開花結果 (榮吉工業大廈) (Under Renovation)

呢日得返自己一個陪食，阿姐話佢晏左食早餐，lunch time個胃仲好full，話想食得light d wor...咁就去排返上次想食但太多人等唔到位既沙律la，呢日又真係唔多人wor，唔使10 minutes就有位la。呢度s set lunch都好多選擇，想飽肚d既可以揀飯或意粉set，想清d既真係可以試下佢既salad set，真係大大碟，一定食得飽！呢次order左個salad set：黑椒牛肉牛角飽，salad可以揀兩款，就揀左鮮果同埋吞拿魚，真係勁full呀，好清甜，好飽肚，配埋餐飲ice lemon tea，真係大滿足！重點提下，呢間salad個名好特別架，叫「開花結果」，唔知係咪除左想俾好野大家食，同時希望黎幫襯既客人都如願開花結果呢？

終於到左放lunch時間琴日同事想去食開花結果但因為大家都想食另一間冇去到咁今日就食番開花結果我地一行7人 一點半到去到等左大概5分鐘先有位咁我就揀左個碎蛋牛角包 配吞拿魚粟米沙律 再加個煙肉薯仔 飲熱檸水大家吹下水等左一陣就已經上枱了黎到嘅時候我發現係～超～大～碟～我終於明點解我同事係唔叫兩個沙律 而係叫一個沙律+生果先講下碎蛋牛角包本身我就鍾意食呢兩樣野 所以覺得好好食 碎蛋好多 不過個包唔夠脆至於吞拿魚粟米沙律係好食不過好膩 太多醬個煙肉薯仔好正😋一流呀

經常到此間餐廳食午餐，因在我公司附近，每次午餐時間都很多人，餐廳座位舒服，多人也不覺迫，服務員及傳菜都有效率，食完便馬上收搭，難坐得耐😂😂「煙三文魚香草包 」包很鬆軟，配上煙三文魚凍凍地又咸咸魚，不錯的配搭，加上「田園沙律」及「吞拿魚粟米沙律」清清淡淡，同埋好大碟，每次我都食唔晒，另外天氣熱食沙律不錯👍👍👍「香芒雞肉牛角包」芒果酸酸甜甜配雞肉好醒胃，牛角包表皮也脆內軟 「雜果沙律」蘋果、粟米、蜜桃 配合得剛剛好，鮮果都好新鮮👍👍👍「香矛豬扒鮮甜魚湯米線」豬扒過乾 魚湯比較鯹👎🏻👎🏻「鮮竹墨魚卷蕃茄濃湯」墨魚卷不錯，蕃茄湯濃👍👍 烏冬一般😑「忌廉南瓜湯」👍👍👍

火拼完香江，最嘆的是找個地方來個下午茶！聽聞附近開左間新店，就黎踩踩場！入去，立即落單！首先是兩個炸雞脾沙津，配兩杯即製的新鮮果汁：蘋果菠蘿真是好美味，十分適合混合來做果汁，甜甜微酸！而蜜瓜火龍果則是十分清新，火龍果味道蓋過蜜瓜味，所以就只能飲到火龍果味！而炸脾真是要讚，香脆沒有油，一切落去，能滲出肉質，一點都唔柴！而平時不喜歡食沙律的我，都十分推薦來呢度食沙津！沙津是用新鮮的水果即場製造，除左新鮮，就是爽脆！特別是蘋果，真是爽甜！最後，因為沙津實在太好食，又點多個下午茶！吞拿魚十分綿密，不似外面食的一塊塊就上盤！侍應的服務態度都值得讚，動作快，滿有笑容😊一定會再捧場！

下午餐又黎食～終於唔洗排隊直入，不過一路都見好多外賣出餐，呢間野認真受附近既OL歡迎。炸雞脾好邪惡但好好味！皮脆肉嫩，食埋雜果沙律，感覺balance 返唔會濟，正呀～咖哩角都唔錯～性價比都ok啦，不過唔知熱鮮奶原來要加錢，如果餐牌加返就好啦～

Share埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍開花結果工廠區高質小店💕由佢係舊鋪食到今日新鋪，屋企樓下都有分店，每隔一排冇食🐷就會掛住佢，可能落左大麻🙈食到老闆娘都認得我😂因為佢成個餐牌都好好食，由全日都有嘅set,魚湯蓄茄湯米綫， lunch set或者tea set都好好食！不過有一樣唔好嘅係佢收好早，通常6點就冇曬野食🤥BTW, 搬左去宜家呢個位之後，好坐左，野飲又大左，quality就冇變～VERY GOOD!利申.可能係我由細食到大加左感動分覺得特別好食咋🧐—————————————————————順帶一提，佢tea set既炸雞脾好正! 不過🐷同🐷媽今日都冇食,太飽!❣蔬菜春卷拼菠蘿蛋沙律（$31）佢特別在啲沙律，有６款比我地揀，菠蘿蛋沙律is my favourite～沙律依舊咁大份量，，超足料，又大份，食完好飽，完全唔慳家，驚你食唔飽咁😂食到尾沙律都無出水！春卷都好好食，炸得好！.❣香茅雞翼拼雜果沙律（$31）除左炸雞脾，佢啲雞翼都好正，醃得啱啱好，唔會太咸，又唔會炸到乾柴咁！雜果

我和同事非常喜歡這裡的沙律，以前一般都是叫外賣，現在新舖多了座位，可以堂食，不過午飯時間依然超級多人，等了約半小時才有位。沙律餐只需$33，記得以前只可選一款沙律，但現在可以選雙拼，除了有更多選擇之外，份量亦比以前大得多。沙律共有6款可選，生果亦非常新鮮，這裡還有新鮮果汁。田園沙律拼吞拿魚沙律田園沙律有蕃茄、生菜、青瓜和沙米，配以千島醬，而吞拿魚沙律就有吞拿魚、粟米、火腿和生菜。雜果沙律拼菠蘿粟米蛋沙律雜果沙律有蘋果、蜜桃、粟米和椰果，而菠蘿粟米蛋沙律就是有菠蘿、粟米、青瓜和蛋沙律。橙汁

一到中午呢間就好多人排隊，咁岩同FD係荔枝角食Lunch就黎試下，3個人排左20分鐘到有位，以打工仔時間來講有點耐，但仍然企滿曬等位既人。大部分人黎呢到都係為左食佢既沙律餐，有好多款選擇，我就揀左1、5號的沙律，有好多水果的元素，比較是港式茶餐廳的味道，我好鍾意！ 呢到既牛角包都很鬆脆，十分出色，咬落去有香口的感覺，中間再夾上我愛吃的吞拿魚沙律，完美～唔好以為沙律唔飽肚，事實係呢個50蚊的餐係會食到好飽，次次都食唔曬 XD～

今天去開荔枝角工作，順便食個tea, 行左兩條街，見呢間燈光光猛，新淨整潔，就去試試！ 都唔差，經開荔枝角既食家可以試下。呢間有好多配搭，第一次食要花多少少時間去睇！我點左煙三文魚牛角包🥐，味道唔錯，我理解個包通常翻丁，攞上手表面幾層好易碎，一路食一路跌左好多碎。煙肉西芹薯仔沙律都可以，啖啖薯仔。唯獨是吞拿魚沙律不合格👎。如圖所見，90%係火腿，基乎沒有吞拿魚，對於我來說，呢d加工火腿係超難食，應該改名為「火腿粟米沙律」，其實我已經confirm 過侍應，佢話呢係吞拿魚沙律。整體來說，都會再去食，因為都有好多選擇，價錢大眾化，多沙律，水果選擇，所以都值得再試。希望下次我會畀到好評😀

尋日經開荔枝角，就想起之前試過午餐既開花結果，上次個生果沙律同牛角包給俾我留低好好既印象，大件夾抵食又好味，所以二話不說便入內。叫左個漢堡扒炒蛋公仔麵配奶油豬同茶走, 我諗大概六七分鐘就有野食啦，都好快～ 個餐黎到都surprise左我一下！我無想過炒蛋會咁大份, 又靚又滑，漢堡扒就正常，個麵仲有粟米粒同埋好似係雞湯湯底，唔會好鹹，幾好；而個豬仔就略嫌唔夠脆，奶茶我覺得再濃D就仲好！總闊黎講都好出色，同埋份量好足，價錢又合理。下次再黎試下個All Day Breakfast先😋😋😋

開花結果係荔枝角出名賣沙律嘅食肆，每次都係幫襯沙律餐，今次要來個不一樣！！揀左佢個鮮甜魚湯拉麵系列，金菇肥牛配螺絲粉，加杯熱檸茶，都係$44，都好抵喎！但等左多過20分鐘，係我朋友仔叫嘅餐食完咁際，催左三次單先有得食！頭兩次同一個樓面阿姐採取manage expectation嘅策略指住廚房同我地講:整緊！但佢完全無催過廚房，到最後另一個阿姐先用力追下單先有得食！ 上菜時係冒晒煙，餸好多，湯亦都好濃，味道都唔錯，但咁等法真係咩mood都無，時間有限，打開個口就倒落去！朋友仔叫左我平時叫開嘅沙律餐，蜜桃火腿牛角酥+雜果沙律+菠蘿粟米蛋沙律，加熱飲就$52！佢早過我好多有得食，見到佢食得幾滋味！

去親香工都必去食呢間炸雞肶沙律個肶超juicy 及入味沙律都巧fresh 新店開幕後都幫襯左幾次伙計多左、D姐姐都幾有禮貌座位多左出餐速度快每次食完都巧滿足$36 都扺食讚👍🏻

由佢裝修嘅時候已經有所期待，荔枝角附近實在太少餐廳，而居然依間餐廳有珍珠奶茶系列嘅野飲，好令人驚喜。所以佢開張初期，已經帶嗌咗佢哋外賣，不過淨係飲佢嘅嘢飲，試咗芝麻珍珠奶茶，胚芽珍珠奶茶，朱古力珍珠奶茶。佢啲味道好濃郁，珍珠幾有囗感，都幾彈牙，嗌咗唔使半個鐘就送到黎，不過份量就唔大，對比佢嘅價錢，當過下口癮，佢一杯大概$22。堂食太多人，仲未去試，不過佢d職員都幾有禮貌，地方都叫大，朝早返工時間已經開咗，得閒可以去試下

以前我哋都係叫外賣為主，舊舖執咗之後，好似停咗有一段時間，今次重選地方再開，地方大咗好多，不過幫襯既人一樣咁多，每次都要等10幾分鐘架。門口總是逼滿曬等位既人，眼見員工唔算太多，收銀都一腳踢，完全可以控制住場面，感覺佢好利害，訓練有數既。沙律餐依舊大大份，仲可以㨂兩款，記憶中以前只可以㨂一款，今次我㨂吞拿魚火腿粟米沙律，好足料，另外菠蘿粟米蛋，菠蘿有點出水，但味道清新，兩款完全不同口味，再配煙三文魚香草包，女仕們可能未必食得曬，我就唔浪費打包個包下午茶食。另外咖啡都好濃好得架。同我一樣喜歡咖啡可以考慮。第二次再來幫襯大家都覺得份量少咗，可能怕大家食唔曬浪費。

係佢未搬之前，都有一直幫襯開，舊舖比較細又比較舊，只有幾張檯，經常都大排長龍，後尾見到佢係隔離街開返間舖，舖位仲比以前大好多，新舖座位比以前多好多，裝修屬於簡約文青路線，環境舒適，依然係好多人黎幫襯，食物選擇比以前多，水準依然都係咁好。呢度出名係食沙律，不過今次一於試下其他野。香茅雞翼拉麵，配是日餐湯 $44 – 湯底係羅宋湯底，非常濃味，香茅雞翼好香口，拉麵都唔會太林，爽口的。荔枝角黎講，價錢算正常，都值得推介既。