海記合桃坊甜品

Open Now

Now Closed

我是外買一碗渣咋，回到家一看根本就沒有豆，只有芋頭同埋糖水，我真的不知道海記是如何定義渣咋，全完貨不對版，我不知道是不是店員制作有問題，我覺得貴公司要正式問題。我平時經過都見無人幫襯，原來是有原因！我買的是一碗渣咋，不是芋頭糖水，請不要欺騙消費者好嗎？

平時我去開附近嘅中式糖水舖，今日心血來潮又帶住小朋友，就諗住食啲繽紛啲嘅糖水啦，點知惡夢就係咁樣就開始咗⋯⋯餐牌印製精美，好多款糖水都圖文並茂，睇相真係好多都好吸引，所以我哋一行四人左揀右揀，為自己精挑細選咗幾款甜品。紫薯香芋雪樂冰芋圓紫米露算係最高質素嘅一碗，紫薯有紫薯味，但香芋就完全冇香芋味，芋圓口感正常都少少Q彈但味道唔突出，基本上全碗甜品最好味嘅就係喺最底層嘅紫米露。芒果腸粉都明知係gimmick，白色係椰汁味嘅「腸粉皮」，然後就包住芒果肉，芒果雖然都甜，但份量就偷工減料，總共兩條分四件共八件，為處於旁邊嗰四件基本上冇乜芒果肉，我可以講側邊每一件嘅芒果肉只有中間嘅六份一左右，所以食到嘅基本上係椰汁皮同芒果汁。同佢餐牌上嗰幅圖比較，應該少咗成個芒果嘅份量！而呢個菠蘿雪樂冰豆腐花呢個配搭根本係一個錯配，菠蘿嘅酸性會改變咗豆腐花嘅口感，變得唔再香滑，所以根本唔應該推出呢一個配搭俾客人選擇，而且佢嘅雪樂冰份量少得驚人，又係一個照騙！大家見到呢個芒果布甸賣相屬於最正常最似樣係咪？但其實呢個先係最惡夢，因為佢個芒果布甸係變壞咗嘅，食第一啖就發現刺鼻嘅酸味，當然即刻要求更換啦，店員雖然由頭到

趁清明節放假，我跟好姊妹入住土瓜灣8度海逸酒店兩日一夜 Staycation！ 我們這兩天走到土瓜灣一帶尋找美食，當是兩天香港美食之旅吧！ COVID-19 新型冠狀病毒肺炎疫情之下，我們可算是抗疫美食敢死隊呀！食完下午茶，經過欣榮花園，見到 <海記合桃坊甜品>，既有傳統甜品，又有新派甜品，款式口味新舊共融，令我們兩人蠢蠢欲動！Menu腐竹薏米蓮子 $17稀餾餾的，蓮子亦未夠軟腍，她認為有助下火！抹茶牛乳奶凍 $36抹茶牛乳奶凍質感頗為結實，抹茶味道亦幾淡薄，配料有大大粒的紅豆，又未至於粉腍，略帶硬身！白色的粉圓就似無餡的湯圓，雪米糍相信是買回來的貨色，粉紫色芋頭味！正是全份未及預期的甜品，唯一較好的一環！

🇭🇰海記合桃坊甜品以前👩🏻做完gym但又糖上癮就成日都去海記食佢地既糖品最愛都係芋圓同埋芒果腸粉🥭-🍠紫薯香芋雪樂冰芋圓椰汁紫米露(💰$36)芋圓份量超多 唔鐘意食紫薯或芋圓雪糕其實仲可以叫佢地換多份芋圓代替🙆🏻‍♀️🙆🏻‍♀️芋圓唔算腍身 反而係較硬 好煙韌彈牙-🥭芒果腸粉(💰$43)價錢雖然比起街外的貴但完全值得 腸粉皮薄得黎好滑好香🥥椰子味 包住大大舊果肉Topping 有大量芒果汁 配酸酸甜甜的芒果

同朋友係土瓜灣食完飯，想傾多陣計，於是同朋友去咗海記食糖水，原來朋友係第一次食海記，明明就有好多分店😂😂我要咗個芋圓西米露，而朋友就要咗個紅豆沙芋圓，芋圓煙韌，味道不錯，服務員態度良好👍🏻👍🏻

星期五晚上晚飯過後想吃甜品， 專程來到海記合桃坊甜品， 竟然超多人在門口排隊， 因為附近沒有其他地方選擇所以我們都排了一會， 幸好大約十分鐘可以入去。 當晚吃合桃糊和芋圓綠豆沙， 合桃糊補腎健腦， 合桃味甘香， 口感滑溜。 芋圓綠豆沙都好味， 尤其是綠豆沙好香， 還可以有清熱效果。 兩碗中式糖水都幾好， 價錢便宜， 性價比高的糖水店。其實店內仲有很多款甜品選擇，下次會再來試不同的。海記合桃坊甜品地址: 太子西洋菜南街232號

土瓜灣食完飯之後覺得未夠喉經過幾次海記都冇試過所以今次就黎試吓啦沙沙合桃糊 $23呢度嘅糖水價錢好親民一碗合桃糊只不過係$23而且非常足料沙沙合桃糊可以話係其中一樣招牌糖水食嘅時候加上合桃碎有啲嘢咬下嘅感覺都幾好入面好似冇見過有合桃係會有合桃碎紫薯香芋雪樂冰芋圓椰汁紫米露 $36首先我本來就好鍾意食椰汁紫米露今次加咗紫薯同芋圓雪糕🍦兩隻味道我都好鍾意不過芋圓就硬左少少🤏但食落都幾煙銀呢個價錢一次過滿足到咁多個願望出面閑閑哋$50都走唔甩所以性價比都算高可以再食

33蚊一碗芒果黑珍珠(亞蘭籽)有芒果,黑珍珠,椰果 上次食過有珍珠 今次食得 兩粒椰果 變咗味嘅芒果汁 一碗亞蘭籽 體驗極差 33蚊食碗5蚊都唔使嘅糖水 次次食海記總會中伏 酒釀小丸子d小丸子就入口即化 overcooked 海記糖水個名就咁樣敗壞 細個行過海記門口就好香 好吸引 呢幾年唔知發生咩事 自己招牌做唔掂 又開發d難食新糖水 紫米配西瓜 咩都可以加豆腐花、芋圓 招牌芝麻糊都過甜 又難食 體驗一次比一次差 下次唔會再食海記 Open rice要有200字先可以俾差評 海記難食到我好好好好好想俾差評

食完飯唔係好夠喉，於是睇下附近有咩甜品舖，見有海記就入去食下。.我每次去海記都會食芋圓，因為食過咁多間甜品店，佢地嘅芋圓算係幾好。.今次都無例外，叫左香芋雪樂冰芋圓西米露($29)雪樂冰其實係類似雪葩嘅野，香芋雪樂冰好好食，有芋頭嘅香味，鍾意食芋頭嘅人唔可以錯過！今次食到嘅芋圓比其他分店好似細粒啲，不過味道同咬口依然係好好！打底嘅係椰汁西米露，味道偏甜，不過配合淡味道啲嘅香芋係啱啱好。另外，我地仲叫左芒果小丸子雪樂冰($41)。芒果雪樂冰一樣係好好食，而且食落甜啲，適合夏天食。相比起芋圓，小丸子無咁好食，可能我麻麻地小丸子咬落去個種感覺。另一樣我好鍾意嘅係呢個甜品加左柚子同爆爆珠，食落更有口感。海記甜品好少會中伏，even係紫薯系列都幾好食，大家可以一試！

每個星期3晚上要上堂放學就突然想食甜品土瓜灣唔多甜品店最近撞左入"海記合桃坊甜品"紫薯香芋雪樂冰配芋圓 ($36)幾款都好吸引我。芋圓三色，蕃薯，紫薯，芋頭香芋雪樂冰，中間有芋頭肉其實我個人麻麻地芋頭，但我都覺好食一球紫薯係重點好香，有紫薯味，但唔甜感覺健康好多比想像中大碗椰汁紫米雪樂冰 ($39)椰汁味清清地。容易入口芒果唔係當造，唔算好甜水果算新鮮，紫米好飽肚但比起食西式甜品，會少d罪惡感既哈哈哈哈哈

今日相約一大班朋友到土瓜灣吃晚飯， 吃完晚飯後當然就是飯後甜品的時間， 於是就找了這間專吃中式糖水的店舖。這間糖水舖屬於連鎖式經營的店舖， 在香港各地均有分店。 這裏專營中式糖水， 特別是它的合桃糊， 標榜內地雲南直送到港的。這次我就嗌了一碗沙沙合桃糊， 這款糖水可算是這間店的皇牌， 店家為了增加合桃的香味， 除了合桃本身帶有濃烈合桃味， 還特別增加了合桃碎在合桃糊上。 因此這味糖水可謂色香味俱全， 每一啖糖水你也可以 吃到實體合桃的口感。 對於喜愛合桃的我來說這味糖水 起碼有90分。

話說香港人都有個習慣食飽飯，明明飽到嘔都要再食甜嘢！今晚食完團年飯，明明飽到上心喉，都叫媽媽同我去食湯水。不過我一直鍾情啲簡單嘅湯水，越傳統我越鍾意。雖然妨間好多西式好靚嘅甜品，但最鍾意始終係中式甜品。由細到大媽媽都係自家整燉蛋比我食，因為自己整唔會太難，加上花費時間又唔會太多！難得同媽咪一齊食糖水，當然唔可以錯過又食燉蛋嘅機會，當然一定比唔上媽咪自家整嘅，但唔駛媽咪自己辛苦整都有得一齊食都開心啊😃

天氣慢慢轉涼，開始變得好乾燥，系時候要食返啲中式滋潤糖水潤一潤。海記甜品系我一直都有幫襯嘅甜品店，舖頭有賣中式傳統糖水，亦有賣西式新穎甜品，你想揀中式或西式都得！今晚食左蓮子燉鮮奶（熱），蓮子保持一貫水準，煲到好捻而且完全無苦味，不過燉奶部分就偏甜，開始食甜度還可以接受，但越食就覺得偏甜了，平時凍食甜度就適中。除左系甜左少少之外，燉奶落口好滑，好潤喉，而且燉得夠厚身，唔會系攪多幾下就出水，水稀稀咁樣。

剛剛與朋友在土瓜灣吃過晚飯後，就經過一間甜品店。而這間甜品店是我最常去的其中一間，因為我經常在這間店買外賣，會買紫米露芋圓回家吃。而今次我叫了熱食，因為天氣轉涼了這碗合桃糊真的很足料，可以看到碗上鋪滿了合桃碎。吃了第一淡，覺得合桃味很濃郁，很香。聽說這道甜品是這間店的招牌甜品，難怪質素那麼有保證，和好吃啦。與朋友最開心就是坐在一起吃甜品，談天說地。吃完甜品，彷彿為這個晚上劃上了完滿的記號。期待下一次的聚會。

本身一直都已經好鍾意食糖水，今個星期經過朋友嘅介紹難得嚟到土瓜灣佢叫我一定要試吓呢度好出名嘅糖水舖，所以我就入咗嚟一是你開啦，我叫咗一個咋喳戶縣糖水，話說本人對糖水一直都情有獨鍾，試過之後真係一試藍芒，好足好多集豆，而且唔會好林申，至於唔完份量好多，入口in銀銀， QQ地，特別好有口感，你一個糖水真係可以令我一試難忘。而且又唔貴，價錢十分之大眾化，環境乾淨又整齊，而且品種又多，老少咸宜。朋友果然冇介紹錯，難得我住咁遠都專登嚟到呢度食糖水，但係之後先發現原來呢間鋪頭有好多分店，連旺角都有。