海記合桃坊甜品

Open Now

Now Closed

今日經過太子，好想食甜品，然後就入咗呢間甜品店，見到佢嘅餐牌招牌甜品係沙沙合桃糊，當然要試一試啦！食落甜味剛剛好，對於我唔太喜歡太甜的人非常滿意，合桃糊上仲有好多合桃粒，果然係招牌甜品。但另外要提一提洗手間非常污糟。

旺角好似無咩中式糖水鋪，行過見到好似好專業咁，所以入去一試。用膠碗同紙碗上碟，都已經知道唔可以好有要求😅紅豆燉奶，個奶唔算好滑，下面燉奶好熱會燙手，但上面紅豆好大粒，但好硬，又唔算好熱。紅綠燈加湯圓，見到個名幾得意所以變咗🤣係冰火交融嘅組合，裡面咩都有，紅豆，綠茶雪糕，西米露，湯圓係芝麻口味，一次可以滿足多個願望🥰 不過食的時候都要注意下，因為好熱 所以雪糕好快熔，而且雪糕唔算好重綠茶味😅一入去就催要落單 食完即收碗 食得有啲趕

朋友想吃点夜宵再回家，正好路过这里，就火速进店安排了一波，这家店的甜品整体来看，个人觉得少了一些雪糕类或是冰沙类的东东，于是我要了黑芝麻糊，朋友分别点了图中其他两样，我的黑芝麻糊非常热，因为比较浓稠凉得很慢，导致我吃了很久。

第一次食海記招牌沙沙合核糊$27😍真係唔錯，香甜幼滑，甜度剛剛好，外賣配一包炒香左既合桃碎，香脆可口，好好味😋之前都食過海記芋圓糖水覺得一般般，原來佢中式糖水好食好多😆

同朋友係附近食飽飯，當然仲有第二個胃再去食多碗糖水，係谷哥搜尋🔍附近糖水舖，發現呢間「海記合桃坊甜品」，主打芋圓同中式糖水。最吸引一定係紫得好治癒的芋圓，芋圓咋喳(HKD 34): 把各種豆類如紅豆、綠豆、眉豆、紅腰豆、三角豆等，再加入芋頭、西米、椰漿和淡奶，口感好豐富，芋圓好夠煙韌，有齊三色圓 分別是芋頭，地瓜、紫薯🍠，味道出色，食到原材料味道，真材實料又吾厚粉，食完都好飽。紫薯香芋雪樂冰芋圓紫米露（HKD 36):紫米露好濃稠，比較黏口，雪樂冰好夠香芋同紫薯味，好出色，芋圓都好有口感，煙煙韌韌。總結：價錢合宜 去開附近會再回顧

用咗OpenRice 咁耐，真係未試過有一間餐廳差到我要上嚟寫成食評。放工心情好，食完飯一心同男友去食糖水。男友叫咗楊枝甘露涼粉，我諗住嗌杏汁蓮子燉雪耳，佢話無之後就話「有xxxx 」我聽唔到，「吓」左聲，諗住佢會講多一次點知佢超大聲喝我「得木瓜燉蛋」我當下個心真係嚇左一跳，然後得啖笑，唔知佢咁大聲做乜呢？首先服務負分，其次表達都負分。咩叫木瓜燉蛋呢？加上你係冇蓮子啊，你係冇椰汁吖，定係冇雪耳呀？服務員詞不達意，態度凶狠，男友嘅楊枝甘露亦未見好有水準。最惡劣嘅服務態度，去搭麻麻哋嘅食物。咁嘅價錢，咁嘅服務，我寧願去澳牛，啲嘢都話好食d啊。咁惡，所以我最尾乜都冇嗌，嚇到同嬲到食唔落，點知佢會唔會落嘢架？希望睇緊呢篇食評嘅你哋比我聰明識揀，唔會再有人好似我咁，乜都冇食，已經一肚氣。如果呢間餐廳睇到，希望你明白你咁樣鬧人真係會令自己少咗生意，希望你仲睇到啦下。

海記出名就係合桃糊加埋合桃粒粒✨✨，合桃糊煮得杰撻撻好香合桃味，再加埋合桃粒粒增加口感，係完美嘅配搭✨✨😍😍(*≧ω≦)至於桑寄生蓮子蛋茶，✨✨😆有好多蓮子好足料✨👍🏻，好味又岩哂養生！✨

📍太子附近真係冇咩糖水店 食完飯想搵間糖水舖 又唔想行咁遠 可以過嚟試下呢間傳統老店太子都有兩間分店除咗中式糖水之外 都仲有好多選擇 有芋圓紫薯系列🌀 紫霞仙子其實主要係俾糖水上面嘅雪米糍吸引到🙈🙈底部係份量超多嘅紫米露然後加上白玉丸子 仲有埋生果當然我覺得最吸引嘅係上面嘅芋頭雪米糍👅咁嘅價錢 的而且確好抵食

跟住食飽飯之後就行咗一陣，最後行到去太子太子的附近既糖水鋪唔使諗一定係海記，因為而家得返冇幾多糖水鋪喺太子，如果要食啲新啲嘅或者要行返去酒吧街或者再遠少少，所以就嚟到呢間海記直情喺中心位呀，我join咗兩個friend四個人咁我自己就飲桑寄生紅棗茶熱嘅另外個friend就嗌過紫米煉奶，另一個呢就好似嗌個雪糕奶凍配香蕉呀呢間鋪頭嘅特色呢我覺得都係有少少自助feel，因為啲嘢係自己揼嘅，而且佢而家係用啲即棄嘅餐具好似比較為生，或者佢哋人手都少啲啦懶得清洗，價錢總括嚟講我都覺得算係平嘅所以可以再試

食完飯出黎見到呢間野啲相好似幾好，近近地入左去試叫左碗腐竹雞蛋糖水，楊枝金露，薑汁燉奶，蕃薯芋圓朋友食食下楊枝金露見到有隻蚊蟲仔，叫呀姐換，呀姐啲態度已經開始黑面跟住食食下腐竹糖水又有一隻！叫返同一個呀姐換，黑面黑到，仲問我係唔係啱啱飛落去，what!?換左個燉鮮奶同芒果腸粉，諗住固體無咁伏，個腸粉有兩條，食到一半見到隔離個條，腸粉嘅中間有一粒好細粒嘅蟲仔爬緊...因為太細粒，真係去到中間先見到，好彩佢未死，佢唔爬都見唔到，差啲食左落肚...忍唔住叫呀姐取消左佢，佢仲話要問下先但係重頭到尾，有3樣甜品都係有蟲，一聲唔好意思都無，仲黑口黑面問返你係唔係飛落去。重點係啲野好難食，個燉奶食左一啖就無再食，一啲奶味都無，朋友嘅薑汁奶得啲薑味，芋圓係未食過咁難食唔明點解仲有人入去食😂

很喜歡吃海記合桃坊甜品， 有幾間分店， 今次到位於太子西洋菜南街212號地下。點了兩碗糖水，綠豆沙和芝麻糊， 然後再外賣芒果腸粉。😚綠豆沙煲到有起沙口感， 加上臭草的獨特香味， 綠豆沙味道清甜😋。 芝麻糊香甜，口感滑順又美味，正！ 芒果腸粉光滑的外皮，捲着新鮮甜美的芒果，入口非常爽滑彈牙又滋味。👍🏻👍🏻海記甜品性價比高， 款式種類多， 價錢相宜， 真材實料， 每次經過附近必食的。🉐👍🏻🉐海記合桃坊甜品地址: 太子西洋菜南街212號地下

食完晚飯, 又到買甜品返屋企食既時間, 咁啱就有間甜品店開係晚飯位置附近 - 海記合桃坊甜品。呢間甜品店我記得1, 2年前有幫襯過一次佢地既蓮子燉鮮奶。但無咩印象食物味道如何, 應該表現正常卦。因為近排天氣涼涼地, 心裡面已經決定左要食D暖胃既糖水。燉木瓜同蕃薯糖水之間既選擇, 其實大多數我都係會揀蕃薯糖水既, 因為好多時甜品店所供應的燉木瓜都有我唔鍾意食既雪耳。其實就咁冰糖燉木瓜都幾好吖。因為咁, 我最後叫左一碗紫薯芋圓蕃薯糖水。紫薯芋圓蕃薯糖水 - 非常足料, 蕃薯勁大塊, 仲要煮得好味, 又甜又淋。紫薯芋圓口感煙韌軟糯但可惜沒有紫薯味。仲有就係個糖水太甜, 不過因為係帶返屋企食, 我自行加熱水落碗糖水度, 份量足夠成為我兩日既飯後甜品。不過就只係當佢蕃薯糖水咁食, 當D紫薯芋圓無到。

在旺角看完戲，午餐還未有消化，還吃不落晚餐，那只好放棄直接來吃點甜品。來到了花園街附近這家海記。因為時間尚早，人未算很多。海記很久之前吃過一次，他家的芋圓也十分不錯。不過這次我點了冰花燉蛋加蓮子，朋友則試了我的推介，選了紫薯香芋雪樂冰芋圓紫米露。甜品很快到了，我的燉蛋熱辣辣，甜度不錯，蛋味濃郁而且滑嘟嘟。蓮子大大粒煲得很腍，而且去了芯，沒有苦味。朋友的芋圓煙韌，有大大球雪糕，椰奶味也香。她說不錯吃。整體來說甜品保持質素，價錢也不貴，難怪每次晚飯完，門外都排了長龍。

呢間糖水舖其實都bookmark左好耐，雖然係以合桃為賣點，但佢地既芋圓同吸睛👀紫薯球其實同樣咁受歡迎，身為超級仙草芋圓控既yαɴɴy又點會錯過，早排終於成就解鎖啦🔓🤣.甜品舖入面都幾大望落似茶餐廳格局，幫襯當日係星期六下晝5點零都坐左3檯食客，有兩檯仲要係呀叔，所以食糖水真係並非女生既專利🤫.Menu上紫薯芋圓系列有頗多款式供應，如果你同yαɴɴy一樣都係有選擇困難症的話應該都要諗好耐先決定到食邊款😆******************************✨芋圓喳咋(♨️熱/🧊凍) ($32)個人一向認為傳統中式糖水食熱♨️既更容易食到食材既香味👅 呢度糖水份量都幾大碗，起碼唔會碗仔🥣細細/得8成滿🤫主角三色芋圓咬落煙煙韌韌，味道天然唯獨比較淡，整體不過不失🤔 至於喳咋食落偏甜但係份量就好足料，入面有超多豆類、芋頭球粒同埋西米，食完成碗已經好飽肚，如果大家打算做飯後甜品既話記得晚餐唔好食太飽🙈-✨紫薯香芋雪樂冰.芋圓紫米露 ($34)呢碗係凍食🧊，個人認為好食過芋圓喳咋😋首先紫米煮得夠晒火喉，食落粒粒分明唔會有硬米既口感，就算凍食都無減紫米既香氣🤩 紫薯球單純係一球紫薯蓉，食得出甜味

旺角日日晚飯時間處處是人，想找個地方坐耐d，食下野，吹下水真係一啲都唔易。但我自己就有個心水好地方就係太子的——海記合桃坊。我喜歡這兒的甜品有中又有西，有冷有熱。但其實我每次都好鐘意叫伍地嘅紫薯和香港人至愛的台灣芋圓系列甜品! 呢排天氣日日都30幾度，我咁鬼怕熱當然係叫凍冰冰嘅甜品。紫薯蓉芋圓配香芋雪樂冰呢間海記嘅紫薯、紫薯圓、紅薯圓和芋圓非常好味。啖啖的紫薯無根，入口即化，濃郁嘅紫薯清甜香氣，而紫薯芋圓彈牙，有口感，仲有啖啖芋圓味。加上芋頭味的雪冰一齊吃。 係我每次喺旺角食完飯，想食糖水吹吓水行過都必食的推介。