開花結果 (榮吉工業大廈)

Open Now

Now Closed

好味份量十足，水準穩定，所以我係會再去。我第三次去食下午茶，我唔鐘意排隊等食，我幾次都係差不多5點左右去食，人唔多又食得輕鬆，有時睇開d食評，有人寫話伙計唔理人，但係我都見過有人都唔理有無waiter望到佢照舉手，呢個point真係自己留意下，唔怪得人架。講返正題，開花結果個名幾得意好易記，不過位置都幾難發現，外邊睇唔似係食肆，第一次去會好易錯過。不過去過啱食就會再去，第一、二次都係食薯仔沙律，今次仔細的睇完成本menu ﹐所以同老公食完兩個輕盈的下午茶餐，可以加個menu 有的"開花結果"﹐內容係生果雜錦，雖然生果係屋企食都得，但一次過有5種生果，啱曬我鐘意一次過食幾多款野的性格，仲要好新鮮，我真推介‼ 個包選了黑椒牛肉法包，唔錯。

剛剛踏入五月第三個星期，天氣竟然熱到不似預期。中午時分走在大馬路上，熱騰騰的廢氣由車尾噴灑出來，實在熱得令人崩潰。途經青山道，在酷熱天氣下，竟然排著幾個等位的人士。好奇往餐廳探頭一看，裡面竟然人頭湧湧，讓我馬上要退避三舍。到了黃昏時分，心想這下應該沒那麼多人了吧？記得那時大約6:40分，步入餐廳時看到果然人少了很多，我們向店員示意兩位，他便指示我們到二人座位坐下。過了五分鐘，有位店員過來跟我們說截單時間已到，我們望一下錶，6:45分。我們便問他關門時間，他說7點。我們心想，怪不得人少了那麼多！於是我們逼於無奈快快地點了兩份經典套餐，每份$54。店員很快地把兩份餐送到，很大份，沙律和生果都很新鮮味美。只是在我們進食期間，店員要我們先埋單，另有其他店員在附近做打掃清潔，對於正在進食的顧客而言不是太衛生。於是我們在非常緊張的情況下，狼吞虎嚥整份套餐，完全未有享受到美食的滋味，可惜了。

同太太一同去食早餐，太太餐先到，我那份等得比較耐，太太已用完刀切食物。到我餐來時，那員工無比刀，咁我用太太的刀OK不要緊，我切緊時，那員工才取刀來，我話不用了，我已用太太刀切緊，佢定左幾秒好唔高興掉頭走，跟住估唔到個女員工，大力將那刀掉向個用過餐具膠筒，仲要掉不中，飛落地下全場震撼，真係無眼睇，同老婆快快食完即閃，只可以說無下次呢間野，食物和環境已一般，仲要發脾氣。真係貼錢買難受，激心的服務態度。

2021.04.07 開花結果Training 放break， 想食清淡啲。嗌左個皇牌經典餐，蜜桃火雞牛角包配開花結果同埋吞拿魚沙律。牛角包，切個時keep唔到個型，扁左。蜜桃係罐頭，火雞片幾好。牛角包尚算酥鬆。開花結果係雜果，新鮮水果，唔係浸糖水既罐頭。吞拿魚沙律好多好多火腿，食到最後叉走左好多火腿，食唔落啦。見隔離枱既黑椒牛肉都幾好，下次試下。想飲奇異果汁，點知呀姐話今日冇奇異果汁賣，明明入門口個時有好幾大粒zespri 奇異果，menu有，點解唔賣比我？開花結果沙律又唔見有奇異果...擺設黎？改叫左甘荀汁，堅係鮮榨，淡淡都食到甘荀蓉甘...第一次飲甘荀汁，好‘清新’既味道。

開花結果的沙律餐超好味，但今日想食熱野，叫了蕃茄濃湯麵。餐湯就羅宋湯，即管試下有乜分別。羅宋湯都好味，分別是有椰菜和有d肉味。蕃茄濃湯質地幾好，但蕃茄味不算太突出，烏冬就幾好。碗麵好大碗。果汁同珍珠奶茶，朋友都話好飲，而且好大杯，搞到我都好想試下。特別一讚是侍應服務很好，都會望到你想找人俾水，飲唔哂咖啡又問你是否唔好飲，大家都食得好開心。沙律餐係皇牌，唔係細細份又係大大份，食到好飽食唔哂，一定要食。

開花結果以前成日係石蔭果度食以前係一間小小的店 估唔到宜家開到荔枝角都有新店仲好大間好光好驚喜可以係荔枝角都食到通常我都係叫佢個沙拉SET我會叫個煙牛肉法包之後再加薯仔沙拉同田園沙拉D Salad very fresh ,50蚊內都好抵食因為係香港食Salad都係偏貴既CP值都好高

呢間位於荔枝角青山道608號榮吉工業大廈B座2A舖，店名叫開花結果，見店名甘突別，入去試試，第一次入到去，場面好壯觀，係好多人等位，我唔理照等，其實流量好快，一搬等5-10分鐘就可以入坐，一睇餐牌王牌一定係沙律餐，其次是蕃茄湯底及魚湯湯底嘅粉麵，呢間餐廳種類繁多，所以最近做左我午餐嘅飯堂，一於每天試唔同嘅款式，每種食物都好味，份量亦夠飽，呢幾日我分別試左菠蘿粟米蛋沙律拼煙肉西芹薯仔沙律跟煙三魚牛角包、斧頭豬扒伴青檸燒汁跟焗薯、雞扒特農蕃茄湯螺絲粉、鑊仔牛柳跟螺絲粉、墨魚卷魚湯烏冬，每款午餐都可以好多種唔同配搭，總之日日食都唔厭，好好味，價錢算是平，一搬不用60蚊，環境整齊、乾淨，坐得舒服。

是日參加比賽鬥快，力量用盡要補油。經過新年啖啖肉，對五穀濃味都沒有興趣，這里沙律餐選擇豐富，用料新鮮，味道正...正...正呀！天氣暖，飽肚又開胃，我的餐圖杯奶茶就一般般啦，可以再有進步😅😅

星期一晏晝去荔枝角行吓街，就去食之前都有試過既開花結果🤔叫返佢最出名既炸雞髀配薯條，薯條熱辣辣，係脆既，但幾鹹，好似用咗幾多五香粉咁，鍾意濃味啲嘅應該啱食啲🤣炸雞髀就好好食，唔會好肥好多油。仲嗌左法式西多士，可以自己加牛油同埋蜜糖，我就加少少好了，費事太肥🤣入面有花生餡，幾好食😋嘢飲買咗鮮榨橙汁、鮮榨蘋果汁同珍珠奶茶。珍珠奶茶冇講甜度但都唔會太甜，珍珠都夠多。鮮榨果汁就好好飲既，配炸嘢食幾好😙

我很喜歡 "沙爹牛肉麵 或 沙爹牛肉抄麵" 之類的東西，所以會周圍去試一試。今天早上 (Sat.) 16 Jan 2021, 在 茘枝角 "開花結果" 餐廳試試沙爹牛肉麵 早餐。牛肉很入味，沙爹汁很濃，湯底是用鷄湯，並不是出前一丁的鷄粉加麻油，麵質很爽滑及新鮮。這個寒冷的冬天吃了後，特別起勁！！

今天 (Wed.) 16 Dec 2020 的早上，老板娘推介了 "流心蛋海鮮燻肉焗飯" 。首先，我一定問老板娘有否魚在飯內，因我自小最怕魚骨，她稱沒有魚的成份，只是墨魚，蟹柳，流心蛋，蝦.... 加汁焗飯。食後，發覺 d 蝦好鬼大隻及彈牙，D 汁亦非常入味。懶惰的我，最怕用手 met 蝦，這樣最啱晒我習慣。今天香港温度只有 13 ~ 17 度, 吃焗飯真的有很温暖的感覺。不過，記住午餐時段，開花結果餐廳好多人，你可以選擇外賣亦可。謝謝你，老板娘的推介。

有時食滯左，唔想食得太多嘅時候，開花結果就係我嘅選擇。佢最出名嘅係大大碟鮮果沙律！（其實沙律係有得俾你揀嘅，真係食沙律可以食飽）之前試過牛角包覺得比較鬆散，今次叫咗個火雞蜜桃豬仔法包配吞拿魚火腿粟米沙律同埋菠蘿粟米蛋沙律！睇相你已經覺得份量好驚人，但當佢送上枱面嘅時候，真係會令人打左個突，餐廳完全唔吝嗇，我記得我當日食完全部沙律之後個包都食唔晒呀！跟餐仲有杯嘢飲添。朋友叫咗一個焗豬扒飯，佢都表示相當滿意，豬扒大大件，蕃茄醬汁滿瀉！入邊仲有幾件菠蘿好爽口添！

吓！午餐送斧頭？！今天吃完早餐後，便預訂午餐。起初，看到 "斧頭豬扒"？有冇咁誇張呀！於是又請教老板娘，她稱這些斧頭豬扒，為了滿足客人要求，所以訂番來的。來貨價錢並不便宜。於是試下.....嘩！好誇張，真的像一把斧頭，足足長 10 吋，及非常入味！！謝謝老板娘推介！！

去完D2市集，一丁友想食少少野再去九龍灣國際展貿中心行另一個展。本來諗住食沙律Tea會係輕食，點解份量超晒班，當Lunch食完全係無問題👍🏻佢除咗雜果沙律，仲有好多唔同嘅沙律揀㗎，下次再試其他！雜果沙律嘅生果超新鮮，好好食，好爽！👍🏻

【 工廠區的推介沙律 】過左長沙灣荔枝角的工廠區做小小野，到左LUNCH TIME就開始上網搵下附近有咩好野食啦。今日唔太想食飯同麵，搵到有一間食沙律好出名的店：開花結果。見網上介紹佢的沙律款式好多，而且好多人推介，見唔係咁遠就行去試下。原來呢度出名的沙律餐係可以俾客人自選不同的餡料配搭，可以選擇田園沙律，薯仔沙律，菠蘿粟米蛋沙律，水果或西芹沙律等，好多款式。又可以配唔同的包，有白麵包，麥包和牛角包等。我點了一份牛角酥，吞拿魚沙律和菠蘿粟米蛋沙律，凍奶茶，大大碟，沙律份量十足，都只是$55，好抵食！牛角酥超級酥脆，勁好味！吞拿魚沙律和菠蘿粟米蛋沙律的配搭和醬汁整得啱啱好，會令人想食完一啖又一啖，係一個健康又有營養的LUNCH好選擇！