海潮食堂

Open Now

Now Closed

❇️食物1️⃣蔥花蛋治 $29蛋治有烘底，食落好香，蛋味同蔥味好重有3件，Lunch 3個人Share岩岩好，又唔會過份飽.2️⃣手撕雞五香肉丁撈通粉 $56手撕雞全部都好入味，唔會鞋口加埋五香肉丁更加惹味已通粉都好入而通粉都好.3️⃣手撕雞飯+ 咖啡可樂 $54就算冇其他嘅配料，就咁手撕雞都已經好好食小編係第一次飲咖啡加可樂，咖啡中和左可樂嘅甜味，兩者好夾.4️⃣蔥油五香肉丁手撕雞蛋煎米粉 $80朋友覺得太多嘅口味夾埋一齊，令到本身嘅手撕雞失色咗可能簡單啲，無咗個雞蛋會仲好

▫️蔥花蛋治烘底👉🏻蛋好厚身，生熟程度啱啱好，口感好嫩滑，食落啖啖都有蔥粒，真係好香口好惹味👉🏻🍞真係烘得好脆口，又可以保持鬆軟，仲有厚厚嘅牛油🧈，好肥但又好好味🙈⭐️⭐️⭐️⭐️⭐️.▫️椒鹽燒賣 👉🏻 麻辣油好香好麻，唔會好辣，燒賣炸到外脆內軟（其實我之前試過擺咗好耐先先都仲係勁脆，證明超熱氣😂但我係唔會理嘅，佢真係我食過最好食嘅炸燒賣😆建議如果鍾意食辣可以Request 多🌶，因為本身佢畀得唔多，點到一半會唔夠，但真係要唔係一粒燒賣都點到🌶會更好食😉）⭐️⭐️⭐️⭐️⭐️.▫️ 手撕雞五香肉丁麻辣通粉 👉🏻好少有嘅撈通😆隻麻辣同炸燒賣嗰隻一樣，沾滿晒每一粒通粉，2 個人食我覺得可以接受，唔會話太油，但一個人食應該會有d Heavy🤫👉🏻五香肉丁同手撕雞份量都多，手撕雞咸咸哋，肉質唔會鞋口⭐️⭐️⭐️⭐️.▫️熱奶茶👉🏻好滑，冇特別叫少甜，但都唔會好甜，茶味同奶味都好出⭐️⭐️⭐️⭐️❗️餐廳只係開一至六，7:00~17:00，所以大家千祈唔好放工後去摸門釘，一於搵個星期六去啦！😎——————環境：典型茶記，要有心理準備好細同坐得好迫，但真係港式風味十足，老闆好Nice

Kwun Tong has a number of hole in the wall cha chaan tengs. Mostly located in industrial buildings with not name on the front as they wish to cater only to employees of the canteen. But if you find one, it's definitely an experience. One place is 海潮食堂 (English name: Ho Chiu Canteen). Definitely a hole in the wall cha chaan teng. Boyfriend showed me a photo on Openrice of one of their dishes where it a smiley face was drawn on it. I said ... is it the reviewer who did this? But then we saw a few

今日又經開觀塘又諗起朋友之前推介呢間隱世食堂，就係海潮啦。其實呢間餐廳真係冇裝修可言，但係就偏偏咁平平無奇嘅裝修做出咁特色嘅餐單，我最鍾意食佢啲煎米粉，同埋椒鹽燒買

蔥花蛋治🌟🌟擺到好似拿破崙咁🤣食落都真係有拿破崙咁有層次多士外邊烘到好脆入面軟熟蛋唔老好多汁蔥花夠多味道好出加埋薄薄嘅牛油吊下味Nothing fancy but happy😋椒鹽燒賣Hmmm 正常炸燒賣，但唔夠椒鹽🙈只係有誠意嘅辣椒醬茶走都係正常水平🙈

朋友之前係觀塘返工吃過海潮話唔錯，今次早上係附近行街，見肚餓就試下佢。一早已經座無虛席，好彩等一陣就有位。海潮店舖不大，坐位之間亦都貼得近。長枱當然少不免要搭枱。不過冇損我食好西的心情。餐廳姐姐服侍不錯，亦都好nice👍🏻。朋友本身想叫沙嗲牛肉火腿絲撈公仔麵，姐姐話火腿絲轉火腿奄列。本身未諗好的我就被火腿奄列吸引左，同朋友叫左兩個一樣的餐。(事後後悔應該叫不一樣的餐，互相share)沙嗲牛肉好夠味，牛肉亦有好多塊。完全夠撈至每條麵都有汁😋 至於個火腿奄列好吃，我一黎就清左🤭份量吾細，我個男性朋友食完都話飽，我就食到好飽👍🏻不過見到個魔鬼奶油豬好好吃甘，忍不住叫埋做飯後甜品✨ 而它亦冇令我哋失望。咬落好脆好香，而且啲朱古力同煉奶都好多，好好味😋

今日去觀塘有啲嘢做，特登去海潮食堂試試，之前一直都好想去，但無奈無機會去觀塘，今日終於有機會啦！蔥花蛋治真係好好味，好香口！老闆服務態度好好，所以連姐姐都好好👍

🇭🇰海潮食堂·呢間我哋之前已經好幾次想食㗎啦 不過佢係比較早閂門嘅 而且禮拜日同公眾假期都唔開 所以我哋都摸左幾次門釘🫢之後超級好笑 因為佢呢度嘅menu係全部都貼晒上牆嘅 所以我哋就一路四圍望 之後侍應哥哥勁好笑就話幫我哋嗌 所以最後我哋呢度所有野都係佢推介既 好似食左個港式omakase咁 超搞笑🤣🤣🤣·蔥花蛋治$29 l 魔鬼薄多士$15佢呢度嘅三文治真係幾出色 佢個蔥花蛋治中間好多蔥花 所以食落勁香 而且佢個蛋都唔會話好老🍳之後佢個魔鬼薄多士其實就係佢地既魔鬼奶油多既迷你版 咁就一次過可以食曬兩款佢地出名既多士😍😌佢呢個係將麵包一分為二左 所以烘完之後超脆口 係好似食緊零食咁 都幾正 配埋佢上面海量嘅阿華田粉 煉奶同埋中間既牛油 成個combo好好食🤤·蒜蓉餃子$36 l 手撕雞五香肉丁撈通粉$56主食方面佢個蒜蓉餃子都幾有驚喜 佢粒餃子本身個餡調得唔錯 韭菜比例好多🥟不過更加驚喜係佢隔籬嗰個蒜蓉辣椒醬 佢呢個唔係好辣既 不過配埋上面啲炸左既辣椒籽同蒜蓉 好惹味🧄之後佢個手撕雞都做到好好食 佢個調味係好似鹽水雞咁樣既 而且雞肉超嫩 份量都好多 之後佢上面海量既蔥油都好正🤤🤤不過

幾個友仔上一餐唔係好飽，其中一個朋友話觀塘有間椒鹽燒賣好好食，原本以為係街邊檔，點知原來係食堂。我地4個人，只係叫左椒鹽燒賣同魔鬼多士，其實都有啲唔好意思，但係老闆勁好，好熱情，仲係咁同我地講笑，我地以為佢認得帶我地去食既朋友，點知原來唔識。個魔鬼多士真係好魔鬼，佢有4層，塊包都已經唔係薄，仲層層都有煉奶同牛油，而碟邊仲有滿滿既煉奶同美祿粉，邪惡得黎真係好好食~至於個椒鹽燒賣，燒賣本身唔粉，個皮炸到好脆，上枱時熱辣辣，加埋好香既期椒鹽味同辣椒油，一流呀~

星期六八點幾嘅早上，嚟到海潮食堂食早餐。叫左個雪菜肉絲湯通粉+牛油多士同熱奶茶。唔使5分鐘就上枱，雪菜份量十足，而且切得比較大舊，但係頗咸，搞到好口渴，好想不停飲野。通粉軟硬度適中。牛油多士除左烘得香脆，仲切得好薄，出面好少見，令到口感非常正。我自己加左砂糖係上面，令佢變做懷舊嘅砂多 (唔知大家有冇食過？）熱奶茶係傳統茶檔嘅味道，但又唔會太澀口，好岩我口味。見到隔離枱炒米粉好似幾正，下次嚟希望可以試下🐷。

有創意而且性價比好高嘅一間餐廳老闆好風趣幽默對自己出品嘅食物同飲品都非常有信心同我哋推薦咗好多唔同菜式係一間充滿人情味嘅小店蔥花蛋治烘底($27)呢款蛋治嘅做法好特別外面係兩塊好薄嘅多士再夾住一層厚多士所以烘完出嚟表面超香脆內層就好鬆軟蔥花蛋炒得啱啱好有大量蔥花香氣十足但略嫌鹹咗少少魔鬼奶油多(厚版)🍞（$27)沾滿阿華田粉同煉奶香脆軟熟又夠香甜超級邪惡之選牛筋🐂蝦條煎米粉（$53)牛筋炆到好軟淋醬汁帶點麻辣再加上大量蒜蓉好惹味而米粉加入左雞蛋🥚煎到好香沾埋啲汁一齊食勁正面頭仲畫左個哈哈笑樣好可愛至於蝦條就唔係特別出色飽品方面老闆誠意推介鹹檸西柚梳打鹹檸七就飲得多鹹檸西柚梳打🍹真係第一次味道出奇地夾真係好好飲一試愛上睇得出餐廳好用心經營而且好有創意係好值得支持嘅一間小店

餐廳在工廠大廈地有，如果不是在觀塘上班可能比較難找到。我試了一杯老版介紹的冰啡樂，就是咖啡可樂加冰，有氣的黑咖啡，很好的配搭。另外點了他們的煎米粉，牛腩牛筋好淋入味，加了garlic，蝦條好趣，煎米粉應該是用上雞蛋的。埋單$70。

觀塘人多車多，然後食店都一樣咁多～ 除左好多特色 Cafe 之外，平時路過唔太起眼嘅工廠餐廳都一樣咁正！海潮食堂門口唔算起眼，第一次去我係行過左都唔知 😂 好彩最後都搵到佢，因為呢度有超級好食嘅撈通！😍手撕雞拼五香肉丁麻辣撈通粉簡直係令人驚豔嘅味道！完全估唔到手撕雞同五香肉丁係咁夾！😋 佢地各自都唔會搶對方嘅味道，加埋少少麻辣，同埋通粉中間捲住 d 汁，名符其實世一！👍🏻椒鹽炸燒賣 又係一個驚豔 🤩 又脆又香口！配埋辣醬正啊 😍 重點係炸得唔乾，又唔會好油，好正 😆鹽水通菜 唔會死鹹，好香，通菜加少少肉碎口感好好，好滿足 👍🏻蔥花蛋烘底三文治 睇過好多介紹都推呢個三文治，佢嘅蔥花係好香，而且十分打卡able 😂 但相對撈通就平凡少少，我會留 quota 食撈通 🙈煎餃子 配蒜蓉好好味，好香口！但 again 佢嘅同伴實在太強，顯得佢比較普通 🙈 呢度係比較舊式餐廳 style，坐得比較逼少少，但食物嘅味道絕對係值得嘅，佢有時候要排隊，但就唔駛等太耐的，絕對值得一試！😍

喺觀塘返工周圍都有好多野食，其中一間同事推薦，然後間唔中就會心郁郁想食嘅就係海潮，除左有邪惡食物外，對於選擇困難症患者有一大好處，就係可以唔駛揀野食，叫老闆叫你拍板🤣海潮係工廈地下一個細鋪仔，比較少位置，都坐得比較逼狹。牆身貼左好多menu，基本上你可以自己東湊西湊，揀你自己鍾意嘅配搭，但我通常都會搵老闆決定，老闆過嚟落單，你只需要問下佢，有咩好食呀，我決定唔到呀，佢就會開始講話幫你寫個咩咩咩，連飲品都可以咁，都好搞笑其實🤭今次老闆幫我寫左個雞翼扎肉炒公仔麵，嚟得呢度就預左重口味，完全唔會有唔夠味嘅情況出現😋通常飲品，老闆會話比個特別嘅你，然後上枱先知係咩，呢排好似都係呢杯鹹柑桔加西柚梳打，你想像就係鹹檸七，但唔係檸檬，改左做西柚嘅味道，不過講真汽水都好難唔好飲嘅🤭最後呢度埋單$70，唔知佢點計，只有信老闆 如果唔使用老闆點餐功能，自己揀嘅話，我會推薦蔥油雞，真係好香好惹味🤤好似我咁嗜甜嘅，海潮都有個魔鬼多士，極度邪惡，卡路里爆錶，但值得一試😈

嚟開觀塘想揾間餐廳食早餐，咁就嚟咗呢間試喇～非常之有驚喜！🔸魔鬼奶油多 $29佢係由烘咗底嘅薄多士夾住冇烘底嘅牛油方包，表層再灑上滿滿嘅阿華田粉組成！外層香脆，內裡鬆軟，一咬除咗食到濃濃嘅阿華田味，仲會食到啲牛油香味，鍾意食甜嘅朋友點埋煉奶仲滿足！🔸 蔥花蛋治烘底 $29蔥花蛋治都係薄多士嘅變奏版！由烘得金黄香脆嘅薄多士，夾住軟熟嘅白麵包同蔥花炒蛋組成～蔥花份量多而且炒得好香，炒蛋好滑，同香噴噴嘅蔥花勁夾！所有嘢都好平衡好好食！而且多士夠薄，就算夾咗厚厚嘅炒蛋都唔會太厚，女仔食起上嚟都唔會好論盡～🔸柱侯牛腩烏冬 $37柱侯牛腩夠稔而且好入味，除咗牛腩仲有牛筋～份量都多！至於烏冬就不過不失啦～呢間小店茶餐廳唔多起眼，細細間又冇招牌，不過勝在好多特色嘢食係出面冇乜見過！而且重點係好食又唔貴！另外想提嘅係餐廳老闆真係好nice! 一入門口佢就同我哋打招呼好似當我哋熟客咁(但我係第一次嚟試下），其他侍應姐姐都好友善！亦見到老闆同其他食客都有講有笑，好有人情味架呢😆仲有好多特色嘢食都好有興趣！下次嚟開觀塘一定會再嚟食！😆👍🏻