海記合桃坊甜品

Open Now

Now Closed

事緣，太子唔多糖水，所以去左呢間。店面只有2個員工，所以入座後，冇員工落單都明。由於是同朋友一齊去食，所以1人1個，再share 食。食物到左，叫佢俾每人一個碗仔，佢俾一個。唔緊要，自己攞（手有消毒）。之後叫佢俾多2隻匙羹， 佢就話，你地食咩要咁多餐具，環保呀，唔好用。如果真係環保， 麻煩你間店就轉哂可重用既餐具。佢地而家用既，都係即棄膠羹。同埋都好聲好氣叫佢俾，估唔到咁既態度，最後都係冇俾到我地。唔會再幫襯。

今晚與仔仔在太子附近晚飯.晚飯完畢.仔仔話要去食糖水.於是在OpenRice找尋糖水店.剛巧附近有間（海記合桃糊甜品店）我哋慢慢行過去.去到門口覺得很整潔.門口廚窗玻璃貼有多類型嘅甜品貼圖.其中一張係沙沙合桃糊嘅介紹.覺得好似好掂喎！入到去我哋三個人坐喺張四人卡位.舖內整潔光猛.座位舒適鬆動。點餐如下：1. 沙沙合桃糊（熱）X 1 $32元2. 薑汁芝麻湯圓 X 1 $28元3. 當榴槤遇上芒果 X 1 $50元4. 紫薯香芋雪樂冰芋圓紫米露 X 1 $39元

同閨蜜s食完Korea 炸雞之後去食甜品，搵到呢間，應該主打中式糖水，因為當日天氣好熱，完全唔想食熱野，又由於我太鐘情芒果，所以我同另外2個閨蜜叫左凍嘅甜品，叫之前我已經叫左我個fd 杏仁糊唔好叫凍，佢唔聽，最後佢個碗最賴野凍杏仁糊👎🏻👎🏻👎🏻👎🏻👎🏻超甜，食落好怪，我個fd 已經好努力，唔想浪費，但最後都係食淨咁多椰汁紫米雪樂冰👍🏻👍🏻👍🏻呢個係4碗之中最正常芒果小丸子雪樂冰👍🏻👍🏻個雪樂冰得dd 芒果味，好少芒果，芒果唔咁又冇芒果味，個芒果汁晤係鮮芒果打出黎芒果黑珍珠👍🏻👍🏻冇芒果汁，水Nel Nel ,勁少芒果，芒果唔甜又冇芒果味我覺得佢d中式糖水應該可能或者係幾好，可惜中式糖水熱食先好味，而當時天氣實在不容我地寵幸佢地

食完晚餐後，同朋友諗緊太子有咩糖水好食呢？🤔靈機一觸，不如就食「海記合桃坊甜品」。首先叫咗個雙拼「合桃糊+芝麻糊」個人認為熱食係正好多👍，一放入口濃濃嘅合桃糊味好香滑，唔會太濃稠，而夾埋芝麻糊一齊食唔會太甜，不過芝麻糊有少少蓋過合桃糊味，下次可以分開叫一碗可能食得開心啲另外兩碗叫咗「紫薯香芋雪樂冰芋圓紫米露」，有一碗加咗$10多芋圓，分別有紫薯同香芋雪糕，好鍾意食香芋雪糕好濃郁嘅芋頭味，而紫薯雪糕好香滑，芋圓份量亦好多，食落口好煙煙韌靭，好有咬口，夾埋紫米露一齊食口感好豐富，啱晒夏天食。

喺限聚令之下有好多餐廳都好早Last order然後閂門，想同一班好耐冇見嘅朋友見多一陣都唔得，所以飯後就一定唔少得甜品，但香港嘅甜品店係疫情嘅影響下有好多間都撐唔住🥲記得上一次去到海記合桃坊甜品已經係7或8年前，呢一家亦都係經歷過風風雨雨，見到佢出咗唔同嘅新式甜品，切合返香港人嘅口味，都出咗唔少力👍🏻👍🏻 不過今次同一班朋友去食都係叫咗啲比較傳統嘅糖水😋😋 養生最緊要，我都係食返佢哋最出名嘅合桃芝麻糊🤤如果要食嘅話一定要食熱嘅😂上一次食，我都係食合桃芝麻糊😂因為呢個係佢地特色招牌甜品，隔左咁耐都要食番一次，雖然個味道我已經唔記得咗啦，而今次食嘅評價係，我覺得合桃糊芝麻糊合拼埋一齊係好香好滑，有香濃合桃同芝麻味😋不過我都係鐘意傳統港式甜品，希望傳統嘅味道過多十年、二十年、三十年都仲食到👍🏻⭐️合桃芝麻糊 💰$29⭐️杏仁合桃糊 💰$29⭐️紅豆豆腐花 💰$21⭐️薑汁燉鮮奶 💰$33⭐️紫薯芋圓紅豆沙💰$35⭐️木瓜杏仁燉雪耳 💰$27⭐️紅豆抹茶雪樂豆腐花 💰$28

忽然想食合桃糊，於是上網查下附近有沒有出名的糖水鋪，見到海記有個沙沙合桃糊，有合桃粒粒咬下好似幾正，於是就行過去買碗試下。當日先行去舊鋪，遇上整冷氣未開門，以為無得食之際，就見到隔離街原來開了新店，店面環境更靚更舒服，下次我就識路啦！除了合桃糊，店內也有各式中式糖水豆花，仲有台式芋圓甜品添。外賣兩個甜品帶走，上面的合桃碎和糖粉，都係回家自己倒的，唔會浸到腍晒。沙沙合桃糊HK$32合桃糊夠香夠濃夠滑但又唔會好甜，有合桃粒咬下多個口感係無咁膩，食完一碗好滿足。糖不甩HK$26好耐無食糖不甩，其實主要想有煙韌的波波咬下，湯圓夠晒彈牙，沾上砂糖、芝麻、花生和椰絲粉，簡單又美味。真高興找到附近有好吃的糖水店，得閒又再去買下先。

除了傳統甜品外, 這間小店主打芋圓系列、雪樂冰, 糖水款式選擇多, 環境簡約舒適, 一到晚上更是坐無虛席芋圓是台灣著名小食之一, 而且放在糖水中很百搭, 芋圓口感煙韌、軟Q彈牙我們點了紫薯芋圓紅豆沙（一熱一凍）熱的味道比較出, 內有蓮子、紅豆入口軟腍, 甜度適中紫薯香芋雪樂冰芋圓紫米露分別有紫薯及香芋味雪糕, 很喜歡紫薯雪糕味, 味道濃郁香滑、淡淡椰香味的紫米露、口感綿滑味道不錯香芋雪樂冰芋圓西米露炎熱的夏天之選, 西米露是經典的港式糖水, 香甜爽口、晶瑩透亮, 甜度剛剛好整體不錯, 上枱速度快, 不得不提芋圓份量多, 非常滿足

食完飯就緊係搵d甜品食下老公出開旺角就叫佢買海記返黎食叫左桑寄生蓮子茶走雞蛋 次次都品會叫蛋因為太飽了要雞蛋貴$2桑寄生女仔食咗幾養生所以我間中都會食一向覺得海記嘅桑寄生幾好味不過今次食覺得偏甜左食咗一半覺得太甜都食唔到了但入邊好多蓮子同紅棗都算足料本身想叫合桃露不過老公買左錯買左陳皮紅豆沙第一次食呢度嘅紅豆沙紅豆沙反而冇甜味道適中而且起晒沙紅豆沙仲足料紅豆好大粒入邊有陳皮蓮子同百合每啖都有好有口感食完一碗都好夠飽了

見到門口有人排隊，諗住實ok啦，所以同屋企人拎位我地7大人1小朋友，叫咗七碗糖水有2碗都叫咗佢個『芒果小丸子雪樂冰』，其他5碗我冇記到因為天氣太熱，好想食冰，見佢menu寫住係冰沙，咪叫黎食點知，黎到之後係芒果雪糕！仲要係有雪櫃味的芒果雪糕！d小丸子係純面粉搓成，勁大浸面粉味。我勉強食咗幾啖就食唔落，浸雪櫃味真係好難頂。我問咗個當時做侍應的uncle，對話如下：我:『唔該，想問下呢d係雪糕定冰沙？』佢:『係雪糕』我:『唔係冰沙咩？我見menu寫住係冰沙』佢:『我地呢度冇冰沙』我:『哦，咁你地可能要menu上面寫返消楚d』佢:『有意見你可以打俾我地老細』最後個句佢一路講一路行開what???態度洗唔洗咁差？碗野已經難食，態度都咁差，真係冇下次利伸：影咗佢口中的老細電話，已經send咗whatsapp，唔知有冇feedback呢出鋪頭之後問返其他屋企人，話佢地碗野好一般。

海記合桃坊甜品主打各款芋圓糖水、招牌合桃糊、大良燉鮮奶等，最受歡迎的是招牌沙沙合桃糊，合桃糊口感順滑易入口，非常香濃，表面鋪上大量新鮮的合桃碎，口感豐富。紫薯香芋雪樂冰芋圓紫米露芋圓外形較圓、口感煙韌較硬身，兩球雪樂冰，分別是紫薯和芋頭味，芋頭沙冰雪糕內更有一粒粒的芋頭粒，口感豐富。

海記合桃坊甜品 🍮📍 太子西洋菜南街212號地下港鐵太子站 B2出口,步行約4分鐘♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎難得同朋友出街， 行到累累地梗係食返碗糖水先😂。 而今次就揀左主打食中式糖水既海記，佢地既糖水係比較足料，都算係唔錯🙈👍🏻。🌟薑汁燉鮮奶（熱） $30食落口好滑，唔會話燉到好老，而薑汁都算濃味。🌟 木瓜杏仁燉雪耳 （熱） $24呢個都算係抵食😂，只係$24 ，仲要咁足料😆，味道唔會好甜，清清地， 都唔錯。整體推介指數：❤️❤️❤️🤍🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎

由細到大都好鐘意食合桃糊, 但搵一碗好食既真係唔容易, 朋友介紹下去左太子 "海記合桃坊甜品"!🤭喺太子有兩間分店, 是但入左一間, 叫左碗好出名既 "沙沙合桃糊"! 第一啖已經好驚喜!!😱😱 起初會擔心合桃碎又乾又渴喉, 點知呢個感覺係脆但又唔乾, 仲有啲香甜, 而且仲好多添!😋 配上超級非常香滑既合桃糊, 真係好夾! **試過唔要合桃碎, 只係食合桃糊.. 嗰種香滑真係好正, 完全唔係落生油嗰種滑, 真係試過就知幾好食!

呢間係老字號，可能好多人都去過😎今晚食完飯，行過見到合桃糊張相，突然間好想食，所以即刻衝左入去。我哋六個人，叫咗三碗沙沙合桃糊，一碗蓮子燉奶，一碗黑芝麻糊溝杏仁露，一碗紫薯芋頭雪糕加芋圓，一個芒果腸粉再加一個糖不甩。超級大滿足呀！😋😋其中我覺得最出色嘅依然係主打嘅沙沙合桃糊，呢款甜品真係好特別，合桃糊仲要加埋合桃碎，口感極為豐富，係我食過咁多間甜品店裏面最出色嘅，下次有機會一定會再食。😎😎

🚆近太子港鐵站, 地點非常方便！行過以為這家是新店,原來是新裝修咗✨之前食過一次覺得冇乜特別, 今次再試有驚喜🥰💫舖面光猛, 店內整潔舒適🍧多款特色甜品選擇🌟紫薯芋圓好吸引, 仲有好多唔同配搭嘅選擇😍揀下揀下結果揀咗呢個🥭芒果布丁$44因為一次過滿足晒我食到雪糕,生果,甜品嘅慾望😍芒果夠甜肉厚布甸入口軟滑雪糕都冇得輸,夠creamy口感💕🥣香草海帶綠豆沙 $20朋友點的綠豆沙,我試咗兩啖好香嘅香草味又唔會太甜綠豆夠淋身好綿口, 材料充足！👍😋

同friend 食飽飽dinner, 緊係食下甜品點飽都好甜品有第2個胃行左一陣見到呢海記有唔係傳統甜品記走入去try try3個人叫左都唔係傳統的中式甜品紫薯香芋雪樂冰系列叫左2款香芋雪樂冰芋圓西米露紫薯香芋雪樂冰芋圓紫米露朋友like mango 叫左芒果黑珍珠em.......覺得一般般，甜度剛剛好，中式甜品店都係食返中式傳統甜品好食返合桃糊，芝麻糊好d heehee但係價錢都幾抵食，唔洗$40 就食到一款想止下口痕都可以試試