海天堂 (Closed)

13-4-2013(六)明天，老朋友 CK 將返回慕尼黑。他在臨走前的一刻，前來我家探望，還帶來一堆食物，其中有海天堂的生魚野葛菜湯。這星期，因感冒所致，我已喝下多碗的生魚野葛菜湯，也因此寫下不少的食評。是日仍有少許感冒，但我沒有把生魚野葛菜湯直接服用，而使用它作為菜肉雲吞的湯底，理念是來自於「美味餃子店」的一次飲食經驗，此店是運用生魚野葛菜湯作湯底配以水餃/雲吞一起吃，滋味無窮，一試難忘！既然今日有朋自遠方來，也帶來兩種食材，靈機一觸下，便把兩種混合起來吃。野葛菜水加上生魚的鮮味，濃稠的葛菜味，與及清甜的魚香，整體發揮出清甜且帶有甘味，極具藥用價值，一飲便知真材實料。一口冬菇菜肉雲吞，一啖生魚野葛菜湯，最是滋味！推介給大家！

一說起川貝枇杷膏，總會想起京都念慈庵了。不過，這一回跟京都念慈庵沒有關係，身子有些不好，少許咳，就來了海天堂吃一盅鮮製川貝枇杷膏，因為手上還有很多海天堂現金券，又是大派用場的時間了。 一盅鮮製川貝枇杷膏賣$35，樣子跟龜苓膏很像樣，但味道感覺較為溫順點，少了一點苦味，配以少許糖漿吃，味道很不錯，滑滑甜甜，但又挺實不會太「削身」。當然，吃了不會令人口甜舌滑，因為吃枇杷膏味道也只是其次，功效才是重點，止咳除痰，吃完希望快點好吧！

早排消委會既調查將市面上不同店舖既龜苓膏成份做比較, 原來我之前買落20張禮券既海天堂保鮮裝龜苓膏只係排尾幾, 唔怪之得我食極龜苓膏d 暗瘡依然強勁...所以都係早d 用完d 禮券就算數.平時我去開近荃灣地鐵站既海天堂分店, 今次就試下去沙咀道呢間, 店舖大好多, d 員工又有禮貌. 我同男朋友兩個人去, 只係得我一個食龜苓膏, 男朋友仲要o係人地舖頭食雪糕都冇職員講說話比我地聽.記得之前我去近荃灣地鐵站o個間分店, 我拎張禮券出黎話"外賣熱既", 個職員一眼都冇望過我同張券就叫另一個員工拎個唔知咩包裝既龜苓膏比我, 之後佢先頊轉頭發現我拎住張券, 就即刻大叫個同事"唔好郁", 冇禮貌又嚇親人!講番個保鮮裝龜苓膏, 佢唔算好重味道, 我唔落糖漿都冇問題, 感覺係食緊固體涼茶咁. 食晒d 禮券我估我會轉去幫襯第二間~