉麵都吃得8899才姍姍來遲，但質素是不俗的，鬆軟少甜，吃得大滿足不吝嗇地下了蠻多炸醬，鹹、甜、辣於一身，是拌麵的永遠首選！魚子媽要忠於基本，吃細蓉，兩個麵底都無甚鹼水味，雲吞小巧，肉餡爽彈，湯底清晰帶來大地魚獨有的味道。但得承認，身處異地之後，吃回香港味，是會較平時滿足的入座時行李車有呀姨看管著，憑牌取行李，人客都吃得放心，因為部份店舖就只會草草的請你放於欄旁，要靠自己不時看看；每次抵港，都幾乎會選翡翠，但以後應該會改變一下心水了。