浩記甜品

Open Now

Now Closed

父親一直說想試試這家糖水，今日終於能一試。可能永遠都不應帶著期待去，有了較高的期待就很容易失望綠豆沙(熱)味道不錯，就是陳皮稍微有些下得過重手，可稍微調便好👍🏻👍🏻麥米(凍)除了甜味極少所以扣了分，其他都很好👍🏻

係土瓜灣星期六約朋友lunch 前時間太多見到浩記甜品無咩人就入去坐坐坐住等朋友叫左一碗連子桑寄生蛋茶（冷）及一碗生磨合桃糊（冷）沒有太大驚喜但味道適中不會太甜價錢都相宜

估唔到個acc平時只係用黎訂位, 第一篇要寫嘅食評竟然係寫俾浩記.住附近關係, 唔敢話成日, 但每次想食糖水都一定係買浩記, 足料味道又好.今日第一次買芝麻糊, 令到我徹底失望. 首先一打開個蓋見到咁多一粒粒已經心知不妙… 啲生粉攪唔勻… 我會算數…畢竟出面好多糖水鋪都係咁…. (唔等於咁樣做生意係ok ! )期次我打開個蓋見到佢嗰種層次分明我就知道….. 佢啲生粉水落得多得濟…. 搞到成碗野唔係糊嘅質地… 而係…. 唔識形容….碗野打開左到宜家我都無勇氣去食第一啖…唯有當自己唔好彩… 因為我啱啱睇過其他人嘅芝麻糊都唔係咁嘅樣嘅……..

之前有食過旺角舊鋪, 搬左去土瓜灣之後有朋友 好好 買左2碗 畀 係酒店隔離中既我地, 外賣水準一樣, 好好食紅豆沙唔死甜, 有起沙, 陳皮味香^^桑寄生蓮子蛋茶 一樣唔甜, 健康養生, 足料, 女士飲一流隔離完一定會再去幫趁

得知附近來了間老號，今日特來一試，叫了店內推介的桑寄生蓮子蛋茶。桑寄生味濃，從味道中知道足料，蓮子十分十分綿滑，入口即溶，又有少許咬口。雞蛋索了桑寄生的味道，確實唔錯！

食完晚飯未夠喉，所以就嚟到位於土瓜灣嘅「浩記甜品」！😆今次就嚟試吓呢間坐鎮旺角三十年嘅糖水舖搬咗嚟土瓜灣之後可唔可以再次觸動到我哋嘅味蕾啦👅我哋叫咗兩款糖水：第一款係最知名嘅「蓮子桑寄生蛋茶」💃👍。呢款每月女孩子必食嘅養生佳品，飲第一啖立即感受到桑寄生蛋茶嘅甘甜，完全唔苦澀，蓮子夠飽滿大粒，同旺角老舖一樣，每次食完都會暖在心頭。（但小缺點係熟蛋依然未夠入味，所以建議大家用湯匙輕輕切開蛋白，令蛋黃與茶湯融合再一齊食🥚🥄😋）第二款我哋揀咗熱食🔥「生磨芝麻糊」。一上檯第一個感覺就係濃濃嘅黑芝麻香直撲鼻腔👃😍，糊身濃郁掛羹，甜度適中唔over,口感飽滿無渣😝，自問係芝麻糊控🖤嘅您必定唔可以錯過。😜

今晚食完飯，口痕，見到附近有一間甜品，望一望餐單簡單得來又平實，主打中式糖水。最經典莫過番薯糖水、薑汁桂花湯圓、綠豆沙、紅豆沙、紫米露、西米露、有人推介我食芒果蛋白燉奶，不過想清一清熱氣所以就揀咗呢一碗綠豆涼粉 拎到外賣返屋企，打開個盒見到滿滿嘅涼粉，然後綠豆綿綿嘅口感，加上淡奶令到整碗糖水多一份順滑。特別一提，糖水絕對唔會太甜，又可以清下熱氣！疫情下冇得堂食，好彩小店都可以開到凌晨一點，見到入邊裝橫都幾有特色，希望下次有機會堂食！

人生第一次從台灣到香港 做了很多香港歷史 文化 人文 美食的功課。第一站來到ㄧ家知名老店（原.浩記甜品店舖）也是現在土瓜灣新浩記甜品，在當下我點了 更品嚐了3樣香港道地必吃糖水。（生磨芝麻糊.生磨核桃糊.楊枝甘露）當這3樣甜品當我品嘗了每樣第一口時 只有一個字形容（絕）真材實料 口感濃郁 濃厚 讓我留下難忘的回憶與口感。現在想起 真的有股衝動 立馬殺過去香港 浩記甜品店舖給他品嚐個10來碗 才爽

在烈日高溫的下午，一定要「過冷河」，否則可能會中暑與朋友相約附近碰面，因為早到和行過路過，眼見新開的傳統糖水舖，便入內一試，乾淨衞生，重點是冷氣較涼看見牆上的大字毛筆推介，所以點了一碗「蛋白燉鮮奶」，但味道一般沒有太突出。與朋友聊起，他說這裡的馬蹄沙好正，下次經過一定會入來一試。這些傳統糖水店，值得支持。雖然說現流行保育及懷舊，但這些舊式老店，還是見少買少。所以每逢經過傳統店鋪，一定會入來一試，並且介紹給朋友。

上星期發覺屋企附近係益豐大廈樓下開咗間新嘅糖水舖「浩記」天時暑熱就坐咗入去涼下冷氣順便叫碗海帶綠豆沙試吓呢碗綠豆沙真係好足料，又大碗喎！每粒綠豆都爆晒花，食落淡淡豆，仲有清清嘅果皮香味，糖度恰到好處！之後忍唔住買多幾碗唔同嘅糖水返屋企同家人分享～分別買咗熱嘅芝麻糊、熱嘅合桃糊同埋凍嘅馬拉渣咋😋 每樣我都試咗少少🤣合桃糊同埋芝麻糊都非常順滑，識落完全無顆粒感，特別要推介個芝麻糊，炒得非常之香！個馬拉咋喳又係足料到呢～多到我都唔知入面有啲咩，大概食到有紅豆綠豆紅腰豆芋頭西米椰漿等等啦～ 口感非常豐富😝

夜媽媽口癢 叫屋企人幫手買佢經過甜品鋪 見新開 入去試下 好少鍾意中式甜品鋪 唔足料 唔好味 但呢個綠豆涼粉岩晒 ❤️ 有陳皮味 有海帶 起起地沙 唔係「希」水咁 會放贍膽試埋其他甜品 🍮

今日經過土瓜灣，見到由細細個已經食開嘅浩號記甜品原來搬咗過嚟土瓜灣道益豐大廈即係馬會對面，正、正、正，即刻衝入去懷緬一番，其實次次入到去乜都想食不過我始終最鍾情佢嘅桑寄生蓮子茶，佢嘅桑寄生茶，茶味好香濃，而我最怕食過外面好多蓮子有芯咬落去勁苦好彩浩記始終保持質素，粒粒蓮子飽滿又冇芯。勁🈵足，另外老公叫咗個腐竹蛋糖水，佢都話性價比勁高，清潤唔會死甜。傳統中式糖水嚟講真係好高分正呀，真心推👍🏻👍🏻👍🏻

早幾日去開土瓜灣探婆婆，經過益豐大厦，見到有間新舖，原來係旺角間"浩記"搬左黎呢度，之前以為佢地不敵疫情執左，老板話原來係搬大舖擴充，依度地方大左又光猛左，好舒服👍🏽而家呢啲傳統糖水店少之又少，即刻同老公坐低，食番碗香港地道嘅正宗糖水。老公叫左碗芝麻糊，味道依然係用心製作，芝麻炒得好香，食落有芝麻粒，有口感好香好滑。我就嗌左碗綠豆沙，煲得好粉好溶，好足料，仲加左幾粒芝麻湯圓，皮夠薄啱啱好之後買左碗腐竹蛋糖水外賣俾婆婆，老人家都食到嘴舐舐，仲成碗清哂。