海記合桃坊甜品

Open Now

Now Closed

未食過咁稀嘅楊枝甘露。呢碗到底乜野嚟。炎炎夏日，本身諗住食碗糖水涼浸浸，吖點知碗野嚟到，咁稀嘅。。好在同佢講完都肯取消，要加返分！！睇返劣評，原來2014年已經咁稀，可能係我有眼不識泰山，楊枝甘露真係可以咁稀，仲有無芒果味，得糖水味。

食完九記經過就入黎食個甜品啦～同朋友叫左一個芝麻糊一個腐竹白果糖水share. 兩碗都加左清心丸，因為依家唔多地方有。先講下清心丸，感覺已沒有以前小時候食的嚼勁，只可以講係可以懷緬一下。腐竹蓮子糖水的蓮子唔錯，不苦而且有少少彈力。糖水不是杰身的，清清地，不太甜。芝麻糊質地好滑，質地濃稠，但略嫌芝麻味唔夠香，我個人比較鍾意芝麻味濃及粗糙少少的質感。下次會來試椰皇燉奶及當芒果遇上榴槤，因見佢平均的價錢都唔貴

海記嘅甜品，整體質素都好高，而佢哋最招牌嘅一定係佢哋嘅合桃露同埋芝麻糊等等生磨嘅甜品。佢哋嘅芝麻糊真係非常之香濃，龍龍嘅芝麻香配上香滑嘅口感，鍾意食芝麻糊嘅一定唔可以錯過！另外佢哋嘅新式甜品都好受歡迎㗎，例如係佢哋嘅「紫醉金迷」，香濃嘅紫米露，紫米煙煙，人人再加埋一球芒果味嘅雪糕🤪真係好好食㗎 ！另外佢哋嘅芋圓都唔錯🫶🏻三色唔轉可以配椰汁西米露等等嘅甜品，互轉口感煙煙韌韌，但係就略嫌芋頭味唔夠重，但都可以過吓口隱😋

聽朋友講係喺土瓜灣開咗好多年嘅糖水舖，而且咁多年來價錢都唔係加咗好多，當然價錢偏貴嘅糖水舖，而家反而變咗性價比之選😂😂試咗幾款佢哋嘅糖水都覺得好好味，而且真係好足料，西米露嘅西米數量係非常多，好似食粥咁🤣🤣芋丸都幾煙韌，芋頭味幾出！我最鍾意佢哋嘅雪糕可以喚做榴槤味，而且唔使加錢，雪糕嘅質地，雖然唔算係好軟滑，但係以我叫嘅榴槤味來講佢嘅榴槤味都算係非常之嘅出，如果鍾意食榴槤嘅朋友，記得同姐姐講樽雪糕可以免費轉成榴槤味呀

📍 海記合桃坊甜品 (土瓜灣)土瓜灣美景街73號地舖海記合桃坊甜品 (太子)太子西洋菜南街238號地舖位於土瓜灣的糖水店海記合桃坊甜品@hoikeewalnut，以出色的合桃甜品聞名，是一間老字號港式甜品，價錢吸引，份量又足，抵食。而且餐牌的數量好多，不怕揀不到心水糖水。首先是楊枝甘露，芒果果肉切成小塊，西米粒清晰可見，再加上濃濃的椰汁味，讓人垂涎欲滴。一口吃下去，感覺到清爽甜美的芒果味，西米的口感也很好，非常有嚼勁。接下來是芋圓仙草凍，芋圓的口感非常Q彈，加上仙草的清香，糖水的甜度也恰到好處。最後是芒果腸粉，由米粉皮和芒果製成，內層包裹著香甜的芒果果肉，整體看起來非常吸引人。我第一口咬下去，感覺到米粉皮軟嫩且帶有芒果的香氣，芒果果肉也非常甜美，口感非常豐富。

haha我又去食啦🍮今次係裝修之後第一次去堂食由於時間尚早所以得一兩枱客裝修後店舖好新淨 同光猛左好多👍🏻食左幾次核桃露今次叫左碗芋圓綠豆西米露碗野嘅presentation就係一碗芋圓綠豆沙上面有一督西米自己攪兩攪再入口😋綠豆沙底幾正 仲有啲海帶西米同芋圓略嫌淋得濟冇乜咬口🫦overall都ok 只係唔夠熱….但都足料同飽肚另外今次試左兩啖隔離碗木瓜杏仁雪耳一上枱望落好乾…好似唔夠糖水咁(或者只係啲材料太澎湃🤭)幾清甜 食落好潤會想一啖接一啖咁食😌雪耳量好夠但木瓜可以擺多兩舊😬

🌟餐廳：海記合桃坊甜品📍地址：土瓜灣美景街73號地舖💰價位：$50以下⏰營業時間：星期一至日15:00 - 01:00📱電話：23301951今晚同成班朋友去土瓜灣dinner，食完晚飯之後想搵個地方繼續傾多陣計，就去咗附近既海記合桃坊甜品～餐廳環境光猛潔淨，地方寬敞，坐得舒適。甜品種類選擇眾多，總有一款岩～———————————————————🔹 龍眼冰鮮果椰青凍大大粒新鮮龍眼特別香甜，食落飽滿又多汁～中間一大球雪白龍眼冰用上新鮮龍眼製成，用料絕不馬虎！整體甜度剛好，入口清新醒胃透心涼，絕對係春夏佳品～———————————————————🔹 腐竹薏米蓮子清心丸雞蛋糖水款款材料都份量十足，係飽肚之選既糖水～腐竹軟滑、薏米有咬口，蓮子夠清香～仲有我最愛既Q彈清心丸，好有口感！———————————————————🔹 桑寄生蓮子紅棗蛋茶行氣活血、滋陰養顏一流，好岩女士們～入口微甘無苦澀味，店員仲話，原來除咗養顏亦有補肝補腎功能，呢排成日都腰酸骨痛，即刻飲多兩啖先～———————————————————🔹 薑汁燉鮮奶香甜滑溜，散發淡淡薑汁香，夠哂暖胃～———————————————————

合桃糊海記最有名是各種合桃糊，沙沙合桃糊充滿合桃碎。合桃碎好香合桃味, 個糊底好滑, 甜度OK. 法式焦糖燉蛋 焦糖皮勁厚，落得太多糖, 燉蛋有淡淡蛋香, 又夠滑, 燉蛋味道幾好。

以前試過好幾次係美景街店買芒果布丁外賣回家食，酸的，冇辦法退，有次去欣榮店堂食又酸即換！今晚又衰，美景店買2個楊枝甘露回家食又酸，你地店食材點解可以咁樣？賣啲唔新鮮食品

今日黎到海記 食左個甜品 呢間舖頭既甜品唔錯 食完又想再食 我今日叫左個芒果腸粉同埋芝麻合桃露 芒果腸粉外形同腸粉一模一樣椰汁皮白雪雪 十分靚 面層既係芒果椰汁 入面仲有一條好長好粗既芒果肉😍😍😍🥰🥰🥰 賣相好吸引 食落椰汁皮又香又滑 值得試下 價錢都唔貴 只係40蚊左右。另外叫左個傳統既芝麻合桃露 好香好好食 好濃既味道 令人一試難忘。❤️❤️❤️ 價錢只係22蚊👍👍👍

真係行過先知呢度有一間分店， 行到身水身汗 ，真係熱到行唔喐，就走咗去食糖水好彩合桃露有凍，如果熱就真係唔想食友人要咗楊枝甘露叫咗合桃露先再睇餐牌又覺得其他嘢好似仲好食去到最尾食完先發現原來淨係可以畀現金，竟然係冇八達通，因為之前太子嗰間係可以畀八達通，有點兒無奈

在不起眼的街頭門口已有易拉架推介台式飲品店內座位十分多黃昏接近晚飯時間，店內無乜人。打開餐牌，中西台式好多選擇，慢慢揀.......凍熱均有冬瓜茶配上豆腐花/ 仙草正常飲品腐竹薏米蓮子友人說沒有白果好古怪！偏甜偏甜。桑寄生蓮子茶偏甜的茶是液體狀態糖不甩一般一般底下好多水，太濕！芝麻糖碎碎，不香口，可以多d花生🥜整體一般！可以有更好選擇！⭕️全店職員戴上口罩 ⭕️進店前量度體溫 ⚠️店內堂食，大大使用即棄杯碗叉

黎寫食評先至知道原來呢間海記有幾間分店。叫沙沙核桃糊之前問咗店員沙沙同唔沙沙有D乜野分別，店員話主要睇你想唔想食到核桃粒，如果想食到就叫沙沙，於是我就叫了沙沙。碗野好香核桃味，加上沙沙的核桃粒有得咬下，啱我口味。

不嬲都鍾意食芋圓，因為鍾意佢煙煙靭靭，如果你都鐘意既話，我極推介食 "海記" 既~紫薯芋圓蕃薯糖水🤤芋圓夠煙韌， 番薯糖水又夠薑， 兩者加埋一齊簡直係絕配， 秋冬食最啱，價錢都只不過係34蚊，仲要唔使加一，好味

適逢中秋佳節，最喜歡在晚餐後拎著燈籠去公園和海邊行個大運，去感受一下中秋節氣氛。當晚晚餐後，跟男朋友去玩燈籠，到海邊走走，然後覺得要吃個甜點才切合中秋這節日。路過海記糖水，聽聞是逛出名的，就試一試。坐低之後，睇睇餐牌，有傳統糖水也有較fushion的甜品，選擇很多啊，喜歡吃芋圓的我們也點了一個芋圓，另一個就點了燉杏仁霜。芋圓不錯，有芋頭和南瓜味，質感也不錯，很彈牙。而燉杏仁霜很濃，入面有雪耳，感覺足料又滋潤。不錯，下次一定再來試試其他款式。