海福Special

Open Now

Now Closed

Located in the E plaza in #KwunTong, Hoi Fook Special is one of those local joints that are super discreet but super good. The beef rice is priced at a whooping 77, and yet it's well wortg it as it comes in the soup with some Chinese goodies, giseng, red dates, huaishan, medlar just to name a few. The taste is great as well. I am only allowing myself to eat beef occasionally, but this is a good reason to break my rule.

晚上仍然要工作，所以找同事到觀塘附近醫肚，最後到了東廣場這間吃藥膳牛店舖幫襯。我點了一個沙嗲牛肉米線，一個牛肚米線加一個腩汁蘿蔔。沙嗲牛肉米線未到正常，不過不失，跟周邊茶記吃到的味道差不多，牛肉也不見得太過特別，牛肚米線的牛肚也跟出面車仔麵店鋪吃到的沒有分別，湯底也是普通清湯底，腩汁蘿蔔的蘿蔔也不見得很入味，有多件蘿蔔有很多渣，這是我在車仔麵店舖吃的蘿蔔中都不會發生，這是很低級的錯誤。但在性價比方面，都是$110內搞掂，加上味道整體評分都有65分，以這個價錢來說都可以接受。但在收銀方面，他們採取落單先收錢的方式，我對這個方式都沒有議意，但他們落單收錢後，都沒有給我一張落單的收據，所以整體來說，如果我叫得太多食物的話，有一兩個菜漏咗單，或者之前叫咗嘢嚟錯左，都幾難同佢地有爭拗。如果大家有意要幫襯就要小心。

東廣場出名多嘢食 唔知食咩而又唔想食西餐 可以試試海福！海福應該喺大家腦中都有印象 啲麵食係出名嘅 要比較高低 一於食個牛腩麵！我喺下午茶時段黎 所以有一杯豆漿送嘅（量就唔多喇🙈）麵嘅份量一般 都係夠下午茶食 至於牛腩就十分夠味道 肉地都好好！ 咬落有啲腩汁點綴下🤤

再次一個人來到"海福"吃東西。今次來的目標，是為了一嚐這裡的藥膳清湯腩以及蔥油拌麵線....問落單阿姐今天晚上有沒有爽腩。她很爽快地道 : "有"....小弟當然亦絕不錯過，馬上先來一碗....所謂的藥膳湯，裡頭放足了沙參、玉竹、杞子、紅棗及黨參等材料，入口味甘中帶肉的甜，非常的足料....至於那好幾片爽腩，筋膜與瘦肉層層相疊，煞是好看。咬將下去的確夠爽，除筋膜之外就連瘦肉部份的質地都是彈牙的，絕對是揀手的好貨色....更讓我驚訝是，就連一碟簡簡單單的蔥油拌麵線也做得極好....麵線處理得具咬勁，一口咬下帶齦勁但又不會太硬；蔥有被炸香炸過但又不見有焦苦味跑出來，入口亦沒覺十分油膩，實在出色....吃出個癮頭來，隔多一星期又來。吃過名物牛腩後，今次試一下茄牛湯飯....茄湯味很自然，基本是沒有下茄膏一類的人工嘢。碗內佔了一半是煲至半溶的新鮮蕃茄，湯滿是源自蕃茄的天然酸味，很討好....但缺點是牛肉似乎軟滑得有點不太自然，而且肉味淡泊.....所以下次如要重臨的話，還是獨沽一味只吃爽腩好了....

一向都有光顧開堂食或外賣，都ok好食，但今日買藥膳崩沙腩外賣，回家一打開，我即媽聲四起，呢d係崩沙腩？舊舊都係實的肥膏加少少柴皮的肉，攪錯呀，係切錯定唔老實？我專程坐車去買，唔通坐返車落去同佢講咩？講咗肯換我都無運行啦，唔洗再光顧啦！

自己好鐘意食牛，靚既牛真係好香好好食，所以選擇左東廣場入面間海福。自己在觀塘工作，lunch time 1點-2點多數都幾難搵位，所以多數食1點半-2點半，或者2點-3點。果日就係食2點，唔洗等位，一入就坐底、點菜。叫左碗牛坑腩米粉，咁岩師傅比左碗半肥瘦我，食牛腩、坑腩，最好食就係半肥瘦，唔會太肥膩，又唔會太韌。d 坑腩切到一磚一磚，正方形咁，唔會太大，口感一流，很香牛味，一啖牛，一啖湯，一啖米粉，口感十分配合，可見到師傅既用心。很簡單，約$50，但很滿足的午餐。雖然店面積不大，因為小店關係，亦唔會有太多既裝潢，但盡見師傅對牛的用心，翻開menu, 見到曾有藝人食完後，在facebook 打卡大讚，說是香港人的牛腩。另外，餐廳更有賣藥膳清湯腩、粥、湯飯、生滾湯、飯類等等，總有一種岩你胃口。

呢間海福係有好多好嘢食嘅觀塘東廣場入面，上次試過佢個花椒蕃茄雞湯，覺得都唔錯，所以今次帶埋朋友嚟試，點之其他嘢都好劣，由其是係我嗌個個沙嗲牛撈麵，一上檯個刻真係嚇親，成pat啡色嘢，食慾已減半，好啦，都照試啦，啲牛係勁乾，好似湯渣咁嘅牛肉絲，個醬又勁咸，估佢唔到，真係連三分一都食唔到。。。

識食友人話唔識東廣場唔好話自己黎過觀塘，講到咁巴閉，真係要去下東廣場搵食。呢日放工，識食友人就牽著我同另一友人的小手黎搵食。佢介紹話呢間嘅生滾粥好食，由於本人唔係幾食粥同埋驚唔夠飽，就叫左牛腩撈麵。識食友人就叫左沙嗲手撕牛肉撈麵，而另一友人就叫左牛腩河。呢碟沙嗲牛撈麵一上我地已經嘩嘩聲，皆因佢嘅賣相唔討好，好似啲核突野。識食友人試左幾啖已經停哂手，佢話好咸，同埋個賣相令佢唔係好想食。我試左啖，真係幾咸。諗住飲啖湯沖下個口，點知個湯都係咸嘅.......到我碟牛腩撈麵，我覺得幾好味嘅，相比個沙嗲牛撈麵。成排牛腩係幾抵食嘅，加啲醋落個麵度更加醒胃。友人話呢碗牛腩河好一般，我試左啖，個河粉唔滑同個湯唔得。得啲牛腩食得落肚......講真，都幾失望。今次識食友人個搵食雷達失靈，希望下次用得返。

呢間嘅牛腩牛什飯，已經成為每星期總有一次嘅午餐。😋觀塘lunch time真係好多人👨‍👩‍👧‍👦👨‍👩‍👦‍👦👩‍👩‍👦‍👦👩‍👩‍👧‍👦，茶餐廳已經唔平，起碼$40幾，$50。仲要一係唔太好食，一係就食唔飽！呢間可以多飯，多腩汁，必飽！👍🏻牛腩/牛什都唔錯，雙併加埋凍飲，齊頭$60。唔算好平，但包你滿足。當然位就迫dd，但勝在侍應們（即係d阿靚姐）有人情味，可以要多飯，多汁，瘦腩，半肥瘦腩。當然仲有其他野食，例如招牌嘅「藥膳清湯腩」，不過好似貴dd，我慳家，就少dd叫，女仕可試試。

其實已經吾係第一次食，第一次試佢既湯爽腩飯，湯飲落就覺係好足料去煲，有點藥材味，感覺好養身，似屋企呀媽煲既靚湯，而腩好重牛味，肉軟吾韌，一啖飯一啖湯一啖牛，好正🤣🤣🤣🤣今次同朋友又黎，佢食腩河，我叫蠔仔湯飯，之前見人地食好足料好好味咁，所以忍口吾點腩飯😂午膳黎都較多人，但上餐都算快～而且呢到既姐姐服務員都好nice，😁好似反左屋企咁😂佢個蠔仔湯飯果然冇令我失望，料非常足，有大量蠔仔、芫茜、芹菜，健康一餐～食到好飽好味～總之呢間就係好食，所以要出個post讚下佢！😁😁

觀塘區這幾年間變成了飲食天堂相信係呢區返工的也有同感！其中一間竟然有現今香港少見的美味 ...牛沙瓜 ！！呢間唔單止日日有牛沙瓜供應仲可配藥膳湯配麵或粉仲同你加勺腩汁有誠意 此餐的牛沙瓜較薄切但亦有其比牛肚更好的嚼頭藥膳湯味算濃藥味接受到只是價錢其實在工商區來說貴了一點 這店的觀塘廣場原店更有配沙嗲湯底呢！不過這個吃的有點膩幸而這邊的牛沙瓜是較厚切很有咬口 * * * * * * * * 牛沙瓜每次我點來吃也給其他食客投以奇異目光 原因不用多說 未聽過嘛 ！查實牛沙瓜和牛肚一樣也是牛的四個胃之一也是往日吃牛雜麵時必給你２嚿的 "雜"！如今幾乎無人知它的存在據老饕所說原因就是只有新鮮牛雜才配給到牛沙瓜急凍貨的大多沒給配這供應量少的美食！所以你懂的 ... 終於明白為何很多牛雜店均沒此 "瓜"就算有也可能像中環水記不知何日才有兩碗咁大把嘅供應( 我曾連續三個月問過此店均說無貨！)幸好這 "懷舊" 珍寶正 surprisingly 隱藏在工廠區！不過因供應量少通常午市一時後沽清想食趁早到這不起眼的地方啦

今日腸胃唔好去左食個粥，見觀塘有專食藥膳牛肉既店有粥 就入去trytry一坐低就即刻問你要食咩，不斷係你身邊轉，諗左諗點左個牛肉粥，想叫比多杯水送藥即時粗聲話冇水，平時入粥店都知未必一定有水，但係當佢個粥黎果陣仲要重重咁放低，整左少少落我條褲上面，真係食咩都冇味😞.味道果面，粥底唔綿同唔滑，牛肉頗老，咬得好辛苦，歡迎鐘意同錢買難受既客去挑戰，有潛力成為西九明將後結拜既好地方🤢.注：聽到隔離台客食藥膳牛肉麵話完全無味😑.地址：海福Special (觀塘)觀塘成業街7號東廣場G16-17號舖幸福指數：3.5/10 （服務態度直追澳牛）

食健康一啲, 個人都和善啲!! 好啦~ 當我從遠處見到佢大大張寫住 "藥膳清湯腩" 之後我經已決定好!睇睇餐牌, 原來仲可以揀配咩肉㗎.藥膳清湯牛腩, 唔該~ 牛腩味道唔錯, 仲贈送啲豬肉.  而藥膳味道唔算太重, 不過不失.至於配既粉麵或飯都係另上, 我就揀咗米線啦, 仲有兩條菜送添~ 對於間唔時想健康一下可以考慮考慮! 差啲唔記得講, 跟餐加咗杯熱豆漿, 好似係加$5, 暖暖地唔太甜, 叫埋都唔錯.

聽同事講呢度有間藥膳米線，好似幾特別咁，所以lunch同同事嚟食，點知都好多人下。等左都有幾個字先坐得低，因為眼見出菜都有少少慢。我叫咗個藥膳牛腩米線加豆漿，啲牛腩係好瘦嘅，不過有啲un有啲難咬開。不過想講佢個湯係幾足料! 有党参，杞子，淮山，果皮，蘿白，我剩係識咁多個蘿白好入味又好甜，個湯超似媽媽煲嘅湯，好濃亦好大碗!不過個米線就有少少凍同唔係好夾，因為佢個底仲有少少牛腩汁，令到浸湯食起時又有腩汁又有湯味，有少少怪。整體上都係個新嘗試，都ok既!