炊豕店 (曉悅) (Closed)

同朋友打算去長沙灣食蛋撻，搵下有咩食既時候見到呢間好似都唔錯就揀左呢間😛。地點唔太近地鐵站，6點鬆啲都無乜人。①蔥油豬扒飯見到佢人氣推介所以就揀左，真係無推介錯😍！豬扒炸得好脆，厚得黎唔痴牙，仲要俾左好多蔥油，食落唔油膩但就極邪惡🤤…②大阪燒豬扒飯即個其實即係加平時大阪燒既醬同配料，即係加蛋黃醬同鰹魚絲。開頭食覺得幾過癮，都幾香。但食食下就好膩有啲滯😐。③麻辣炸魚蛋意外地唔錯，麻同辣都交到功課👍🏻，少少麻，小辣。魚蛋都幾彈牙，不過$25得5粒性價比唔高🧐。

之前同朋友食過一次炊豕店，於是念念不忘今晚終於再嚟食🥰今次我同朋友點左大阪燒豬扒闊麵，唐揚炸雞塊同埋滷水拼盤。🫔大阪燒豬扒闊麵燒豬扒份量好多😍大大塊～撈麵嘅醬料都好多，一定要撈勻食，好入味。豬扒配蛋黃醬都好夾👍🏻$64咁大碗麵我覺得好抵🥰🫔滷水拼盤炊豕店係用自家嘅滷水去滷😋好好味！超級推薦一定要試！拼盤包括左豬耳，大腸，雞腎，滷水蛋同埋滷水雞翼。每一樣都好入味，好正～平時唔食豬耳同大腸既我，見到朋友食得咁滋味都忍唔住試咗～果然好好味😋食完想再encore 🤤🫔唐揚炸雞塊雞塊肉質鮮嫩，外皮酥脆唔油膩，點埋蛋黃醬食一流🤤今次係第二次食炊豕店，質素仍然好高，我鍾意呢間店係因為性價比高又好味😋我會繼續再嚟食🤩

看到報導介紹這間豬扒店，（暫時有 中環，銅鑼灣，長沙灣 三間店），一直都好想去試，今天專登來，現在改了星期日都開門，下午4點零到，所以冇咩人排隊，之前晚飯時間常常見到有人龍出現，一坐低我已經知道自己想食咩! 必點 (蔥油炸豬扒飯)，改撈粗麵，另外點了 (秘製炸豬扒肉燥汁 幼麵) 食物來到，好大份炸豬扒! 麵及豬扒都份量十足，同埋 真係有好多好多蔥呀! 本人非常愛食蔥油的! 價錢算平宜。。 由荔枝角及長沙灣港鐵站步行約8分鐘。

之前聽朋友推介呢間餐廳的厚切豬扒，話大大份好好食，今次就黎試下👌🏻我週末下晝tea time去食，已經要等位，都幾多年輕人幫襯😂🍖蔥油豬扒飯 💰64我地叫咗餐廳招牌的蔥油豬扒飯。一上菜時俾佢個份量嚇親😂厚切豬扒舖滿成個碗，蔥油嘅份量都驚人，完全夠撈飯/面有凸。豬扒炸到熱辣辣好脆，內裏有肉汁幾juicy，咬落去好有口感😋配上香噴噴的蔥油加飯，完全食到唔停口👍🏻🍖大阪燒豬扒飯 💰64呢個都有驚喜，之前完全冇諗過可以用大阪燒醬配豬扒飯，食落去味道同大阪燒一樣，都幾開胃，又係另一番風味👍🏻🍖肉燥汁 💰+10另外跟飯加$10試咗佢嘅肉燥，正常發揮。但係個人覺得本身餐豬扒飯嘅份量已經好大份同好夠味，可以唔使加都得👌🏻🧡環境睇得出花咗好多時心思喺裝修到，好多古早台式擺設，個豬仔壁畫都好得意💕餐廳燈光明亮、乾淨舒適👍🏻呢間絕對性價比超高，分量十足，味道好食，但係價錢又好平民，有時間都會再嚟食😋

樓面員工非常冇禮貌，食物落抬大大力，唔講碗野系乜？汽水冇飲管，問佢攞就黑面，最重要系有個樓面同事仲成身煙味行埋嚟落單，有冇攪錯？野食仲要吾好食，梳打朱扒又咸又鞋冇下次啦！

煎蛋焗豬扒飯, 呢個焗豬扒飯係即叫即刻焗出嚟嘅, 上到枱係熱辣辣嘅, 豬扒有五件呀, 屬於厚身, 每件都啖啖肉㗎, 師父落咗好多芝士啦同埋蕃茄呀.肉燥凍豆腐, 凍豆腐上面加咗好多肉燥上去, 件凍豆腐好香同埋好滑身呀, 有好香嘅豆腐味.鹵水豬耳, 呢個豬耳都係厚切, 每一嚿都係啖啖肉餐廳嘅裝修行一啲年輕人嘅路線, 咁裏面會播咗好多90年代同埋2000年代嘅歌, 佢係播一啲比較流行嘅音樂㗎, 每首歌聽起來都係好熟識, 聽住呢啲歌嚟食飯, 別有一番風味

人氣豬排餐廳，平時經過此店都見到有人排隊，今日終於一試。餐廳環境唔錯，設計簡約，座位寬敞坐得舒服。餐牌好簡單，主打係炸豬排，叫左兩款唔同嘅飯，每款都各有特色。另外見到小食好吸引，所以叫咗滷水雞腎。每款主菜都可以用優惠價配飲品，叫咗可樂只需加$6就可以，價錢合理。蔥油豬扒飯豬扒大塊到鋪滿成個碗，配菜放咗半棵小棠菜。豬扒經過高溫炸完肉汁被鎖住，外脆內嫩，肉質鮮嫩。米飯用上珍珠米，口感香甜軟糯，加埋勁多嘅蔥油，用嚟撈飯食真係一流。話梅花雕豬手飯豬手燜得入味，煮得夠哂火喉，豬手帶有淡淡嘅花雕酒及話梅味，真係冇諗過花雕酒及話梅同豬手可以咁夾，加上醬汁香甜，食起上嚟好滋味。滷水雞腎雞腎滷得入味，口感軟腍，配上酸大豆芽菜，味道酸酸味味夠哂開胃。價錢合理，冇加一，宜家新張期間仲有九折優惠。大滿足!

本身係喺中環見到呢間店，logo上面個豬豬實在太可愛，男友就陪我嚟咗呢間分店食。環境乾淨企理，少少台式文青感覺。叫咗兩款主食，各$64。豬扒確係好大塊，又嫩而且都幾脆。不過主食非常咸，胡椒湯底睇落白雪雪但咸到飛起，蔥油豬扒同個豉油底又係，我哋要咗支水兩個係咁飲。出返去行街，仲係覺得成口鹹味，實在太誇張。鍾意重口味嘅人士就非常適合呢間店啦。

長沙灣都幾多野食！膽粗粗以為呢區嘅🍣會少人啲！點知連walk-in 都冇得攞飛！喺附近search餐廳嘅時候就搵到呢間！去到門口，裝修都比一般小店較為特別！特別係見到呢個門口寫住呢句「我們都是食豬大的」都忍唔住打咗卡先去到見到餐牌都幾多選擇！主要係食豬扒為主。秘製豬扒 配肉燥汁 加蔥油大阪燒豬扒涼拌大豆芽麻辣炸魚旦呢度嘅豬扒真係好好食！佢唔係日本嗰隻吉列豬扒！係真真正正嘅港式豬扒！炸得啱啱好，豬扒好稔，唔會話識食勁多粉。原味豬扒食嗰陣勁有豬味。一開始都驚叫大阪燒豬扒會唔會中伏？好驚會係好多粉或者係會有好多料包住個豬扒，但係食落又超好食喎！不用擔心，佢嘅大阪燒只係指用大阪燒醬汁！食落令人懷念章魚小丸子嘅味道！肉燥汁同埋蔥油都好好食。不得不讚佢嘅肉燥，唔係免治豬肉嗰啲豬肉！佢係真係用啲腩肉切到勁細粒，微細位都做得好。一定要加煎蛋🍳！小食都幾好食，麻辣魚蛋幾香口。Overall呢間店都幾高質，男朋友話可以再encore🤣見到隔離嗰個嗌咖喱豬扒！下次一定要食！

一直都好鍾意食豬扒麵、炸豬扒，今日路過長沙灣見到一間裝修好日式嘅小店，起初以為係食拉麵啦，點知睇完Menu之後，原來係專食炸豬扒嘅餐廳，真係好少見呀，於是呢就入去試吓啦。我揀咗招牌嘅蔥油豬扒飯（$64)，如果唔想食飯呢，都可以轉撈面。豬扒嘅份量的非常足夠啊，而且呢每一舊都非常厚，而且豬扒嘅肉呢都唔會太過乾身，係炸豬扒來講簡直係非常之一流。而我自己呢都好鍾意食蔥油，炸豬扒配上蔥油非常之爽口。朋友就叫咗叉粒豆角蔥花炒滑蛋飯（$58)炒蛋食落去嘅時候仲有少少流心嘅感覺，配埋細細粒嘅叉燒粒，非常之夾。而且無論係豬扒飯定係呢個滑蛋飯啦佢嘅份量都係非常之大，一定唔夠食。另外加配左厚五餐肉（$10)同埋滷水蛋（$8)

到荔枝角逛完手作市集後便到這間炊豕店一嚐有名的厚切豬扒飯特別避開午餐的時段但想不到竟然全場坐滿還有數位客人在外等位一坐下便點了數款人氣食品葱油豬扒飯＄64豬扒飯的主角比手還大塊厚度亦有成吋原加上葱油拌飯，真是香氣十足豬扒雖然厚，但一咬下去都很易撕開不會乾柴難嚼，滿滿肉汁秘製豬扒配肉燥汁撈粗面＄60好少餐廳可以轉撈面肉燥撈面真的好好味，代替了飯每口面都沾滿了肉燥的香甜味豬扒同樣地原切增強口感，十分滿足肉燥凍豆腐＄22台式的凍豆腐加上自家製肉燥再撒上木魚片，那種咸香的味道與豆腐好夾麻辣炸魚旦＄25有炸過的香蒜放在辣魚蛋上有刺激的辣味加上彈牙的魚蛋令人不能停口，一口接一口現在有新開的優惠，堂食9折加上理境舒適，真是性價比十分高值得再次光顧📍 炊豕店 (長沙灣) (長沙灣)長沙灣福華街571號曉悅地下1號舖

「吹」「始」店 係一間食豬肉既專門店，餐牌上有各式各樣既豬肉料理🐽真係好吸引🤤🐽 秘製豬扒肉燥汁飯（$60）豬扒外層炸得金黃，內裡軟淋☺️仲帶點蔥油既香味👍🏻而白飯食落似珍珠米，夠油潤，配上肉燥汁✨好味🐽 沖繩豬軟骨飯（$64）豬軟骨既筋位炆到軟淋，夠入味，配上肉汁既白飯好開胃✨如果瘦肉既部分可以再淋d就好啦🤤🥒 涼拌豆芽（$22）後加左個小食，酸酸地，有d似韓國料理既小菜，幾開胃只要一直不停地食食食就可以快高長大大大大見到牆上既藝術字裝飾，不禁都要扒多2啖飯🤣💫 長沙灣店新張9折💫 冇加一

來到長沙灣搵野食，周街都小店，眼花撩亂，上openrice一搵，發現有間呢區新開既豬扒飯餐廳，就試一試佢！未入餐廳都見佢裝修上花左不小心思，餐牌亦都好簡潔、價錢亦好相宜！餐廳主打都係豬扒飯，其餘都係小食同飲品。首先，試試佢既台式前菜，肉燥凍豆腐。夏日之選！！凍豆腐ok配上不同既香料同自製既肉燥汁，好開胃，特別一題既係佢有小部分生蒜放在豆腐上，小小辣但又特別香口野味🤪🤪。之後就叫左佢地既人氣主打，蔥油豬扒飯。豬扒選用半肥瘦既豬肉，外皮超香脆，入面口感都唔錯，豬扒面上再鋪一大層蔥油🤪🤪，香氣撲鼻，喜歡食蔥既人就一定要叫！另一款主食我地就叫左大阪燒豬扒飯，大阪燒平時食開，大阪燒豬扒又係點嫁呢？就係用大阪燒醬汁配炸豬扒！你想像唔到原來佢地係咁夾，大量沙律醬同燒汁配豬扒，十分開胃同好食！最後跟餐有不同既飲品，我地就叫左豆漿，同埋呢度自己沖既蜂蜜薑茶，味道都唔錯。整體來說，新鋪有驚喜！大阪燒豬扒又真係估你唔到！其餘食品都算高質，店員服務都貼心，上菜速度好快，抵讚！但坐位數量就唔算多，人多時可能有機會要等位嫁。

蔥油豬扒飯 🐷見話係人氣推介所以試下🤣豬扒黎到好大份，已經切開4份，一咬落去啖啖肉😚而且因為新鮮即炸嘅關係，豬扒炸得好脆，但中間肉質又唔會好鞋💕蔥油份量都幾多，另外會再加咗少少甜豉油喺飯到，加埋一齊食真係好邪惡🤤依到幾好既係少飯可以-$1 ,另外而加新開張有九折。野食係唔錯，但以新開黎講店員既服務態度咁就真係唔太想去第二次😤雖然見樓面係full 曬，得一個店員serve ,但即使係咁都唔覺得要係咁既態度🙄

長沙灣有咩好食? 上網openrice查一查，見到呢間都幾多人讚👍👍👍，而且食物圖片好吸引，就即管嚟呢間“炊豕店”試一下。門口裝修簡潔，好有日本feel，一行入去，侍應就殷勤招待，安排我們座位。而每枱都有一張落單紙，鐘意邊樣，就叫邊樣，非常簡單快捷。嚟到呢間鋪，梗係要試下依度最出名嘅“蔥油豬扒飯”。炸豬扒大大件，份量十足，仲有鋪滿喺面嘅薑蔥油，用嚟撈飯，簡直一流 。碗側邊仲有放左小棠菜 。食落就唔會覺得太膩啦！仲有飯底粒粒脹卜卜 ，好似珍珠米咁，食落煙煙靭靭，真係好好味。呢度仲有一個特色，就喺可以叫“少飯”，仲可以減兩蚊添。我諗一般女仔，都應該要少飯，因為每碗飯都超大份量，真係好多飯。叫左少飯，女士就唔怕食唔晒，浪費食物啦，認真環保！我仲跟餐加十蚊，叫咗塊超級厚切午餐肉，望見都流口水。。。😍😍😍嘢飲都好多元化，汽水，豆漿，果汁都有選擇，我跟餐加10蚊，叫咗支豆漿。如果你要飲管，可以同侍應講。仲有，我見到d鹵水豬大腸，雞蛋，雞翼，雞腎，豬珥，好似好正咁，下次真係要試吓至得。今日，實在太飽啦！🤩🤩🤩食飽後，大滿足，捧住個肚走！👋👋👋