海記合桃坊甜品

Open Now

Now Closed

中秋節同男朋友book左馬頭圍附近既酒店慶祝，第一次黎馬頭圍見到周圍都係比較舊既樓，對於陌生既地方第一件事就係上openrice search下有咩好食啦！最後因為係酒店附近就決定試下呢間海記合桃。一去到已經見到好多人堆左係門口同店舖入面，見到咁多人就知道應該唔會中伏既。入到去其實無店員serve自己坐邊架，我地好傻仔咁係店舖門口企左陣，之後見遲過我地黎既人自己入去簡位坐，先知原來呢到係有位就自便咁 坐低menu有好多選擇，我地分別簡左 沙沙合桃糊($23)同埋香芋雪樂冰芋圓西米露 ($29) 沙沙合桃糊好濃好香，大大碗$23，我地都覺得其實一碗已經二人份量，一個人食太飽，兩個人share就岩岩好配埋上面D合核碎都幾好咬。另一碗都好有驚喜！雪樂冰好特別，係介乎雪糕同雪花冰之間，食落香芋味又幾香，值得一試！而芋圓又幾好咬，味道都唔錯。仲有芋頭粒粒係入面，不過我同男朋友本身都麻麻地芋頭，所以唔識評價。而當中既椰汁西米露就係普通甜品店既水平。總括黎講，如果我有機會再去馬頭圍呢邊，會再返黎呢間舖試下其他甜品

同朋友食完晚飯，又唔想散band住，就提議去食糖水繼續吹水～～～一向都知道土瓜灣上路都有幾多糖水鋪，但當時我地係下路個邊，唔太想特登行上上路咁遠去搵糖水食，於是就搵下附近有冇糖水鋪，點知真係有！依間糖水鋪係小街入面，望落去唔顯眼，但其實地理位置一d都唔難搵，係大街轉入去就會見到～依間糖水鋪都有好多選擇，中式同西式既糖水都有，見再依間有芋圓甜品賣，一於就try try佢😋我揀左香芋雪樂冰芋圓西米露，賣相唔錯，而最令我驚喜既係佢果球香芋雪樂冰，本身望落去以為係最normal既芋頭雪糕，點知佢唔係，真係食到芋頭本身既味，口感好creamy,完全唔係香精味，好好食！而其他配料都ok,不過不失，下次去都會繼續食返依個😋

去朋友到玩，玩到夜緊係要食宵夜啦😆😆我無啦啦想食芋圓，就問朋友邊間芋圓好食，佢就推介海記啦。我覺得佢既芋圓都ok既，其他糖水都幾好食，但講到芋圓，都係葵廣茶理史既芋圓最正😚😚

同老公兩個唸住去食糖水，選左附近呢間海記，夜晚11點去到人不是太多，落單之後上甜品速度幾快，不用等，本身係好開心既去食糖水想食下甜嘢。我點左咋渣，但黎到咋渣味道是苦的，無乜甜味同味道好淡好怪，同食開既咋渣完全唔同味，同佢地講係苦的想加啲甜漿又加到成碗甜漿咁，甜到苦，又唔肯同我換，淨係話同廚房反映下（都解決唔到我既問題）成碗糖水食左幾啖食唔落，好浪費，心情都差曬，最後只有非常唔開心既埋單走人（比左錢但無得食）非常壞的一次食糖水體驗

和朋友聚會 每次吃完了晚飯 因為想繼續聊天 所以都會去吃個甜品 繼續聊還沒有聊完的話題這次去了這間土瓜灣的海記甜品店朋友介紹說這家甜品不錯那就去試試吧非常多選擇的餐牌啊！選了一會兒我才選好呢 因為什麼都想吃呀哈哈他的餐牌整頁都是紫薯口味的呢其實我是想選普通鮮草芋圓 但這種沒有這樣的選擇 所以我最後選了這個紫薯芋圓豆腐花很快就來到了芋圓很QQ 彈牙 不粉豆腐花我覺得味道可以再甜一點就好整體整個甜品也很不錯 下次可以再來試試其他甜品

今次同女朋友去紅磡附近食開野～食完行行下見到海記甜品，就走左入去食手工系列：紫薯雪樂冰芋圓西米露對於唔係好好紫薯芋圓嘅我，都算係有驚喜！先講價錢 二十九圓正算係吸引價，再嚟就係味道啦 都叫唔錯紫薯雪冰樂真係正，我個人推介～只於芋圓口感算係唔錯～不過我覺得甜左少少～如果無咁甜會更好西米露方面就同平常食開的差唔多 正常發揮。總捨嚟講，如果紫薯芋圓控係值得專程黎食，如果係好似我咁唔係太好，行過都可以食下啦！Ps 未試過其他野食～

放假食完個下午茶☕️發現附近有間甜品鋪😏中意煙韌既我😋😋被「手工系列➡️紫薯芋圓」吸引住🤩選擇多，又有不同配搭🤩🤩🤩叫最後左「椰汁紫薯雪樂冰芋圓涼粉」😎賣相吸引，有三色芋圓，非常QQ❤️❤️咬蕾落有此少甜味，不錯👍🏻涼粉一般，普通！紫薯球方面，原本以為係紫薯薯蓉，個食落又有d似雪糕感覺，直到最後先知道原來雪樂冰係採用新鮮食材做出綿滑沙冰😳😳😳🤔我個人就覺得麻麻地😅如果係紫薯蓉就更好啦😋😋😋😋

咁其實呢間海記比我既印象都唔係太好,點不知息完同我第一印象一樣唔係幾好。咁我同女朋友打算去揾一個地方hea下la,所以就近近地去左海記。一入去既時候,個環境都唔係話太差既,ok大而且冇乜人,所以接受到。咁我就叫左個芒果西米露同埋其他有芋圓既甜品。咁我第一啖放入口既時候,「哇」呢個哇唔係因為好食而叫出嚟,而係個芋圓質感好奇怪,粉粉地 令到我有D反感,而且個價錢又唔係話太平,所以我都對呢間冇太大好感,而其他食物都ok既,如果大家聽完我講都有興趣既話可以試下

臨收鋪前入去食，可能係因為咁，店家俾個一次性匙羹人用，唔知係咪因為唔想洗碗，但個膠匙羹邊邊位好鋒利，翻到屋企個嘴流曬血！咁樣做唔環保之餘，其實食客食落都唔舒服。

食完飯, 找間糖水點繼續傾, 朋友話拍大時代果間糖水店麻麻, 推介來到海記。之前食過紫薯芋圓, 用料十足! 今次簡單試左薑汁芝蔴湯圓, 薑汁夠辣, 芝蔴蓉夠幼和香, 第二次幫襯海記, 靠得住!

夏日炎炎， 行一陣都巳經出了一身汗，最好就是找個舖頭坐下， 一邊吃一邊過冷河3點剛剛開舖， 沒太多人， 可以慢慢坐店舖外放著幾個的大大塊易拉架介紹甜品好吸引，甜品控自自然然會行進舖頭紫薯呀！ 應該是期間限定！！還有其他的西式甜品， 但我還是獨愛紫薯中式甜品也有多選擇， 有些還很補身， 適合女仕們店舖冷氣開得大，很爽噢！  空間也算大， 坐位放得有少許密集，但仍可接受。叫餐后等了一會就到了!  有香芋及紫米雪糕球，兩球剛剛滿足到我，也有很多的芋圓， QQ的耶!! 還有椰汁紫米露！食完后超飽價錢比其他旺區的甜品店便宜， 應該主力做街坊生意吧，選擇也多，抵食呀!

紫薯蓉芋圓配香芋雪樂冰宇治金時雪樂冰又到happy friday，當然要吃些令人快樂的好西，來了encore海記的紫薯芋圓～之前都介紹過海記的紫薯甜品系列，其中我地最鍾意紫薯蓉芋圓配香芋雪樂冰，大大顆紫薯蓉配上芋頭雪糕同芋圓真係好吸引。另外今次試埋呢個宇治金時雪樂冰，我地本身唔係綠茶紅豆控，覺得味道都ok，綠茶紅豆始終都係perfect match，不過如果抹茶雪糕的抹茶味再重少少就更好了～

是日尖子飯後想吃糖水, 來到海記. 週五晚上十一時多, 不用等候便可入座, 店內是傳統糖水店的格局, 地方光猛, 但空調開得偏冷.看看menu, 既有西式糖水也有傳統中式糖水. 點選了糖不甩(HK$21), 椰皇燉鮮奶(HK$35). 糖不甩口感過分淋軟, 不夠彈牙. 至於配料, 只有少量花生碎, 反而用上芝麻, 椰絲和糖, 全是沒有咬口的材料, 以至整體口感欠奉, 不太欣賞. 尖子的椰皇燉鮮奶, 味道明顯過甜了, 吃了數口已感覺很膩, 要投降呢!

之前成日見到有人post呢間個紫薯糖水一路覺得好吸引，終於的起心肝去試😈去到九龍城 1130pm左右 佢寫1am收點知去到已經收左但無放棄打去土瓜灣到問！未收即刻沖過去我叫左紫薯芋圓豆花芋圓好煙un，有甜味紫薯容 好大舊 好香但食完真係好滯不過真係幾好味！店員又好態度 幾有禮貌的會再去

已經唔係第一次食哩間海記，因為男友住附近，有時間突然想食糖水都會考慮黎哩間海記解解饞。一直對佢既印象就係不過不失，但自從佢地出左紫薯味既甜品後，令我加分不少。紫薯球足料唔太甜，可以食到好香紫薯味，芋圓好煙韌有咬口，芋冰非常香芋頭味，食落非常綿密甜度適中。全部加埋一齊真係好Match。鍾意食紫薯口味嘅朋友仔一定唔可以錯過。當日男朋友仲叫咗一碗綠豆沙，綠豆沙非常足料，有好香嘅果皮味，亦都係唔會過甜，男友都話好好味。