海記合桃坊甜品 (Closed)

在太子吃過幾次海記，甜品款式多，地方企理，價錢不貴。所以，對海記的印象不錯。九龍城食肆多，甜品店也多。今天想吃甜品下午茶，還未想到哪間，發現九龍城都有海記，所以就試新店。新店座位疏落，乾淨企理，樓底高，還有個小天井，感覺舒服。我點了合桃露沙沙。合桃露濃稠而足料，不太甜。｢沙沙｣是炒香了的碎合桃。露滑沙脆，口感豐富！然而，合桃露是海記招牌甜品，味道不錯；論個人口味，還是覺得九龍城｢地×館｣的合桃露較好味。我三心二意，還想吃雪糕類甜品，所以，Honey選了雪糕Brownie，我就可試兩款了。賣相很吸引！忙了一天，下班吃精致的甜品，減壓…但增磅

打完邊爐，可能太早，成間鋪頭得我地兩個。點了熱合桃豆腐花，但⋯唔熱囉，最討厭呢種唔凍又唔熱既溫度，立即唔想食朋友點了菠蘿冰豆腐花，評語係⋯中伏，下次唔會再試新野，都係食番合桃糊算數

之前返工，老闆娘外賣左一碗合桃糊返黎。雖然係微溫狀態但已經一試難忘，佢既合桃碎仲係另外搵個袋仔幫你入住。今日行到分店前面，突然間勾起味蕾上既回憶，即刻入去整返個堂食先😌原來堂食既合桃碎鋪面係咁壯觀咖😍😍又香又滑，我想再黎多碗啊😛唔該🤣

下午茶時段.人少少,見門口有特價甜品,要試試。綠豆沙特價味道出奇地好,綠豆及嗅草味都重!特價冇慳左,真材實料.有良心! 竽圓有味,唔同色味道不一, 有咬口,唔係只食粉團。紫薯味比想像中重。四人食三碗,夠哂數!

這晚一行六人去完吃完泰國菜，當然 要找甜品吃才能滿足地回家。吃完泰國菜在同一條街看見有這間海記甜品，門口推廣是日優惠: 紅豆沙豆腐花 ~14蚊。 因為我們主要是想吃中式糖水，看見也有不少選擇於是便決定光顧這裏。餐牌上有不少中式和西式糖水，主打"沙沙合桃糊 "和"紫薯手打芋圓"， 但各人都非常之飽所以沒有選擇。我選擇了"杏仁雪耳蓮子"， 第一口吃下去杏仁味非常突出，隨後卻覺得偏甜，蓮子也不鬆化，非常硬實。"大良燉鮮奶" 味道不是太甜 ，比起順德的水牛奶這個是比較杰身的。"蓮子燉蛋白"都不錯，不過都是把蓮子舖在燉蛋上。也叫了綠茶雪糕配紅豆。 綠茶味雪糕不是太甜，其餘配料也很標準 ，不過不失。芝麻湯圓嘅糯米好像有點煮不透唔煙韌。 總括來說這裡中西式甜品選擇非常多，環境比較闊落不像其它甜品舖非常擠迫。 定價也適中。

第二次幫襯， 叫咗個紫薯竽圓凍豆腐花。 番薯好好味，凍豆腐花也滑，但奇怪是芋圓是熱的， 又凍又熱 😅朋友叫咗個紫薯芋圓紅豆沙，點知送上來是紫薯芋圓蕃薯糖水😖， 哥哥即刻話我冇落錯單㗎， 跟住就走返入廚房， 換過碗出嚟😥另一怪事， 侍應哥哥倒瀉咗盒膠匙，當時得我們一枱客，見他齊齊整整執起地上的膠匙， 走向後， 跟住放番入個盒裏面 😨到埋單結帳$48， 我比$500，吓，冇得找。咁， 比$100佢，見他走去廚房問，跟住手拿一叠$20。。跟住佢想比$62我，😒我話$52呀！ 😔 都吾知再來否?!

紫薯潮同芋圓潮從來無退減過之前已經係網上見到呢間既紫薯芋圓甜品相好吸引 所以同朋友黎試首先 講個芋圓 講真 芋圓其實好難會難食我唔知佢會唔會咁岩今日質素差左定點芋圓唔算煙韌 有d硬身 同埋係無咩味兩個分別唔同既糖水底都有同一個問題就係太甜! 唯一可以接受既係個紫薯蓉 算係真係有紫薯味又唔會太甜同朋友都滿心歡喜黎食芋圓 我地好鍾意芋圓但係太失望啦 最後都食唔到成碗最多食晒個紫薯蓉就算影相呃like係真係靚既 但食落就真係伏既

為咗彌補晚餐既不忿，同埋要填補返心靈上既空虛💕咁就梗係要食返個糖水甜品補數啦啦啦啦啦😎✨椰皇燉鮮奶($35)：呢個正呀喂😁滑嘟嘟，奶味重仲有淡淡既椰子香😌但要扣分位就係椰肉比較老😩✨沙沙合桃糊($23)：有粒粒合桃喺上面增加口感♨價錢合理，唔錯唔錯😚😚

應該貶自己跟不上潮流，總是慢人一拍；還是褒揚不隨波逐流，只跟隨自己心意？ 激烈火鍋夜，為著飯後甜品來到海記，既為「合桃坊」，核桃甜品當然最為保險 但最近見芋圓掘起，店家則以此聯合紫薯熱潮，推出了一系列紫薯芋圓配搭 在Facebook及Instagram等網絡平台上瘋傳不在話下，連身邊的友人也紛紛響應 加上已經嚐過其核桃糊出品，來點新意，或者是破地獄，應該幾好玩 九龍城分店店面算大，不過人手明顯不足，只見一位男士疲於奔命的樣子 我們剛好坐在廚房對出的圓枱位，眺望進去，僅有一位呀姨忙著製作甜品 店內沒有多少食客，大概三分一滿，大部分都嗌外賣，門外聚集了約十人 我們選了一會便打算下單，怎料叫喚三四次都只得到點頭示意 其後有一兩枱客進店打算下單都失敗而回，也有的看了兩眼就過門不入，Balking, Reneging 若求保險安全度過甜品時間，仍可以點腐竹糖水和黑芝麻豆花等在舒適圈中的款式 紫薯蓉芋圓西米露 $26賣相看圖自己判斷，在此就不想多講 芋圓、蕃薯圓及紫薯圓量甚多，粒粒軟彈，煙韌富糯感，不過味道偏淡不分明 紫薯蓉大球紥實無花假，不會太甜太膩口，可惜青味重，寧願不加 至於西米露稀身

綠豆有綠豆沙，紅豆有紅豆沙，估唔到有合桃沙....食開九龍城，搵糖水舖搵到去海記合桃坊，貪呢度食得夠平，坐得鬆動甜品既種類幾多，但唔係新式既生果甜品，而係中式既，同埋綠茶，雪糕類既甜品沙沙合核糊面舖左好多粒粒合桃碎，脆卜卜，而且糊好滑好香，唔太甜，鐘意食合桃既我覺得好夾，一啖糊連合桃，而且熱辣辣，係冬天食真係食到人好暖食完再望下menu, 先知原來合桃有咁多好處。總括黎講，味道 環境都唔錯，而且價錢大眾化，不過地點有啲唔就腳，但都值得行過黎食

自從吃過深水埗某間甜品店的芋圓之後，我對芋圓已經有份情義結；你可能覺得有無咁誇張呢？是夜相約朋友到九龍城吃飯，如果你知道此𥚃最多甜品店林立，由傳統到新潮應有盡有，但今晚我決定選擇「海記」。手工系列·芋圓篇，紫薯蓉芋圓西米露呢度既芋圓係幾煙韌同唔錯，紫薯不太甜配上椰香及粒粒精瑩通透西米露，以$26來說都算經濟又實惠。另一款甜品以番薯湯水併芋圓，芋圓的煙靭與番薯的軟淋恰到好處。最特別是糖水熱騰騰還有薑味十足，完全令人吃過後暖笠笠。薑味薑得帶辣，確實非常少有之作。除左芋圓之外，此店周圍都貼有「椰青水」莫非真的好好飲嗎？$7這個價錢真的很抵，奈何是日已經沽清唯有下次再重來吧！

咩叫青春？咩叫甜品黑洞？咩叫任性？就係同您同好友係銅鑼灣食完晚餐加甜品，大叫好飽，然後再搭過海巴士去九龍城既甜品囉無計，癮起上黎就係咁紫薯蓉芋圓配香芋雪樂冰 $34成日見instagram好多人推介呢到既最新紫薯系列，無理由唔叫黎試，除左配冰，仲可以西米路同豆腐花等等，全部廿幾蚊都幾平，呢個冰已經係最貴，芋圓無想像中煙韌偏硬實，反而估佢唔到個冰內藏芋頭粒粒，成個甜品最欣賞係紫薯球，真得黎又唔過甜，無果種人工添加甜到反白眼既甜，食出淡淡既天然甜，真係唔錯唔錯！！合桃糊$23聽講呢個又係招牌一於叫黎試試，由於朋友唔想食合桃粒但我又中意食，所以叫佢分開上亦得 得左果然係招牌，啖啖都食出合桃既香，而呢種濃稠度亦正正恰到好處，糊最忌太漏但呢到唔會，亦無過甜，呢個價錢好抵！芝麻糊呢個無影相，朋友食的我又痴左幾啖，本身諗住佢合桃糊咁好食芝麻糊都一樣咁好食，點知原來唔係個芝麻糊係好稀，比起合桃糊完全兩回事！仲要好淡口，可能因為收鋪所以咁？

After a big hotpot feast, we come to this dessert place which is just several blocks away on the same street. As the name suggested, Hoi Kee Walnut Place is recognized for their walnut dessert because they put crushed walnut on top of their walnut sweet soup, which is pretty unusual from other dessert place. Following the trend, they have recently introduced a purple sweet potato and taro series, including handmade purple sweet potato balls, taro balls and sweet potato puree that come in differe

星期日晚去食糖水，人不多，但侍應們做個不停，沒特別招呼。點了招牌粒粒合桃糊，足料，不膩，甜度適中，不俗。再點了腐竹薏米糖水，中了伏：1. 腐竹味道不太新鮮2. 吃了大半碗，竟發現相中的......胃口大倒。寄望注意衛生。

This spot used to be some other dessert shop but I can't remember what.Anyway, I used to go to Hoi kee for the Hot grounded Pistachio paste which is now discontinued.They had a new purple potato series so went in for that.I was contemplating between the Mashed purple sweet potato and taro with herbal jelly in coconut soup or the Mashed purple sweet potato and taro with sago in coconut soup.In the end I got the one with herbal jelly because I love herbal jelly but it turned out to be a very wrong