Video
Read full review
2021-03-06
439 views
平時我去開附近嘅中式糖水舖，今日心血來潮又帶住小朋友，就諗住食啲繽紛啲嘅糖水啦，點知惡夢就係咁樣就開始咗⋯⋯餐牌印製精美，好多款糖水都圖文並茂，睇相真係好多都好吸引，所以我哋一行四人左揀右揀，為自己精挑細選咗幾款甜品。紫薯香芋雪樂冰芋圓紫米露算係最高質素嘅一碗，紫薯有紫薯味，但香芋就完全冇香芋味，芋圓口感正常都少少Q彈但味道唔突出，基本上全碗甜品最好味嘅就係喺最底層嘅紫米露。芒果腸粉都明知係gimmick，白色係椰汁味嘅「腸粉皮」，然後就包住芒果肉，芒果雖然都甜，但份量就偷工減料，總共兩條分四件共八件，為處於旁邊嗰四件基本上冇乜芒果肉，我可以講側邊每一件嘅芒果肉只有中間嘅六份一左右，所以食到嘅基本上係椰汁皮同芒果汁。同佢餐牌上嗰幅圖比較，應該少咗成個芒果嘅份量！而呢個菠蘿雪樂冰豆腐花呢個配搭根本係一個錯配，菠蘿嘅酸性會改變咗豆腐花嘅口感，變得唔再香滑，所以根本唔應該推出呢一個配搭俾客人選擇，而且佢嘅雪樂冰份量少得驚人，又係一個照騙！大家見到呢個芒果布甸賣相屬於最正常最似樣係咪？但其實呢個先係最惡夢，因為佢個芒果布甸係變壞咗嘅，食第一啖就發現刺鼻嘅酸味，當然即刻要求更換啦，店員雖然由頭到
餐牌印製精美，好多款糖水都圖文並茂，睇相真係好多都好吸引，所以我哋一行四人左揀右揀，為自己精挑細選咗幾款甜品。
紫薯香芋雪樂冰芋圓紫米露算係最高質素嘅一碗，紫薯有紫薯味，但香芋就完全冇香芋味，芋圓口感正常都少少Q彈但味道唔突出，基本上全碗甜品最好味嘅就係喺最底層嘅紫米露。
芒果腸粉都明知係gimmick，白色係椰汁味嘅「腸粉皮」，然後就包住芒果肉，芒果雖然都甜，但份量就偷工減料，總共兩條分四件共八件，為處於旁邊嗰四件基本上冇乜芒果肉，我可以講側邊每一件嘅芒果肉只有中間嘅六份一左右，所以食到嘅基本上係椰汁皮同芒果汁。同佢餐牌上嗰幅圖比較，應該少咗成個芒果嘅份量！
而呢個菠蘿雪樂冰豆腐花呢個配搭根本係一個錯配，菠蘿嘅酸性會改變咗豆腐花嘅口感，變得唔再香滑，所以根本唔應該推出呢一個配搭俾客人選擇，而且佢嘅雪樂冰份量少得驚人，又係一個照騙！
大家見到呢個芒果布甸賣相屬於最正常最似樣係咪？但其實呢個先係最惡夢，因為佢個芒果布甸係變壞咗嘅，食第一啖就發現刺鼻嘅酸味，當然即刻要求更換啦，店員雖然由頭到尾連一句「唔好意思」都冇講過，我哋仲好好心咁樣不斷提醒佢，叫佢check吓入面其他芒果布甸係咪都變壞咗，但佢完全冇反應，不過都好慷慨咁俾我哋換過另外一款甜品。
我哋就揀轉成呢個可可奶凍，相入面有一球雪糕、朱古力布甸、香蕉同埋棉花糖，小朋友對於棉花糖就最期待。
但一嚟到嘅時候，點解會變成咁樣㗎？？？究竟說好嘅香蕉同棉花糖去咗邊？咁我哋當然會追問店員啦，佢就咁一句話「係呀而家改咗」咁就完㗎喇，我問佢點解我落單時佢唔出聲，佢冇正面回應，只係話如果唔啱食可以再換過另一款。但係我就真係冇勇氣再換落去，唯有快快趣忍氣吞聲咁樣吞幾啖就算。仲有，佢嘅芒果雪糕係完全冇芒果味嘅，真係唔知自己食緊啲乜😅
其實我都曾經幫襯過海記其他分店，印象中出品服務都屬正常水平，但呢間分店真係令我震驚🤯今時今日嘅香港社會，窩夫冇格仔紋都可以向海關舉報嘅世代，我覺得我呢個遭遇就更加值得叫海關跟進！
Post
