Video
Opening Hours
Today
10:30 - 00:30
Mon - Sun
10:30 - 00:30
Above information is for reference only. Please check details with the restaurant.
好耐之前嚟到呢間舊式糖水舖頭已經覺得好好味，雖然地點唔係我成日經過嘅地方，但係有陣時都會念念不忘掛住佢。今日同朋友喺附近食晚餐，咁我就諗起啦，我一定要帶佢嚟呢度食糖水。呢度嘅懷舊款式非常之多，而且味道非常之好。以前細細個嘅時候好鍾意食番薯糖水，所以之前嚟到呢間舖頭我都係專一，每一次都係叫番薯糖水。隔咗一段時間開始冇咁鍾意啦，所以今次決定嗌第二款，今次揀咗凍嘅木瓜燉雪耳清甜好味，而且啲料多到走晒出嚟。仲有呢一碗黑白就係芝麻糊加豆腐花，亦都係傳統糖水舖先有嘅特色。
continue reading
心血來潮，聽聞呢間糖水舖好好食，所以即刻揸車落去買，喺車嘅途中，諗住上OpenRice app點餐，點知撳得來都差唔多到，所以就放棄咗用app點餐，直程去到先買，去到之後買咗一碗馬蹄沙同埋合桃露，我睇餐牌係$50 ，馬蹄沙$24 ，合桃露$26，但係佢收我54 ，我問點解會有$4 ，佢話外賣係要加一個喎🙄🙄我話OpenRice app都係$50 ，仲要有九折，冇折唔緊要，點解仲要+1 ，跟住佢黑口黑面咁行咗去，因為佢已經收完錢，真係奇聞，我未聽過外賣要加一，不過見既然一場嚟到，就買返去試吓，雖然係好食，但係一定唔會有下次，態度差，外賣仲要+1，離晒譜😡😡😡😡😡後尾返到屋企諗諗吓都唔知係點計條數出嚟$50 +1點會係$54
continue reading
不是第一次吃，什至吃過十次都有，真心推介，HK$28一碗不用自己煮、洗碗，超值的「蓮子桑寄生蛋茶」———亦是這間舊式糖水店的招牌款式。少有地方有桑寄生，以前要在娘家才喝到，街上也有太方便了。是中藥的味道，但我不會覺得苦，只要想到好處就想喝多碗了。尤其女性養生，對子宮有莫大益處，有些人子宮鬆弛、習慣性流產，飲用也有好處，備孕或懷孕女士也適合，有安胎作用。男女皆適合飲用，所以老公每次也陪我喝一碗。補肝腎，關節痛、腰膝酸軟無力去飲碗吧！
continue reading
喺土瓜灣食完飯，天氣凍，未夠喉，想食碗糖水。今次我就去咗浩記甜品。星期六晚堂食外賣都好旺，不過等一陣就有位。由糖水款式，到鋪頭裝修格局，都同一般港式糖水鋪差唔多。今次我就試咗蛋白燉鮮奶、生磨杏仁糊同埋薑汁桂花湯圓。生磨杏磨糊非常香，大家可試試。薑汁桂花湯圓方面，我就鍾情傳統黃糖薑茶底，薑汁桂花就唔太適合我，芝麻湯圓就好好食！蛋白燉鮮奶都唔錯，口感好滑，甜度適中。大家下次係土瓜灣食完飯就多個糖水選擇喇！
continue reading
好耐無食浩記，由旺角舊鋪搬到土瓜灣後都一直未有幫襯過；地方比以前大好多，座位寬敞坐得舒服，可以慢慢嘆，黎到當然都係食返以前食開個2款：桑寄生蓮子蛋茶(熱)"女仕恩物‘’對女性有益養生的桑寄生非常足料，茶味香濃，帶有淡淡微甜，蓮子已去芯，大粒有咬口，入口軟糯，雞蛋入哂味，但唔會硬實實生磨芝麻糊(熱)好濃嘅芝麻，質感上有少少稠，厚身滑溜帶芝麻香，唔會太甜，甜度適中姐姐依舊態度親切，以前感覺返晒黎，同糖水味道一樣！！！
continue reading
You may be interested in